Makoi Methodist Production

VEIVAKALOTUTAKI 24.06.26

Mai vakacavari nai matai ni siga ni VEIVAKALOTUTAKI
Era dolava na VEIVAKALOTUTAKI nai Talatala Taniela Baleinakorodawa.

Ai Vurevure 📸 📸
Makoi Methodist Production

VEIVAKALOTUTAKI 15.06.26
Karua ni Wasewase: Lotu kei na Rogo Vunau.

Sa mai tekivu na VEIVAKALOTUTAKI ni Wasewase ko Makoi ena siga ena noa 15.06.26.
Ulutaga: KO KARISITO NA NODA MATANIGASAU.
Era mai dolava ena meke vakayalo nai tabagone ni Wasewase ko Makoi.
Dina ga ni tau na uca kei na batabata ia e sega ni vakataotaki ira ena nodra vakaitavi.
Ena yakavi ni kua era na vakaitavi tiko kina na Tabagone ena Tabacakacaka ko Makoi.

AI VUREVURE 📸 📸
Makoi Methodist Production

Vakarautaka na Tuirara levu Vakacegu ena Wasewase ko Makoi Sitiveni Waqanivalu

🗓TUSITI - 16/06/2026
Macawa ni Valenibula
🪩ULUTAGA: Na i Sala ni Bula ni Oti na Dredre
📖LESONI: Jemesa 1:12-18

🔖TIKINA KOULA: 12:
"Sa kalougata na tamata sa vosota ni sa vakatovolei, io, ni sa vakatovolei oti, ena rawata nai sala ni bula o koya sa yalataka na Turaga ki vei ira sa lomani koya."

📌NA KENA I VAKAMACALA
📢Na i vola oqo e vakarautaka ko Jemesa, na taci Jisu, me i dusidusi ni veiqaravi kei na i vakarau ni bula vaKarisito. Sa vakabibitaki kina na veivakatovolei kei na veitemaki ka ra na sotava na tamata vakabauta e na nodra veiqaravi; kei na veivakasalataki ni veiqaravi kei na veivakatataki cake me ra tudei e na nodra vakabauta.
📢E tekivu na noda lesoni ena nona vola ko Jemesa e dua na vosa ni yalayala; “sa kalougata na tamata sa vosota ni sa vakatovolei...” na i vakamacala oqo e vakaraitaka ni veivakararawataki (persecution) e ra sota kaya sa sala ni nodra vakalougatataki.
E vica na ka eda vulica ena lesoni oqo.
👉1️⃣ E bibi ena noda i lakolako ni vakabauta na “vosota”. E sega ni rawarawa se logaloga vinaka tu ga na gaunisala ni muri Jisu. Eda na daubolei, biliraki, kaseti, vakalewai kei na vuqa tale. Kakua ni ko guce se yalolailai. Ke sega ni ko rawata na vakacegu ena bula vakayago oqo, ia na i covi ni oti na bula oqo, bula tawa mudu sa bera mai.
👉2️⃣ E sega ni rawa ni temaki na Kalou, se me temaki keda. E vakadeitaka na nona savasava, ka biuta e dua na i vakarau ni noda temaki e sega ni vu mai Vua, e vakarautaka na vakacegu vei keda e da lako curuma na veivakatovolei e vuravura.
👉3️⃣ Eda sa dau temaki e na gauna e da lako sese mai na sala e da dau muria. Oqo e kaya ni veitemaki e vu mai na gagadre ni lomada, ka sega ni vu mai e na dua na ka e tautaku ni noda bula. Me da raici keda vakamatua, ka teivaka ki na lomada na nona kaukauwa na Kalou.
👉4️⃣ Na veisolisoli vinaka kecega e soli mai cake. Me da dau vakavinavinaka vua na Kalou e na nona lomani keda.
👉5️⃣ E digitaka na Kalou me da yavutaki e na veika dodonu. Na kaukauwa ka yavutaki e na kosipeli me vakasucumi keda vou tale e na veika dodonu kei na vakabauta.
👉6️⃣ Me da tu vakadodonu e na gauna ni veivakatovolei me vaka na tauvi mate se vakacegui mai ena cakacaka, ka me laurai na noda yalodei kei na tubu ni sa tiko ga kei keda ko Koya.
👉7️⃣ E rawa ni laurai na Kalou e na noda tudei ni lako sivita na veitemaki ni vuravura.

🔖ULUTAGA ME MASULAKI:
Me’u vosota na dredre ena yalovinaka.

1️⃣ NIDA VOSOTA NA VAKATOVOLEI EDA NA RAWATA NAI SALA NI BULA.
📖JEMESA 1:12 -
🔖Sa kalougata na tamata sa vosota ni sa vakatovolei, io, ni sa vakatovolei oti, ena rawata nai sala ni bula o koya sa yalataka na Turaga kivei ira sa lomani koya.

2️⃣ EDAU VERETAKI KEDA GA NA GAGADRE CA NI LOMADA.
📖JEMESA : 1 : 13 - 14
🔖[13] Ni sa dauveretaki e dua, me kakua ni kaya, Sa dauveretaki au na Kalou: ni sa sega ni dauveretaki rawa na Kalou ki na ka ca, a sa sega ni dauveretaka e dua na tamata ko koya:
🔖[14] ia sa dauveretaki na tamata yadua, ni sa vecei koya na nona garogaro ca ka bacani koya.

📌TINITINI
🧿Ni da vosota rawa na noda vakatovolei mai na meca kei na ca ena kauta mai na kalougata. E dusia vei keda ko Jemesa ni sa kalougata na tamata e vosota na veivakatovolei. Na vakatovolei e sega ni ka rawarawa, ia ni da vakararavi vua na Kalou ka tu dei ena vakabauta, eda na tubu vakayalo kina ka rawata na kaukauwa e lomada. Na noda vosota sa i vakadinadina ni noda lomana na Kalou ka nuitaki koya ena gauna dredre.

🧿Nai sau ni noda vosota sai koya eda na rawata nai sala ni Bula me noda.
Ni sa oti na noda vakatovolei ka da kunei ni da yalodina tiko ga, sa yalataka na Kalou me solia vei keda na "sala ni bula." Oqo e dusia na bula tawamudu kei na noda tiko vata kei koya ena nona i serau. Na noda vosota nikua e sega ni ka wale; e tiko na kena isau levu sa vakarautaka na Kalou vei ira era lomani koya ka muria tiko na nona I vunau kecega.

🧿Na macawa ni valenibula oqo eda sa uqeti kina meda qaravi ira na wekada tauvimate ena vosota era tiko e vale se ra curu tiko e valenibula. Vei keda talega na vesuki tu ena vau ni tauvimate meda vosota tiko ena vakabauta keina nuinui vua na Vunibula ni na ia na veisereki keina veivakabulai.

🧿Na vakatovolei e sega ni kena iotioti na rarawa, ia e dua na sala e tuberi keda kina ki na kalougata kei na sala ni bula sa yalataka na Kalou. Meda vosota tiko ga ka vakararavi vua na Turaga ena veika kecega.

🙏E. M. E. N. I🙏
Me kalougata na noda vuvale vakaturaga.
(Ai katalau vakayalo ni Matakacaca)

Ni sa yadra vinaka saka na dau sema tiko mai ena vatavata saka oqo.
Ena tomani tale ni kua na VEIVAKALOTUTAKI ena valenilotu Penueli Police Mobile