Vuci Methodist Church

Ena loma ni vuvale, e ka bibi duadua na nodra susugi ka maroroi vinaka na i solisoli ena loma ni vuvale.
E vuqa na leqa ni vuvale sa tara na noda vanua edai sa vakamavoataki kina na nodra bula na luveda.
Sa kena gauna meda tu vata na vanua, lotu kei na matanitu meda valataka na kena maroroi na vuvale e Viti edaidai.


Wasewase ko Rewa MCIF

Iperiu 13:4 - Me ka dokai vei kemudou kecega na tiko vakawati.

Maroroi na bula vakavuvale ena veiliutaki ni Yalo Tabu.
Tabacakacaka Tokatoka MCIF
Wasewase ko Rewa MCIF
Rev Noa N Diyaga Turaganivalu

Maroroi na vuvale, ena yavu vaKarisito.
Tabacakacaka Tokatoka MCIF
Wasewase ko Rewa MCIF

VUKELULU, 11/06/2025
LESONI VOLA NI VULA.
ULUTAGA : ME RAWATI NA DUA-BAU VAKA VEIWATINI.
VAKATEKIVU 2: 22-24.

(TikIna vulica : t24, Okoy oqo sa na biuta kina na tamana kei tinana na tagane, ka kabita na watina: erau sa lewe dua ga)


E tuvalakii ena noda lesoni nai tuvatuva me rawati kina na DUABAU vakaveiwatini. Oya me BIUTA na tamana kei tinana na tagane ka KABITA na watina. Ena kena I naki me tu kaukauwa me qarava na tagane na nona vuvale, kame kakuwa ni vakraraviaka vei rau na nona I tubutubu. Na vanua e tiko kina na duidui, e tiko kina nai valavala ca, e vakaraitaki ni veivakaduiduitaka vaka tamata yadua, liwaliwa, se kawa tamata ni I vurevure ni valaval ca. Nai valavala ca e dau vakamacalataki ena kena sega na dua vata, veiyaloni, keina I tuvatuva. Ni rawati na DUABAU vakaveiwati, e rawati kina nai naki savasava ni Kalou ni bula veilomani keina veisaututaki. Na duidui e vakavurea na ka ca. Sa kedra tu ga kina nai samu ni dawa na yalewa kei ira na gone mai vei keda na tagane ena noda vakayaco I tovo kaukauwa, lolovira ka veibeci. Eda na rawa ga ni vakalesua tale mai nai rairai kei Karisito dina ena loma ni vuvale keda maroroya na DUABAU se duavata ena Yalo Tabu na veiwatini keina veiluveni.

1. A cava e dredre tiko kina na duabau vakaveiwatini?

2. Ocean e vakaleqa tiko na duabau?
(Ulutaga Me Masulaki : Mera duabau na veiwatini)

TINITINI
Na talei ni vakawati e yavutaki ena nodrau sa duadau ga na tagane keina yalewa ena yago keina yalo.

Sa bibi kina bula vakawati mai na rua na vuravura duidui sa didonu me rau veivosaki na veiwatini me rau biuta tani na veika e sega ni vakalou ena nodrau bula me rau qai bulia vata e dua na vuravura ni nodrau tiko vakawati ka yavutaki ena veika e vaka na loma ni Kalou.

Oqo na sala ena maroroi vinaka kina na duabauga ena loma ni bula vakawati. Sa dodonu kina vua na tagane me na biubiu mai na voleka vei tamana kei tinana me kabita sara na watina ena nodrau vuravura erau sa lomavata kina me vakadeitaka na duabau ena kedrau malowa.

Kevaka e yaco mai na dredre ena kena I vakatagedegede sara e cake ena loma ni vakawati ena sega ni yavalata rawa ni sa yavutaki tu ena duabauga sa nakita oti tu na Kalou.

Ia, kevaka e sega ni rawati na duabauga ena loma ni vakawati, na vuvale oqori ena vaka ga na kau waqa ena loma n cagilaba, ena suaigelegele tu ga, ena tubu tau ena duidui ni lewa ena voca ka kavoro sara vuvale koya ni sega kina na veirogoci ni duabau ga vakayalo keina duabauga vakayago.

Meda dau masu vata na veiwatini, meda dau veiwaseitaka na veika e tu e lomada, meda veilomani ni duabau ga, meda veivakarokorokotaki, meda tiko vata vakavuqa ka kakuwa na duitutu.

ME ULU NI NODA VUVALE KO JISU KARISITO.

E M E N I
Me kalougata saka na noda vuvale vakaturaga.

(Ai katalau vakayalo ni matakacaca)

Nodra i tukutuku nai Talatala ni Vuvale Rev Noa N Diyaga Turaganivalu