Tigray Daily

ምርግጋፅ ሉኣላውነትና ቁልፊ ትኹረትና ጌርና ግዕዝይና ብምቅላስ ንህዝብና ስሉጥ፣ ሕጋውን ፍትሓውን ግልጋሎት ክነረጋግፅ ይግባእ ኢሎም ፕረዚደንት ብ/ክ/መ/ትግራይ ዶ/ር ደብረፅዮን ገብረሚካኤል

ዶ/ር ደብረፅዮን ገብረሚካኤል ነዚ ዝገለፁ ቢሮ ልምዓት ከተማን ኮንስትራክሽንን ናይ ወርሒ ሰነን ሓምለን ቀፀልቲ መደባቱ መሰረት ጌሩ ምስ መዳርግቲ ኣካላት የካይዶ ኣብ ዘሎ መድረኽ ምልዕዓል'ዩ።

ብኲናት ዝዓነዋ ከተማታት ትግራይ ድሕሪ ውዕሊ ፕሪቶሪያ'ውን እንተኾነ ዳግመ ሕውየተን ዘይተረጋገፀሉ፣ ኣብ ኣወሃህባ ግልጋሎት ግዕዝይናን ብልሽው ኣሰራርሓ ዝተስፋፍሐሉ፣ ውሱናት ኣካላት ከምድላዮም ዝኾኑሉ ህዝቢ ዝሳቐየሉ ከይዲ ምህላው ብምምልኻት ኣብ መዛዘሚ በጀት ዓመት 2018 መጀመሪ 2019 ዓ/ም ኮይንካ'ውን ሓፂር ትልሚ ብምውፃእ ብሓዱሽ መንፈስ ስራሕቲ ምውጋን ከምዘድሊ ገሊፆም።

ኣብ ሓደጋ ህልውና ድሕንነትን ኣለና ዝበሉ ዶ/ር ደብረፅዮን ገብረሚካኤል፥ ከም መንግስቲ ምርግጋፅ ሉኣላውነትና ቁልፊ ትኹረትና ጌርና ግዕዝይና ኣብ ምቅላስ በብዓውዱ ንህዝብና ስሉጥ፣ ሕጋውን ፍትሓውን ግልጋሎት ክነረጋግፅ ይግባእ ኢሎም።

ብልሹው ኣሰራርሓ ኣብ ምቁፅፃርን ስርዓት ኣብ ምትሓዝን ኩሉ ክረባረበሉ ከምዝግባእ ብምትሕስሳብ ኣብ ዝሓፀረ ግዘ ለውጢ ኣምፂእና ኣወሃህባ ግልጋሎትና ንህዝቢ ብዝጠቅም መንገዲ ክስራሕ ይግባእ ኢሎም።

እዚ ፈታኒ ግዘ ተሓጋጊዝና ፀገምና እነቃልለሉ ዓርሰ-ምርኮሳና ኣበሪኽና እንሰግረሉ፣ ውሽጣውን ግዳማውን ዕንቅፋታት በዲህና ዝተለመደ ኣሰራርሓ ቀይርና ግዕዝይናን ዘይሕጋዊ ስራሕቲ ተቓሊስና ሃፍትናን ንብረትናን እንጥቀመሉ መኸተና እነዐውተሉ ፣ ናብ ሕግን ስርዓትን እንኣትወሉ ግዘ ክኸውን ይግባእ ኢሎም።

ሓላፊ ቢሮ ልምዓት ከተማን ኮንስትራክሽንን- ኣይተ ኣለም ገብረዋህድ ብወገኖም ናይ ወርሒ ሰነን ሓምለን መደባት ብምውፃእ ናብ ተግባር ንምስግጋር ዝዓለመ መለዓዓሊ መድረኽ ምዃኑ ሓቢሮም።

ኣብ ትግራይ ዝርከብ መንግስቲ ሰራሕተኛ መሃያ ብኣግባቡ ክረክብ ብዘይምኽኣሉ ማሕበራዊ መነባብርኡ፣ ህልዊ ኩነታቱ ተጎሳቒሉ፤ ናይ ግልጋሎት ክፍሊቱ፣ ናይ ክራይ ገዛ ወፃኢኡ፣ ናይ ተምሃሮ ክፍሊቱ ወዘተ ክሽን ኣይከኣለን።

ሂወቱ ተጎሳቒሉ ኣብ ከቢድ ኩነታት ይርከብ። መፃኢ ዕድሉ እውን ፀልሚትዎ ኣሎ። ነዚ ፀገም ኣብ ግምት ብምእታዊ ንሽግራቱ ዝፈትሐሉ ኣካል ብዘይምህላው ድማ ዝያዳ ተስፋ ክቖርፅ ገይርዎ ይርከብ።

ሰራሕተኛ መንግስቲ ማለት ካብታ ብዝተምሃራ መሰረት ሞያዊ ግልጋሎት ምሃብ ወፃኢ ኣብ ንግዲ ይኹን ሕርሻ ክነጥፍ ዘይከኣለ ክፋል ሕብረተሰብ እዩ። ነዚ ኣዝዩ ልዑል ቁፅሪ ዘለዎን ካብኡ ዝፅበ ብርክት ዝበለ ህዝቢ ዝሓዘን ሰራሕተኛ መንግስቲ መሃይኡ ብግዚኡን ብኣግባቡን ክወሃብ ይግባእ።

ንኣመራርሓን ሰብ ሞያን ኣካላት ፍትሕን ካልኦት ዝምለከቶም ኣካላትን፤ ህላወን ድሕንነትን ህዝቢ ትግራይ ንምውሓስ ንዝወፀ ኣዋጅ መሰረት ዝገበረ መድረኽ ምርድዳእን ምዕባይ ግንዛበን ይሳለጥ ኣሎ።

ኣብቲ መድረኽ ተረኺቦም መኽፈቲ ዘረባ ዘስምዑ ምክትል ፕረዚደንትን ሓላፊ ቢሮ ፍትሕን ብ/ክ/መ/ትግራይ ኣይተ ኣማኑኤል ኣሰፋ፤ ህላወን ድሕንነትን ህዝቢ ትግራይ ንምውሓስ ዝወፅአ ኣዋጅ ንዘጋጠመና ዘይንቡር ኩነታት ዝምጥን ምላሽ ንምሃብ ዘኽእል ሕጊ እዩ ኢሎም።

ህዝቢ ትግራይ ከም ህዝቢ ሰብኣውን ዲሞክራስያውን መሰላቱ ተጣሒሱ፣ ልኡላውነቱን መሰል ዓርሰ ውሳንኡን ተመንጢሉ፣ ንዝተፈፀሞ ጀኖሳይድ ፍትሒ ስኢኑ፣ ካብ መረበቱ ተሰዲዱን ተፈናቒሉን፣ ማሕበራውን ኢኮኖሚያውን ዓቕምታቱ ዓንዩ፣ ከም ኩርዳውያን መረበት ኣልባ ንምግባር ውዲት ተፋሒሱሉ፣ ኣብ ክባን ዕፅዋን ወዲቑ ንኽሃልቕ ተፈሪዱዎ፣ መንግስቲ ኢትዮጵያ ኩሉ ዓይነት ዓቕምታቱ ተጠቒሙ ከም ህዝቢ ከጥፈአና ለይትን ቀትርን እናሰርሐ ኣብ ዘለሉ ዘይንቡር ኩነታት ንዕኡ ዝምጥን ሕጊ ብምውፃእ ብሄራዊ ትካላት መኸተ ክንውድብ፣ ንተለኣኣኽቲ ፀላኢ ኣደብ ክነትሕዝ፣ ንውዲት ጥፍኣት ዝተዘርገሐ መርበብ ፀላእቲ ዝምጥን ግብረ መልሲ ክንህብ፣ ሕግን ስርዓትን ክኽበር ክንገብር ግቡእ ስለ ዝኾነ እቲ ኣዋጅ ምውፅኡ ኣዝዩ ኣገዳሲ እዩ ድሕሪ ምባል፤ ሕድሕድ ድንጋገ እቲ ኣዋጅ ኣብ ንቡር ኩነታት ኮይንካ ዘይኮነስ ብመንፅር ኣብ ትሕቲ ጭቡጥን ዘንፀላለወን ሓደጋ ህልውና ዘሎ ህዝቢ ንምድሓን ኣብ ዝግበር ቃልሲ ኮይንካ እዩ ክርአን ክትርጎምን ዘለዎ ኢሎም።

ንኣብነት፡ ኣብ ዝተወሰኑ ንህልውናን ድሕንነትን ህዝቢ ትግራይ ዝምልከቱ ድንጋገታት ዝምልከት እቲ ዝወፅአ ኣዋጅ ካብ 24 ጥቅምቲ፣ 2013 ዓ.ም ጀሚሩ ከም ዝፍፀም ተደንጊጉ ኣሎ። እዚ ማለት ንዝሓለፉ ከባቢ ሸውዓተ ዓመታት ኣብ ትሕቲ ወረርቲ ሓይልታት ወዲቑ ኩሎም ዓይነት ገበናት ዝፈፀመሉ ዘሎ ህዝቢ ትግራይ እቶም ፈፀምቲ ገበን ካብ ተሓታትነት ከምልጡ ከም ዘይኽእሉ ዘርኢ እምበር ኣብ ንቡር ኩነታት ዘስርሕ መትከል ሕጊ ገበን ንምጥሓስ ዝዓለመ ኣይኮነን። ብመሰጋገሪ ፍትሕን ዓለም ለኻዊ ሕግታትን ፍትሒ ክንረክብ ኣብ ዘይክኣልናሉን ካልእ ሓደጋ ኣብ ዘንፀላለወናን ኩነታት እናሃለና ስኽ ኢልና ክንርኢ ተወሳኺ ጥፍኣት እዩ።

ኣብቲ መድረኽ ኣመራርሓን ሰብ ምያን ፍትሕን ፀጥታን ክልል፣ ዝተፈላለያ ዞባታትን ወረዳታትን ዝሳተፉ ዘለዉ ኮይኖም፤ ኣብ ኩሉ ብርኪ ምስ ዘለዉ ኩሎም ዝምልከቶም ኣካላት ክቕፅል እዩ ክብል ቤት ፅሕፈት ፕረዝደንት ሓቢሩ ።

ፍሉይ ልኡኽ ምብራቕ ኣፍሪካ ኦሊሰጎን ኦቫሳንጆ ምስ ፕረዚደንት ትግራይ ዶር ደብረፅዮን ኣብ ህልዊ ኩነታት ትግራይን ኢትዮጵያ ትኹረት ገይሮም ዘትዮም።

ዓርሰ ምርኮሳዊ ምንቅስቃስ ወረዳ ክልተ ኣውላዕሎን ከተማ ውቕሮን
===============================
🎯ቢሮ ሕርሻን ሃፍቲ ተፈጥሮን ትግራይ ምስ ኩሎም ስትራተጂካዊ ዓቕምታት ብምትሕብባር ህልው ኩነታት ትግራይና ተሓሳቢ ብምግባር ስትራተጂ ሕውየትን ልምዓትን ሕርሻን መነበብሮን (Agriculture and Livelihood recovery and development strategy) ብምድላው ኣብ 10ተ ወሰንቲ ናይ ትኹረት ማእኸላት (Agricultural Transformation: Thematic Areas) መሰረት ብምግባር ኣብ ውሽጢ ህልዉ ዓቕምን ኩለመዳያዊ ፀገምን ትግራይ ኮይኑ ውሱን ጅማሮታት ሕውየትን ልምዓትን ሕርሻን መነባብሮን እናካየደ ይርከብ።

🎯ካብተን 10ተ ወሰንቲ ናይ ትኹረት ማእኸላት ሓንቲ ሕርሻና ካብ ዝተበጣጠሰን ኢድ ናብ ኣፍን (Fragmented and subsistence agriculture) ናብ ክላስተራዊ ኣለማምዓን ንግዳዊ ከይድን (Agricultural commercialization through a clustering approach) ናይ ምምዕባል ኣንፈት እንትኸውን በዚ ምንቅስቃስ እዙይ ሓረስቶት ብቐንዱ ብናይ ባዕሎም ፃዕሪ ከምኡ እውን ናይ በብ ብርኩ ዝርከብ ኣመራርሓን በዓል ሞያን ምምሕዳራውን ሞያውን ሓገዝን ቐረብ እታወታትን ተወሲኽዎ ተስፋ ዝህቡ ጅማሮታት ዘለዉ እኳ እንተኾኑ ብሰንኪ ናይ ነዳዲ ሕፅረት: ናይ ካሽ ፀገም: ናይ ዕዳጋ ምትእስሳሳር ጉድለትን ናይ መፅንሒ ትካላት ዘይምጥንኻርን ካልኦት ፀገማትን ትፅቢት ዝግበር ዝለዓለ ትርፊ ኣብ ምርካብ ብቐፃሊ ክፍትሑን ክእረሙን ዝግበኦም ፀገማት ከምዘለዉ ይፍለጥ።

ምድንፋዕ ኩለመዳያዊ ማእቶትና
ንምውሓስ ህልውናናን ድሕንነትናን

ፍልፍል ሓላፊ ቢሮ ልምዓት ሕርሻን ሃፍቲ ተፈጥሮን ትግራይ ኣይተ ኣለም ብርሃን ሃሪፈዮ

ብምርብራብ ህዝቢ ኣብ ደኒ ዴስኣ ኣጋጢሙ ዝነበረ ባርዕ ሓዊ ንግዚኡ ምጥፍኡ ተፈሊጡ ኣሎ🙏

ኣብ ዞባ ምብራቕ ትግራይ ዝርከብ ዝለዓለ ደኒ ዴስኣ ሎሚ 03 ሰነ 2018 ዓም ሓደጋ ባርዕ ሓዊ ከምዘጋጠሞ ይንገር ኣሎ። ነቲ ሓደጋ ንምጥፋእ ነበሪ እቲ ከባቢ ኣብ ምርብራብ ይርከቡ።