KMP Pharmacy

ለመላው የክርስትና እምነት ተከታዮች እንኳን ለጌታችን ለመድሐኒታችን ለኢየሱስ ክርስቶስ የትንሳዔ በአል በሰላም እና በጤና አደረሳችሁ እያልን ይህንን መልእክት መመልከት ጠቃሚ መሆኑን ለማሳወቅ እንወዳለን፡፡
በፆም ወቅት ሰውነታችን ቅባት ከበዛባቸዉ፣ ቅመማ ቅመም ካለባቸው የምግብ አይነት ተቆጥቦ ስለሚቆይ በተለየ መልኩ ሀይልን ማምረት ይለምዳል። ፆም በሚፈታበት ጊዜ ሰዉነት ለምዶት የነበረውን ባህሪ ስለሚቀየር ምቾት የማይሰጡ ስሜቶች ይከተላሉ። ይህ እንዳይፈጠር ሆድን ቅባትና ቅመማ ቅመም ባልበዛበት ፈሳሽነት ባህሪ ባላቸዉ ምግቦች ማለማመድ ይገባል( የእናቶች ቀድመዉ ተልባ የማዘጋጀት ሚስጥርም ይህ ነዉ)
በመጪዉ ቀናቶችም በፆም የተመገብናቸዉን አትክልት፣ ቅጠላቅጠል መቀላቀልም አስፈላጊ ነው፡፡

ዶ/ር ነብያት ገብሩ
ጠቅላላ ሐኪም

እንኳን ለብርሃነ ትንሳዔው በሰላም አደረሳችሁ!!!

በዓሉን ስናስብ ከሀይማኖታዊው ኩነቱ ጎን ለጎን የምግብ ዝግጅቱንም እናስባለን፡፡
ያሳለፍናቸውን ሁለት ወራት አብዛኛውን ጊዜ በጾም ሲሆን በምንመገብበትም ወቅት ደሞ ብዙ ቅባት የሌለው እና በጨጓራችን ለመፈጨት ቀላል የሆኑ ምግቦችን ስንመገብ ቆይተናል፡፡
በዓሉን ምክንያት በማድረግ የምንመገባቸው ምግቦች ከነበረው ሁኔታ ፍጹም ተቃራኒ ስለሚሆኑ ጨጓራችን ላይ ትልቅ ጫና እንፈጥርበታለን፡፡ በዚህም ምክንያት የምግብ አለመፈጨት፣ የሆድ መነፋት፣ ማስቀመጥ የመሳሰሉት ስሜቶች ሲፈጠሩ በዚው የአመጋገብ ስርዓት ከቀጠልን የሆድ ድርቀት እንዲሁም ለሌሎች ተላላፊ ላልሆኑ በሽታዎች የመጋለጥ እድላችንን እንጨምረዋለን፡፡
እነዚህን ታሳቢ በማድረግ በዓሉ በጥሩ ሁኔታ ለማሳለፍ እንዲሁም ጤናችንም እንደተጠበቀ እንዲቆይ የቅባት መጠን በመቀነስ፤ አትክልቶችንና ፍራፍሬዎችን በመቀላቀል በዓሉን እናሳልፍ፡፡
ዶ/ር ረድኤት ግርማ
ጠቅላላ ሐኪም

Welcome to our Page