Oromia Monitor

የአዲስ አበባ ልማት ማንም የማይሽረው ታሪካዊ ስኬት ነው

ያኔ ቅርስ ፈረሰ ሀገር ተናደ ብለው እንዲጮሁ የተመቻቹና በደቦ እዬዬውን ያስነኩት የዳያስፖራ የኪቦርድ ታጋዮች ዛሬ የከተማዋ ገጽታ ከዝንብ መራቢያነትና ከመንገድ ሽንት ቤትነት ተላቆ እንዲህ ተለውጣ፣ አምራና ተውባ ሲያዩዋት ተሳስተን ነበር ይሉ ይሆን? ወይስ ካፈርኩ አይመልሰኝ ብለው በምን ዋጋ አለው ድባቴ ውስጥ ይቀጥላሉ?

ለማንኛውም እንዲህ ከመሰሉ ለሰው ልጅ ከማይመቹ የሰፈር ሁኔታዎች ውስጥ የከተማችን አስተዳደርና የመንግስት ጠንካራ ፖሊሲ አዲስ አበባን ነፃ እያወጣ ነው! ልማት አስቀድሞ የሚለውጠው ሰውንና አከባቢን ነው የሚለው አዲስ አበባ ላይ በማይፋቅ ዘላለማዊ ማህተም ተመቶ ተረጋግጧል። ሊያሻር የማይችል ታሪካዊ ስኬት ተመዝግቧል!

የህዳሴው ግድብ ለኢትዮጵያ ህዝብ የብልጽግና እና የኢኮኖሚ ብርሃን ነው። ግድቡ የሃይል አቅርቦትን በማሳደግ የኢንዱስትሪ ልማትን ያፋጥናል፣ የግብርና ምርታማነትን ያሳድጋል፣ ለዜጎችም የተሻለ ኑሮን ይፈጥራል። ይህ ሁሉ የሚሆነው ደግሞ በራሳችን ገንዘብና ጥረት የተገነባ በመሆኑ ነው።

የታላቁ ህዳሴ ግድብ ግንባታ በኢትዮጵያ ታሪክ ለመጀመሪያ ጊዜ በህዝብ ሙሉ ተሳትፎና ድጋፍ የተከናወነ ትልቅ ፕሮጀክት ነው። የዲያስፖራው ማህበረሰብም ሆነ በሃገር ውስጥ የሚኖረው ኢትዮጵያዊ ሁሉ ከትንሽ እስከ ትልቅ በመዋጮውም ሆነ በጉልበቱ ሳይታክት ተባብሮ ለዚህ ታላቅ የልማት ምሰሶ እውን መሆን የበኩሉን አስተዋጽኦ አበርክቷል። ይህም ግድቡ የህዝብ ብቻ እንደሆነ ያረጋግጣል።

"ለውጥና እድገት በራስ አቅም ሲሆን መሰረቱ ሰፊ፤ ምሰሶውም ጠንካራ ይሆናል።"

ክብርት ከንቲባ አዳነች አቤቤ

"በምሳሌነት የምንገልጻችሁ የከተማችን ባለሀብቶች፣ ወጣቶች፣ ሴቶች እና ተቋማት በሙሉ በተለመደው መልኩ በገንዘባችሁ፣ በጉልበታችሁ እና በእውቀታችሁ አብራችሁን እንድትሰሩ ጥሪዬን እያቀረብኩ፤ እስካሁን ላበረከታችሁት ታሪካዊ አስተዋጽኦ አመሰግናለሁ።" ክብርት ከንቲባ አዳነች አቤቤ

አዲስ አበባ ላይ የተሰራው ስራ ከሩቅ እያዩ አይናቸው መቅላቱ ራሱ ሌላ ስኬት ነው

ተሽሎ መገኘት ካላስደሰተ ሌላ ምንም አያስደስትም። ስራው ተሰርቷል። ድጋፍ አያስለምንም.... እንቅፋትም ችለው አይሆኑም፣ እዚያው ከሩቅ እያዩ አይናቸው መቅላቱ ራሱ ሌላ ስኬት ነዉ። አዲስ አበባ ግን ተሽላ ተገኝታለች። አዲስ አበባ ላይ የተሰራው ስራ ድምፁን ከፍ አድርጎ እየተናገረ ነው። አዲስ አበባ ተሽላ በመገኘቷ ያልተደሰተ እንግዲህ ሌላም ነገር ስለማያስደስተው ለማስደሰት ድካም አያስፈልግም፣ ለመስራት የማይታክቱ እጆች ግን አሉ።