Saba obsa fixe.

IMIMMAAN RAKKINAA

Abbaa rakkoo taanee
Rakkina dhalchinaa
Ulee baraan oofnee
Dallaatti galchinaa

Haadha rakkoo taanee
Ciniinfannee deenyaa
Rakkinuma dhalleen
Wal Gaafanna beenyaa

Imimmaan rakkinaa
Kuufamee nu dhoraa
Akka baala raafuu
Barbaadee nu coraa

Numarraa dhalatee
Numaanis rakkisaa
Galaana gammachuu
Qileetti Jallisaa

Sossobbii isheetiif
Wareegaan as geenyee
Har'as ni lolaati
Ustee gad hin teenyee

Lola'uushee malee
Qooruushee hin agarruu
Haqa qoqossaatiim
Funyaan qabdee dharruu

Harqaa bara baanee
Baratti darbinaa
Bulee yoo bari'u
Mudachaa salphinaa

Nat qoorsa jedhanii
Wal harkaa ishee butuu
Dabaree Galanii
Natu caalaaf Dutuu

Community Spotlight: Meet Abdisa from Ethiopia Community Spotlight: Meet Abdisa from Ethiopia

Ifa Uffaatee,F/taa Mul'ataa Tazzarraa,Faarfannaa Afaan Oromoo Ortodoksii Tawaahidoo,Haaraa Gochu hin dagatina.

Ogeessa sammuu qaru
Surrii bocee sirreessu
Daandii sirrii tottolchee
Dhaloota isaa milkeessu
Dallaa keessaa fi urufa
Tarree heeraa gaggeessa
Jaarsa umuriin haarawa
Fakkiin kee dargaggeessa

Halaalaa nutti muldhate
Bu'aan deemaa agarru
Dagalee wal tarreedhaan
Imalla kufuuf hin jarjarru
Ofbeekuudhaan kaane
Cubbuu hin hojjenne
Walbeekuudhaan baane
Lubbuun of hin ganne

Dheeraa jalaa hulluuqaa
Gabaabaarraan utaalaa
Tooftaa fi tarsimoodhaan
Masakaan of dabaalaa
Geenye hanga geenyu
Agarre bakka dhaabbataa
Teenye bakka teenyu
Dhugaa cimna gabbataa

Leencoo GammachuuBest Vidio Clip ..Coming Son

Gootota Shanan Gibee
Gabrummaarra duuti
Caaluu hubattanii
Dungoo nuuf taatani
Ofiif gubattanii!.........
~
Bilisummaa keenyaaf
Kan nuuf taatan aarsaa
Jecha kamiin ibseen
Danda'ee isin faarsa?
~
Bara hedduuf dhokate
Seenaan keessan golatti
Woreegaan har'a geenye
Malee, miti tolatti..........
~
Gootota shanan gibee
Osoo hin qabaatin cubbuu
Haqaaf haqaaqamtanii
Warra nuuf baaftan lubbuu
~
Eenyummaa keenya tiksuuf
Warra haqaaf duulanii
Gabroomsituu adamsuun
Reeffa diinaa tuulani!.........
~
Gootota shanan gibee
Yoomuu ittiin dhaadanna
Waggaa waggaatti miti
Guyyaa guyyaan yaadanna
~
Hafuura jaraatiin
Kan raafamtu diinni
Jaal Dagaa Denoo tiif
Misbaahuu Shamsaddiini
~
Ijji jaraa leencuma
Kanaaf sodaatu argaa
Sulxaan Abbaa Joobiriif
Jaal Xaahir Sayid Margaa
~
Jaal Sulxaan Nagawoo tiif
Mahammad Xayyib Qaadii
Kiyyeessanii haleelan
Diinaaf tolchanii gaadii!.....
~
Dubbatamee hin dhumu
Seenaan jaraa dheeraa
Sheek Badiruu Yaasin
Abbaa Oomaa Geeraa!..
~
Abbaa Luleessaa fa'a
Gootonni keenya kumaa
Seenaan jaraa boonsaadha
Adada hin qabu dhuma!..
~
Hin dubbatamne malee
Biyya gootaati jimma!...
Barree dhalootaaf kaa'uun
Hunda keenyaafuu dhimma!