BNG Ribadavia

🚌Na próxima ocasión en que cheguemos ás cabinas de peaxe da AP-9, non só nos acordaremos de como foi privatizada polo goberno de Aznar en 2003, quen sacou 1.500 millóns de euros para o Estado, a cambio de ampliar o cobro de peaxes que ía rematar en 2023, ate 2048.
Tamén imos recordar quen segue bloqueando o primeiro paso para que a AP-9 poida ser pública e gratuíta: á súa transferencia a Galiza. O mesmo PP que vota a favor da transferencia no Parlamento galego e en contra en Madrid.

➡️Hoxe domingo remata o prazo de votación pública para os Premios Martín Códax da Música.
Os galardóns da música galega, nos que Arteficial está nominado no premio a mellor festival.
O traballo do colectivo Arteficial ao longo destes 20 anos ben merece o noso recoñecemento e voto

➡Cando en 2021 se arranxaron as beirarrúas do Piñeiral, desde o BNG manifestamos que había que aproveitar para reparar tamén o asfalto da rúa e que tiñan que pagalo outras administracións, porque non é unha vía urbana, senón que soporta un tráfico interurbano moi intenso, incluso de camións, ao ser a vía de conexión entre a N-120 e a OU-801 (estrada de Francelos-Filgueira).
⏰Pasaron máis de 5 anos e como cabía esperar, a rúa do Piñeiral segue sen reparar e co firme cheo de fochancas. Reiterámoslle ao actual goberno municipal o arranxo da rúa, que Xunta e Ministerio se fagan cargo e canto antes.

Demandamos do Concello que non só se dedique a recordarlle á veciñanza a roza de fincas. Hai grandes propietarias que semellan facer caso omiso desta normativa, coma neste caso, en plena rúa do Carballiño.
Por certo, que tarefas ten feito no noso concello a Xunta, a administración responsable da prevención de incendios?

Este domingo temos unha cita para reflexionar e alzar a voz fronte á escalada militarista e ás políticas da guerra.
📍 Taberna Treixadura
🗓️ Domingo 24 de maio
🕛 12:00h
Contaremos coa participación de:
▪️ Lucía López, responsábel de Organización do BNG
▪️ Xavier López, responsábel comarcal do BNG do Ribeiro
Porque Galiza quere futuro, non guerra.
Porque defendemos os dereitos dos pobos e a soberanía.
Porque fronte ao militarismo, máis democracia, máis xustiza social e máis paz.
✌️ Non á guerra
🚫 Non ao militarismo

"É o tempo do feminismo, é dicir, da xustiza, da igualdade, da liberdade, da dignidade, e tamén, por que non? Da felicidade".

Begoña Caamaño.

💙 O galego, lingua vital 🩷

📅17 de maio ás 12.00 h.
🚶‍♀️Dende a Alameda de Santiago de Compostela

💧Temos dereito a aproveitar os ecursos naturais do noso país. A auga si que é un beneficio caído do ceo, pero vai para os petos das eléctricas.
Como, por exemplo, no caso da minicentral do río Cerves, onde a concesión caducou en 2025 e a Confederación Hidrográfica xa a renovou ata 2050, perdéndose a oportunidade de que Prexigueiro, Francelos e o conxunto da sociedade galega participen dos beneficios que xera a nosa auga.
⚡️ O BNG segue traballando na recuperación para o dominio público das concesións hidroelécricas e que sexan un motor para o noso desenvolvemento, sen que os seus beneficios sigan en mans das grandes eléctricas.