Roberto Rey

Mira e logo as súas fotografías botan fume e súan e levan o ritmo cos pés ou a cabeza, e mesmo cravan un riff que sempre é látego. As imaxes que mira Roberto Rey son exactas. Pero non só calco ou réplica ou espello en branco e negro con moito gran. Non simple reprodución nin retórica ou virtuosismo co software ou co hardware. Teñen luz (e sombras) e esqueleto e movemento e son formais pero riseiras: son fotos para escoitar e bailar e ter todas as ganas de estar aí, dentro delas.