Nasir Rafiq

آزاد کشمیر کے مختلف اضلاع میں 3 ماہ کی طویل بندش کے بعد انٹرنیٹ سروسز جزوی اور مکمل طور پر بحال کر دی گئی ہیں۔ وزیراعظم افتخار گیلانی کے اعلان کے مطابق مظفرآباد میں ڈی ایس ایل اور فکسڈ لائن، جبکہ میرپور اور بھمبر میں موبائل انٹرنیٹ سروسز بحال ہو چکی ہیں۔ نیلم اور لیپہ ویلی میں سروسز پہلے کی طرح معمول کے مطابق جاری ہیں، جبکہ ضلع کوٹلی میں فی الحال تعلیمی اداروں، بینکوں اور سرکاری دفاتر کو ڈی ایس ایل فراہم کیا گیا ہے۔
دوسری جانب راولاکوٹ اور سدھنوتی میں انٹرنیٹ پر پابندی برقرار ہے جہاں صرف چند مخصوص اداروں اور ہسپتالوں کو سہولت میسر ہے، جبکہ باغ کے چند شہری علاقوں اور حویلی کہوٹہ میں صرف ڈی ایس ایل سروس دستیاب رہے گی۔ طویل عرصے بعد سہولت کی واپسی پر شہریوں اور فری لانسرز میں خوشی کی لہر دوڑ گئی ہے، جبکہ سوشل میڈیا صارفین نے ایک دوسرے سے کسی بھی قسم کی اشتعال انگیزی سے گریز کی اپیل کی ہے۔
فیس بک ہیش ٹیگز:

Night view Barcelona

With most well known journalists Arshad Rachyal & Saqib Ali