Dr.Elsayed Samir

هي الجلطة ليه دايمًا بنشوفها في الرجل أكتر من الإيد ........؟

الفكرة كلها ماشية على حاجة اسمها Virchow's Triad وهي 3 عوامل أساسيين لو واحد أو أكتر منهم موجودين فا فرصة تكوين الجلطة بتزيد:

1- Venous stasis (بطء أو ركود الدم)
2- Hypercoagulability (زيادة قابلية الدم للتجلط)
3- Endothelial injury (إصابة أو ضرر في جدار الوعاء الدموي)

💃 طيب ليه الجلطة بتحب الرجل أكتر من الإيد او بمعني اوضح بنشوفه بتحصل فالرجل اكتر من الايد ؟
ببساطه لأن أوردة الرجل أطول والدم فيها لازم يتحرك ضد الجاذبية عشان يوصل للقلب فبيكون تدفقه أبطأ خصوصًا لو الشخص
• نايم فترة طويلة على السرير
• محجوز بالمستشفى
• مسافر ساعات طويلة
• حركته قليله

📌 كمان عضلات السمانة بتشتغل كمضخة طبيعية بمعني كل مرة العضلة تنقبض بتضغط على الأوردة وتزق الدم لفوق ناحية القلب

بس لو الشخص مش بيتحرك المضخة دي بتقف فيحصل Venous Stasis وتزيد فرصة حدوث DVT

كمان أوردة الرجل فيها صمامات تمنع رجوع الدم للخلف يعني لو حصل خلل في الصمامات أو تجمع الدم وراها بيزيد احتمال تكوين الجلطة

طيب ليه الإيد أقل؟
لأن أوردة الإيد أقصر وتدفق الدم فيها أسرع وكمان الحركة اليومية للإيدين دايما شغاله ففرصة الركود أقل بكتير

نصعب الموضوع اكتر 😂
💃 طيب الجلطة بتيجي في الرجل الشمال أكتر ولا اليمين.......؟
في معظم الحالات بنشوف الجلطة في الرجل الشمال أكتر
ودا بسبب حالة اسمها May-Thurner Syndrome وفيها right iliac artery بيضغط على left iliac vein فيسبب ركود للدم ويزود خطر انه يحصة DVT في الناحية الشمال

طيب أخطر: Distal ولا Proximal DVT؟
الـ Proximal DVT أخطر علشان الأوردة هناك أكبر وأقرب للدورة الدموية المركزية وبالتالي فرصة إن جزء من الجلطة يفلت ويعمل Pulmonary Embolism أعلى

💃 ومن أشهر الأخطاء إننا نعتمد على D-dimer لوحده للتشخيص
الـ D-dimer مفيد في استبعاد الجلطة عند المرضى منخفضي الخطورة بس ممكن يعلى في حالات كتير زي:
« العدوى
« العمليات الجراحية
« الحمل
« الأورام

عشان كده بنقول عليه:
High Sensitivity ✅Low Specificity ❌

ولو شاكين في DVT نعمل Venous Doppler Ultrasound ولو شاكين في Pulmonary Embolism غالبًا بنحتاج CT Pulmonary Angiography (CTPA)

طيب ليه مريض الـ Pulmonary Embolism غالبًا بيكون عنده Respiratory Alkalosis؟
لأن المريض بيبدأ يتنفس بسرعة (Hyperventilation) فيطرد كمية أكبر من ثاني أكسيد الكربون CO₂ ولما مستوى CO₂ يقل يحصل Respiratory Alkalosis

السلام عليكم ورحمة الله وبركاته
صفحة طبية ننشر عليها حالات نافعة تقابلنا فى الطوارئ والاستقبال ونصائح مفيدة

من الآن ولمده 45 يوم الكل هيصاب بدور أوميكرون أو (البرد زى ما بنسميه )
كل المتخصصين فى كل العالم بيقولوا الكلام ده ..
المهم التعامل مع الأعراض لازم نفهمه كويس عشان نعرف نعالج نفسنا

الأخطاء فى التعامل مع دور البرد ده هو سبب الوفاة لكثير من الناس خلال هذه الأيام .
عشان كده البوست ده هيبقى مهم جدا إنك تخليه قدام عينيك وتلتزم بيه كويس جدا

الأعراض وطريقه التعامل معها :_

1_ السخونيه ( الحرارة) :
لو وصلت حرارتك ل 39 بنأخد خافض حرارة من مشتقات الباراسيتامول زى ( بنادول _ دوليبران_ نوفالدول _ أبيمول ._........) والجرعة بتكون عند اللزوم كل 8 ساعات 1000مللجرام والوضع فى الإعتبار إن تركيز دوليبران 1000 ملليجرام .
س: لو الحرارة منزلتش بنخلي الجرعة كل 8 ساعات وبنعمل تبادل مع نوع آخر كل 4 ساعات زى البروفين مثلا ( ولازم تبقي وأكل كويس قبل البروفين لأنه بيعمل تعب على المعدة الفاضية ) لكن الأفضل لو الحرارة بتنزل نخلينا فى الباراسيتامول أفضل .

2 _ الإحتقان :
مهم جدا المشروبات الساخنة عشان نقضي على الإلتهاب اللى بيسبب الإحتقان.
وممكن نستخدم اى إستحلاب لو مفيش تحسن بالمشروبات الدافئة .

3_ الكحه:_
لو الكحه جافة أي أدوية للكحه مش مضر لكن الأفضل استمر على المشروبات الساخنة .
ولو حاسس إن فيه بلغم وزورك مقفول ممكن جدا أي مذيب بلغم أو طارد ومهدئ للشعب الهوائية .

4 _ رشح مستمر وعطس شديد :_
أي دواء من أدوية البرد المعروفة والمتداولة والآمنة

5_ ضيق تنفس أو أكسجين منخفض أو زرقان فى الشفاه أو عدم القدرة على النوم بصفة مستمرة مع خمول مع حرارة مش بتنزل ( يجب مراجعة الطبيب فورا والذهاب للمستشفى )

6_ لو عندك مرض مزمن يجب إستشارة الطبيب الخاص بك أولا

7_ بالنسبه للفيتامينات :
يفضل أخذ فيتامين سي من الفواكه والخضروات زى ( البرتقال _ اليوسفى _ الفلفل الألوان _ الجوافه _ ........).
لو محتاج فيتامين دال ممكن من الصيدلية والأفضل التعرض للشمس فى الأوقات الصحيحة لذلك .

أهم النصائح :_
1 بلاش حقنة البرد بتاعت الصيدلية
2 ممنوع المضاد الحيوي إلا بإستشاره الطبيب
3 دفوا نفسكم كويس
4 امتنعوا عن المشروبات الغازية
5 الأكل يكون صحي
6 بدلوا السكر بالعسل الأبيض
7 اكثروا من تناول الخضروات والفاكهه .
وأرجوكم بلاش تخزنوا أدوية فى بيوتكم ( بعض الصيدليات حاليا مش بيلاقوا فيها أدوية الكحه بسبب الناس اللى بتيجى تاخد كميات وتخزنها )