Step By Step H

"الغش في الامتحانات".. رسالة نارية من بسمة وهبة لـ وزير التربية والتعليم 💥🤯 #90_دقيقة #قناة_المحور

أمان طفلك أهم من شياكه منزلك...

خلو بالكم متخلوش الدنيا تشغلكم عن أهم ما في حياتكم

بيتها مكركب
بس أولادها لعبوا كتيير انهارده و انبسطوا

أكلت هي وجوزها أكل بايت
بس عملت أكل صحي ومفيد للأولاد

سبت الغسيل إتملى هدوم
بس الأولاد استحموا ولبسوا هدوم نضيفة وريحتها حلوة

المواعين باتت في الحوض من امبارح
بس حكت قصص لأولادها

ملحقتش توضب السرير
بس مسابتش ابنها يعيط وحضنته كتيير و مصدقتش حد لما قالها سيبيه يتفلق

ملحقتش تكنس و تلمع كل الشقة
بس الأولاد انهاردة اتعلموا حاجات كتيير مفيدة في مجالات كتير

مطبقتش كل الهدوم
بس خدت نص ساعة بعد ما الأولاد ناموا عشان تتفرج علي حاجة بتحبها و هي بتشرب حاجة سخنة
عشان تقدر تكمل وتواصل

لو حد قالك بتعملي إيه طول اليوم
قوليله بعمل إنسان له كيان
ببني بني آدم سوي
معندوش عقد ولا كلاكيع
بحاول استبدال ما هو أدني بالذي هو خير

شغل البيت ممكن يتأخر شوية
والمواعين مش هتعيط في الحوض
ولا الدولاب عنده مشاعر وأحاسيس هتضايق لو الهدوم متطبقتش
بس الأولاد عندهم مشاعر وأحاسيس
عندهم كيان لازم نساعدهم يبنوه بدل ما نبقي أمهات أي كلام بتطلع جيل تاني من التوافه والإمعات.
#منقول

🙋🏻‍♀️بنتي عندها ٥ سنين
عايزة اقوي شخصيتها
عشان محدش ياخد منها حاجة

💁‍♀️ابني ٧ سنين
خايفة يطلع شخصيته ضعيفة
والولاد يضايقوه

👩‍👧بنتي طيبة اوي
ازاي اعلمها تاخد حقها كده
أوديها كورس ؟

——————————————————————

المهارات الاجتماعية دي .. حاجة مش بنتعلمها إلا لما نحسها..

لازم نتحط في الموقف .. ونحس.. يعني ايه :
احراج … ندم …. غدر …. ألم

وبعدين نقول لنفسنا : يااااه الندم ده بيوجع أوي 😩🥺
المرة الجاية مش هاتسرع كده

مافيش أي كمية كلام نظري ممكن تشرح يعني ايه "ندم" .. لازم يتحس..

ينفع مدرب كورة ⚽️يمسك لاعب و يقول له : لما تشوط .. لازم يكون بالطريقة الفلانية لأن سرعة الكورة بتبقى كذا 🤾🏻‍♂️

عمررره ما هايتعلم 🤷🏻‍♀️.. لازم ينزل الملعب و يلعب و يحس بالكورة🏟️

نعمل ايه :

١. نزود تعرض ولادنا للمواقف الاجتماعية .. و مانخافش عليهم .. مدرسة .. تمرين .. صحاب .. قرايب

٢. كل ما نبدأ و هم صغيرين يكون احسن لأن المواقف بتبقى اصغر و أسهل

٣. ما تنطيش في الموقف عشان تنقذيها من احساس وحش .. انا عارفة اننا بنزعل عليهم .. بس مش هاتتعلم إلا كده

٤. بلاش رد فعل مبالغ فيه لما بنتك تيجي تحكي لك اللي حصل .. بالراحة عشان تتعلم و تيجي دائما تحكي لك

٥. ناقشوا اللي حصل بهدوء .. وتوصلوا مع بعض الى الدرس اللي نتعلمه

٦. توقعي انها تعيد الغلطة .. عاااادي جداً ! الحاجات دي بتاخد وقت ..
اذا كنا احنا كبار ولسه بنحاول نغير نفسنا في حاجات ..

بوررررراااااحة ع العيال يا جماعة ! 😍
عندكم ١٨ سنة تربوا فيهم ..

#منقول

علاج تأخر الكلام عند الاطفال:- _________________________________

١. اتكلمي معاه انتِ وباباه يوميا بقدر كافي ونطقّيه بأي كلام كل شوية .

٢. لا تستجيبي لإشاراته او تردي عليه لان في أطفال بتكّسِل تتكلم .. عشان مايلاقيش غير الكلام وسيلة للرد عليه وتلبية طلبه .

٣. لا تترك ابنك أمام التلفزيون اكتر من ساعتين موزعين على فترات طول اليوم بشرط تكون برامج هادفة أو تعليمية، وممنوع نهائي يشوف التلفزيون وخاصة الكرتون وقنوات الأناشيد قبل ما يتم سنتين لانه ممكن يسبب تاخر لا قدر الله .

٤. خدي رأيه يحب يأكل إيه ، يلبس ايه؟ الطريقة دي بتنمي اللغة عنده وبتنمي شخصيته وثقته بنفسه كمان .

٥. اوجدي له فرص للإختلاط بالناس بالتدريج وخاصة الأطفال اللي في سنه

٦. اسأليه كل يوم بعد ما يرجع من الحضانة او المدرسة عمل ايه طول اليوم ، اسأليه وهو بيلعب إزاي ركبت المرجوحه لعبت بالمكعبات وهكذا
.
٧. تصحيح الكلمات اللي بينطقها بشكل خطأ ( مرضان : رمضان) ( عبية : عربية) ( ترسي: كرسي)

٨. لا تترك الطفل مع حد بيتكلم بطريقة غير صحيحة لان الطفل بيلقط الكلمات

٩. البعد تماما عن الالعاب الا علي الفون لانها بتسبب له التوتر والعصبية وتضعف قدرته على اكتساب اللغة .

١٠. ممكن نلعب معاه لعبة التليفون لمدة نصف ساعة أو ساعة بالكتير مش اكتر من كدا

١١. علميه يستخدم فرشة الأسنان او المسواك في تنظيف لسانه مع أسنانه اكتر من مرة يومياً

١٢. من أسباب تأخر اللغة والتأتأة وضعف مخارج الحروف تشتيت الطفل بالكلام معاه بأكتر من لغة قبل مايتعلم ويتقن مفردات لغته الأم أو الأصلية

١٣-نمي مهارات طفلك بتكوين لعبة معينة تمييز الالوان من بعضها
#منقول
دمتم بخير 🌺

ماما بصي 😁
ماما شوفي😁
ماما ماما 😬
ربنا يخليكم لبعض🥰😊
#منقول

الفرق بين التوحد وتأخر الكلام:

1/ الطفل الذي يعاني من تأخر الكلام تجده يتواصل مع الآخرين بالرغم من عدم إكتسابه للغة، لكن طفل التوحد تجده منعزل ولا يقبل التواصل مع الآخرين.

2/ الطفل الذي يعاني من تأخر الكلام تجد لديه نظره العين عادية ينظر إليك لما تتكلم معه أما طفل التوحد لديه مشكل في التواصل البصري فهو يرفض ذلك.

3/ الطفل الذي يعاني من تأخر الكلام تجده يتفاعل بطريقه عادية معك ينظر إليك يبتسم لك يحب مشاركتك في اللعب... أما طفل التوحد فتجده كأنه غائب لا يكترث لوجودك أصلاً.

4/ الإشارة: الطفل الذي يعاني من تأخر الكلام تجده بالرغم من أنه لا يتكلم لكن يشير لك بإصبعه على الشيء الذي يريده أما طفل التوحد فتواصله بالاشارة ضعيف جدا فهو لا يستعمل أصبعه ليشير للشيء الذي يريده، بل يفسر ذلك بنوبات البكاء والصراخ.

5/ تنفيذ الأوامر: الطفل المُتأخر في الكلام ينفذ الأوامر فمثلا إذا طلبت منه أن يُحضر لك شيئا فهو يفعل ذلك أما طفل التوحد ففكرة تنفيذ الأوامر عنده صعبة جداً.

6/ اللعب مع الأطفال: الطفل الذي يعاني من تأخر الكلام تجد علاقته مع الأطفال عادية جداً أما أطفال التوحد فأغلبهم يعانون من مشاكل في التعامل و الإندماج و اللعب مع الأطفال.
#منقول

لزيادة الحصيلة اللغويه للطفل
التدريب علي الوصف
التدريب علي زيادة طول الجملة
#منقول

مستوي متقدم للمراجعه علي المجموعات الضمنيه وتصنيف المجموعات 👌🏼👍🏼
#منقول

معظم أسباب عصبية الأمهات علي عيالها ناتجة عن الضغوط اللي عليها من اللي حواليها..
سواء ضغوط نفسية أو من ارهاق سهر وقلة نوم وشغل بيت وارتفاع اسعار ومشاكل تانية...
لأ وكمان مش سايبينها في حالها..
ابنك متغير ليه.. الواد خاسس.. ابنك مش متربي.. انتي سايباه كده ليه..

بصي انا معاكي ان الحياة بقت صعبة وكل يوم فيها بقي كأننا بنعافر عشان بس نكمل...
ربنا ييسر الحال ويعينا علي مسؤلياتنا..
بس شوفي انتي كبيرة وعندك خبرات قد ايه ومع ذلك الموضوع صعب عليكي.. فما بالك بطفل لسة صغير معندوش تجارب.. لما بتطلعي غلك فيه إنتى كده بتحمليه كل اللي مش قادرة عليه.. وده مش بس بيدمره دلوقتي لأ.. مع كثرة العقاب والزعيق والعصبية انتى بتنشأيه بشكل غلط وبتعلميه ان الأمور بتتاخد بالزعيق والقفش مش بالحكمة والعقل وده هيأثر عليريقته في التعامل مع المشاكل وهيدمر نفسيته بكرة وبعده...

طيب ايه المطلوب..
تعاملى مع الامور بهدوء وفكري قبل ما تتصرفي.. مترميش ودنك لأي حد لأن معظم كلام الناس ملوش أساس من الصحة..
افصلي بين مشاكلك وبين تعاملك مع الطفل لأن ملوش ذنب..
قربي من ربنا ودايما ادعيه انه ييسرلك الحال..
وفي النهاية ربنا يعينك علي اللي انتي فيه..
دمتم بخير 🌺
#منقول

كل سنة وانتم بخير🌙🙏
تقبل الله منا ومنكم صالح الاعمال😊❤

الحصيلة اللغوية والإدراك 🤷‍♀️🙋

الإدراك بمعناه البسيط هو أن الطفل يقدر يتعرف على الحاجات اللي سمعها أو شافها أو شمها أو لمسها ...الخ ويقدر يفهمها ويبقا ليها معنى عنده 🧠 علشان كدة أول شيء لازم الأم تعمله لتطوير قدرات ابنها الإدراكية 🤯 وللوقاية من مشاكل التعلم المختلفة اللي ممكن ابنها يعاني منه هو زيادة حصيلته اللغوية وتخليه يتكلم عن الحاجات المختلفة اللي بيشوفها 🐇🐄🐑🐓🐫🦒 وبكدة خبراته تزيد وده هينعكس بشكل كويس جدا على تطوير إدراك الطفل 👌

طب نعمل كدة إزاي؟! 🤔🤷
١) اتكلمي مع إبنك في كل حاجة يشوفها بالتفصيل يعني طيور 🐧حيوانات 🐫 حاجات في البيت 🛏️🛋️ مواصلات 🚌🚆🚕 فواكه 🍊🍎🍌....الخ.

٢) درجي ليه المعلومة من البسيط للمعقد ومن العام إلى الخاص بمعنى أتكلم في البداية عن مسمى الحاجة دي (تفاحة) ولونها (أحمر أو أخضر) وشكلها (مدورة) ووظيفتها (بناكلها) وتصنيفها (فاكهة).

٣) اطلبي من إبنك يتكلم عن الحاجة دي بجملة متكاملة (التفاحة فاكهة حمراء أو خضراء لونها أحمر طعمها مسكر بناكلها).
#منقول

ابني مش بيسمع نصيحتي خالص ! بيعاند و مزهقني ! 😭😭

—————————————————————-

عبد الله بن مسعود كان بيقعد مع الناس كل خميس يديهم درس و موعظة ..

طلبوا منه ييجي كل يوم ..
قال لهم :

إنَّ رَسولَ اللهِ صَلَّى اللَّهُ عليه وسلَّمَ كانَ يَتَخَوَّلُنَا بالمَوْعِظَةِ في الأيَّامِ، كَرَاهيةَ السَّآمَةِ عَلَيْنَا

هو في أحلى من كلام النبي (عليه الصلاة والسلام) ؟ معقول حد يزهق منه ؟ 😍

وهل في حد أحرص على صلاح الناس و هدايتهم منه ؟♥️

ومع ذلك .. كان "يختار" الأوقات اللي بينصح فيها .. يختار الوقت المناسب .. لما يحس انهم مستعدين نفسيا ..😍

ليه ؟ عشان ما يكرهوش النصيحة و يستثقلوها🤷🏻‍♀️

كتير أوي ولاد قفلوا و دانهم خلاص 👂🏻و كمان قلوبهم 💔.. بسبب النصائح و التوجيهات المستمرة .. بنفس الطريقة المكررة .. و نفس الجفاف العاطفي

انتِ بتسَمَّعي الشريط اللي انت حافظاه 📼..
وهو من كتر ما سمعه .. بيسَمَّع معاكي !

🌟🌟🌟نعمل ايه :

1. نسيب وقت بين كل نصيحة و التانية (حتى لو هانموت و نقول!!!)☺️

2. لقيتي الطريقة اللي بتستخدميها مش جايبة نتيجة ؟ 🗝️شوفي مدخل تاني
(الدين - المنطق - العلم - المشاعر - الهزار ……)

3. اسمعواااااااا أكتر ما بتتكلموا 👂🏻… ادوهم فرصة يعبروا عن رأيهم و حاولوا تفهموا وجهة نظرهم

4. نوعوا في اساليب النصح .. مرة مباشر .. مرة قصة .. مرة فيديو .. مرة حد غيركم

5. بلاش محاضرات طويلة .. محدش بيحب كده

6. جربوا تكتبوا لهم رسالة

7. ابعدوا عن التهديد و الوعيد 😡و استخدموا الكثير من المشاعر في كلامكم💕

8. شوية أمل ..🌞بلاش "هاتسقط .. هاتضيع "…. استخدموا "عندي أمل كبير فيك .. شايفاك حاجة كبيرة"

#منقول