Advanced Excel Community

الوقت و التاريخ فى الاكسيل
الاكسيل بيفهم الوقت والتاريخ بصيغ رقمية
ازاى !!!
الوقت بيكون ما بين الصفر والواحد
واليوم واحد ومضاعفاتة
يعنى لو الساعه 12 مساء ( ظهرا ) معناها نص يوم وبالتالى القيمة الرقمية بتاعها 0.5
لو 6 صباحا ( فجرا ) معناها ربع يوم وبالتالى القيمة الرقمية بتاعتها 0.25
وهكذا لو بالثوانى كمان
والتاريخ بيبدأ فى الاكسيل بيوم 01/01/1900 وبيقابله قيمة رقمية هى واحد وعليها لو كتبنا 10 معناها 10/01/1900 وهكذا
وتاريخ أول السنة اللى هو 01/01/2021 بيقابله قيمة رقمية هى 44197
ومعناها ان عدى 44197على يوم 01/01/1900
طيب معنى كده ان 44197.5 بالقيمة الرقمية معناها الساعه 12 ظهرا يوم 01/01/2021
وهكذا فى الأيام والكسور
الوقت أقل وقت فيه صفر واللى هو معناه الساعه 12 صباحا ( منتصف الليل) وماينفعش يقل عن صفر لأن كده يوم عدى
وما يزدش عن أو يساوى 1 لأن كده بدايه يوم جديد
والتاريخ أقل رقم فيه صفر وده مالوش مدلول اللى هو يوم 00/01/1900
وماينفعش يبقى بالسالب لأن القيمة الأقل هى 1
تمام طيب لو عايزين نعرف الفرق بين وقتين
ما بين الساعه 12 صباحا ل 6 صباحا يعنى 6 ساعات
بس بالقيم الرقمية هتبقى ( 0.25-0) والناتج هيبقى 0.25 بس احنا مش عايزين كده احنا عايزينه يطلع 6 ساعات مش ربع لأن ببساطة لو الساعه ب10 جنيها كمثال مش هيبقى المدلول مفيد كده
بمعاملة رياضية بسيطة هنعرف ان اليوم 24 ساعه وال 24 ساعه بالقيمة الرقمية فى الاكسيل ب1 صحيح
يبقى معنى كده لو ضربنا ناتج فرق الوقت * 24 ساعه ( اللى هو يوم كامل يعنى ) الناتج هيبقى ممثل للواقع اللى هو ( 0.25 * 24 ) الناتج بتاعها 6 وده فعلا عدد الساعات
طيب لو افترضنا ان الخروج فى صباح اليوم التالى وليكن 6 صباحا والحضور كان اليوم السابق الساعه 6 مساء معناها ان الفرد ده اشتغل 12 ساعه بس الناتج هنا هيبقى ( 0.25-0.75) والناتج هيبقى سالب 0.5 والوقت مفهوش سالب بالتالى النتيجه غلط
الحل بسيط نجمع اليوم السابق + حضورة و نطرحه من اليوم الحالى + انصرافه
وليكن كمثال حضر الساعه 6 مساء يوم 01/01/2021
وخرج الساعة 6 صباحا يوم 02/01/2021
المعامله هتبقى (( يوم 02/01/2021 + الساعه 6 مساء)-(يوم 01/01/2021+الساعه 6 صباحا) )*24
((44198+.25)-(44197+.75))*24
الناتج هيبقى 12 ساعه فعلا
دى ببساطه ازاى تحسب عدد ساعات حضور الشخص فى يوم معين
طبعا لو افترضنا ان الشخص بيشتغل اكتر من يوم متواصل زى دكاتره الطوارئ مثلا هيعامل بنفس الطريقه

كتير مننا بيحتاج يعمل ليست بمتغييرات مختلفة زى مثلا بدل ما أقول 1 2 3 وهكذا لأ أنا عايز أقول
A B C D وهكذا
أو أقول
Q1 Q2 Q3 Q4 Total
أو غيرها من الليست اللى بتختلف من مكان لمكان ومن فرد لفرد
طب ازاى نعملها ؟؟؟!!!
لو على الليست بس يبقى بالخطوات اللى جاية
من قائمة
File →→→ Options→→→Advanced→→→General→→→Edit Custom Lists→→→New List→→→ بعدين القائمة اللى انت عايزها وما بين كل اختيار والتانى نحط
,

طيب لو محتاجين نعمل قايمة كبيرة شوية زى مثلا من
A : BZ
لو عملناها طبعا بالايد واحدة واحدة مش هتطلع صح 100 % غير الوقت والمجهود
طب في حل
أكيد
نعمل معادلة في اول خلية في اى عمود في الاكسيل
وتبقى
=LEFT(ADDRESS(1,ROW(),4),LEN(ADDRESS(1,ROW(),4))-1)

ونشدها لغاية عدد المتغيرات اللى هنحتاجها وهنا هتبقى 78 مرة علشان نوصل للخلية BZ
وبعدين زى ما ظاهر فى الصور
لغاية الخلية الاخيرة ومنها نعمل F2 وبعدين F9
هيبقى الناتج زى الصورة السادسة
والناتج ده نعملها من خلال خطوات اضافة ليست جديدة

استخدمات بسيطة ممكن تحتاجها
لو محتاج تعرف عدد كلمات جملة معينة
=LEN(A1)-LEN(SUBSTITUTE(A1," ",""))+1
بإفتراض وجود الجملة فى A1
لو محتاج تعرف عمرك قد ايه دلوقتى
"Your age is "& DATEDIF(A1,TODAY(),"y") &" Year(s), "& DATEDIF(A1,TODAY(),"ym")& " MONTH(s) & "& DATEDIF(A1,TODAY(),"md")& " Day(s)."
بإفتراض وجود عمرك فى A1
لمعرفة تاريخ بداية الشهر و نهايته
=EOMONTH(A1,-1)+1
=EOMONTH(A1,0)
لمعرفة ترتيب ابجدى تصاعدى أو تنازلى لمجموعة أسماء
=COUNTIFS($A:$A,"

حساب صافى الراتب وفقا للقانون الجديد المفترض تطبيقة يوليو 2020

Conditional formatting

تنسيق الأرقام الموجبة بإشارة + , والأرقام السالبة بإشارة –
لنفترض أن لدينا نطاق يحتوي على درجات الحرارة خلال شهر كانون الثاني ونريد وضع تنسيق لدرجة الحراة بحيث تظهر موجبة إذا كانت فوق الصفر وسالبة إذا كانت تحت الصفر :
1- نقوم بتحديد النطاق, في مثالنا (C4:C17)
2- ندخل إلى تنسيق الخلايا , (بالضغط على زر الماوس الأيمن)
3- عند التبويب "رقم" نختار نختار "مخصص" ثم نكتب : + #;- #;0
ثم نضغط على موافق.