Pet Fly

في Pet Fly
نحن لا نهتم بالحيوانات الأليفة فقط…
بل نهتم بكل لحظة أمان، راحة، وحب يعيشونها مع عائلاتهم ❤️🐾

نسأل الله أن يحمل لكم عيد الأضحى أيامً مليئة بالطمأنينة، والفرح، والذكريات الجميلة.

عيد أضحى مبارك ✨
Pet Fly
Travel Safe
Fly Happy 🦮🐈

الدليل الكامل لسفر القطط والكلاب.. خطوة بخطوة من البيت للمطار ✈️🐕🐈
لو بتفكر تسافر ومستحيل تسيب كلبك أو قطتك، الخطوات دي هي "خريطة الطريق" القانونية والطبية اللي هتحميك من أي مفاجآت في المطار.
جهز الـ Screenshot أو اعمل Save للبوست عشان هتحتاجه!
🟩 الخطوة الأولى: التجهيز الطبي والقانوني (ابدأ قبل السفر بـ 3-4 شهور)
1. المايكروتشيب (Microchip): دي الخطوة رقم (صفر).
شريحة صغيرة جداً بتتحقن تحت الجلد، بتشيل رقم تعريفي دولي من 15 رقم.
ملحوظة مهمه: لازم المايكروتشيب تتعمل "قبل" تطعيم السعار، لو اتعملت بعده، التطعيم بيعتبر كأنه لم يكن في نظر القوانين الدولية!
2. دفتر التطعيمات السعار و التطعيمات الفيروسية: إتأكد إن كل تطعيمات أليفك سارية ومكتوبة بوضوح في الدفتر ومختومة بختم العيادة، وخصوصاً تطعيم السعار (Rabies).
3. تحليل تتر السعار (Rabies Titer Test): ده "مفتاح السفر" لمعظم دول العالم (أوروبا، الخليج، أمريكا.. إلخ).
التحليل ده بيقيس نسبة الأجسام المضادة للسعار في دم الأليف للتأكد من حصانته.
شروطه: بيتعمل بعد تطعيم السعار بـ 30 يوم على الأقل، وبعض الدول (زي الاتحاد الأوروبي و عمان و قطر ) بتشترط مرور 3 شهور من تاريخ سحب العينة قبل ما الأليف يدخل البلد!
🟨 الخطوة الثانية: تذكرة الطيران ومواصفات الشنطة
قانون الوزن: لو أليفك مع الشنطة أقل من 8 كيلو، هيركب معاك جوه الكابينة (Cabin). لو أكتر، هيكون في مخزن الطائرة (Cargo) في مكان مخصص ومكيف.
مواصفات الشنطة (IATA Approved): شركات الطيران صارمة جداً في الموضوع ده:
في الكابينة: شنطة مرنة (Soft-sided) بأبعاد تدخل تحت المقعد اللي قدامك.
في الشحن: بوكس بلاستيك صلب (Hard plastic) بقفل متين، ولازم حجمه يسمح للحيوان إنه يقف، يلف حول نفسه، وينام براحته تماماً.
لو البوكس ضيق، شركة الطيران هترفض شحنه على فكره.
🟦 الخطوة الثالثة: الأيام الأخيرة قبل الإقلاع (الورق النهائي)
شهادة الحجر البيطري: قبل السفر بـ 10 أيام (أو حسب شروط بلد الوصول)، لازم تتوجه بأليفك للجهة الحكومية المسؤولة عن الحجر البيطري في بلدك لإصدار "شهادة صحية دولية" وتصريح سفر. و خلي بالك الشهادة دي ليها صلاحية محددة ولازم تسافر خلالها.

🚨 تنبيهات صحية هامة جداً قبل الرحلة:
ممنوع المهدّئات تماماً: إعطاء الأليف حبوب منومة أو مهدئات قوية خطر جداً على حياته بسبب تأثير الضغط الجوي على ضربات القلب والتنفس.
صيام 6 لـ 8 ساعات: امنع الأكل تماماً قبل مواعيد الطيران بفترة كافية لتجنب القيء أو الدوار جوة الشنطة.
السفر بأليفك مش مستحيل، هو بس محتاج "نَفَس طويل" وتنظيم للوقت! 🐾
بتخططوا للسفر قريب؟ و ياترى إيه أكتر خطوة حاسين إنها معقدة بالنسبة لكم؟!!

الورق جاهز، الباسبور في جيبك، والـ Microchip متسجلة.. خلاص كدة؟ لاء، الـ 24 ساعة اللي قبل السفر هما اللي بيحددوا رحلتك هتبقى مريحة ولا بهدله.
اتبع قوانين صحة الحيوان :
​⏳ قبل الرحلة بـ 24 ساعة: امنع الأكل تماماً (مسموح بمياه بسيطة بس).
قوانين الطيران بتنصح بكده لحماية أليفك من "دوار الحركة" والقيء جوه الشنطة، وعلشان يتجنب قضاء حاجته في مكان ضيق يسبب له التهابات أو ريحة تضايق الركاب.
​✂️ تقليم الأظافر: قص ضوافر كلبك أو قطتك قبل السفر بيوم. في ظروف الضغط أو التوتر، الحيوان ممكن يحاول يحفر في بوكس السفر، والضوافر الطويلة ممكن تتكسر وتنزف جوه الرحلة.
​🏃‍♂️ تفرغ الطاقة: قبل ما تتحركوا للمطار بـ 3 ساعات، العب مع قطتك لغاية ما تتعب، أو خدي كلبك يتمشى و يجري. الهدف؟ يركبوا الطيارة وهم طاقتهم صفر وجاهزين للنوم.
​👕 ريحة البيت: حط جوه بوكس السفر تيشرت قديم ليك مش مغسول (فيه ريحتك). القوانين بتمنع الألعاب الصلبة جوه البوكس لسلامتهم، بس القماش اللي فيه ريحتك هيحسسه بالأمان وسط دوشة المطار.
​شير البوست ده عشان تلحق أي حد مسافر بأليفه قريب 🐾

هو ميعرفش انت رايح فين…
بس عارف انك مستحيل هتسيبه و تمشي

هو مش فاهم معنى السفر…
لكنه واثق إنك هتختار له الأفضل

حيوانك مش شنطة سفر…
وده بالظبط سبب اهتمامنا بكل تفصيلة في رحلته

الكويت بترفض دخول بعض انواع سلالات الكلاب الشرسة

كل دول أوروبا بتشترط مرور 3 شهور على تاريخ سحب عينة تحليل السعار قبل السفر ليها

تركيا بتشترط إن الحيوان الأليف يكون عمره أكبر من 7 شهور علشان يقدر يسافر ليها

تحليل السعار بتاع حيوانك الأليف صالح مدى الحياة بعدد سفريات لا محدودة بشرط ان تطعيمات السعار في كتيب التطعيمات تكون متصله من غير إنقطاع

لو حابب تمشي في إجراءات سفر حيوانك الأليف بنفسك 🐶🐱
فأنا مرحب جداً إنك تستشيرني في أي خطوة

هقولك تعمل إيه بالظبط… خطوة بخطوة،
وهنمشي سوا لحد ما توصل لنتيجة مضمونة إن شاء الله

ولو حابب تريح نفسك خالص
وتسيب كل الإجراءات عليّا وأنا أخلصها لك من أول ورقة لحد السفر ✈️
فده شغلي… وده اللي بعمله كل يوم

وفي الحالتين، أنا مبسوط بثقتك
سواء اعتبرتني مرشد معاك في الطريق…
أو الشخص اللي هتسيبه مسؤول عن إجراءات مهمة تخص أغلى حاجة عندك