Hope Team

بِقُلُوبٍ حَزِينَةٍ وَعَلَى رَجَاءِ الْقِيَامَةِ
​تتقدم أسرة فريق الرجاء بخالص التعازي للأخت العزيزة برونكا ديفيد، رافعين صلواتنا من أجل تعزية الأسرة في انتقال شقيقها المحبوب فرانكو ديفيد إلى الأمجاد السماوية بجمهورية مصر العربية.
​"مُبَارَكٌ اللهُ أَبُو رَبِّنَا يَسُوعَ الْمَسِيحِ، أَبُو الرَّأْفَةِ وَإِلَهُ كُلِّ تَعْزِيَةٍ، الَّذِي يُعَزِّينَا فِي كُلِّ ضِيقَتِنَا"
— (رسالة كورنثوس الثانية 1: 3-4)
​نطلب من الله أبينا تعزيات سماوية للأسرة المكلومة وجميع الأهل في جمهورية جنوب السودان وفي دول المهجر، وأن يسكب سلام المسيح الذي يفوق كل عقل ليعزي قلوبكم جميعاً في هذا الفقد الأليم.
​الرب يعزي قلوبنا جميعاً، وله كل المجد إلى الأبد.

تجديد العهد
​الرجاء ليس مجرد اسم نحمله
بل هو نبض قلوبنا الذي لا يتوقف.
قد تتغير الفصول
وتتبدل الأماكن
لكن يبقى الشوق للخدمة هو البوصلة
ضبطنا آلاتنا على ترددات السماء
وجمعنا الكلمات التي ولدت في وقت الخفاء..

يا رب،
بنشكرك على كل لحظة عدت في السنة الفاتت، ناديتنا فيها وجينا ليك بقلوبنا قبل أصواتنا

بنشكرك لأنك بتعاين لينا بالاسم، بتهتم بينا كأولادك وبتحبنا
حب شخصي قبل ما نكون خدام بنقدم ليك حاجة
​
وفي بداية 2026، بنرفع ليك قلوبنا بـ 'جسارة'، مش ثقة في نفسنا، لكن 'بسبب النعمة الوهبتها لينا'. بنعترف يا رب إنو وقفتنا دي، وآلاتنا، وأصواتنا، هي منحة منك أنت وبراك، ما لينا فيها فضل

​يا رب، اجعلنا في السنة الجديدة 'مُذكرين' لقلوبنا ولشعبك. خلّي تسبيحنا يصحّي النفوس، ويذكّر التعبانين بصلاحك، ويذكّرنا إحنا قبل الكل إنك حي وأمين. بنصلي تكون سنة 'سكنى حضورك'؛ تسكن في بيتك وتكون قلوبنا مكان راحتك

​وزي ما قال موسى زمان، بنقول ليك الليلة: 'إن لم يسر وجهك معنا، فلا تصعدنا من ههنا'. لو حضورك ما كان قدامنا وماشي معانا، ما عندنا رغبة في أي حاجة، لأنو الدنيا والخدمة وكل الألحان ما عندها طعم ولا قيمة لو ما كنت أنت فيها

​اجعلنا يا رب خدام حقيقيين بالنعمة، نعيش ليك ونشهد عنك، ونختبر معاك عُمق أبعد من كل اللي فات.
​باسم المسيح، آمين

Matthew 1:23🎄🎅

18 سنة بركة وإيمان

اليوم بنحتفل بمرور 18 سنة من بداية مشوار خدمتنا من سنة 2007،
ثمانية عشر سنة ربنا كان فيها أمين معانا خطوة بخطوة،
سنة ورا سنة، والنعمة بتزيد، والرؤية بتكبر.

الخدمة دي قامت على قلوب أحبّت المسيح، وهدفنا المسيح يتعرف وسط الناس.
وعشان كدا بنشكر كل الزول شارك في المشوار:
الخدام، المرنمين، المسبحين، فريق الميديا، والإدارة،
وحتى الناس الواقفّة من بعيد بالدعم والصلاة.
كلكم شركاء في البركة دي.

نحن واثقين إنو الرب لسه عندو المزيد،
وسنين الجاية ح تكون سنين نمو، وتوسع، وخدمة أوسع تأثيراً،
وربنا يستخدمنا لمجده وسط الكنيسة والمجتمع.

وكل سنة وخدمتنا واقفة بثبات، ومستمرة بقوة،
ورافعة راية المسيح لحدي يوم مجيئه.

يوحنا ١٥ : ١٥ ❤️