Calm 369

معلومة جديدة......

لما ابنك او بنتك يتعصبوا و يبكوا بشدة ايا كان السبب، متقولوش أهدأ ومتعليش صوتك ، خده فى حضنك هتلاقيه هدى و بدأ يتكلم عادى ♥️

لما ابنك او بنتك يقولولك تعالى العب معانا شوية ، متقولهومش لأ روحوا ذاكروا، قولهم هنلعب 5 دقايق بس علشان تروحوا تذاكروا ، اول ما تقولهم الوقت خلص هيروحوا للمذاكرة فورا و هم مبسوطين و دة حافز مقدما على المذاكرة 👌

متقارنش بين ابنك و بين حد تانى متفوق أكثر ، لأ لازم تقتنع انت شخصيا أن فيه حاجة اسمها فروق فردية مش كلنا زى بعض فى كل حاجة،و زى ما ابنك عنده سلبيات هو برضه عنده إيجابيات مش موجودة عند المتفوق 👍

متقولش لابنك اللى يضربك اضربه، دة هيخليه عدوانى ، و تنمو عنده فكرة اخد حقى بإيدى و اكيد السلوك دة مرفوض فى المجتمع ، و بالتالى ابنك هيعانى بعد كدة من الرفض فى اى مجتمع 👌

لما ابنك يغلط و تبدأ تتكلم معاه و تعبر له عن غضبك و زعلك منه ، قوله انا بحبك ،اكد على حبك ليه ، بس زعلان منك لانك عملت كدة ، اوعى تحسسه أنه غير مقبول لانه غلط ، أكد على فكرة انى بحبك لكن سلوكك كان غير مقبول ، و لازم الطفل يتعاقب على قدر الخطأ ، و لو الطفل تأسف هنقبل الاسف لكن العقاب لازم يتنفذ 🌹

معلومة نفسية جديدة.....
يجب علينا أن نعتاد على أسلوب ( إدارة الضغوط ) و ليس ( مواجهة الضغوط )
لان الضغوط تدار و لا تواجه، لأن المواجهة بين شيئين ينتج عنها أن يتغلب أحد الطرفين على الآخر و هذا ما يحدث فعلا على أرض الواقع ننغمس فى مشاكلنا إلى أن تقهرنا و تقضى علينا .
و الأسلوب الصحيح هو أن ندير الضغوط ،و نتعايش معها، و محاولة إصلاحها لأننا لن نعيش حياة خالية من الضغوط.