Autotronics MITU

😍🏎️

بوست تعريفي لقسم الاوتوترونكس🚗
جامعة مصر التكنولوجية الدولية MITU
اول حاجة كلمة اوتوترونكس هي متكونة من جزئين اول جزء اللي هو"اوتو" و اوتو كلمة منشقة من كلمة automotive و من هنا تبتدئ تعرف أن القسم ده هيكون فيه تركيز كبير علي ميكانيكا السيارات و كل حاجة عن السيارة لازم تكون عرفها من اصغر جزء فيها لأكبر جزء و انشاء الله خلال السنة الأولي هتلاقي انك عارف كله تفاصيل العربية و ده يعتبر الجزء الاول أما الجزء هي كلمة "ترونكس" و هي مشتقة من كلمة electronics و من هنا تقدر تستنتج أن في جزء كبير هيكون تابع لدراسة الكهربا و بردو هتلاقي أن من الترم التاني كل مواد التخصص يا اما كهربا يا اما تابعة لقسم ميكانيكا السيارات
تعالي بقي دلوقتي بعد ما خدنا نظرة عامة عن القسم نشوف المواد اللي هتدرسها خلال الاربع سنين و متاسف بس علشان مطولش عليكوا ههتم فقط باول سنة و هديكوا بردو نظرة عامة سريعة عن باقي المواد اللي هتدرسها خلال الاربع سنين علشان تبقي عارف لما انشاء الله لما تتخرج من الكلية تبقي عارف المفروض توصل لايه علشان تقدر تلاقي شغل كويس و ممكن كمان تقدر تسافر برة تشتغل او تكمل تعليمك
+ اول ترم بيسمي بالنسبالي أنه الترم التمهيدي اللي هيبتدي يساعدك و يوقفك علي رجلك علشان تقدر تكمل الاربع سنين فمش هتلاقي فيه مواد التخصص كتير و المواد هي :

English 1
Mathematics 1
It ( information technology)
Graphics (رسم هندسي)
basic of workshop
Physics
و إنشاء الله كلها مواد سهلة بس الناس حبيبنا بتوع ثانوي هيكون قلقنين شوية من مواد التخصص و انا هكلمك بصراحة هتتعب شوية في مادة الgraphics بس بعد فترة قليلة من المحاضرات هتلاقي نفسك بتتحسن و الدنيا هتتظبط معاك غير كده مش هيكون فيه اي مشكلة بالنسبة لحبايببنا بتوع ثانوي اما بقي بتوع دبلوم ربنا معاهم علشان المواد بالانجليزي بس بردو بعد فترة هيلاقوا الدنيا افضل لان الدكاترة بيكونوا عاملين حسابهم و علشان كده هتلاقيهم بيشرحوا بطرق سهلة

ده كده ملخص الترم الاول مواد الترم التاني بقي 7
+Practical training
+Hydraulic
+Principles of automotive electricity and electronics
+Automotive engines
+ AUT109-OSH (سلامة و صحة مهنية)
+ English 2
+ Mathematics 2
تعالي بقي نفهم ايه الاسماء المكلكعة دي
1) practical training دي يا بقي اجمل مادة في الترم لان كلها فسح يعني انت كل اسبوع بتروح مصنع أو شركة أو مكان تدريب تتعلم فيه و ممكن كل اسبوع بتروح مكان غير التاني بتشوف ازاي المواتير بتشتغل و العربيات ازاي بتقوم و حجات كتير كمان و ده هيفيدك جدا في المواد النظري
2) hydraulic ودي مادة فيها جزء نظري و جزء عملي و هي معظم دراستها عن الطرمبات و شغل بالزيت و شوية نظريات كده بردو هتفيدك في العملي
3) Principles of automotive electricity and electronics دي ماده يتعرفك علي اساسيات الكهرباء و بتاخد فيها جزء بسيط عن كهربا السيارة و بتكمل الجزء ده في باقي السنين
4) Automotive engines و دي من أهم مواد الترم لانها دي اول سلمة في مستقبلك و لازم تفهمها كويس و بردو ليها جزء عملي
5) AUT109-OSH دي بقي مادة السلامة و الصحة المهنية دي بقي اسهل مادة و المهم منها انها تقدر تساعدك علي الحفاظ علي نفسك من خلال التعليمات و الإرشادات
6) English 2 7) mathematics 2
و دول بقي مش محتاجين شرح

بعد ما انشاء الله تعدي اول سنة علي خير هتلاقي بعد ما تكون فهمت كهربا كويس و كل حاجة عن العربية هتلاقي أن عندك مواد تساعدك علي انك تقدر تشغل عربية بالكهربا و هو ده من أهم الحاجات اللي هتفيدك جدا في شغلك و مستقبلك و بكده اكون قدرت اعرفكوا حاجات بسيطة عن القسم و انشاء الله اشوفكوا معانا في الكلية و بالتوفيق للجميع ⁦♥

Misr International Technological University جامعة مصر التكنولوچية الدولية الكلية التكنولوجية بالقاهرة