Azab Group

🛑في مشكلة زي اللي في صورة بتقابلك وانت خلاص وصلت انك بتعمل وحدات المطبخ وتفرشه هو بروز الغسالة عن باقي المطبخ ودا بيعطي شكل مش متناسق في المطبخ مع باقي الاجزاء 🤦🏻‍♀️ومش عارف ترجع الغسالة بسبب وجود التغذية والصرف ظاهر معاك من الخارج 🙆

🛑حلها اي بقي 🤔
بوكس الغسالة أثناء التأسيس
📌بيخفي التغذية والصرف بالكامل من الداخل
📌يمنع بروز الغسالة ويخليها في خط واحد مع اجزاء المطبخ
📌يحمي المحابس والخراطيم من أي ضغط أو كسر
📌بيسهّل التنضيف ويخلي شكل المكان أنضف ومتناسقة مع وحدات المطبخ

🚨التأسيس الصح = تشطيب مرتب متناسق بدون مشاكل بعد كده ✔️

📌 Mirrors
📌 Details

🛑 الحمام بتاعكم بيسرب علي سقف عندنا والسقف هيقع علي دماغنا صلحوا حمامكم 😡
📌 ودا حاجة صغيرة من اللي هتسمعها من جارك اللي تحتك لو معزلتش الحمام صح والنتيجة أن هيكلفك تكسير الحمام كله وندخل في مصاريف ملهاش لازمة دا كله ليه عشان حضرتك أهملت في العزل 🤷🏻‍♀️
📌طب أعزل صح ازاي ..هقولك 👇🏻
📍اولا : توقيت العزل ودا مهم جدا جدا جدا 👌🏻
ابدا أعزل قبل صرف السباكة مش بعد مع مراعاة تكسير اماكن الصرف قبل تنفيذ العزل
📍ثانيا : ببدا اعمل خطوات العزل (تنضيف الأرضية كويس جدًا- معالجة أي شروخ أو زوايا ضعيفة- دهان مادة برايمر لزيادة الالتصاق-دهان طبقتين من العزل (أسمنتي أو بيتوميني)-اختبار الغمر بالمياه لمدة 24 ساعةوخليك كريم وسيبها 48 ساعة الدنيا مش هطير)
📍ثالثا : ودي مهمة زي اولا جدا جدا احمي العزل بتاعي بطبقة من اللياسة الاسمنتية عشان اللي يدخل يشتغل عليه سواء كهربائي أو سباك ميبوظش ونرجع بقي نصلح تاني 🤷🏻‍♀️

🛑عايز اعمل الأرضيات عندي باركية شكله شيك 🤔
📌طيب هو فعلا شيك مفيش خلاف عليه بس قبل متقرر القرار دا عارف إن عندي ارضيات خشبية (باركيه) طبيعية وصناعية وكل حاجة ليها مميزات وعيوب ومدة صلاحية وحاجات لازم تاخد بالك منها يعني عندي 👇🏻

📌الخشب الطبيعي👇🏻
📍ومنها الزان والأرو والعزيزي و Teakودا يعتبر افضل نوع وبيستخدم في أماكن فيها الرطوبة عاليا زي السونة أو علي جوانب حمام السباحة ...وموسكي والسويد ودا أقلهم تكلفه
📍بيتركب ازاي 🤔
للصق بمادة أو مسمار (علفة)
📍مميزاته (شيك جدا - يعطي شعور بالدفئ بالشتاء مقارنة بالسيراميك البورسلين -عمره طويل )
📍عيوبه(بيتأثر بالرطوبة-محتاج دائما صيانة دورية-ممكن لونه يتغير بالحرارة-سعره غالي جدا - بيئة للحشرات والنمل )

📌الخشب الصناعي(HDF-HPL)
📍HDF هو عبارة عن خشب مضغوط ومضاف عليه طبقة حماية ويعلوها طبقة ديكورية وأنواعه (صيني وتركي وسويسري و الماني)
♦️مميزاته(شيك جدا -سعره اقل من الخشب الطبيعي - سهل في التركيب - سهل في الصيانة )
♦️عيوبه ( مدة صلاحيته قليله - بيتاثر بالرطوبة )

📍 HPL هو عبارة عن 3 شرائح مدعمة بمادة قوية تقاوم الاحتكاك والخدوش والمياه والزيوت وتعلوها طبقة ديكورية
♦️مميزاته (شيك جدا - سهل التركيب - سهل الصيانة - مدة صلاحيته اكبر منHDF)
♦️عيوبه ( سعره اعلي من HDF- بيتاثر بالرطوبة )