Mathew Rentals

أهم معاني الرموز بعلبة الفيوزات بالسيارة وقوتها بالأمبير
(‏P/WDW-LH) فهو يرمز إلى فيوز باور النافذة اليسرى، وتبلغ قوته (30) أمبير ..
(‏P/WDW-RH) يرمز إلى فيوز باور النافذة اليمنى، وتبلغ قوته (30) أمبير ..
(‏TAIL RH) يرمز إلى فيوز الإشارة اليمنى بالإضافة إلى اللمبة المخصصة للدرج الأمامي، وتبلغ قوته (10) أمبير ..
(‏RR HTR) يرمز إلى الفيوز الخاص بسخان الزجاج، وتبلغ قوته (30) أمبير ..
(‏A/BAG) يرمز إلى الفيوز الخاص بالوسادة الهوائية للأمان، وتبلغ قوته (15) أمبير ..
(‏CLUSTER) يرمز إلى الفيوز الخاص بالتابلوه (الطبلون)، وتبلغ قوته (10) أمبير ..
(‏TAIL LH) يرمز للفيوز الخاص بالإشارة اليسرى والإضاءة الخاصة بلوحة الأرقام، بالإضافة للكشاف الأيسر، وتبلغ قوته (10) أمبير ..
(‏AUDIO) يرمز للفيوز المسؤول عن الكاسيت وأزرار المرايا والساعة، وتبلغ قوته (10) أمبير ..
(‏C/LIGHTER & P/OUTLET) يرمز إلى الفيوز الخاص بالقداحة “الولاعة”، وتبلغ قوته (20) أمبير ..
(‏RR FOG) يرمز إلى فيوز اللمبة المخصصة للضباب والشبورة، وتبلغ قوته (15) أمبير ..
(‏HTD MIRR) يرمز إلى زر المرآة اليمنى واليسرى، وزر سخان الزجاج، بالإضافة للكهرباء الخاصة بالموتور، وتبلغ قوته (10) أمبير ..
(‏IG COIL) يرمز إلى الفيوز الخاص بإشعال وتشغيل السيارة، وتبلغ قوته (20) أمبير ..
(‏IMMO) يرمز للفيوز الخاص بمنع إدراة وتشغيل المحرك، وتبلغ قوته (10) أمبير ..
(‏P/OUTLET) يرمز إلى الفيوز الخاص بالإضاءة المخصصة لأزرار السيارة، وتبلغ قوته (15) أمبير ..
(‏S/HTR) يرمز إلى الفيوز الخاص بسخان الكرسي بالسيارة، وتبلغ قوته (20) أمبير ..
(‏A/CON SW) يرمز إلى الفيوز الخاص بالمكيف داخل السيارة، وتبلغ قوته (10) أمبير ..
(‏START) يرمز للفيوز الخاص بناقل الحركة الأسبيت وجهاز الإنذار بالسيارة، كما أنه يرمز للمفتاح الخاص بتشغيل وإدارة السيارة، وتبلغ قوته (10) أمبير ..
(‏Spare) وهو يرمز للفيوز الإحتياطي، ويتواجد منه (3) فيوزات إحتياطية تقع على يسار علبة الفيوزات، يُستخدم الفيوز الإحتياطي في حالة تعطل أحد الفيوزات بالعلبة ..
(1‏A 10 F) يرمز إلى صندوق السيارة الخلفية وإضاءة باب السيارة ..
(‏A 10 F2) يرمز إلى الكلاكس والساعة ..
(‏A 15 F3) يرمز إلى السنترلوك ..
(‏A 15 F4) يرمز إلى وحدة الرفع بالسيارة ..
(‏A 10 F5) يرمز إلى البطارية ..
(‏A 20 F6) يرمز إلى السخان الخاص بالزجاج الخلفي، ووحدة الإنذار والتوقيت، وتنبيه فتح الأبواب، بالإضافة إلى الراديو ..
(‏A 15 F7) يرمز إلى اللمبة الخاصة بالفرامل ..
(‏A 15 F10) يرمز إلى القداحة “الولاعة” ..
(‏A 10 F13) يرمز إلى كشاف الإضاءة الخلفي الأيسر ..
(‏A 10 F15) يرمز للمسئول عن وحدة قفل الدركسيون والراديو ..
(‏A 15 F16) يرمز إلى لمبات الإشارة والمرآة اليمنى واليسرى ..
(‏A 10 F17) يرمز للفيوز المسؤول عن الإضاءة الخلفية، والإشارات الخلفية اليمنى واليسرى، كما يرمز إلى التوقيت والإضاءة الموجودة الداشبورد (لوحة القيادة)
(‏A 20 F18) يرمز إلى مساحات الزجاج الأمامية ..
(‏A 10 F19) يرمز إلى الزجاج الكهربائي ..
(‏PWR) يرمز للطاقة المركزية التي تغذي السيارة بأكملها ..
(‏STOP) يرمز للفيوز الخاص بالفرامل ..
(‏ECU-IG) يرمز للكمبيوتر الخاص بالسيارة ..
(‏SRS) يرمز لوسادة الأمان الهوائية بالسيارة ..
(‏EMS) النظام الإلكتروني لإدارة المحرك بالسيارة ..
(‏HEATER) الفيوز الخاص بالسخان ونظام التسخين .. بالسيارة.
(‏ABS) الفيوز الخاص بنظام الفرامل المانعة للإنزلاق ..
(‏Ac/COMP) الفيوز الخاص بالمكيف في السيارة ..
من الضروري على قائدي السيارة الإهتمام بالفيوز الخاصة بالسيارة من بطارية وجهاز قفل السيارة والبنزين وفرامل السيارة لضمان القيادة بأمان.

شباب..في ناس ما تعرفش لسه يعني ايه شورت بلوك.

الشورت بلوك ده عباره عن ( موتور ) بيجي مقفول زي الصوره كده دي علي بعضه وبيركب علي حاجات العربيه ..زي الدينامو والكباس وطلمبه البور الخ..

وده بيجيلك صوره الافراج الجمركي بتاعه بعد شهر او فتره الضمان اللي بتاخدها من التاجر علي المرور اللي يريحك انت عشان تاخده وتثبته في رخصه عربيتك..

((( بطيخه مقفوله ))) مقفول يعني وما بيتعرفش غير بعد التركيب...

بنركب شورت بلوك لما بيكون موتور العربيه الاصلي ( مستهلك تماما ) وفرصه اصلاحه وانه يرجع جديد تاني ضعيفه وفاشله...

خد بالك لو عربيتك ماتفتحتش قبل كده وبتنقص زيت وبتدخن في وجهه نظري انا تعمرها هيا وتصرف عليها هيا افضلك طبعا..من الشورت بلوك.

*-----*
موتور ..لفظ موتور ده بيستخدم للعربيات اللي هاتعمل قالبه كامله من مثلا الموتور ال 1500 لل 1600 ..ودي قصه تانيه لانه بيغيرك حاجات كتيره منها كنترول طلمبه بور الخ...

لفظ موتور ب فتيس دي ليله كبيره لحد عاوز يعمل قالبه كامله من 1500 مانيوال الي 1600 كامله اوتوماتك..يعني بيدخل في ضفيره وكنترول وريدياتير بطبب ببدالات بكنسل الخ.. ودي قصه تانيه..( وليها ناسها )

*-----*
لفظ نص تحتاني بورقه ( لما بيكون وش السلندر عندك سليم ) وهاتجيبه تركبه علي البلوكه اللي تحت كانت بيظه شمايز..( عك ) ومش بحبه اشتري شورت كامل افضل من العك ده
*---*

لفظ وش سلندر كامل بس يعني الوش ببارين الكامات بالبلوف بس ممكن لما بتكون البلوكه والشمايز بالكرنك والسبايك سلام وانت هاتغير الجزء اللي فوق بس بدون ورق او اعاده ترخيص لان النمر علي الجزئيه اللي تحت بس
*------*

اسعار تقريبيه....انا بقول تقريبي يعني اللي هايقولي ده سعر ثابت اقوله لا انت ماتعرفش حاجه..

22000 الشورت الجيد في اقل ولكن تعبان
9000 الوش
قالبه كامله انت داخل في 44000

كل تاجر هو عارف بضاعته وبيتمنها علي مزاجه...

حته بقا انك تنزل منطقه معينه وتروح تجيب منها شورت كويس بسعر رخيص دي مشكوك فيها حاليا..للاسف بيكونو لعبين في الموتور نفسه...

يبقي نروح لحد موثوق فيه يخلص ..عشان دي ليله مش صغيره.
وبيديلك ضمان..يعني لو الموتور فيه حاجه بترجعله يبدلهولك بدون مصاريف....

منقول

الناس اللى بتسوق الاوتوماتيك
لازم تعرف شوية حاجات فية
أول حاجة هنتكلم على الرموز الاساسية اللى بنشوفها فى الفتيس

الـ P يعنى Park دة اللى بتوقف بية العربية
الـ R يعنى Reverse دى اللى بيخلى العربية ترجع لورا
مارشدير يعنى
الـ N يعنى Neutral وضع التمووير ... الموور يعنى
الـ D يعنى Drive وضع السواقة او المشى بالعربية

1 - لازم تبقى عارف أن العربية فى الاوتو مش هتدور
على الـ D ولا هتدور على الـ R لانة بـ اختصار ال D و ال R بيفصلو كهربة عن المارش تماما و مش هيخلى العربية تدور نهائى

2 - و أنت واقف فى أشارة هات الـ N اللى هو المور عشان تريح تروس الفتيس و متلفش على الفاضى و تبقى العربية عايزة تطلع
و انت ماسكها فرامل

3 - و أنت بتجيب الـ D أو الـ R خلى رجلك على الفرامل لانك لو جبت حاجة منغير فرامل هتلاقى العربية مشيت
منغير ما تدوس بنزين لان التروس اتحركت و حركت العربية معاها ...

4 - مينفعش تنقل من نقلة لـ نقلة و العربية ماشية حتى لو ماشية على سرعة 5 كم يعنى مينفعش مثلا و انت بتطلع من ركنة و جايب ال D و العربية لسة براحة اوى اهى و بتطلع من الركنة تروح جايب ال R عشان تعدل نفسك و تطلع
لا انت كدة بدمر تروس الفتيس مع الوقت لازم العربية تقف
و تروح جاى ناقل من الـ D و الـ R و العكس

5 - نيجى بقى للـ الاوضاع التانية و هى الـ L و الـ 2 و الـ 3
الـ L هو الغيار الاولانى و دة الناس بتستخدمة فى المطالع الجامدة لانة بيدى عزم شديد على سرعة قليلة بس خد بالك مينفعش تكون ماشى 60 ولا 80 و تروح جايب الـ L هتكسر الفتيس كدة اخرك 30 بالكتير تجيب الـ L عليها

الـ 2 و دة الغيار التانى و الاول مع بعض بيسمح للعربية تننقل بينهم
الـ 3 و دة الغيار الاول و التانى و التالت فقط مش بتنقل للرابع
ممكن عادى و انت ماشى على الـ L او ال 2 او ال 3 تجيب ال D مرة واحدة عادى لانة دة شغال على جميع النقلات ف اى وقت عادى

6 - #نصيحة ياريت الكل يعمل بيها لو عايز تحافظ على فتيس عربيتك
و انت بتركن او بتقف بالعربية
متروحش جايب ال P مرة واحدة و متشدش الهاند
او تجيب ال P و تشد الهاند بعدها

الوقفة الصح بالفتيس الاوتو هو انك خلاص هتبطل اهو و تنزل من العربية ركز بقى معايا

تروح دايس فرامل و تجيب الـ N و ترفع الهاند و بعد كدة
تجيب ال P
3خطوات ... من الشمال لليمين

N > Hand Break > P

انت بكدة حملت على الهاند بريك و اللى وظيفتها توقف العربية
لاكن لما بتجيب ال P و بعد كدة الهاند انت كدة حملت العربية كلها بالمكنة بكلة على ترس الفتيس و مع الوقت بيتاكل و يتكسر و ترجع تقول لية انا كنت محافظ على العربية

يارب تكون المعلومة وصلت بطريقة سهله وبسيطه ...

Save it in your 🤳🤳

واحد بيعلم مراته السواقه..
= رجعي الكرسي لورا شوية إنتي لزقتي فى الدركسيون
- ثواني بظبط قاعدتي عشان أشوف كويس
= خدي وقتك
- ...
= إنتي بتدوري علي ايه تحت ؟
- بشوف بحط رجلي فين
= ما تحسيها
- مش لاقيه الدواسة التالتة دي فين ؟
= دي أوتوماتيك .. إتنين بس
- مفيش فرامل ؟
= مفيش دبرياج
- وأنقل إزاي ؟
= دي أوتوماتيك
- فين الفرامل برضه ؟
= اللي علي الشمال
- واليمين بنزين ؟
= الله ينور
- يعني كده أحط رجل فرامل ورجل بنزين ؟
= لا رجل واحده علي الإتنين .. حسب الإحتياج
- ورجلي التانية أوديها فين
= حطيها فى ودني
- لو نبرة السخرية هتفضل كده هنزل وأبقي أشوف أي حد تاني يعلمني
= أنا آسف
- فين الدبرياج ؟
= ميتين أم أوتوماتيك .. فرامل وبنزين بس .. مفيش دبرياج .. مفيش دبرياج .. مفيش دبرياج
- متتزرزرش عليا
= مبتزرزرش
- وعروق وشك نافخة ليه كده ؟! .. كاتم فى نفسك حاجة ؟
= خالص والله
- افردلي وشك كده وقولي فين ال..
= مفييييش دبرياااااج
- فين الفتيس يا متخلف .. الفتيس
= ياريتك سألتي علي الدبرياج
- فين طيب ؟
= فوق أهو جنب إيدك
- ده ؟! .. فين الأول ؟
= دي أوتوماتك مفيش أول .. هاتيها علي الD ودوسي بنزين بس مش أكتر
- أهو مبتمشيش برضه
= دوري الأول طيب متكفرنيش
- أدور علي ايه ؟
= علي حياتي اللى بتضيع .
طيب ماتزقش دوري العربية يا قلبي 🚗🤣🤣🤣🤣🤣🤣🤣

معلومات تهمك #
غطاء الرداتير فكرة عمله وأعراض تلفه
اهم حاجه رقم الغطاء يكون مناسب لنوع العربيه
غطاء الرداتير بيشتغل على مرحلتين
مرحله الضغط pressure بتصل درجه الحرارة عاليه داخل الماتور والرداتير فتفتح السوسته بتاعه الغطاء لفوق عشان يؤدي جزء كبير من الميه في القربه تبرد جوه القربه وتفك الضغط الواقع على الماتور والخراطيم تمام بعد كدة هتلاقي المراوح بتشتغل يعني الميه اللي في الرداتير بتبرد واللي في الماتور برضو يحصل بعد كدة
مرحله الشفط Vacuum يفتح الجزء المعدن أسفل الغطاء عشان يرجع الميه من القربه اللي الرداتير عشان كدة حضرتك بتلاقي الميه ذيادة في القربه وأما العربيه بتبرد بترجع تاني على علامة full
أعراض تلفه الغطاء
١. انتفاخ خراطيم المياه
٢. تسريب من حوالين الغطاء
٣. غليان القربه
٤. في مرحلة من المرحلتين مش بتتحقق بمعنى
أنك تلاقي القربه مليانه والرداتير فاضي كدة مفيش Vacuum
العكس انك تلاقي الرداتير مليان والقربه فاضيه كدة مفيش pressure وممكن برضو في الحاله دي تكون القربه مخرومه
الكوارس اللي بيعملها البتاع الصغير دة
١. انفجار أو قطع في الخراطيم
٢. ضرب علب الرداتير
٣. غليان الميه في القربه لغايه ما الميه تنقص
٤. واخيرا وجبه الكومبو الشهيرة بتاعه كل صيف
جوان وش السلندر Head gasked
ياريت بقا نحاول نحترم الراجل دة رغم صغر حجمه ونقدر دورة في منظومه التبريد وبنصح اي حد بيجي المركز
انه يجيبه اصلي عشان فرق الضغوطات مش بتبقى قياسيه + الخامه نفسها مش كويسه
صيف سعيد عليكم وياريت اكون قدرت أوضح لحضرتكم
الفكرة

معلومه علي الماشي من الزيرو

١- غسيل العربية فى الشمس بيحرق البويا

٢- مسح العربية وهيا عليها تراب فى الشمس بيجرح البويا وبياكلها

٣- رفع المساحات اثناء الغسيل بينشف جلدها ويخليها تبوظ الازاز

٤- متفولش عربيتك فى الحر للاخر

٥- متنزلش من عربيتك بعد االركنة منغير ما تسوجر الدركسيون

٦- متغسلش الكوتش وانت جاي من مشوار والطنابير سخنة

٧- تغيرك للزيت بدرى عن معادة ايا كان نوع الزيت اللي بتحطة يطول عمر المكنة

٨- متسيبش العربية فاضية بنزين كتير بيكتم العربية ويسد الرشاشات لو انجكشن اوكابراتير

٩- ظبط ضغط الكوتش صيف وشتا بيطول فى عمر الفردة

١٠- غسيل دايرة الماية وتنضيفها من فترة لفترة بيطول عمر الردياتير وعمر مكنة عربيتك ..
Mathew Rental

أسهل_الطرق لحماية طرمبة البنزين من التلف كالآتى:
1. لا تنتظر أن يقل مؤشر البنزين عن الربع، فمن الأفضل حفاظا على الطرمبة من السخونة، واستمرار عملية التبريد، أن تبادر بالتزويد عندما يصل المؤشر إلى النصف ولا تلجأ لغير ذلك إلا فى حالات الضرورة القصوى.
2. بمجرد الدخول لمحطات الوقود اطفئ مباشرة محرك السيارة حتى لا تحدث عملية تعكير أثناء نزول البنزين فى"التانك" فيؤدى ذلك إلى تحرك الشوائب التى تطفو إلى أعلى تجاه المصفاة.
3. لا تنس التنبيه على عامل المحطة ألا يضغط على مسدس البنزين إلى داخل "التانك" فتؤدى عملية الدفع الشديد إلى ارتفاع الشوائب وتدخل فى الطرمبة.
4. إذا كانت محطة الوقود مزدحمة ولا تسمح بالانتظار قم بالخروج منها وانتظر دقيقتين لإعطاء فرصة لاستقرار وركود الشوائب.
5. خلال الصيف احرص على تزويد السيارة بالبنزين فى الفترة المسائية، حيث إن ارتفاع درجة حرارة الجو والسخونة تؤدى إلى تبخر البنزين ولصق الشوائب فى" التانك".
6. ضرورة تنظيف مصفاة البنزين والقيام باستبدالها إذا تهالكت لأن انسدادها يؤدى إلى الضغط على الطرمبة.
7. لا تتردد إلا على محطات البنزين المعروفة، وتقوم بتنظيف دائم لخزانات الوقود من الصدأ والشوائب.
• ثانيا: هناك عدة أعرض تعنى تلف طرمبة البنزين وهى كالتالى:
1. إذا حدث"تقطيع فى موتور السيارة" أثناء السير.
2. إذا سمعت صوت "زن" عالى ومستمر من ناحية الطرمبة بعد تشغيل السيارة.
3. إذا تكرر وضع المفاتيح فى "كونتكت" السيارة ولا تستجيب للتشغيل إلا بعد عدة مرات من المحاولات.
4. قم بالطريقة المعتادة للتعرف بها على تلف الطرمبة بفك خرطوم البنزين المتوجه للفلتر واخرجه من السيارة وقم بفتح "الكونتاكت"، دون أن تقوم بعملية التشغيل فإذا وجدت اندفاع البنزين من الخرطوم قليلا يعنى ذلك تلف الطرمبة.
وقود أعطال السيارة طرمبة البنزين دمتم سالمين...منقول للفائدة...

🤵عزيزي قائد المركبة 🚖

👸عزيزتي قائدة المركبة 🚖

⛔وجب التنويه علي بعض نقاط في أصول القياده 👌👌

🔹 أولاً أنا لما بدي إشارة يمين أو شمال ده معناه إني بعرف حضرتك إني داخل يمين أو شمال علشان نتجنب التصادم ؛ مش معناه أبداً إني هنتصر عليك أو هعلم عليك لو دخلت قدامك فتبدأ تعند معايا وتزنق عليا لغاية ما أخبط فيك أو تخبط فيا !!

🔹 ثانياً لما حضرتك تكون ماشي أقصي اليسار وماشي علي سرعة 60 وأقلبلك نور ده معناه إني بستأذن حضرتك إنك تعديني مش معناه أبداً إني بتحداك وبستفزك فتبدأ تعند معايا وتزنق عليا برضو لغاية ما تحصل كارثة !!
( وبالمناسبة طالما حضرتك حابب تمشي ببطء ومش مستعجل يبقي ابعد خالص عن الحارة الشمال لأني مش عايز أصارحك وأقولك الناس إللي إنت بتضايقهم بالتصرف ده بيقولوا عليك إيه في سرهم )

🔹 ثالثاً لما نكون واقفين في إشارة مرور والإشارة حمرة وأنا واقف قدامك ، وقبل ما الإشارة تفتح بعشر ثواني تبدأ حضرتك تضرب كلاكسات بطريقة مزعجة وتتعصب عليا كأني اغتصبت حق من حقوقك ،

👈المره دي هقولك حاجتين :

⭕الأولي : إني مش هتحرك من مكاني خالص غير لما الإشارة تقلب أخضر 🚦

⭕التانية : إني أكيد طالع من بيتي عندي مشوار ، مش طالع أقف في الإشارة ويمكن أكون كمان مستعجل أكتر منك !!

❌ لايجب أبدا تتخطي السيارات من جهه اليمين و لكن دائما من الشمال.

❌ لا يجب تتخطي أي سياره اثناء المنحنيات. يجب ان يكون ذلك في الطرق المستقيمه.

❌ لا يجب استعمال الكلاكس📢📢 بدون داعي لأن ذلك يصيب من حولك بالتوتر و الأنزعاج الشديد كما أنه يفقدك السمع على المدي الطويل.

❌ إذا وجدت ان الطريق يضيق فأسمح للسياره التي بجوارك ان تتخطاك و ادخل وراءها فتستمرا في السير انتما الاثنين لانه إذا حاول كل منكما ان يسبق الاخر فستكون النتيجه انكما ستقفان حتى يتنازل احدكما للاخر وذلك يعطلكما انتما الاثنين ويعطل الطريق ايضا

❌ بعد ان تتخطى احد السيارات لا تنتقل الى حارته و تصبح امامه مباشرة الا عندما تراه يظهر في مرآة سيارتك.

ربنا يسترها علينا وعليكم يارب ⁦🤲🏻⁩

home_Stay safe