Leptin

مقارنه بسيطه بين وجبة قبل وبعد التمرين 📌
تحبوا مقترحات اكتر؟

لإنتاجية اكثر ✔️

مهم جداً نغيرهم من وقت للتاني ✔️
#نصائح #تغذية #مصر #الامارات #دبي #السعودية #قطر #الكويت #البحرين

بتاكلوا القرنبيط ازاي مقلي ولا في الفرن ؟ 😋. #مصر #دبي #السعودية #الامارات #البحرين #قطر

افضل اطباء العالم 🩺

#نصائح #تغذية #مصر #الامارات #دبي #السعودية #قطر #الكويت #البحرين

نعرف ازاي ان جسمنا ابتدي يطرد الدهون المتخزنه جواه؟

اول حاجه كده الدهون اللي بتتخزن دي عباره عن ايه؟

-عباره عن حاجه اسمها Triglyceride يعني دهون ثلاثيه (كربون، هيدروچين، اكسچين) بالتالي الدهون هتخرج علي شكل حاجه من التلاته دول نتيجه لأنها اتكسرت لأجزاء اصغر.

يعني الدهون القديمه اللي في جسمنا دي بتخرج في شكل ايه؟

-اكتر من ٨٠٪؜ من الدهون دي بتخرج في عملية التنفس في شكل ثاني اكسيد الكربون
والباقي؟
-الباقي بيبقي في شكل ماء (عرق، دموع، بول).

يبقي من خلال الكلام ده نعرف ازاي اننا بنخسر دهون؟

-التنفس بيتظبط/ النهجان بيقل.
-العرق والبول بيزيد شويه خلال عملية الحرق بعد كده لما الدهون القديمه خلاص تفقد كلها بيبتدي العرق والبول يقل.
-مبنحسش بإرهاق بسرعه زي زمان.
-الشهيه بتقل (خصوصاً الجوع الليلي).
-البطن بتتشد.
-المقاس بيتغير.

#دهون #الدهون

لو أنتي أم بترضعي هنقولك تاكلي ايه وتشربي كمية قد ايه علشان صحتك وصحة البيبي، في شوية حاجات لازم تعرفيها الأول..
زي ايه؟

1)أنتي بتحتاجي من 300 إلي 400 سعر زيادة عن احتياجاتك الطبيعية .
2)سعراتك مينفعش تبقي أقل من 1800 سعر علشان اللبن ميتأثرش.
3)تقدري تمشي علي دايت بس تحت أشراف دكتور تغذية علشان يكون فيه كل العناصر الغذائية الي جسمك محتاجها.
4)لازم يكون أكلك صحي ومفيد ومليان فيتامينات ومعادن.

-أكتر 10 حاجات بتزود اللبن :
الأفوكاد، المكسرات، الحبوب، البقوليات، المشروم، الخضراوات الورقية الخضراء زي الجرجير والشبت، الخضراوات خصوصا الي لونها برتقالي وأحمر، البذور زي بذور القرع والسمسم والشيا والكتان و الكركم.

5)تجنبي الأكل الي فيه ثوم وبصل وبهارات كتير لأنها بتأثر علي طعم اللبن وممكن الطفل يرفضه ومتبقيش عارفة السبب.
6)لو بتلعبي رياضة يفضل تلعبيها بعد ما ترضعي طفلك مش قبل الرضاعة علشان حمض اللاكتيك الي بيتكون في العضلات بيأثر علي اللبن والبيبي

-تعالي اقولك تشربي مَيه قد ايه
لازم تعرفي انك لو مشربتيش مَيه كفاية اللبن بتاعك مش هيبقي مغذي للطفل ولا كافي
المفروض تزودي الكميه فوق احتياجات جسمك
(8 أكواب مثلا) كوباية قبل وبعد كل رضعة.

-بالنسبة للكافيين المفروض متشربيش أكتر من 200 ملي جرام في اليوم الواحد (يعني فنجانين قهوة ) والكافيين موجود كمان في القهوة والشاي الأحمر والأخضر والشيكولاتة.

#المرضعات #المرضعات #المرضع #الرضاعة

الموضوع بتاع انهارده تقريباً موجود عند معظم الناس وممكن يكونوا مش حاسين

بكتيريا المعده او الH.Pylori
(Helicobacter pylori)

البكتيريا دي بتدخل جسمنا عن طريق الاكل والشرب
وبتفضل عايشه جوه القناه الهضميه..والموضوع منتشر جداً حالياً

بتيجي عن طريق ايه؟
الاكل اللي مش نضيف، مش مطبوخ كويس، اكل الشارع
المية سبب كبير لان المية عندنا في مصر فيها مشكله شويه في التنقيه.
-الجرثومة دي بتدخل جسمنا وممكن تفضل سنين جوه منغير اي مشاكل وبعد كد واحده واحده تبتدي تهاجم الامعاء وبطانة المعدة وتعمل فيها قرح وتآكل .

ايه الاعراض؟
-وقت الجوع ولما المعدة تكون فاضيه بيحصل الم في البطن وبعد الاكل الالم يخف شويه وبعدين يرجع تاني وقت الجوع.
-انتفاخ وغازات والاحساس بالامتلاء
-عثيان وارتجاع
-الوزن بيقل منغير سبب
-التجشؤ

-الاعراض دي لو بتحصل يبقي ضروري نروح نعمل Check

ايه الاكل اللي ياكله/مياكلهوش مريض جرثومة المعدة؟
-ناكل وجبات صغيره علي فترات قريبه.
-الوجبه ضروري يبقي فيها خضروات ورقيه (بروكلي/كرنب/خرشوف..الخ)وفاكهه وحبوب كاملة.
-العشا يكون خفيف علبة زبادي مثلاً(الزبادي كويس جداً لمرضي جرثومة المعدة).
-العسل كويس جداً/الثوم/زيت الزيتون.
-بلاش الفواكه الحمضيه.
-بلاش الكافيين (قهوه/شاي).
-بلاش بهارات.
-بلاش مقليات واكل مسبك ودهون.
-بلاش اطعمه مملحه زي المخللات.
-بلاش لحوم مصنعه.

طيب اعمل وقاية ازاي لنفسي؟
-الاكل ضروري يستوي كويس.
-بلاش مية مش متفلتره.
-طبعاً نغسل ايدينا كويس قبل مانطبخ وقبل ماناكل.
-نغسل الخضار والفاكهة كويس.
-ياريت نقلل من الاكل بره.

#جرثومةالمعدة

هنتكلم عن إلتهاب المرارة
""cholecystitis""

‎نركز كويس في الاعراض اللي هنقولها دي ولو اي حد لاحظ ان بيحصله بالكتير عرضين او تلاته منهم يبقي لازم يروح لدكتور ضروري..

الأعراض دي زي إيه؟
_ ألم حاد في الجزء العلوي أو وسط البطن
_إنتشار الألم في الضهر والكتف
_ألم عند لمس منطقة البطن
_قئ
_سخونية جامدة وبشكل مستمر
_إصفرار الوجه والعين بشكل ملحوظ

طيب إيه الأكل اللي ممكن يساعدنا في علاج إلتهاب المرارة؟
_جبنة قريش
_عدس
_لبن رايب
_فراخ
_خضروات ورقية "زي الجرجير والخس"...إلخ
_كوسة
_بقدونس
_خضروات وفاكهة بشكل مستمر
_زيت زيتون
_شوفان
_عصاير فريش

وفي أكلات لازم نتجنبها..زي ايه؟
_نبعد طبعا عن الدهون خاصة منتجات الألبان كاملة الدسم "القشطة والزبدة والجبن والزبادي"
_الشيكولاتة
_اللحمة المفرومة والسجق والبرجر
_البط والأوز
_البيض "أقصي حاجة مرتين فالأسبوع"
_الحلويات
_الأكل الحراق
_الكرنب والقرنبيط
_البيبسي
_الزيوت زي زيت جوز الهند نتجنبه تماما
_الأكل اللي بيزود الحموضة الغنية بڤيتامين c
_الحمضيات