Start Smart

هو ليه البروتين مهم في وجباتنا؟ وليه دايمًا بنقول: ابدأ بالبروتين؟ 🤔💪
البروتين مش مجرد اختيار…
ده العمود الفقري لأي نظام غذائي ناجح، ومعاه بتحسي بالشبع وبيزبط الحرق وبيحافظ على جسمك ومناعتك.
✨ ليه لازم تبدأي بالبروتين؟
🔹 ١- يزيد الشبع لفترة أطول
البروتين بياخد وقت أطول في الهضم، وده يخليكي تشبعي أسرع وتفضلي شبعانة لساعات…
وده يقلّل الرغبة في الحلويات والنشويات.
🔹 ٢- يرفع معدل الحرق بشكل طبيعي 🔥
هضم البروتين محتاج مجهود من الجسم، وبالتالي يحرق سعرات أعلى مقارنة بالنشويات والدهون.
🔹 ٣- يحافظ على العضلات
خصوصًا في الدايت… أهم حاجة إن اللي ينزل دهون مش عضل.
والبروتين هو اللي بيحافظ على شكل الجسم وحرقه.
🔹 ٤- ينظّم مستوى السكر في الدم
لما تبدأي بالبروتين، السكر ما يعلاش فجأة…
وده يمنع الهبوط والجوع السريع والشراهة.
🔹 ٥- يقوّي المناعة
لإن كل خلايا الجسم—including المناعة—مكوّنة من بروتين.
✨ طيب ليه بنقول إن البروتين أهم عنصر في الوجبة؟
✔️ لأن الخضار فيه نسبة نشويات
حتى الخضار—مع إنه صحي—عليه نسبة نشويات،
فمش هيقوم بدور الشبع أو الحرق زي البروتين.
✔️ ولأن النشويات بتتحول لسكر بسرعة
وده بيأثر على الحرق ويفتح الشهية.
✔️ أما البروتين هو أكتر عنصر ثابت ومضمون في النظام
بيشغّل الحرق، يشبع، يحافظ على الجسم…
عشان كده هو أفضل وأقوى عنصر في أي وجبة.
✨ ابدئي بإيه؟
• فراخ – لحمة – سمك – تونة
• بيض 🥚
• جبنة – زبادي
• بقوليات (فول – عدس – حمص)
• مكسرات بكميات مناسبة 🥜
ابدئي بالبروتين… وبعدين خضار… وبعدين ثمرة فاكهة واحدة في اليوم 🍏
جسمك هيشكرك وهتشوفي فرق كبير في أسبوع 💚🔥






#بروتين

بسبب سوء الأحوال الجوية والجو المتقلب 🌧️🌪️
مهم جدًا تزودي مناعتك ومناعة أسرتك 💪🤍
واعرفي إن النشويات والسكريات والسناكس اللي الأولاد بيجيبوها من برا
مش بس مالهاش أي نفع…
ده بالعكس بتقلّل مناعتهم وبتخلي جسمهم أضعف قدّام أي دور برد 😷❌
اعملي شوية تغييرات بسيطة بس قوية:
✨ قدّمي لهم بروتين في كل وجبة (بيض – جبنة – زبادي – تونة – فراخ)
✨ خضار و فاكهة لكن ثمرة واحدة فقط في اليوم 🍎🥦
✨ دهون صحية زي المكسرات وزيت الزيتون 🥑
✨ قلّلي السناك الجاهز وحوّليه لسناك صحي (فواكه قطعة واحدة – مكسرات – زبادي) 🍏
ومتنسيش المياه… لأنها جزء أساسي من المناعة 💧
صحة أولادك مش في الشوكولاتة والبسكوت
صحتهم في اللي يدخل جسمهم كل يوم 🌱💚

ده وقته بقى ⏰✨
خلصنا الحمد لله رمضان والعيد بكحكه 😅🍪
ده وقته تبدأي صح 💪
مش بحرمان… لكن بنظام صح 🎯
ابدئي يومك ببروتين 🍳🥩
لأنه بيشبعك وبيقلل الجوع
وبيحافظ على العضلات 💪
ركزي على الدهون الصحية 🥑
زي المكسرات وزيت الزيتون
علشان تديكي طاقة وتظبط الهرمونات ✨
وابعدي عن النشويات والسكريات ❌🍞🍬
لأنها بترفع السكر بسرعة
وبترجعك تجوعي أسرع 😣
خلي أكلك بسيط وواضح
بروتين + خضار + دهون صحية 🥗
واشربي مياه كويس 💧
وحاولي تتحركي كل يوم حتى لو مشي 🚶‍♀️
والمتابعة مع دكتورة متخصصة 👩‍⚕️
هتفرق معاكي جدًا وتخليكي تمشي صح من غير لخبطة
متأجليش ❌
ابدئي دلوقتي 👌
كل يوم بتأجلي فيه
بيبقى خطوة بعيدة عن هدفك 🎯
وده وقته ترجعي لنفسك
وتحطي صحتك أول أولوية 🤍✨
#دايت #رجيم

كل سنة وانتوا طيبين 🤍✨
حبيت أفكّركم إننا عكّينا في رمضان كفاية 😅
فالعيد بلاش نكمل على نفس النظام 🎯
بلاش كحك وبسكويت 🍪
هو آه صغير… بس سعراته عالية جدًا 🔥
وحرقه مش سهل زي ما إحنا فاكرين 😬
الموضوع مش حرمان
بس شوية وعي واختيار 👌
اختاري بذكاء
وخلي الكمية تحت السيطرة 🤍
علشان متضيعش كل تعبك في أيام 💪✨
#العيد

تراكم الدهون في الشرايين مش بيحصل فجأة…
ده نتيجة سنين من الأكل الغلط والعادات غير الصحية ❌
سكريات كتير 🍬
أكل جاهز ومقلي 🍔
دهون مهدرجة
وقلة حركة 🚫
كل ده مع الوقت بيعمل ترسبات دهنية داخل الشرايين
وبيقلل تدفق الدم للقلب ❤️
وده ممكن يسبب
ألم في الصدر
ضيق في التنفس
وأحيانًا أزمات قلبية لا قدر الله ⚠️
عشان كده الوقاية دايمًا أسهل من العلاج ✨
اختار
أكل حقيقي 🥗
بروتين صحي 🍗
خضار وفاكهة 🍎🥦
حركة يومية حتى لو مشي 🚶‍♂️
قلبك أمانة…
حافظ عليه باختياراتك كل يوم ❤️
#وقاية #صحة

عدّي ١٥ يوم من رمضان… ولسه قدامك فرصة تبدأي وتستفيدي من الصيام وتخسري وزنك لو فهمتيه صح 🌙✨
الصيام مش حرمان…
الصيام فرصة إن جسمك يهدى ويظبط الهرمونات ويبدأ يحرق من الدهون المخزنة 🔥
الموضوع كله في طريقة أكلك بعد الفطار:
🍲 ابدئي بشوربة
🥗 ركزي على البروتين والخضار
🥑 اهتمي بالدهون الصحية
🚶‍♀️ اتحركي حتى لو مشي خفيف
ومتخليش السكريات هي أول وآخر اختيارك بعد الفطار 🍰
لسه قدامك نص رمضان…
وممكن يكون كفاية إنك تشوفي فرق حقيقي لو بدأتِ من دلوقتي 💪✨

خناقة كل سنة 😅
أنزل الجيم قبل الفطار ولا بعد الفطار؟ 🏋️‍♀️🌙
لو نزلتي قبل الفطار
هتكوني مجهدة
طاقتك قليلة
وممكن تحسي بدوخة 😵‍💫
الأفضل 👇
اكسر صيامك 🤍
وصلي المغرب 🕌
ادي جسمك فرصة ياخد طاقة خفيفة ✨
وبعدها انزل الجيم 💪
تمرين مقاومة أو كارديو خفيف 🔥
من غير إجهاد زيادة
وارجع
كل بروتين 🍗🥚
وخضار 🥗
علشان تعوضي جسمك وتساعدي عضلاتك تتبني 💥
بكده
طاقة أحسن ⚡
أداء أحسن 💪
وحرق أذكى 👌
#بروتين #مقاومة

لو جسمك زاد بعد الولادة 🤱
وإنتي حاليًا بترضعي 👶
وفي نفس الوقت حابة تصومي 🌙
اعرفي إن دي فرصتك الذهبية عشان تخسي ✨
لان، حرقك عالي طبيعيًا 🔥
بس السر في التوازن مش التجويع ⚖️
جسمك محتاج تعويض السوائل لضمان تدفّق الحليب 💧🍼
الفكرة إنك متشربيش لترين مرة واحدة على الفطار ❌
اشربي كل ساعة كوباية مياه لحد السحور 🕒🥤
وكلي
بروتين 🍗
ودهون صحية 🥑
وشوربة 🍲
وممكن تاخدي تمرة 🌴
بس لو جربتي تصومي
وحسيتي بـ
دوخة مستمرة 😵
أو زغللة 👀
وقلة حليب حادة 🍼⬇️
أو عطش شديد لا يُحتمل 💦❌
فالدين فيه رخصة 🤍
وصحتك وصحة طفلك أولوية 🙏
وطبعًا استشيري دكتور الأطفال اللي متابع معاكي 👨‍⚕️
وإنتي في عبادة
حتى وإنتي بترضعي 🤍✨

عجبني أوووي إعلان التوعية بتاع وزارة الصحة 👏
بجد إعلان ذكي 👌
بيوصل المعلومة بسهولة
وبيوعي الناس بطريقة ظريفة ولطيفة من غير تخويف ولا تعقيد 😊
والأهم إن الرسالة في وقتها جدًا ⏰
خصوصًا وإحنا في رمضان 🌙
لازم نخلي بالنا من أكلنا 🍽️
ومن كتر السكريات اللي بتدخل فجأة بعد الصيام 🍰❌
رمضان مش سباق أكل
ولا موسم حلويات
رمضان فرصة نراجع اختياراتنا
ونحافظ على صحتنا
ونستمتع بالشهر بالعبادة والعمل 🤍✨
التوعية البسيطة اللي توصل للناس
أقوى بكتير من أي نصيحة معقدة 👌