Quareb

أوقات كتير المشكلة مابتكونش في قلة الرغبة، لكن بتكون إن كل واحد داخل العلاقة ومعاه قايمة توقعات!

الراجل لازم يبقى واثق ومبادر وجاهز طول الوقت، والست لازم تبقى مرغوبة ومتجاوبة… ومن كتر الضغط ده، بدل ما تعيش اللحظة وتندمج فيها، عقلك بيخرج براك ويقف يراقبك ويقيّمك!
تبدأ تسأل نفسك في وسط اللحظة: "يا ترى شكلي حلو؟"، "هل أدائي كويس؟"، "هل هي مبسوطة؟".. وهنا بتتحول العلاقة الحميمية لمهمة صعبة بتستنزفنا!

ده غير إن كمان الأفلام والسوشيال ميديا خلّتنا نتوقع إن الرغبة لازم تكون فورية ومشتعلة طول الوقت، ولما ده مايحصلش، نفتكر إن في حاجة غلط.

لكن الدكتورة "روزماري باسون" بتقول غير كده، إن الرغبة أنواع:
رغبة تلقائية: بتجي من تلقاء نفسها.
رغبة استجابية (Responsive Desire): مش موجودة من الأول بس بتظهر بالتدريج مع القرب والراحة والأمان.

عشان كده، الرغبة الحقيقية مش محتاجة تمثيل ولا أداء مثالي قد ما محتاجة إنك تحس إنك مش تحت الاختبار طول الوقت.

تفتكروا الأفلام والسوشيال ميديا خلتنا دايمًا بنطارد صورة مش إحساس؟
#قارب

السينما بتضحكنا على الموقف، بس علم النفس بيعلّمنا إن الخيال والصراحة هما اللي بيحافظوا على الشغف والأمان بين الزوجين.
تفتكروا لو فهمنا الفانتازيا صح، خوفنا منها هيقل؟

#قارب

أحيانًا اللي بيكسر العلاقة مش الماضي نفسه، لكن الإحساس إن الحقيقة كانت ناقصة طول الوقت!
#قارب

مش كل قرار "صح" ينفع لكل الناس… ومش كل علاقة تنفعلها حلول أبيض أو أسود!


#قارب

هو إحنا مالنا وإيه جرالنا؟
ليه بعد الفرح، بنحس فجأة بفراغ وحزن؟


#قارب

الحر مش بس بيأثر على جسمك.. هو كمان بيستهلك صبرك!

لأن لما جسمك يفضل طول اليوم يحاول يبرد نفسه، التوتر بيزيد، والتركيز بيقل، فبتتعصب بسرعة ومتبتقدرش تستحمل أي ضغط.

في دراسة اتعملت عن العلاقة بين ارتفاع الحرارة والعنف المنزلي في المكسيك، الباحثين لقوا إن زيادة درجة حرارة واحدة بس ممكن ترفع معدلات العنف المنزلي بنسبة توصل لـ50%!

عشان كده في الصيف، الكلام بيتفهم غلط أسرع، والخناقات بتكبر بسهولة، وأحيانًا بنفتكر إن المشكلة في العلاقة… وإحنا أصلًا مرهقين ومخنوقين من الحر!

قبل موجة الحر اللي جاية، خد بالك من إشارات جسمك ومودك في الصيف لأن أوقات كتير المشكلة مش في الشخص اللي قدامك قد ما هي في التوتر والإرهاق اللي الحر بيحطك فيه من غير ما تحس!

#قارب

أفكار كتير متوارثة عن استشارات العلاقات بتخلينا نأجل خطوة كانت ممكن تكون هي الحل!

#قارب