Turbo Fix

السلام عليكم 🙏
النهاردة هنتكلم عن حساس مهم جدا ومعظم اصحاب السيارات مش بيهتم بيه وهو حساس الشكمان.
حساس الشكمان بيبقي راكب علي مخرج فرن الشكمان وفي حساس تاني بيبقي راكب في علبة الشكمان والحساس ده وظيفته انه بمرور الغازات بتاعة العادم عليه بيقدر الحساس انه يقيس جودة الخليط(الهواء+البنزين)ويرسل اشارة للكنترول اللي من خلالها الكنترول بيقدر يحدد اذا كان الخليط مثالي او خليط غني او خليط فقير ويتعامل مع الرشاشات علي هذا الاساس سواء بتقليل كمية البنزين او زيادتها وفي الغالب بتكون قراية الحساس مش مظبوطة نتيجة ترسب الكربون داخل الحساس وبالتالي الكنترول بيضطر يزود كمية البنزين للرشاشات وتحصل زيادة في كمية البنزين المستهلكة من السيارة ومعظم مراكز الخدمة وورش الميكانيكا مش بيهتموا بتنضيفه او حتي تغييره والاكتفاء بتنضيف البوابة وتغيير فلتر الهواء.....
احنا في turbo fix بننصح بتنضيف حساس الاكسجين كل 20 الف كيلو او كل عام ميلادي وتغييره ان لزم الامر بعد الكشف عليه بجهاز كشف الاعطال.
ملحوظة اخيرة...
-لو الخليط غني ده معناه ان استهلاك البنزين زيادة عن الطبيعي.
-لو الخليط فقير ده معناه ان الهواء اكتر من البنزين وهتلاقي السيارة مكتومه والسحب ضعيف عن المعتاد.
اذا عجبك الموضوع متبخلش علينا بلايك لو عندك استفسار اكتبه في كومنت واحنا هنرد عليك.

السلام عليكم 🙏
النهاردة هنتكلم عن حاجة مهمه جدا ومعظم اصحاب السيارات مش بيهتم بيه وهو فلتر الهواء.
فلتر الهواء وظيفته انه بيمنع دخول الاتربة اللي بتكون موجودة في الهواء الجوي قبل دخوله الي السلندر عشان عملية الاحتراق زي ما شرحنا قبل كده.
وده لان دخول التراب مع الهواء الي السلندر بيؤدي الي تجريح جسم السلندر من الداخل نتيجة الاحتكاك بين البستم والسلندر وده بيسبب مشاكل كبيرة احنا في غني عنها وكمان لما الفلتر بيتملي تراب بيسد فتحات دخول الهواء وبالتالي دخول كمية هواء قليلة عن الطبيعي وبالتالي هتحس العربية مخنوقه معاك والسحب بيقل واستهلاك البنزين بيزيد عن المعدل الطبيعي.
احنا في turbo fix بننصح بتغيير فلتر الهواء كل 20 الف كيلو او كل عام ميلادي ايهما اقرب.
-اذا عجبك الموضوع متبخلش علينا بلايك

السلام عليكم 🙏
النهاردة اول بوست لينا وهنتكلم فيه عن كيفية عمل محرك السيارة ويطلق عليه محرك احتراق داخلي، بمعني انه بيحصل انفجار داخل المحرك عن طريق خلط الهواء مع الوقود واشعالهم عن طريق البوجيهات والانفجار ده بيكون فوق البستم وتحت وش السلندر فبالتالي بيقوم الانفجار ده بدفع البستم (اللي بيكون مربوط علي الكرنك) لاسفل وبالتالي بيقوم بتدوير الكرنك ومن الكرنك بيتم تدوير باقي اجزاء السيارة مثل(الدينامو وكمبرسور التكييف)عن طريق سيور الادارة ويقوم الكرنك ايضا بنقل الحركة الي الفتيس ومنه الي الكبالن ومنها الي(العجل) الكاوتش الذي يقوم بدوره بتحريك السيارة.
اذا عجبك الموضوع متبخلش علينا بلايك
لو عندك استفسار اكتبه في كومنت واحنا هنرد عليك