Twex Perfumes

تعسرت بالوصول ولكن البدايات أجمل بديت من جديد ولم تكن البداية سهلة للمرة الثالثة ولم اخيب ظني في الوصول🤍

السلام عليكم محبي twex وعطورات تويكس هو ده اليوم الإخترتو عشان ارد علي كل الأسئلة تبعكم:
كيف بديت كيف قدرتا تقوم بعد كم وقعه
كيف قدرتا تنسق شكل البراند
كيف قدرتا تختار الحاجات بدقه عاليه
كيف قدرتا تخلق حب الناس ليك
قصتي كالأتي بسيطه وجميلة وحنلاقي فيها كل العبر والأحكام الحنقدر نستمد منها بوزتيف للحياة
أنا بدأتا مشروعي الصغير 2023/6/1 بعد الحروب والنزوح من السودان تحديدا ولاية نهر النيل (عطبرة ) وشأت الأقدار أنو اجي القاهرة وكتير من زبايني الزمان لقيتم هنا هم الكانو دافعي عشان ابدأ في حتة جديدة بس هم الماكانو ناس جداد والقصه بدأت من هنا بدايتي كانت بعطر قريب لي جدا جدا مفضلو عن البقيه اللهو (بلاك اوبيوم )قدرت اختارو الأصلي الذي يخلو من الشؤائب من بين ألف مكان الرحلة قد بدأت وعملتو والحمدلله الرواج كان عليهو جميل جدا الفكره في الموضوع انا بحب شغلي جدا جدا فلما اعمل شي كأنو عاملو لنفسي فالحمدلله الحاجه دي الحببت الزباين فيني وفي منتجاتي من بعد قبول ربنا طبعا فتعدد العطور عندي بدأ بأسئلة الزباين وضغطهم علي انو اعمل العطر الفلاني ونحنا واثقين اعملو حيطلع جميل وفعلا قد كان ومن هنا جات فكرت انو انا لازم اسعي لإرضائكم جميعا وفكرة انو أقع واقيف طبيعي عشان الإنسان بيتعلم من غلطو ماحاجه تخليني اتخلي عن كل الحب والتقدير البتلقاهو من الزبائن فالقصه انا قصدت اكتبها بالنص عشان تكون فيها عبره لكل سيد براند وفيها دافع لكل مبتدئ الإنسان لمن يشتغل بهمة وحب وخوف من الله فده سبب حب زباينو ليهو ولمنتجو ويخلي الثقة متبادلة بين كل زول حيتعامل معاو
كونو بخير ❤️