Dr Rabab Mohyden

الفرح وإشراق الرضا 🌸
كيف نتعلم مهارة الفرح؟
في زوايا النفس البشرية، يختبئ أحيانًا خوف غامض من السعادة؛ وكأننا نخشى أن نبتسم اليوم لكي لا نبكي غدًا، وهو وهم نفسي يُفقدنا لذة اللحظة الحاضرة. إن الفرح ليس مجرد شعور عابر، بل هو قرار واعٍ وشجاعة نفسية تتطلب منا تمزيق قيود القلق من المستقبل، وفتح الأبواب لاستقبال البهجة بكل جوارحنا. عندما نُظهر فرحنا، فإننا لا نمارس ترفًا، بل نرسل إشارات عصبية مطمئنة لذواتنا، ونبني جسورًا من الأمل تُضيء عتمة الخوف من المجهول.
إن التحرر من عقدة "انتظار الكارثة" يبدأ بتبني أفكار جديدة وجميلة، تجعل من أرواحنا طاقة مشعة تُلهِم وتُسعد كل من حولنا. عندما نختار الرضا والبهجة، يتحول عقلنا من وضعية الدفاع والترقب إلى وضعية النمو والاتساع، فينعكس هذا السلام الداخلي على ملامحنا وتصرفاتنا. ولنا في التوجيه الإلهي أعظم علاج نفسي لتبديد المخاوف
يبقول الله تعالى؛
﴿قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِّمَّا يَجْمَعُونَ﴾

دعوة ربانية لنرخي قبضة الخوف، ولنسمح لقلوبنا أن تطير بأجنحة الفرح والرضا.
ومع قدوم العيد السعيد، تبتسم الدنيا وتتأنق الأرواح لتعلن أن البهجة قد حلت ضيفاً عزيزاً على القلوب. فكل عام وأنتم نبض الفرح، وضحكة الأيام، وعطر الأعياد الذي يفوح حبًا وأملًا لا ينتهي.


#إنسان

يسعدنى المشاركة كامحاضر رئيسى ضمن باقة من انجح استشاريوا الصحة النفسية فالوطن العربي فى مؤتمر تحديات المرأة ، وستكون محاور محاضرتى عن تحديات المرأة المستقلة التى تواجه المجتمع بدون نصفها الآخر ..
المحاضرة بعنوان ؛(عندما تكون هى كل المجتمع وليس نصفه )
يسعدنى تشريفكم بالحضور والمشاركة 🌷

ظاهرة قلب التربيزة …
يحكى إن أول واحد قلب الترابيزة ، كان مقامر (لعب الورق)،
لاعب القمار شخص عنده طبيعة خاصة...
بينتظر بثقة انه ديماحيكسب...
و انه أحسن من اللي قدامه و أقوى 👌الأهم إنه دائما مسيطر و الموضوع في إيده
إلى أن تنقلب قواعد اللعبة...
و لما يحس انه قرب يخسر بيقلب الترابيزة...
ليه بقى بيقلبها؟!
الإجابة البسيطة، خلط الأوراق....
خلط الأوراق مش حيخليه يكسب،
بس يخليه يلعب دور جديد بفرصة جديدة ...
بما ان الورق تاه في بعضه، و بقى صعب تحديد من الفائز !!
بس ومن هنا ، تم توارث نفس القصة و لكن في العلاقات...
أهم صفة في لاعب القمار ؛ عايز يكسب بلا جهد، من غير مسؤولية...
عايز يحس بإنتصار يملأ به فراغ نفسه و انهزامه الداخلي.. و ده نفس اللي بيعمله البعض في المواجهات في العلاقات...ان الشخص بيكون عايز يكسب المواجهة لإنه ببساطة مش بيحب يخسر، الخسارة بالنسبة ليه مش موقف عابر محتمل ؛الخسارة إهانة، تأكيد لوضعه الضعيف و المختل داخلياً...
الخسارة تأكيد لنفسه إنه فاشل، انه ولا حاجة....
رغم إن الموضوع مش كدة بالمرة، الموضوع مش شخصي، بس هو مش بيفهم ده...
فابيلجاء لانه
بالظبط يقلب الترابيزة...

و قلب الترابيزة ده علم، مش أي كلام، و له خطوات...
١- ارتفاع الصوت من أجل تسخين الموقف.
٢-الخروج برة سياق الموضوع الحالي.
٣-فتح عدة موضوعات شائكة ممكن تكون مهمة لكن برضه ليس لها علاقة بموضوع المناقشة.
٤- إتهامك بإهانته من خلال إقتطاع كلمات من السياق
٥-ارتفاع الصوت تاني، و مقاطعتك في الكلام
٦-يرفض تماما إنك تقاطعه في كلامه
٧- تشكيك في جميع تفسيراتك للموقف
٨-تذكيرك بمواضيع قديمة تم إغلاقها و حسمها سابقا
٩ -دي أهم نقطة، إتهامك، إتهامك، إتهامك
هنا بقى يحصل التويست إنت بقيت بتدافع عن نفسك، و هنا فعلا تم خلط الأوراق هو مين المتهم و مين الضحية
النقطة دي ممكن يتقال فيها شوية كلام رخيص مش شبهك و خارج منظومة أخلاقك، يصيبك بالإرتباك و الحرج
١٠- يضغط عليك زيادة بمنعك و مقاطعتك من الدفاع نفسك( اللي هو جرك ليها).
١١-بعد كل الضغط ده إنت نسيت أصلا هو كان ايه الموضوع و انت كنت عايز ايه اصلا.
١٢-غالبا بعد كل ده انت يا حتنفجر و يطلع أسوأ شخص منك و طبعا و هو بيعرف يستغل ده كويس انه يعمل فيها ضحية و إنك بتغلط فيه، إما إنك حتيأس من النقاش و تنسحب و برضه هو مستفيد من ده، مستفيد انه أخد فرصة لجيم جديد بعد ما كان خسران.
و هو ده ملخص تاريخ و علم قلب الترابيزة العظيم 🙈 والي من خلاله بردو بحب انصح اى حد تتقلب عليه الترابيزة انه يهدا خالص وميردش باى كلام ويكتفي بالنظر للمقامر الضعيف الي قلب الموقف والتربيزة ويسيبه هو يعدلها زى ماقلبها وميبذلش اى مجهود فالمحاولة مش بس عشان مينزلش لمستوى المقامر واسلوبه الرخيص ، لكن لان النضج هو انك تفهم الي ادامك وتفهم ميكانيزم الدفاع بتاعه وتفسده عليه بثقتك من نفسك ومن موقفك ..
احيانا في سلوكيات لا يجب التعامل معاها بنفس المنطق المتدنى ، ولكن بالارتفاع عنها وعن تبعيتها غير المنصفة ..
اللى قلب التربيزة يعدلها
متعدلوش التربيزة لحد 👌

خير أيام الدنيا 💗

في غمرةِ الأيامِ وتلاحُقِ الساعات، تُشرقُ علينا "خيرُ أيامِ الدنيا" كنسمةٍ باردةٍ تُعيدُ ترتيبَ أرواحنا من الداخل. إنها محطةٌ جليلةٌ لتجلي أسمى معاني الحب؛ الحب الذي يبدأُ بصلحٍ حقيقي مع الذات، وينطلقُ ليعانقَ الوجودَ بأسره، حبٌّ يبني الجسورَ ويجبرُ الخواطر. وفي هذه الأيام المباركة، يتجلّى الإيثارُ كأبهى صورِ الأناقةِ النفسية، حيثُ ترتقي النفسُ فوقَ حدودِ الأنانيةِ الضيقة، لتجدَ لذّتها الحقيقيةَ في العطاء، ومسرتَها في إسعادِ الآخرين. من هذا العطاءِ المجرّد، تولدُ "النفسُ المطمئنة"؛ تلكَ التي سكنتْ إلى فِطرتِها الأولى، وخلعتْ عنها أثوابَ القلقِ والاضطراب، لتستقرَّ في مرافئِ الرضا والسلام الداخليّ العميق. إنها دعوةٌ لنصنعَ من حضورِنا أثرًا طيبًا، ومن كلماتِنا بلسمًا، ومن قلوبِنا ملاذًا آمنًا يفيضُ بالجمال والنور. ومع طيوفِ هذه الأيامِ العطرة ونسماتِ الفرحِ التي تحفّنا، أرفعُ إليكم أصدقَ التبريكاتِ وأعذبَ الأمنياتِ بمناسبةِ عيدِ الأضحى المبارك، داعيةً اللهَ أن يملأَ قلوبَكم بالطمأنينة، وأيامَكم بالمسرات، وأن يُعيدَه عليكم وعلى من تُحبون في أتمِّ الصّحةِ والخيرِ والبركة.. كلُّ عامٍ وأنتمْ بصحة نفسية وجسدية وسلام 💗


#إنسان