Tactics90

🚨 HALFTIME: Barca 2 - 0 Atletico (2-4)
ايه الكلام يا جدعان!!

تخيل برشلونة ترجع في النتيجة كاملة؟

مفيش احلى من دة خبر اكتبه بعد غياب شهر تقريبًا 😂
عااااااااجل خروج انتر ميلان من دوري ابطال اوروبا 💃🏼😂😂 بعد هزيمة ساحقة ذهابًا وايابًا من بودو خليميت!!!

الفرق بين برشلونة مع بيدري وبرشلونة بدون بيدري بيوضح ليه بيدري لازم يكون منافس قوي علي البالون دور بلا شك.
فريقين مختلفين!!

سيميوني طبق اسبوع علي دفاع برشلونة المتقدم وقدم ل تشيلسي الوصفة السحرية لضرب دفاع ووسط برشلونة.
فليك لازم يكون مرن في اللعب تحت الكورة كمان مفيش فريق بيلعب اي ماتش بدفاع متقدم ٢٠ ياردة عن حارسه.

شيء مستفز ومضحك.
تخيل الكورة دي اتسحبت اوفسايد علي كوبارسي بعد مراجعة فار لمدة ٨ دقايق تقريبا

دييجو سيميوني عامل شوط اول علي هانزي فليك وبرشلونة حاجة فخمة جدا من أيام الزمن الجميل، دفاع ووسط برشلونة تم التهامهم حرفيا بتكتيك التشولو احد اكتر المدربين الاندرريتد جماهيريا.
3-0 في 33 دقيقة.

🚨💣 هانزي فليك: "نحن برشلونة ونريد الفوز بكل الألقاب." 💙❤️🏆

اتفرجت امبارح علي اجزاء من مباراة بنفيكا والريال ولاحظت نقطة ضعف فاضحة جدا في تشكيل الريال الي بدأ بيه.
خط الوسط عموما تشواميني مع بيلينجهام وجولر هو خط ضعيف مقابل خماسي من بنفيكا حركيين جدا وممتازين بالكورة.
وجود بيلينجهام وجولر مع بعض في تشكيلة واحدة قرار غريب جدا اللاعبين تقريبا بياخدو نفس المساحة في الملعب غير ان جولر كان ضعيف في الضغط وبيلينجهام بطيء دايما.
لو فالفيردي في الوسط كان هيبقي افضل بكتير او حتي كامافينجا.
المشكلة ان اول تغيير عمله اربيلوا كان خرج تشواميني!!

احصائيات "روبيرت ليڤادوڤسكي" مع برشلونة لا تصدق، وتدل انه مهاجم من طراز رفيع، مهما اضاع من فرص ومهما كان مش في يومه فهو مهاجم كبير! وكبير اوي كمان.. ورغم انه جيه برشلونة وهو 34 سنة! وحاليًا هو 37 سنة.. الا انه سجل اهداف كتير في اوقات حساسة ومهمة! ومش بس كدة بيصنع كمان عدد لا بأس به من الاسيستات! لذلك عايزك تتخيل كدة يا صديقي مجرد تخيل، لو ليڤا كان جيه برشلونة اصغر شوية او لو كان لعب بجوار ميسي، كان ممكن يوصل لايه مع النادي !ودي احصائات ليڤا في اقل من 4 مواسم!! يكفي انه ساهم ب"134 هدف" من تسجيل وصناعة!

واليك ارقامه يا صديقي!

روبيرت ليڤادوڤسكي مع برشلونة : 🇵🇱💙❤️

لعب : 🏟️ 170 مباراة
سجل : ⚽️ 112 هدف
صنع : 🎯 22 اسيست
حقق : 🏆 6 بطولات

اعتقد دة آخر موسم لليڤادوڤسكي مع البرسا! وهقولك كدة معلومة على السريع! 😁 لويس سواريز ساب اوروبا وهو في نفس عمر ليڤادوڤسكي لما راح برشلونة 😁

صباح الخير يا صديقي، عايز اقولك معلومة كدة، خاصةً بعد ما تعاقد السيتي في يناي لحد دلوقتي مع صفقتين من العيار الثقيل! "انتوان سيمينيو" و "مارك جيهي" في صفقتين تعدوا ال90 مليون يورو!! وزي ما انت شايف عزيزي القاريء.. نقدر نعمل تشكيل كامل من اللاعبين (11 لاعبي) تعاقد معهم "بيب جوارديولا " منذ يناير الماضي 2025 وعلى مدار 3 انتقالات.. والمحصلة تقريبًا صفر!!

عشان نشوفه امبارح بيخسر في دوري الأبطال 3/1 من فريق مغمور وكأنه السيتي مش موجود! .. لذلك انا مقتنع ان تجربة جوارديولا مع السيتي انتهت خلاص! وبرضه عندي قناعة كدة ان ادارة السيتي سايباه يكمل تكريمًا له ولمسيرته السابقة على مدار 10 مواسم تقريبًا حقق فيهم كل حاجة مع السيتيزين، سواء 6 دوري انجليزي او دوري ابطال اوروبا او كاس عالم للاندية او او او ! لذلك هو حقق كل حاجة خلاص، وجيه وقت تجديد الدماء والأفكار!

ومن الواضح كمان ان السيتي بالمستوى دة هذا الموسم، صعب ينافسوا على الدوري، وتعثروا كذا مرة مؤخرًا وكان في وسع ارسنال توسيع الفارق اكتر واكتر.. لذلك برضه انا مقتنع ان ارسنال هو الاقرب للدوري مش عشان ارسنال هما الافضل بس، لا عشان كل المنافسين مش شايفين قدامهم ! وبالفعل الفارق دلوقتي 7 نقاط كاملين واحنا في الجولة 22 يعني اكتر من نص الموسم انتهى، لو السيتي في الفورمة اقدر اقولك لسة فيها منافسة، بس بالمنظر دة، انسى عزيزي القاريء!

والادهى كمان انه معندوش حجة يعني الفريق مليانك لاعبين مميزين في كل المراكز، لدرجة انه ممكن يعمل بيهم فرقتين توب كلاس! عشان كدة اعتقد ان بيب جوارديولا هيرحل بنهاية الموسم خلاص! والحسنة الوحيدة انه مجهز سكواد جبار لأي مدير فني هييجي بعده!

كانت حكاية جميلة لبيب مع السيتي، ولكن كل حكاية لازم لها نهاية.. وأطن انه حان موعد الرحيل 😅

متنساش تتفاعل مع البوست وتقولي رأيك هل جوارديولا هيكمل ولا هيرحل؟

مشهد ايقوني يستحقه "ساديو ماني" ويستحق يختم به مسيرته الدولية مع المنتخب السنغالي، لانه خلاص صرّح امبارح بعد الفاينال انها اخر بطولة كاس امم مع السنغال، واحتمال كبير يعتزل دوليًا تمامًا بعد كاس العالم! لانه حقيقي خلاص وصل للي هو عايزه في مسيرته الدولية، وهو البطل المتوج لمرتين ووصل كاس العالم كذا مرة..

ودايمًا بفتكر كلمته لما بيقول انا عايز الناس تفتكرني اني انسان كويس، مش مجرد لاعب كرة كاريره كويس، الحاجة الوحيدة اللي ممكن نعاتب ساديو عليها، انه ساب اوروبا بدري، رغم انه من الواضح انه كان يقدر يؤدي اكتر واكتر في اوروبا!

ودة بان في البطولة دي، ولعبة الهدف مثلًا هو اللي بدأها وقطعها واداها بالكعب حلوة اوي، وجيه منها هدف جميل جدًا حسم البطولة لمنتخبه، وخاصة كمان انه ساهم بخمس اهداف بشكل مباشر، سجل هدفين وصنع 3 اهداف، وكان هاين نفسه في الملعب طول البطولة!

مبروك لماني مرة تانية، لانه يستحق اللقطة الاخيرة، وظهرت شخصيته القيادية في الملعب في عديد المواقف خاصة في لقطة انسحاب اللاعبين..

اخيرًا وليس آخرًا ماتنساش تتفاعل مع البوست يا صديقي 🫶🏻

فيرمين لوبيز علي إنستقرام وصورة الفار من هدف برشلونة الملغي !!