SeeC

احنا طلبة من حاسبات و معلومات قررنا نبدا بنفسنا و
ننور الظلمه🙌
نزلنا نتناقش و نبين للناس خطوره فيرس سي و ازاي نتعامل معاه
كنا معكم امبارح في العباسيه و لقينه اقبال كبير من الناس و تشجيع💜💜 كتير و ده يدل علي حب الناس لبعضها و انهم فعلا بدأو بنفسهم
ديه كانت فكره من ضمن افكار شباب كتتتتييييرررر نفسها تغير 😁😁
يا رب نكن ساعدناكم وصلنا ل١٥٠+ بس دي البدايه 😌😍
الخير مش نيه ولا فكره ....
الخير فعل و الفعل فكره و دي فكره see c
it's the first but not the last see you soon 👋👋💞💞

و دلوقتى جه الوقت اللى اسالك فيه سوال واحد 👌مستنى اية؟🤦‍♂بعد ماعرفت اية هو الفيروس سى و اعراضه اللى ممكن تظهر او متظهرش و عرفت اسبابه ✋جه الوقت اللى لازم تتحرك فيه و تتطمن على نفسك و تحلل و تشوف نتيجة التحاليل سالب او موجب و متسبش نفسك كدة عشان احنا بطبعنا مبنتحركش الا لما يجلنا المرض😷و حتي بعد ما تحلل و تطمن على نفسك لازم تهتم بنظافتك الشخصية و نظافة الادوات اللى بتستخدمها زى ما حذرنا قبل كدة ان دول اكتر حاجات ممكن تنقل العدوة و منحسش😱
# we care you

من 20-15% من نسبة المصابين بفيروس الكبد الوبائى "C" بيقدروا يتغلبوا على المرض و يتمكنوا من الشفاء 😄 دون احداث اى اضرار للكبد 😌 ولكن النسبة الباقية يبحصلهم خلل و اضرار كبيرة بالكبد 😣 و ده بيحصل ببطء شديد و بدون شعور المريض بهجوم المرض 💔
حوالى 85% من المصابين بالفيروس بيحصلهم تطور حاد و مزمن للفيروس و حوالى 20% من المرضى بيصابوا بتلف الكبد فى خلال 20 عام من بداية الاصابة 😫 .. و نصف المصابين بالفيروس يصابوا بسرطان الكبد بعد ذلك بالاضافة الى امراض الكبد الاخرى 🙁

نيجي بقي لمرحلة العلاج ايه هو العلاج المناسب اللي المفروض اخده لو لا قدر الله اكتشفت اني عندي فيروس سي ؟! 🤔
في الحقيقة مفيش نوع علاج محدد مناسب لكل انواع الحالات بحيث ان هناك عدة انماط جينية مختلفة من التهاب الكبد ( فيروس سي ) و كمان اختيار الدواء بيعتمد علي مدي تليف الكبد 😖
النوع المنتشر في مصر هو النوع الجيني الرابع و اللي بيتسبب في 40% من الحالات في اصابة الاعضاء الاخري كالقلب و الجهاز العصبي و المناعي😲
فيه عدة ادوية حديثة مخصصة للمرحلة ديه من المرض👌😏 زي ( إلباسفير / غيلكابريفير / ليديابسفير / اومبيتاسفير )
انزل دلوقتي حلل و ماتتأخرش في صحتك لان كل ما بتكتشف المرض متأخر كل ما بيكون العلاج اصعب ⚠️
🚫🤞

و هنا يجي السؤال، دلوقتي بعد ما عرفت يعني ايه فيرس سي و أعراضه و مسبباته ازاي اقدر اتطمن علي نفسي و اتأكد من اني غير مصاب بالمرض؟! 🤔
في كتير من الحالات مش بتظهر عليهم اي حاجة من الاعراض الدالة علي وجود المرض 😨
و اللي بتظهر عليهم الاعراض في الغالب مش بيهتموا بيها و بيشوفوا انها اعراض طبيعية نتيجة الضغوط اليومية ☹
طب و ايه حل ؟! 🤔
فيه دلوقتي تحاليل منتشرة في اغلب المستشفيات و كمان الصيدليات تقدر بيها تطمن بيها علي نفسك زي اختبار الاجسام المضادة و اختبار PCR و تحليل RNA 👌
ماتكسلش في صحتك و صحة اللي بتحبهم و انزل اعمل التحليل في اسرع وقت ⚠️
🚫✌️

...... Virus C اتكلمنا قبل كده عن
طيب تعرف ان اسمه التهاب الكبد الوبائي
عمرك فكرت ليه في مصر نسبه كبيره من مصابين هذا المرض 🧐
احنا هنا بقي علشان نوعيك و ننورلك الضلمه
في مصر ناس كتير بتحب تعمل خير منه التبرع بالدم و ده عمل عظيم بس محدش فكر ان نقل الدم ممكن يسبب في الاصابه بفيرس سي لان بعض هذا الدم ملوث بسبب المدخنين و الظاهرة التي اتشرت و هي رسم الوشم كل ده بيلوث الدم
كل اهل مصر بيحبوا الخير بس لازم ننور الضلمه
😄😄😄
بس مش ده السباب الوحيد في برضه سبب خطير جدا و هو المستشفيات هقلك لييييههه بقا...
السرنجات 😞
زي ما سمعت كده في مستشفيات كتير مش بتعقم السرنجات و مش بس كده دي كمان بتوفر و تستخدمها اكثر من مره و ده خطر جدددااا 😞😞😞
و احنا في هدفنا التوعيه... SEE C
مستني ايه حلل و اقضي عللييهه
Time to know 🤩🤩🤩

النهاردة كنا معاكم قدام مسجد النور في العباسية وفي محيط الميدان 🤘
نتمنى نكون افدنا الناس هناك بأكبر شكل ممكن
واستنو الصور قريبا علي الصفحة 😎😎

خد بالك بقا عشان هكلمك عن أسباب الفيروس سى😷في حاجات ممكن نستعملها في يومنا و منبقاش واخدين بالنا ان ممكن تضرنا😒زى اية كدة؟يعنى مثلا تخيل كدة لو استخدمت فرشة أسنان مش بتاعتك و بتاعة حد غيرك عنده المرض ممكن يتنقلك😱و لما بتروح عند الحلاق و تستخدم ادوات مكان حد تانى ممكن العدوة تتنقلك😮✋كل دة بينقل العدوة و دى طبعا حاجات ممكن نستهون بيها بس منعرفش اية اللى ممكن يحصلنا 😓
# we care you

بنسمع عن قاتل متخفي او قاتل هربان لكن مبنسمعش عن قاتل بيزين ؟!!🤨 هيبقي ردك ايه لو عرفتي ان المانيكير والباديكير والذي منه من اسباب مؤكدة عن فيروس سي 💅🚫 اهتمامك بشكلك شئ مطلوب لكن اهتمامك بصحتك هو ده الاهم 🤞

لام الظهر كتير منناا بيفتكر انهاا بسبب مجهود او بسبب خبطة او كدمة الخ... ⁦🚶 بس خليني اققولك ان الام الظهر واحدة من اعراض فيروس سي 🤨 آلام بسيطة ممكن تكون تحذير عن وجود فيروس وبائي للكبد !!🤔 اضطراب المزاج واصفرار العين من اعراض الفيروس وبيكون مؤشر علي وجوده ⁦👀 حاجات مبتتحطش فالاعتبار بالنسبة لناس كتير بس شوية اهتمام بسيطة بنفسك هيكون شئ ايجابي في مواجهة انتشار المرض 👌...
⛔🤞

عمرك فكرت ان السخونية الي بتاخدلهاا خافض حرارة وتنام ممكن تكون انذار لفيروس سي 🤒 السخونية وارتفاع درجة الحرارة من اعراض فيروس سي تخيل ان شوية سخونية انت مستهون بيهم بتكون هي بوادئ المرض 😷 اه السخونية اسبابها كتير وطرق علاجها بسيطة وكمان بتكون من اعراض امراض كتير بس للاسف بتكون شئ مأساوي لما بتيجي تحذير عن وجود فيروس سي ⁦☠️⁩🤷 في اعراض تاني للفيروس ممكن تكون في نظرك حاجة بسيطة زي فقدان الشهية 🤮 تخيل احساسك الكثير انك مش جعان او ملكش نفس بمصطلحنا ممكن يكون من اعراض الفيروس لقدر الله !؟ طب تعرف ان الاحساس الدائم بالنعاس والخمول من الاعراض المؤكدة للفيروس 😴 متستهونش بأي حاجة مش تقليدية بتحصل فيومك حتي لو كانت بسيطة خصوصا لو الحاجة دي هتيجي عالصحتك ،، مجرد تحليل بسيط ممكن يكون بمثابة طوق نجاة في مواجهة المرض...
👌⛔

فيروس سي او فيروس الكبد "الوبائي" متخيل خطورة الفيروس وصلت لوصفه بالوباء !!!😞 ٣٢٥ مليون شخص يعانون من لعنة الفيروس متخيل الرقم ؟؟🤕 طب متخيل ان ٩٠٪ من المصابين مبيعرفوش بإصابتهم بالمرض وممكن يعرف عن طريق الصدفة او بعد ما يكون المرض خلاص اتمكن منه 😷 تخيل ان في ناس بتعرف انهم مصابين بالمرض لما بيجوا يتبرعوا بالدم !😫 خبث فيروس سي في انه مبيظهرش نفسه بمعني ان الاعراض مبتظهرش مرة واحدة او حتي لما بتظهر انت بتحس انها مش هتسببلك خطورة ⁦⁦، ولكن فالحقيقة هي بتكون مصدر الخطورة الوحيد عليك ...
👌