Mostafa Elsrogy

يوم عرفة ❤️

في ناس في حياتك
وجودهم لوحده بيهون تعب الدنيا
ناس بتحارب علشان خاطرك
وبتسامحك علشان بتحبك
وبتستحملك وانت في اسوأ نسخه من نفسك

بس الغريب
ان اغلب الناس مبتحسش بقيمة النعمه
غير لما تخسرها

العيد داخل
ودي مش مجرد ايام بنلبس فيها جديد
دي فرصه
انك تصلح قلب زعلته
وتطمن حد مستني منك كلمه
وتقول للي بتحبه
“شكراً انك لسه موجود”

متستناش البعد يعلمك قيمة الناس
ولا الفقد يفهمك مين كان حقيقي

في ناس
لو راحت
ولا كل اعتذارات الدنيا هتعرف ترجع احساسهم ناحيتك تاني

حافظوا علي الناس النضيفه
لان القلوب الحلوه
مبقاش منها كتير

فيه نوع من الأذى مبيوجعش وقتها، بيوجع بعدين لما تربط كل التفاصيل ببعض وتفهم إن قلبك كان واخد باله من البداية. رد فعل متوتر، نظرة اتسرقت بسرعة، وكلام متقال بثقة زيادة عن اللزوم. حاجات صغيرة جدًا بس كفاية تخلي روحك كلها تقلق، وأنت تحاول تهدي نفسك وتقول لا أكيد أنا مكبر الموضوع. لحد ما تكتشف إن أكتر شخص أذاك مش اللي كدب، اللي خلاك بعد كل إحساس صادق تشك في نفسك. ومن يومها مبقتش بتخاف من الحقيقة، بقيت تخاف من الإحساس لما يطلع صح

أصعب حاجة لما تبقى مشتاق لحد بتحبه
ونفسك تكلمه وتسمع صوته

بس واقف مكانك
تفكر ألف مرة

هو هيكون مبسوط برسالتي
ولا الوقت بينا لسه محتاج هدوء


بس وحشته جوايا أكبر من أي خلاف

وحشتني بطريقة صعب تتوصف
مشتاق لصوتك
مشتاق لكلمة بحبك
ومشتاق لراحة ما بحسهاش غير معاك

الغريبة إن غيابك كان فترة صغيرة
بس جوايا كان عامل زي سنين عدت عليا

قد تراه بعيدًا وصعبًا.. وهو عند الله هينًا يسيرًا

عارف أنا ليه بحبك؟
بحبك علشان معاك بحس إني على طبيعتي، من غير خوف ومن غير ما أفكر كل كلمة بتتقال إزاي.

بحبك علشان وقت ما الدنيا بتشد عليا، بلاقي فيك راحة مش بلاقيها في أي مكان.

بحبك علشان اهتمامك مش كلام، اهتمامك بيتشاف في التفاصيل الصغيرة اللي يمكن محدش ياخد باله منها غير اللي بيحب بجد.

بحبك علشان معاك حسيت إن الأمان مش مكان، الأمان شخص.
شخص يطمنك من غير ما يطلب منك تتكلم، ويفهمك من نظرة، ويحس بيك حتى لو قولت إنك كويس.

بحبك علشان وسط ناس كتير دخلوا حياتي وعدوا، أنت الوحيد اللي وجوده فرق.

وأكتر حاجة خلتني أحبك، إنك عمرك ما حاولت تغيرني، حبيتني وأنا على حقيقتي.

يمكن علشان كده مهما قابلت ناس، قلبي اختارك أنت

الغريب إن الانفجار عمره ما بييجي فجأة
هو بييجي بعد وقت طويل من السكوت

أنت كنت بتعدّي
أنت كنت بتقول عادي
وتقنع نفسك إن كل حاجة بسيطة ومش مستاهلة.

كل موقف صغير كنت بتسيبه يعدّي
كل حاجة كانت بتضايقك وكنت بتسكت عليها
لحد ما بقت مش صغيرة زي ما كنت فاكر.

ومع الوقت مشاعرك ما راحتش هي اتراكمت.

لحد ما انت بقيت أهدى من برّه
بس جواك ضغط بيزيد
وكلام كتير ما اتقالش.

ولما الانفجار حصل
بان إنك أنت اللي غلطت
وإنت الي مكبّر الموضوع فجأة.

بس الحقيقة؟
إن مفيش حاجة بتكبر فجأة

أنت بس كنت بتسيب كل حاجة تعدّي
لحد ما مابقاش فيّ طاقة تعدّي حاجة تاني.

وساعتها
ماكانش انفجار

كانت آخر حاجة فاضلة فيك

في ناس بتبان قوية بشكل يخدعك
تضحك، تهزر، وتقولك “أنا تمام”
لدرجة إنك تفتكر إن مفيش حاجة بتكسرها
بس الحقيقة إنهم اتعودوا يخفّوا كل حاجة
مش عشان أقوى من غيرهم
لكن عشان محدش سألهم قبل كده:
“إنت عامل إيه بجد؟”
بيعدّي عليهم أيام تقيلة محدش شايفها
تفكير مبيسكتش… وضغط مبيخلصش
وكل ده بيعدّي في صمت
من غير ما يطلبوا مساعدة
فلو في حد في حياتك دايمًا باين قوي
اسأله مرة بجد: إنت كويس؟
يمكن السؤال ده
هو الحاجة الوحيدة اللي مستنيها من زمان