Cairo Photo Club

جاهز لتجربة جديدة ومختلفة؟
Barqash Documentary Photo Walk

نادي القاهرة للتصوير و SIGMA بيقدمولك فرصة مميزة جدا علشان تجرب أحدث عدسات Sigma في أجواء تصوير حقيقية في سوق الجمال ببرقاش.

هتعيش تجربة احترافية وتختبر أداء عدسات Sigma
في "لوكيشن" مفتوح، علشان تشوف بنفسك الفرق في الحدة والألوان وسط الحركة والتفاصيل الحقيقية.

هيكون معانا المصور المحترف محمد خيري، هنتعلم إزاي نختار الكادر الصح ونوثق حياة السوق بروح فنية، ونطلع صور بورتيريه و Documentary احترافية.

جهز معداتك .. واستعد لمغامرة مميزة

تقدر تسجل عن طريق الاستمارة و انتظر مكالمة تأكيد الحضور:
(متاح التسجيل لكل المصورين)
https://barqash-photowalk.bitrix24.site

📅 المعاد: السبت ٢٣ مايو - الساعة ٩ ص.
📍 المكان: سوق الجمال ببرقاش.
https://maps.app.goo.gl/ZtWDihGw5eMtrY9J9

🚐 تفاصيل الانتقالات:
متاح توفير انتقالات من أمام مقر الشركة (اختياري).
الرسوم: ٣٠٠ جنيه (ذهاب وعودة).
تقدر كمان تحضر بعربيتك وتقابلنا هناك (بعد تأكيد اختيارك).

⚠️ ملحوظة:
هتحتاج الكاميرا والعدسة الخاصة بيك .. وجهز كارت الميموري

دايما المصورين بيفكروا إزاي يحموا معداتهم الغالية من الصدمات، وشركة "Spinn Design" قررت تحل المشكلة دي بمنتجها الجديد ProWrapp Impact+ اللي أعلنت عنه على منصة Kickstarter، وهو عبارة عن غطاء حماية (Wrap) مصمم مخصوص عشان يمتص أقوى الصدمات.

الشركة استخدمت قماش "High-pile" جديد متطور جدا، وظيفته إنه يمتص الصدمات والاهتزازات بشكل ممتاز، وفي نفس الوقت مبيخليش حجم الكاميرا ضخم جوه الشنطة.
السطح بالكامل بيشتغل بنظام (hook-and-loop) يعني بيلزق في بعضه من أي مكان تلمسه، وده بيخليك تلفه حوالين أي حاجة وتثبتها بسهولة وسرعة من غير ما تحتاج كليبسات أو أحزمة.
الشركة بتقول إنك تقدر تستخدمه لحماية أي أجهزة تانية زي اللاب توب، الهاردات الخارجية، أو أي قطعة تكنولوجيا غالية عليك وعايز تحميها من الخدوش أو الصدمات.

بييجي بـ ٤ مقاسات مختلفة عشان يناسب كل حاجة من أول العدسات الصغيرة لحد الأجهزة الكبيرة.
الزوايا بتاعته "دائرية" عشان يمنع إنه يتفك لوحده أو يتقشر مع الوقت.
فيه ألوان مختلفة لكل مقاس عشان تعرف تميز بينهم بسرعة وأنت بتدور في شنطتك.
مزود بـ علاقة (Loop) قوية لو حبيت تعلقه في أي مكان.

شركة Evrbridge أعلنت عن دمج تكنولوجيا تنظيم البيانات (Metadata) بتاعتها بشكل كامل جوه برنامج DaVinci Resolve. الخطوة دي هدفها الأساسي إنها تريح المونتيرين وصناع الأفلام من "الهم" بتاع كتابة وتنظيم تفاصيل الكليبات واللقطات يدويا.

الإضافة دي بتقدم
١. أتمتة كاملة (Automation): بدل ما تقعد تكتشف اللقطة دي اتصورت امتى وفين وبكاميرا إيه، النظام ده بيسحب كل البيانات دي أوتوماتيك من الكاميرا لمشروعك في "Resolve" مباشرة.
٢. الربط (Cloud Integration): النظام بيعتمد على تكنولوجيا السحاب، وده بيسمح بنقل بيانات الكاميرا والعدسة والإعدادات في وقتها الفعلي (Real-time)، فالمونتير بيقدر يبدأ شغل وهو عارف كل تفصيلة تقنية عن اللقطة من غير ما يسأل حد.
٣. تنظيم ذكي للـ Media Pool: الإضافة دي بتنظم الملفات جوه البرنامج بشكل ذكي بناءً على البيانات اللي اتسحبت، وده بيوفر ساعات طويلة من "الترتيب" اليدوي اللي كان بيتعمل قبل بداية المونتاج.
٤. دعم سير العمل الاحترافي: الموضوع مش مجرد اسم الملف، ده بيشمل بيانات العدسات، وفتحة العدسة، وحتى الـ GPS لو متاح، وده بيسهل جداً شغل الـ Visual Effects والـ Color Grading لأن المعلومات بتكون دقيقة ١٠٠٪.

الشراكة دي بتسد الفجوة اللي كانت موجودة بين "وقت التصوير" و"وقت المونتاج".
دلوقتي المعلومات بتمشي مع الفيديو كأنها "بطاقة شخصية" مابتفارقهوش، وده بيخلي سير العمل (Workflow) أسرع بكتير وأقل عرضة للأخطاء البشرية.

ترايبود "Viperpod".. مش لازم يقف على الأرض عشان تستخدمه في التصوير

دايما متعودين إن الترايبود (الحامل الثلاثي) لازم يكون له أرضية ثابتة يقف عليها، بس شركة "Silence Corner" قررت تكسر القاعدة دي بمنتجها الجديد اللي أعلنت عنه على منصة Kickstarter واسمه Viperpod.

الـ Viperpod مش مجرد ترايبود عادي، هو مصمم بنظام "خطاف" (hook) مدمج وعمود أوسط قابل للقلب (External flip center column). الميزة دي بتخلي المصور يقدر "يعلقه" في أماكن كان مستحيل ترايبود عادي يوصل لها، زي السلالم، فروع الشجر، أو حتى في فتحات الأبواب. شعار الشركة ببساطة: "لو المكان يقدر يشيله، تقدر تصور منه".

أهم مواصفاته ومميزاته:
١. استخدام مزدوج: تقدر تستخدمه كـ ترايبود احترافي عادي يقف على الأرض بفضل أرجله المصنوعة من ألياف الكربون (Carbon Fiber)، وفي نفس الوقت تقدر تستخدم العمود الأوسط كـ "يد" (handle) عشان تسهل حركة الكاميرا يمين وشمال أو فوق وتحت كأنك شغال بفيديو هيد.

٢. القوة والخفة:
النسخة العادية: وزنها حوالي ١.١٦ كجم، وبتشيل لحد ٨ كجم من المعدات، وبيرتفع لحد ١٥٧ سم.
نسخة الـ Light: أخف وأقصر شوية، وبتشيل لحد ٦ كجم.

٣. التوافق: الترايبود بييجي بـ "رأس" (head) متوافقة مع نظام Arca-Swiss المعروف، يعني هيركب عليه أغلب الكاميرات بسهولة.

الاختراع ده لقى حماس كبير جدا، وفي خلال أيام بسيطة على Kickstarter، قدر يجمع تمويل وصل لـ ٣ أضعاف المبلغ المطلوب، وده بيأكد إن المصورين كانوا فعلا محتاجين حل ذكي للزوايا الصعبة.

ببساطة، الـ Viperpod جاي عشان يفتح للمصورين وصناع الفيديو آفاق جديدة للابتكار بعيداً عن حدود الأرض!

We’re Hiring: Digital Marketing Specialist

If you’re someone who loves turning ideas into campaigns, numbers into insights, and clicks into real results… this might be for you.

We’re looking for a Digital Marketing Specialist to join our team and help us grow smarter, not just bigger.

What you’ll be doing:

* Managing social media platforms & content planning
* Running and optimizing paid campaigns (Meta / Google)
* Analyzing performance and improving ROI
* Coordinating with design & content teams
* Supporting website updates & SEO efforts

What we’re looking for:

* 3-5 years of experience in digital marketing
* Hands-on experience with ads & analytics tools
* Creative mindset + strong attention to detail
* Someone who’s proactive and loves testing new ideas

Nice to have:
* A strong background in marketing agencies & media production
* Basic knowledge of SEO & website management

📍 Location: Maadi
📩 Interested? Kindly fill this form:
https://hiring.bitrix24.site

شركة "Blackmagic Design" مابتضيعش وقت، ومنزلتش نسخة البيتا وسكتت، دي نزلت تحديث سريع (نسخة Beta 2) لبرنامج "DaVinci Resolve 21" بعد أقل من شهر من الإعلان الأول، والتركيز كله كان على تظبيط صفحة الصور (Photo page) الجديدة.

الجديد في التحديث ده:
١. تظبيط أدوات الـ Crop والـ Rotate: الشركة عدلت طريقة عمل القص (Crop) والتدوير والقلب (Flip) للصور عشان تكون استجابتها أوقع وأدق، وحلوا مشاكل كانت بتظهر في بيانات الـ Metadata الخاصة بدقة الصورة وقت التصدير.
٢. دعم أقوى لملفات الـ RAW: التحديث حسن جداً التعامل مع ملفات الصور الخام من نوع (RAF) و(12-bit NEF)، وده معناه إن المصورين اللي بيستخدموا كاميرات Fujifilm وNikon هيقدروا يشتغلوا بسلاسة أكبر.
٣. التصدير بأسماء الملفات الأصلية: دي كانت مشكلة بتضايق المصورين اللي عندهم مكتبات صور كبيرة، التحديث الجديد بقى بيسمح لك تصدّر الصور بنفس أسمائها الأصلية عشان ماتوهش وسط الملفات.
٤. تحسينات في الـ IntelliSearch: الأداة دي اللي بتعتمد على الذكاء الاصطناعي عشان تفرز وتنظم الصور والفيديوهات، بقت أسرع وأكفأ في التحديث ده.
٥. تطوير في الـ Keyframes: البرنامج عدّل طريقة التعامل مع الـ Keyframes والـ Retime curves عشان تكون الحركة وتعديل الوقت في الفيديوهات أو الصور المتحركة أسهل وأكثر دقة.
٦. دعم Apple Vision Pro: ضافوا تحكمات جديدة خاصة بالـ (Foveated rendering) للناس اللي بتشتغل على محتوى خاص بنظارات أبل الجديدة.

ملحوظة: البرنامج لسه في مرحلة الـ Public Beta، يعني لسه فيه تطوير مستمر لحد ما النسخة النهائية تنزل.

جوجل قررت تدخل عالم الموضة بخاصية جديدة اسمها "Wardrobe" أو (الدولاب)، ودي مش مجرد أداة عادية، دي بتستخدم الذكاء الاصطناعي عشان تحول صورك القديمة لمرجع ملابس ذكي.

الخاصية دي بتعمل مسح لصورك وفيديوهاتك اللي موجودة أصلا على Google Photos، وتعرف "تفرز" القطع اللي كنت لابسها قبل كده (قمصان، بنطلونات، فساتين، وحتى الإكسسوارات والشوزات). بعد كده، بتعمل لك "كتالوج" رقمي لكل هدومك.

هتستفيد منها في انك:
١. تقدر تجرب تطقم قطع مختلفة مع بعض (Mix & Match) بشكل افتراضي من غير ما تكركب دولابك وتجربهم في الحقيقة.
٢. القياس الافتراضي (Virtual Try-on): الميزة الأهم إنك تقدر تلبس الطقم اللي نسقته على "نسخة ديجيتال" منك (Avatar) معمول بالذكاء الاصطناعي بناء على صورك، عشان تشوف شكلك فيه هيكون عامل ازاي.
٣. الميزة دي هتفكرك بقطع هدوم ممكن تكون ناسيها في آخر الدرج، وهتساعدك تختار لبسك للمناسبات أو السفر بسهولة.
٤. تقدر تشارك الأطقم اللي نسقتها مع أصحابك عشان تاخد رأيهم، أو تعمل "Mood Boards" لستايلك.

الخاصية بدأت تظهر في الموبايلات الجديدة (Motorola Razr 2026)، ومن المتوقع توصل لكل أجهزة الأندرويد في شهر يونيو اللي جاي، ومستخدمي iOS (الآيفون) قريب جدا.

قولولنا ايه رأيكم في الخاصيه الجديدة دي؟

خطوة جديدة إن شاء الله وإنطلاقة جديدة ل ZCreatorz اللي هيكون منصة مختلفة لكل صناع المحتوى والمصورين والعاملين بالقطاع الاعلامي في مصر .. سعدنا جدا بخدمتكم في I-Rent.camera و I-sell.Camera طيلة ال ١٠ سنين اللي فاتو 😊 واللي جاي أحسن إن شاء الله ...