CDM

هبدأ إزاى وهوصل لإيه ؟!
علشان تحقق حلمك وهدفك لازم تبقى عارف الطريق علشان توصله، وعلى الرغم من إنك بتكون في متاهه إلا إنك لازم متخفش وتجرب وتمشي وتلاقي طريق سد وترجع تاني وتكمل لغاية ما تلاقي الخطة المناسبة لطريقك علشان توصل لهدفك.

وعلشان توفر الوقت والحيرة دي كلها لازم تدور على الدعم المناسب من متخصص.

بتقدملك الطرق المناسبة للخروج من المتاهة بأمان ;)
- Company identity
- Digital Marketing

• اتصل بينا دلوقتي علي 01114459859
او ابعت لينا رقمك واحنا هنتواصل معاك مباشرة CDM

احنا الحد الفاصل بينك وبين جمهورك على الإنترنت، معانا الأدوات والعلم والأفكار والطريقة الصح للتنفيذ؛ لتوصيل صوتك، رأيك، فكرتك، منتجك، خدمتك، او حتى مهمتك للجمهور اللى فعلاً مهتم ومحتاج وبيدور عليها.
اوصل لجمهورك من خلال:
1- خدمات خاصة بموقعك Web Service ( تصميم Design – استضافة Hosting – تطوير Developing – تصميم المحتوي Content Copyright )
2- خدمات خاصة بتصميم الجرافيك Graphic Design ( لوجو Logo – كارت شخصي Business Card – فلاير Flyer - ... )
3- خدمات التسويق الإلكتروني Digital Marketing ( براندينج Branding – سوشيال ميديا Social Media - تهيئة الموقع لمحركات البحث SEO )
هنساعدك توصل لهدفك بإهتمامنا بأدق التفاصيل.
للطلب أو الأستفسار:
01114459859
او ارسل رسالة خاصة علي الصفحة CDM برقم هاتفك وسوف نتواصل معك مباشرة

النهارده رجعنالكم بمقالة جديدة فى #البيزنس وهتهم كل واحد ناول يفتح #مشروع ولسه بيختار المجموعة اللى هتبدأ المشروع بتاعه
وهنتكلم فى جزئية الناس اللى استقرت على ان المشروع يكون عائلى يعنى انت واخوك وابن عمك هتفتحوا مطعم مثلاً وهتوزعوا الادوار عليكم انتم التلاتة فى الادارة
طيب قبل مانتكلم عن مساؤى انك تشترك مع عيلتك فى مشروع واحد هنعرف الناس ليه انت اخترت العيلة ومش حد تانى ؟
هنخمن ببساطة جداً انك اخترت المشروع مع العيلة عشان امان ومش هيخونك او هيضروك فى شغلك وده السبب المتعارف عليه
وهو سبب كويس وسليم بس لوحده مش هينجح شركتك خالص لان هيفتقد لعوامل كتير هنتكلم عليها فى باقى المقالة
طيب هتيجى ترد عليا وتقولى... هل كل شركات العائلة بتخسر ؟؟ هرد عليك وهقولك لا طبعاً وفى شركات عائلة ناجحة جداً عالمياً بس اتوافرت فيها اسباب الامان
مع عوامل نجاح الشركة
وبالرغم من افتراضنا ان العائلة هى الامان فى اوقات كتير بتكون اكتر حاجة تفلس الشركة واعضائها لانهم اول مرة يتعاملوا ماديأ مع بعض
هنجى بقى لاهم عوامل فشل شركات العائلة فى العالم ومصر :
1- متتوقعش ان حد من العيلة يدى اكتر فى الشغل بعكس الموظف :
نتيجة للحساسيات المتعلقة بأفراد العيلة هتلاقى من الصعب توجيه فرد العيلة لانه يبذل اكتر من اللى عمله بعكس الموظف لان العلاقة
فى حالة فرد العيلة ممتدة الى البيت بعكس الموظف العلاقة مادية وتقدر من خلالها التأثير على الموظف
2- اجبار ادخال افراد العائلة فى الشركة :
من اكتر الكوارث اللى ممكن تقابلها فى حالة انك تجبر حد مش حابب يشتغل فى الشركة معاك انه يدخل بحكم انه من العيلة ومش عاوز حد غريب يدخل الشركة
او يعرف انت بتكسب كام مثلاً ..
وده هيخليه لو وافق انه يدمر الشركة فى الحتة اللى انت حاطه فيها لانه ببساطة عاوز حاجة تانية وفى الحالة ديه انت لازم تستعين بموظف كفء
3- مقياس الفشل فى التقييم على صلة القرابة بدل من المنافسة والتفوق
لو افترضنا ان عندنا فى الشركة موظفين عاديين واشخاص بينك وبنهم صلة قرابة
خلى مقياس تقيمك للشغل على اساس الانجاز والتفوق فى الشغل بدلاً من صلة القرابة
عشان تقدر تودى شركتك فى الطريق اللى انت شايفه .
4- اختار مين الافضل لقيادة الفريق :
اهتم فى النقطة ديه بالتفاعل مع اعضاء الفريق ويكون فى تفاعل مع افراد الشركة فى القرارات والمهمات الموكلة ليهم
بس لازم يكون فى الاخر شخص هو المسئول عن اتخاذ القرار وده فى حالة شركات العائلة صعب الاختيار نظراً لعوامل كتير بتدخل فى الموضوع بخلاف اداء الشخص نفسه وفى شركات عائلية بتوظف مدير بعيد عن العائلة تجنباً للمشاكل .
5-ابعد عن الشر وغنيله :
ده مثل شعبى مصرى بيعبر عن الفقرة اللى بنتكلم فيها وهو ان الفلوس ممكن تفرق بين افراد العائلة وتعمل خصومات تصل ل سنوات وفى امثلة فى واقع كل حد فينا حصل كده
وخسر اهله وممكن يكون والده ووالدته او اخواته بسبب تدخل الفلوس والمصلحة مابنهم .
ملخص كلامنا :
شركات العائلة مش سبب لخسارة اموالك بالتأكيد بس لو توفرت فيها العوامل اللى اتكلمنا فيها فوق لازم تعيد حساباتك او تحل المشاكل ديه فوراّ
ويفضل انواع الشركات الفرديه وبها موظفين او عن طريق شراكة مكملة
فى اخر كلامنا :
انت نوع البيزنس بتاعك عائلى ولا ؟ وهل صادفت شركات عائلية ناجحة قبل كده ولا ؟
ولو عندك اى سؤال بخصوص مشروعك ابعتلنا على الصفحة او اكتبلنا كومنت وهنتواصل معاك
ومتنساش تمنشن لكل واحد يهمه الكلام بتاعنا
CDM

هنتكلم النهارده عن اتنين من اصحاب الشركات الموجودة فى مصر (علي ومحمد)
وهنتعرف على طرق ادارتهم لمشكلة منتشرة اوى فى كل شركات مصر تقريباً المتوسطة والصغيرة وهى ( مشكلة التأخير فى المواعيد ؟!!)
هنبدأ ب علي صاحب شركه متوسطه كان عنده موظفين شاطرين جدا في شغلهم بس للاسف كان معظمهم بيتاخروا علي موعيد الشغل بربع ونص ساعه .
وطبعا علي مضايق جدأ ومش عاجبه التأخير ده 😣
وحيران يعمل ايه مع اللموظفين اللى بيتأخروا كل يوم عن مواعيد الشغل !!
اول حاجه عملها انه اتكلم مع الناس اللي بتتاخر بطريقة كويسه وبالفعل الناس اللي كانت بتتاخر انتظمت شويه بس رجعوا تانى للتأخير بالربع والنص ساعة !!!!!!
وهنا علي اضايق تاني😣 وعمل اجتماع ولم الموظفين وقال بصوت عالي اللي هيتاخر هيتخصم منه
وطبعا علي كان فاكر انه كده ناصح وحل المشكلة والناس مش هتتاخر ...
بس طريقته في الاجتماع كانت مستفزه جدأ للموظفين وفى منهم اللى انتظموا فتره ورجعت ريمه لعدتها القديمه واتخصم من الموظفين
والموظفين كل يوم بتخصم منهم وبالتالي قل انتاج الموظفين وغير كده في موظفين سابوا الشغل وحصل ان فى موظفين اضايقوا من الطريقة اللى اتكلم بيها على فى اخر اجتماع
وكرهوا الشغل وعلي بيطورت كل يوم عن غيره .
اما محمد شركته صغيره وعنده نفس مشكلة علي بس ده معملش زي علي
ومحمد قال لازم اتعلم من اخطاء الاخرين و( دايما الانسان الناجح هو اللي بيتعلم من اخطاء الاخرين )
عمل اجتماع مع كل موظف لوحده في الشركه وعرف اسباب تاخير وبدأ يحل المشاكل اللي بتخلي الموظفين يتاخروا ..
جزء كبير التزم وبعد كده اجتمع مع الموظفين وقال اكتر واحد ملتزم هنكرمه شهريا وهنطلق عليه بطل الشهرلحد الشهر الجديد وهنكرمه علي مواقع السوشيال ميديا للشركه والموظف الملتزم يوميا
و بيجي في مواعيده ويخلص شغله هيروح بدري نص ساعه وطبعا لان الناس كله مش شبه بعض في موظفين كان بتاخروا رغم ان مشاكلهم اتحلت فقرر ان يعاقب بالخصم البسيط الاول ده بعد فتره بقي ملتزم التاني ملتزمش بالتالي ده مش حابب الشغل وبعد ماحليت كل مشاكله وحطيت مكافات وعقاب وملتزمش بالتالي محمد استغني عنه لان لو كمال هيكمل بنفس الاسلوب والكسل وعدم الالتزام
🌟الخلاصه من قصة على ومحمد :
مشكلة التأخير داخل فيها جزئين جزء ثقافى وهو ان الشعب المصرى معروف بطبعه انه بيتأخر
والجزء التانى وهو ضرورة احترام قواعد الكيان اللى بيشتغل فيه الموظف
ومن هنا نقدر نقول انك لازم تسمع موظفك الاول وتحل مشاكله وابدأ بالثواب قبل العقاب وخاصة لو بينجز شغله على اكمل وجه وبعد كده هتحدد المشكلة وتاخد قرار حاسم عشان تنقذ شركتك من الضياع
فى اخر كلامنا :
قولنا انت مين فيهم على ولا ومحمد ؟ وقولنا رأيك فى القصة وهل فادتك ولا ؟
ولو عندك اى معلومة حابب تضفها اكتبها فى الكومنت او على الخاص
CDM

هنتكلم النهارده فى قصة جديدة عن موضوع يهم كل وعنده لغبطة ومش عارف يفرق بين التسويق والبيع وازاى يقدر يستغلهم صح عشان يبنى علامة تجارية ناجحة
هتكلم عن اتنين اصحاب قرر كل واحد فيهم يعمل مشروع (محمود×عبدالرحمن)
الاول (محمود) :
محمود صاحب واجهزة صحية محمود ربنا كرمه وقدر يحصل علي توكيل من اكبر الشركات الالمانيه العالميه لصناعه الادوات والمستلزمات الصحيه وخصوصا في صنعه اجزاء الانسان الصناعيه ..
محمود استغل الفرصه بطريقه خطأ شوية ...
محمود رفع الاسعار بالنسبه الطرف الصناعي اللي مش موجود الا عنده طبعا علشان السوق فعلا محتاج الطرف الصناعي ده وهو (محتكره)
باع مبيعات خياليه وربح ارباح خياليه بعد كم شهر كده الشركه فتحت باب التوكيلات وطبعا كل الشركات المصرية قدمت
وحصلوا علي نفس الطرف وطبعا الشركات باعت بالسعر العادي اللي هو اقل بكتير من محمود طبعا عشان يقدروا يبيعوا قدم محمود اللى هو بقى محتكر !!
انتوا متوقع ايه اللي حصل لشركة محمود ؟؟
التاني (عبدالرحمن)
عبدالرحمن صاحب شركة بعد مجهود وتعب قدر يحصل علي توكيل من شركه المانيا لاحداث انواع الاطارات عبدالرحمن عمل عكس محمود
عبدالرحمن نزل السوق بالاطار الجديد بس فكر لبكره مفكرش انه يكسب من الصفقه اللي عمله لا ده فكر لأبعد من كده ...
نزل باسعار كويسه فيه مكسب قليل فكر يكسب عملاء مستعجلش علي المكسب وطبعا باع مبيعات كبيره وبعد فتره الشركة فتحت باب التوكيلات وطبعا الشركات حصلت علي التوكيل بس محصلش مع عبدالرحمن نفس اللي حصل مع محمود الناس عرفت ان عبد الرحمن شركه محترمه ( وكسبت ثقة عملائها )
مستغلتش الناس وكده عبدالرحمن سوق لشركه اكبر تسويق مفكرش يبيع اللي عنده وبس لا فكر لبكره وكبر وبقي في مجاله.
الخلاصة من كلامنا :
فى فرق كبير بين البيع والتسويق لمنتجك وده مش معناه ان البيع غلط ده هو اهم مرحلة اى شركة حاب توصل ليها
بس لازم تسوق الاول لمنتجك وتعمل براند وهتقدر بعديها تاخد Market Share كبير فى مجالك وهتكون انت العلامة اللى بيرجع ليها باقى الشركات المنافسة عشان يقيموا منتجاتهم
(سوق لنفسك ماتبعش )
تابعونا : CDM

أهم 10 مواقع فى حياتك
طبعا كلنا عارفين مواقع عالنت هى الفيسبوك وإنستجرام … مش هنفتى :D :D
لا يا بيه مش دى أهم مواقع فى حياتك … فى مواقع تانية أهم بكتير، وهنستعرض هنا أهمهم وليه هما مهمين للدرجة دى.
1) Linkedin
موقع Linkedin هو تقريباً أهم موقع لازم تدخل عليه كل يوم، الموقع ده هو تقريبا أهم موقع توظيف الـHR بيدور عليه لما يحتاج يوظف حد، دلوقتى اشترى Lynda فبقى عليها كورسات فى مجالات كتير جدا مجانا، ده غير إن ده وسيلة من وسائل أنك تكبر الـ Network بتاعتك.
فأنت لازم تدخل عليه وتشوف البروفايل بتاعك كويس ولا لا، تظبط البروفايل بتاعك أكتر (واللى هنتكلم عن إنك إزاى تعدل بروفايل لينكدان بتاعك فى مقالات جاية)، بحيث أى حد يدخل يكون عارف كل حاجة أنت بتعملها فى المجال بتاعك.
2) Youtube
وكلنا عارفين طبعا اليوتيوب بنستخدمه فى إيه … الأغانى طبعا :D :D أكيد لا … اليوتيوب عليه تقريبا أكتر من 80% من محتوى الفيديوهات اللى عالنت كله، ايوا الرقم صح … 80%، فأنت النسبة دى فيها كل حاجة من فيديوهات كورة وأغانى ومسلسلات وحاجات ملهاش لازمة غيرهم، وفى كورسات وفيديوهات فى مجالات كتير جدا، فأنت أعتقد عارف طريقك … مش كده :D
3) Ted
تيد فى البداية كان مؤتمر بيتعمل كل سنة فى أمريكا عن الأفكار اللى تستحق النشر، سواء كانت ترفيهية أو ابداعية أو تقنية، وبعدها الموضوع انتشر وبقى فى معظم بلدان العالم، الجميل إن ليهم موقع وعليه كل المحاضرات اللى بتتعمل وفى كتير منها ليه ترجمة بالعربى، تقدر تدخل على الموقع وتشوف الفيديوهات واللى كل فيديو هيفرق جدا فى طريقة تفكيرك وهيغير نظرتك تجاه حاجات كتير.
4) أراجيك
وأراجيك هو تقريبا أكبر مدونة عربية موجودة عالنت، هتلاقى فيه مقالات عن حاجات كتير جدا، فى الفن والبيزنس والتعليم وغيرهم، كل مقال هتقراه هيفرق معاك كتير، والمدونة فازت السنة اللى فاتت بجائزة أفضل مدونة عربية.
5) Udemy
الموقع ده هو الأب الروحى لأى حاجة محتاج تتعملها فى حياتك، من أول الشغل للحياة لفنون القتال عشان اللى بيقفولك على ناصية الشارع :D فكل ما تحتاج تتعلم اى حاجة فى الدنيا … تروح لعمو Udemy :D
6) Wiki how
عايز تعرف تعمل أى حاجة إزاى :D ؟ عليك وعلى Wiki How، ده موقع عليه مقالات تعلمك الـ How بتاعة أى حاجة، من أول إزاى تتعامل مع مديرك وتطور نفسك فى شغلك .. لحد إزاى تعمل الـ Pasta اللى بتاكلها بره فى البيت عندك :D
7) Lumosity
أوقات بتحس إن ذاكرتك ضعيفة وإن معدل ذكائك اقل من البرطمان الفاضى بسبب إن مخك بقى مترب :D :D متقلقش … الموقع ده هو منقذك :D عليه ألعاب وأنشطة اتصممت بناء على نظريات عليمية ونفسية بحيث تطور من ذكائك ومن ذاكرتك، نص ساعة عليه كل يوم والتراب اللى على مخك هيتشال.
8) Fast Company
عايز تعرف المديرين بيفكروا إزاى وتتعلم من خبرتهم، فى الموقع ده هتلاقى جزء اسمه 30 Seconds MBA، وده جزء عليه فيديوهات من مدراء ورؤساء مجالس إدارة شركات كبيرة بيتكلموا فيها عن خبرتهم وإزاى تستفيد منهم :D
9) Duolongo
لو عايز تتعلم أى لغة فى العالم فأنت قدامك حلو واحد بس :D موقع Duolingo، الموقع بيعلمك أى لغة من المستوى اللى أنت وصلتله بناء على تحديد المستوى اللى بيعملهولك فى الأول، وفيه لغات كتير جدا، وكمان عندهم Mobile Application تقدر تنزله على الموبايل بتاعك ببلاش :D
10) Asoftmurmur
الموقع ده بقى عشان تذاكر فى الوقت والمود اللى بتحب تذاكر فيه :D لو بتحب تذاكر على صوت المطر ماشى … صوت الرعد ميضرش … عايز أصوات ناس حواليك هيجبهوملك برضو :D بحيث يوفرلك البيئة اللى دماغك بترتاح فيها، لازم تدلع نفسك برضو :D :D
قولنا إيه أكتر موقع مفيد بتدخل عليه كل يوم ؟
CDM

فكرت تعمل مشروعك؟ قابلك على الأقل مشكله من الـ ١٠ مشاكل دول
○ مش ضامن نجاح فكرتك او مش لاقى فكرة مضمونة لمشروعك
○ هتصرف على المشروع منين
○ ازاى هتجيب العملاء
○ امتى تسيب وظيفتك وتبدء مشروعك
○ ازاى تتعامل مع ضغط ان مفيش مرتب ثابت
○ الشكل القانونى لمشروعك ومشاكل الضرائب
○ مفيش حد بيشجعك، وحاسس انك لوحدك وخايف تاخد القرار
○ محتاج شريك
○ المنافسين
○ اختيار فريق العمل المؤهل
نجاحك كرائد اعمال يتوقف على مهاراتك فى حل المشكلات دي
عشان كدا فريق CDM اجتمع بعد ما واجه المشاكل دي كلها وعرف حواريها :)
قرر يساعد اي شاب طموح بيبدأ مشروعه من under zero
واي رائد اعمال ف زياده مبيعاته لكوكب منتجاته :)

كنا في الفولت اللي الفات جاوبنا علي السؤال الأول أحنا شركتنا فين دلوقتي ؟
عن طريق ان احنا عملنا سوات (Swot) وعرفنا ايه نقاط القوة والضعف والفرص والتهديدات اللي في السوق 😉
ناقص حاجة بسيطة أوي عشان الدنيا تبقي معاك لوز اللوز 👌
وهي انك تعمل تحليل للمنافسين
وهنبدأ بكلمة طيب كالعادة ازاي تعمل تحليل منافسين ؟؟
هتسأل نفسك كام سؤال
* مين هم المنافسين الأساسين ليك ؟
* مين هم عملائهم ؟
* أزاي العملاء بيفكروا في منافسينك او شيفنهم أزاي ؟
* ايه وضع كل منافس ليك في السوق ؟
* ايه هي الحاجة اللي تميز كل منافس عن غيره ؟
راجل طيب يجي يسألني أزاي أجمع المعلومات ديه عن المنافسين ؟
* المواقع
*السوشيال ميديا
* يحضر ايفنتات للمنافسين .......ألخ
وكدا اي صاحب مشروع يقدر يعمل ماركيتنج بلان ويبدأ مشروعه
CDM

الشرط الرابع هو الي هيعديك الفلنكات :)
اي شركة فى العالم بتتميز عشان اعلانتها مميزة وبيفضلو ايام وشهور يفكروا فى الحملات الاعلانيه وازاي نوصل لـ Campaign مختلفه وابداعيه تقدر تلفت بيها نظر الـ Audience
احنا دلوقتي حاولنا نجمعلكم 4 حاجات لازم تاخد بالك من وانت بتعمل إعـلان لشركتك ، خلّي رقم واحد في تفكيرك هو .. الرسالة اللي بتقدمها من الإعلان ده . ولو حد من التيم قالك التصميم ولا الألوان ولا المكان اطرده من التيم :D
1.
اول حاجة حدد الرسالة من الحمله الاعلانيه " انت محتاج تقول للناس ايه ؟؟ محتاج توصلهم ايه من الاعلان ؟؟ حدد كل دا الاول حتي لو تقعد ايام تفكر انت والتيم .. اعمل brainstorming كذا مرة وخد رأي الناس واكتب كل حاجة علي ورق .
2.
لازم قبل متبدا الحمله بتاعتك تكون محدد الـ Audience بتوعك هما مين وهوصلهم فين كمان ادرسهم وشوف سلوكهم وشوف اهتمامتهم واربط كل دا باعلانك .
3.
خلي الفريق كله يشوف حملات اعلانيه للمنافسين .. ادخل علي النت وشوف كل الحملات المحليه والعالميه اللى اتعلمت فى مجالك .. واكتر 3 اعلانات تشوفوهم مبهرين ومحققين نجاح كبير .. اقعدوا عليهم وادرسوهم وافهموا هما ليه دول نجحوا والباقي لاء ؟
4.
واخيرا بقي حاول تربط حملتك بترند شغال وواكل مع الناس .. اعمل brainstorming تاني :D وفكر مع التيم ازاي تستفيد فى حملتك من التريند دا وحاول تربطه بالإعلان بتاعك .. استغل أي قضية مثلاً لكن اطرحها بشكل إيجابي في اعلانك .
قولنا ايه افضل اعلانات شوفتها لحد دلوقتي السنه دي ؟

الفولت التاني
طيب بعد ما حطينا هدف الدائرة الكهربائية (الشركة ) Corporate Goal وحطيناالأهداف الصغيرة (Objectives) اللي هتخلي تيار النجاح ماشي في الطريق الصح ورسمنا الأستراتيجيات لكل هدف صغير والتيكتيكات لكل استيراتيجية
شاهد المقالة اللى بتتكلم عن الاستراتيجيات من هنا : https://goo.gl/Yi3F58
لازمممممممم ولا بد نسأل نفسنا سؤلين ؟؟ 😳
1- أحنا شركتنا فين دلوقتي ؟؟؟؟؟؟؟؟؟؟؟
2- واحنا محتاجين أه عشان ننجح ومنفضلش في نفس المكان؟؟؟؟؟؟؟؟؟؟؟
والسؤالين دول مبيجوش بالحب خالص لازم نعمل كدا كام خطوة عشان ناخد الفل مارك (Full Mark) والزهر يلعب معانا 😉
أجابة السؤال الأول تتلخص في الأتي :
* لازم نعمل حاجة (SWOT)
- و SWOT ديه عبارة عن تحليل بيخليك تعرف اه نقاط القوة والضعف في شركتك واه هي الفرص لشركتك في السوق واه هي التهديدات اللي ممكن توجهك
ومثال عشان نثبت المعلومة
لو في واحد صاحبنا غير الواحد صاحبنا اللي كان في المقالة اللي فاتت حابب يعمل سوات هيجيب ورقة ويقسمها أربع تربع ويكتب في الربع الأول نقاط القوة ( (Strengths Points ونقاط الضعف ( Weaknesses Points ) وفرص نجاحك في السوق ((Opportunities والتهديدات اللي هتقابلك ((Threats وأهم حاجة ان نقاط القوة و الضعف تكون خاصة بالشركة داخليا أما فرص النجاح والتهديدات بتكون خاصة بالسوق (Market)
طيب بعد ما تعمل SWOT وتعرف ايه وضع شركتك بالضبط وأه هي نقاط القوة والضعف وأه فرص النجاح والتهديدات كدا أحنا جوبنا علي السؤال الأول
ناقص بقي نجاوب علي السؤال التاني و الأخير وأجابته بسيطة جداااا وهي أنك تتابعنا في المقالة الجاية عشان تعرف الأجابة CDM

Live video on Instagram Stories is available for everyone as part of Instagram version 10.0 and above.
CDM

لو عندك مشروع وعاوز تعمل تسويق
دلوقتي عصر التسويق الالكتروني online marketing لانه فيه كميه مميزات من اهمها :
1. التسويق من خلال الانترنت تكلفته اقل بكتير من اي وسيله تسويق تانيه .. دا غير انك مش محتاج تخاطر بمبلغ ضخم علشان تجرب التسويق علي الانترنت .
2. قابل للقياس بسهوله جدا ... بمجرد انك تبدأ شغلك وحملتك علي الانترنت هتقدر تقيس نجاح الحمله الاعلانيه دي بسهوله وتعرف معدل ROi وانت في مكانك .
3. هتقدر تتواصل مع المستخدمين بسهوله وتاخد منهم الفيد باك علي خدماتك ومنتجاتك .
4. وانت بتشتغل بتبني قاعده جماهيريه للمنتج بتاعك .. وبتحافظ عليهم عشان تقدر ترجعلهم تاني وتعرضلهم خدمات اكتر ومنتجات اكتر .
5. هتتكلم فى الحمله الاعلانيه بشكل كامل .. يعني هتظهر لمين وواستهدافهم ايه ومنطقتهم ايه ؟؟؟ كمان حابب تعرض اعلاناتك وحملتك من الساعه كام لكام يوميا وايام ايه ؟ وكمان هتصرف اد ايه ؟
لو عاوز تجرب التسويق علي الانترنت لشركتك ولشغلك
ممكن تجربه من خلالنا لاننا هنفذلك حملات اعلانيه مستهدفه لعملاءك المحتملين .. سواء بالصور والتصميمات او بالفيديو وبأفضل الاسعار وهتقدر تقيس النجاح بنفسك .
كلمنا ع : 01114459859