Samar Said - Master Integral Coach

أوقات كتير ثقتنا في نفسنا ما بتبقاش مهزوزة بسببنا…
لكن بسبب أحكام اتكررت علينا لسنين.

لما الأم تكون طول الوقت:
• بتنتقد
• بتحكم
• أو شايفة إننا “مش كفاية”

بنبدأ بدون وعي نصدق صوتها…
ويبقى هو صوتنا الداخلي.

فنشك في نفسنا
وفي اختياراتنا
وفي قيمتنا.

لكن الحقيقة إن أحكام أمك عليكِ
مش لازم تفضل هي حقيقتك طول حياتك.

ومش معنى إن أمك كانت بتحكم عليكِ إنها كانت وحشة…
أوقات كتير هي نفسها اتربت على النقد وعدم الاحتواء.

والشفاء يبدأ لما أقدر أفصل:
بين اللي يخصني…
واللي ورثته بدون وعي.

وأرجع أشوف نفسي بعيني أنا ❤️

وده جزء من اللي هنشتغل عليه في
ورشة شفاء جرح العلاقة مع الأم

📍التجمع
🗓️ 12–13 يونيو

السعر المبكر حتى 25 مايو.

بنات كتير بتقول:
"ليه مش لاقية راجل يملى عيني وأحس معاه بالأمان؟"

وأوقات كتير…
الإجابة ما بتبقاش في الرجالة بس

لكن في احتياج عاطفي قديم
لسه جوانا بندور عليه بدون وعي

وعشان كده ممكن ندخل علاقات فيها شغف وكلام حلو واحتواء مؤقت…
لكن من غير أمان حقيقي

لأن الجزء الجائع جوانا…
كان محتاج حب واحتواء من زمان 🤍

وفي ورشة جرح الأم
هنشتغل بعمق على تأثير علاقتنا بأمنا على علاقاتنا وحياتنا

ابعتلي كلمة "أم" لو حابة تعرفي التفاصيل ❤️.

فيه فرق كبير بين إنك تساعد…
وإنك تحاول تنقذ

كتير مننا بدأ الدور ده وهو صغير
لما كان محتاج يتشاف… ويتحب… ويحس بالأمان

ولما ده ما حصلش بالشكل الكفاية
بدأنا ندي أكتر… ونشيل أكتر…
علشان نحس إننا مهمين ومحبوبين

ومع الوقت…
بقينا بنكرر نفس الدور في كل علاقاتنا

بس الحقيقة؟
الدور ده بيتعبك أكتر ما بيريّحك

ومش كل حد بتنقذه… بيكمل معاك

لو حاسس إن ده له علاقة بعلاقتك بمامتك…
ابعتلي كلمة (أم) ❤️

فيه فرق كبير بين إنك تحب أمك…
وإنك تحاول تنقذها

كتير مننا كبر وهو حاسس إنه مسؤول عن مشاعرها، قراراتها، وحتى حياتها
فبقى طبيعي يشيل… ويسكت… ويستحمل

بس الحقيقة؟
الدور ده بيتدفع تمنه من حياتك إنت

بتأجّل نفسك
بتتعب
وبتدي من مكان خوف… مش من مكان حب

والمهم تفهمه:
إنك تختار نفسك مش معناه إنك بتتخلى عنها

بالعكس…
إنت ساعتها بتساعدها وبتحبها
بس من مكان فيه طاقة… مش استنزاف

لو حاسس إن ده بيشبهك
اكتبلي “حاسس” في الكومنت ❤️
أو ابعتلي رسالة وقوليلي أنت شايل إيه لوحدك

#العلاقات #الام

اللي بيحصل في حياتك مش صدفة سواء علاقات او مشاعر مولمة او احداث في الشغل و مع الفلوس و مع قرارات مش عارف تاخدها و متعطل . النمط اللي بيتكرر في اي شيء محتاج وعي و محتاج تغيره عشان تلاقي نفسك و تلاقي تغيير في اتجاه انت مش ضحية فيه . علم الفاميلي كونستيليشن يقدر يساعدك تعرف اسباب التكرار و كمان توقف تكراره. لو عايز تفاصيل اكت. عن الجلسات ابعت لي علي الخاص . #وعي #تواصل

ورشة شفاء جرح الأم 🤍

لو حاسة إن في إحساس بيتكرر في حياتك…
في علاقاتك، في الفلوس، في شغلك
أو حتى في إحساسك بنفسك وجسمك وأنوثتك

إحساس زي:
إني مش متشافة
أو مش كفاية
أو دايمًا محتاجة أعمل أكتر عشان أتحب

فغالبًا الجذر أعمق من كده

علاقتنا بماما هي أول علاقة اتعلمنا منها
إزاي نتحب…
نستقبل…
ونحس بقيمتنا

وفي الورشة دي بنشتغل على الجذر ده
وبنفتح مساحات للشفاء في:
العلاقات – الفقد – الأنوثة – الجسم – الفلوس – النجاح

باستخدام الـ Family Constellation

📍 المكان: التجمع
📅 المواعيد: 8 و 9 مايو
⏰ من 1 لـ 8 مساءً آخر ميعاد للسعر المبكر يوم ٢ مايو لحجز و الاستعلام ارسل لي علي الخاص

الحدود مش رفاهية ، دة شيء مهم جدا في حياة كل حد فينا . الحدود مش عقوق للوالدين و لا سبب في خسارة اللي بنحبهم، الخدود بتحافظ علي العلاقات و دوامها في اطار صحي. طاقتك و مشاعرك و مواردك لهم حدود عشان تعقدت تكمل حياتك و تقدر تعطي و تحافظ علي نفسك و علي علاقاتك. مشاعرك و جسمك لهم حدود . أنا تحافظ علي حدودك بالود و التفاهم هاتقدر تحترم حدود الغير و تقرب المسافات ما بينك و مابين اللي حواليك. #وعي

لحظات راحة البال يمكن تبقي مش كتير و لكن اما تحصل تيقن انها هاتتكرر أما حقيقي تركز في اللحظة دي ايه سببها و تحمد ربنا عليها و تطلبها دايما من ربنا و تبقي متأكد ان ربنا قادر انك تعيشها مرات و مرات . مع الشدة و المشاكل معاها دايما لحظات راحة بال بس محتاج تركز و تبقي واعي اما تحصل. مع الضيق دايما الفرج و مع المصيبة دايما الرحمة و اللطف. #وعي #تواصل