Matrix Academy

فكرة الحصول على شهادات أكاديمية هي فكرة مسيطرة على اغلب الشباب الباحث عن العمل خصوصا حديثى التخرج او الشباب اللى داخل مجال جديد واول حاجه يسال عليها ما هو افضل مركز تعليمي يقدم دورات تدريبية وهل يقدم شهادات معتمدة للدورة !؟
وفيه ناس كتير معاها شهادات بتثبت انهم دارسين لغة معينة ووصلوا لمستويات متقدمة جدا ولكن لما تيجي تقيس مستواهم بتلاقي مايستحقش يكون في المستوى ده وفي النهاية بييجي يقدم علي وظبفة بالرغم من ان الCV مليء بالشهادات
وفي الحقيقة أغلب الشهادات اللي بتتاخد بتكون لمجرد انك حضرت فقط بغض النظر عن انك استفدت او لا وكمان فيه شهادات بتكون بمقابل مادي
في matrix cloud (وهي الشركة الأم) بنعمل interviews بشكل شبه يومى و بنقابل عدد كبير من أصحاب الشهادات دى وال CV بتاعه قوى جدا, وهو في الواقع غير مؤهل للعمل و بيتصدم لما تقوله الشهادات دى بتقول انك حضرت كورس كذا لكن مش بتقول انك بتفكر او ان انك بتعرف تنتج بشكل احترافى او انك هتعرف تفيد الشركة بأى حاجه من اللى درستها في الكورسات,
لان ببساطه مفيش شهادات بتقول كده الا شهادات الخبرة و صاحب شهادة الخبرة بيكون وصل فعليا لمراحل من الكفاءة تؤهله للعمل في أي مكان.
طيب هل معنى كده ان الشهادات كلها ملهاش قيمة وان لو سعيت انى اخد شهاده دى مضيعة للوقت؟؟
لا خالص مش ده المقصود , المقصود انك تهتم بمحتوى الدورة أولا و تدور على الدورات اللى تؤهلك فعليا للعمل او لتطوير نفسك مش على الورق بس.
احنا دايما بننصح و نقول ان افضل وقت تسعى انك تحصل على شهادة معينه هو بعد ما توصل لخبرة عمليه مقبولة و تبقى مؤهل بشكل كاف ,وقتها انت هتكون عارف انت محتاج ايه وكمية الشهادات اللى كانت معروضه عليك هيكونوا شهاده او اتنين هما اللى انت محتاجهم فعليا عشان يفرقوا معاك في شغلك ,ممكن تكون شهادة علمية او شهادة مهنية للحصول على ترقية ادارية وهكذا,وده بيحصل كتير انك ممكن تكون في كورس وتلاقى ناس كبيرة في السن معاك ,هو بياخد الكورس ده لغرض عملى بحت .

احنا في matrix academy اخترنا شعار Be Qualified Not Just Certified
وهو شعار يعبر عن الهدف اللى خططنا لتحقيقه في دورتنا التدريبية والمقصود منه توجيه رسالة وهي ان أولوية انك تكون مؤهل وكفء في عملك أكثر أهمية من أنك تحصل على شهادات بغض النظرعن نوع الشهادة.

علشان تتعرف علينا اكثر وتكون واحد من المتدربين في الاكاديميه تابعنا على
موقعنا الالكتروني matrixacademy.net
او اتصل بينا على أرقامنا
01014141625
(20) 25268987

What Is Next?
عمرك سألت نفسك السؤال ده فى أى مرحلة من مراحل حياتك الدراسية والمهنية؟
السؤال ده مهم جداً لأى حد بياخد دورة تدريبية أو بيدرس فى أى مجال.

زى مرحلة الجامعة ,فمثلا لو إنت فى كلية الهندسه ,كل اللى إنت عارفه من أول سنه إنت لما تتخرج هتشتغل مهندس لكن هتعمل إيه بالظبط بعد الدراسة وإزاى هتدخل سوق العمل؟هي أسئله مش هتيجى فى بالك فى الوقت ده,وفى اَخر سنة هتلاقى نفسك بتسأل عن إيه الخطوة اللي جاية و هتكتشف إن فيه حاجه ناقصه مكنتش عامل حسابها ,وهتلاقى نفسك بتسأل What is next؟
نفس الحاله دى تنطبق على الكورس
عشان كده الإجابة على السؤال ده لازم تكون عارفها بشكل جزئى قبل الكورس وبشكل كامل بعد الكورس, بمعنى إنك قبل الكورس بتحدد هتعمل ايه بعد ما تنتهي من الدورة,وبعد الكورس هتوضح الرؤية بين المتوقع وبين اللي وصلتله.
فيه عدة عوامل بتتحكم في مدى تحقيقك للمتوقع من الكورس زى كفاءة المحاضر وجودة المنهج والبيئة الدراسية والمكان وكمان زمايلك في الكورس ومدى تفاعلهم معاك,بالإضافه لمجهودك طبعا.
في matrix academy بنهتم بكل التفاصيل دى وعاملين شعار للأكاديمية اسمه Be qualified Not Certified , عشان وانت في الكورس تكون عارف انك هتوصل لأي مستوى وفين مكانك في السوق العملى و فاضلك ايه بالظبط؟

في matrix academy بنقدم دورات في أربع مجالات وهي
Web programming
E-marketing
Graphic design
Software testing

علشان تتعرف علينا اكثر وتكون واحد من المتدربين في الاكاديميه تابعنا على
موقعنا الالكتروني matrixacademy.net
و حساباتنا على السوشيال ميديا
او ممكن تبعتلنا علي الواتس اب علي رقم 01014141625
او اتصل بينا على أرقامنا
01014141625
(20) 25268987

🍁🌴🍁ګلَ عٌأّمَ وِأّلَأّمَةّ أّلَأَّّسلَأّمَيِّةّ بِخَيِّر
بِمَنِأَّّسبِةّ أّلَمَوِلَدِ أّلَنِبِوِيِّ أّلَشٍريِّفِّ🍁🌴🍁

صلوا على من يشفع لنا يوم القيامه

لما بتفكر تدخل مجال جديد بيكون قدامك طريق من اتنين :
الأول أنك تعتمد على نفسك ‘self study’ و تبتدى تتابع كورسات اونلاين ,و الثانى انك تبتدى تدور على المراكز اللى بتدى كورسات فى المجال اللى انت هتدخله.
,, في الحقيقة و انت داخل مجال جديد ينطبق عليك المثل اللى بيقول "الغريب اعمى ولو كان بصير",بتكون عامل زى الغريب اللى مسافر في بلد غريبة. لو ليك حد فى البلد دى هتكون فترة التوهان دى قصيره ومختصره و هتندمج مع المجتمع بسرعه.

,,لكن لو مفيش حد يوجهك في البداية وبتعتمد على نفسك بس,فبتفضل متخبط فتره طويله مش عارف تمسك خيط البداية الفعلية للمجال و بتبتدى تتعلم من التجربة والمواقف والازمات اللى بتقع فيها .

ده بالظبط اللى بيحصل لما تدخل مجال جديد عليك زى البرمجه مثلا , في البداية مشكلتك مش انك تستوعب مفاهيم البرمجة ,مشكلتك هي انك ابدأ منين وبإيه,
لو هتعتمد على self study هتفضل في حاله التخبط دى فتره طويله وهتقع في كورسات أونلاين ممكن ماتكونش مناسبه ليك كبدايه لانك لسه مش عارف تحدد ايه اللى يفيدك ومش عارف المدرب بيشرح صح ولا عاوز يتاجر بالكورس و ايه المنهج اللى بيتشرح و بالتالى ناس كتير بتخرج من المجال من اقرب باب لأن الدخول كان غلط.
لكن لو هتعتمد على كورس في البداية هتقل الفترة المطلوبة لتأهيلك للمجال و هيبقى تركيزك على استيعاب المواد العلمية و هتدخل المجال بسرعه و تختصر على نفسك فترة تخبط بين الصح و الغلط , بشرط يكون الكورس متوجه فعلا ل start up لشخص جديد تماما للمجال ,مش اى منهج و خلاص و مش اى محاضر و مش اى مركز لانك في الفتره دى محتاج توجيه وتأسيس أكثر منه مادة علمية. -في post تانى هنبقى نوضح لك ازاى تختار السنتر اللى تحجز فيه الكورس-
طيب هل معنى الكلام ده ان ال self study و online courses مش مفيده او لا ينصح بيها ؟؟
لا طبعا الكلام ده مش مظبوط نهائي ,self study هتبقى هي أسلوب حياتك العملية بعد كده وال online courses هي المنصة اللى بتتعرف بيها على زمايلك في نفس المجال في العالم كله و هي المرجع بتاعك في حاجات كتير ,
لكن المقصود هنا الاعتماد على الكورسات في البداية بس يعنى و انت لسه بتعمل start up لمجال جديد ليك و عايز تقف على رجلك في المجال ده بسرعه وبأسس صحيحة ,بعد كده هتبقى عارف تكمل ازاى و تختار online courses المناسبة ليك و كمان تحدد المستوى اللى انت وصلت ليه وبدل ما كنت هتوصل للمستوى ده في مثلا 4 او 5 شهور هتكون اختصرت وقت ومراحل كتير في شهرين مثلا .

احنا في matrix_academy # عملنا حساب لكل النقاط دى من حيث instructors و المناهج و بنستهدف الناس اللى عايزه تبدا و لسه تايهين , بنقدم دورات في مجالات web programming , graphic design , e-marketing and software testing
المناهج المقررة في كل مجال ممكن تكون تقيله شويتين لكن لازم تتعود على الخطوات الواسعة و التقيله عشان لما تخلص الكورس تكون عديت فترة البداية بنجاح و سبقنا بعدها خطوتين كمان.
تابعو نشرات الصفحه و هنبدأ نفتح باب الحجز قريبا جدا

"Matrix academy"
هي الفرع الأكاديمي لشركة البرمجيات

إبتدت فكرة من خلال ورش التدريب اللى بنعملها للشباب اللى تم قبولهم في الـ interviews للعمل في Matrix Clouds
في أقسام الشركة المختلفة وهى :
"programming , e-marketing ,graphic design & strategies ,software testing" 💪💪

تطورت الفكرة وقررنا إنشاء فرع تدريبي للشركة , حيث تم وضع برنامج تدريبي لكل قسم من الأقسام الأساسية للشركة بحيث يتم تدريب عدد من الشباب حديثي التخرج او الشباب اللى لسه بيبتدى في مجال معين من المجالات التي تعمل بها الشركة ويتم اختيار الأفراد المتفوقين #للعمل بالشركة 🤝

قررنا نطور الفكرة أكتر و نخلى التدريب مفتوح لأى حد عشان نوفر فرص أكتر للتدريب مع الإحتفاظ بنفس نظام التدريب عشان الفرع التدريبى ميتحولش لمركز كورسات و المحاضرين الغير معروفين.و إختارنا شعار يعبر عننا وهو
"Be Qualified Not just Certified"
لأننا مش مركز لدورات التدريب ولا نقدم محتوى و لكن نقدم خبراتنا ,المحتوى موجود في كل مكان و لكن الخبرات يجب أن تكتسب 👨‍🏫
ولأن #المحاضر اللى هيقوم بالتدريب في كل قسم هو أحد أفراد فريق العمل داخل القسم ده بيخلينا منستقبلش عدد كبير في كل round , و لحل المشكله دى قسمنا السنة ل 4 rounds , بحيث لو ملحقتش تحجز في round معينه تقدر تحجز في الـ round التالى لان العدد محدود لكل round 👩‍🎓

وفى نهاية كل round يتم دمج المتدربين من الأقسام الأربعة في ورش عمل لتنفيذ مشروعات التخرج بحيث يقوم قسم البرمجة بتنفيذ المشروع البرمجي و الإستعانة بقسم التصميم لتصميم logo و banners و الاستعانة بقسم التسويق لعمل استراتيجية لتسويق المشروعات ثم الاستعانة بقسم software testing لاختبار المشروع وحمايته من الثغرات و الاختراقات.
في منظومة عمل متكاملة الكل منها بيستفاد بخبرات الغير وبيتطور بشكل كبير 🙋‍♂️