Society Problems

جوزك بيرجع تعبان
جوزك بيرجع زهقان
جوزك بيرجع مطحون
جوزك بيرجع شايل هم بكره مش بيعرف ينام

جوزك لو رجع ونام بينام ودماغه صاحيه وشايله هم بكره
جوزك ممكن ف يوم مايرجعش
جوزك ممكن فيوم ينام ميصحاش
جوزك سندك بعد ربنا

جوزك ممكن تشوفيه بعين تانيه
العين اللي هو عايش بيها
العين اللي كلها تعب وشقا وعرق ومجهود ومناهده وكفاح ومرمطه وايدين شاقيانه
علشان اديكي تكون ناعمه علشان اولادك يكونو مبسوطين

جوزك ممكن يدخل عليكم ف ايده طلباتكم
مش مستني غير تاخدي من ايده اللي شايله بابتسامه
هو كده بالنسباله تعب اليوم كله راح من الابتسامه

جوزك ممكن يدخل البيت ملهوش اي طلبات غير الجزء الصغير من البيت اللي هو واقف سانده بضهره وبتعبه وبشقاه وبصحته وبعمره مش عايز غير حته ينام فيها علشان ينزل يكمل تاني يوم

جوزك سترك جوزك غيابه عنك هو غياب روحك

تخيلي ثانيه انه رجع ايده فاضيه فطلبتي وقال مفيش ساعتها هو اخد مليون سكينه فقلبه وف كرامته
تخيلي اولادك قالو محتاجين شئ هو مش قادر عليه
تخيلي احساس الكسره ف قلبه ايه

جوزك مربوط ف الدنيا لتلبيه طلباتكم
ممكن يرجع جايب لكم اللي بتشتهوه وهو مااكلش شئ وهينزل تاني يوم ومش هيدوق شي من اللي جابه من تعبه وشقاه المهم ان طلباتكم حضرت وانكم مبسوطين

ابوس ايدين معاليكي
اضحكي ف وشه متكونيش هم علي همومه
علشان يقدر يعافر علي همومه

هي دي الست السند

#تخيلي انه مجاش
#تخيلي انه مصحاش

تخيليها دقيقه وشوفي سقف الستر اللي هيتشال يساوي كام
هاينام زعلان فى مره مش هيصحي
هاينزل شايل الهم فى مره مش هيرجع
هايتعصب في مره يجراله حاجه

صدقيني محدش هيخاف عليكي وعلي بيتك واولادك ولا يهتم ولا يجيب طلباتكم غيره .. اياكي تكوني هم علي همه

الايام دلوقت صعبه كوني سند ومتكونيش شوكه في ظهره اللي بيتكسر كل يوم علشانكم 😔

اللهم لك الحمد كما ينبغي لجلال وجهك وعظيم سلطانك

واحد مربى حمار صحى لقى الحمار ميت 😞
أخذه ع الدكتور البيطرى .. عشان يعرف سبب الوفاه
تفاجأ من قول الدكتور .. ان الحمار مات بالجلطة
لف المواطن وجهه للحمار
ومسك رأسه وأخذ يكلمه بتعجب وحرقه واستغراب !!!
جاتلك جلطه ليه ؟
قصرت معاك في البرسيم
خريج هندسه ومش ﻻقي شغل ؟
خريج تجاره انجليزى وواقف فى سوق الخضار ؟
خريج أداب وبتسوق تاكسى ؟
خريج حقوق وبتشتغل سمسار ؟
خريج زراعه وجالك تعيين فى الطرق والكبارى ؟
مديون ومش عارف تسدد ديونك ؟
بتستنى دورك فى التعيين بقالك 10 سنين ؟
رحت ترخص الكيا ولقيت عليها مخالفات رغم انك جايبها زيرو ؟
مش قادر تشتري ملابس👗👠 لأولادك ؟
مش لاقى شقه ؟🏡
قولي ... جالك جلطه ليه؟
واخذ قرض ومتورط بالسداد 💰
جتلك فاتورة كهرباء وما قدرتش تسدد ففصلوا عنك الكهرباء💡 ؟ الدنيا ملخبطه حواليك ومخك بطل يجمع من كثر القوانين الجائرة 🙄
رفع اﻻسعار مش عاجبك 😱
شاعر انه في ثروات ومش مستفيد منها 📢
جالك جلطه ليه طلعت علي المعاش ومعاشك مش مكفي أيجار بيتك ؟
جالك فشل كلوى من المياه الملوثه ورحت تغسل قالولك ما فيش مكان إنتظر لما حد يموت وأدخل مكانه
بتتفرج على أحمد موسى ؟🃏
مرتضى منصور معاه سى دى📀 لحضرتك ؟
ممكن أعرف جاتلك جلطه ليه ؟
نفسك فى السمك 🐠 والكيلو وصل 50 جنيه ؟😪
روحت تشترى لحمه🐄 لقيت الكيلو ب 150 جنيه ؟
جيت تشترى أرز ولقيت الكيلو 10جنيه ؟😩
روحت تجيب التموين وقالولك ما فيش إلا جبنه دومتى ؟ 🍕
ممكن اعرف جالك جلطه ليه !!!
جالك فاتورة غاز ب 500 جنيه ؟
جالك فاتورة مياه ب 200 جنيه ؟
مركب خط نت ب 140 جنيه والنت ما بيجيش ... وضعيف
نفسك فى التين ومش قادر تشتريه ؟المشمش نزل السوق وخلص وانت ما سمعتش عنه ؟
ممكن أعرف جالك جلطه ليه !!!
تعليمكم فاشل ؟🎷🎺
ممكن أعرف جالك جلطه ليه ؟
ممكن أعرف جالك جلطه ليه ؟❗
عايز تقولى إنك بتحس عننا ؟
روح الله يسامحك . ... يا حماااااار

صَلّوا على مَن أحبّنا وأحببناه دون أن يرانا أو نراه ﷺ💛
اللهم صلي وسلم وبارك عليك سيدي وحبيبي وقرة عيني يارسول الله

‏واحد من الجيران في العمارة بقاله حوالي ٦ شهور مش بيدفع مصاريف الصيانة، وحصلت مشاكل كتير ما بينه وبين المسؤول عن العمارة.. وكانت الخناقة شغالة على جروب الواتس اب بتاع العمارة.. ومن حوالي شهرين كنت طالع من الشقة وشوفته بيضرب قطة برجليه عشان بتقطع اكياس الزبالة، لومته وقلتله حرام .. ‏الراجل ده عنده تقريبا حاجة وخمسين سنة، بينزل على طول بالبدلة والكرافتة وتقريبا بيشتغل في بنك.. مراته مريضة بقالها فترة ومانعرفش عندها ايه بالضبط، بس ما بتنزلش من البيت خالص.. ربنا ما رزقهمش بأطفال.. السكان بيقولوا عليه بخيل لأنه بيلبس جزمة قديمة اللزق بتاعها فاكك من قدام .. ‏المهم... من حوالي ٣ شهور كنت بانزل احط اكل لقطط الشارع.. شوية بواقي اكل وعليهم صلصة.. وفي يوم قررت أقف من بعيد اتفرج عليهم وهم بياكلوا، فوجئت بشخص جاي ياخد الطبق وبيهش القطط برجليه.. اتنرفزست وكنت هاروح اهزقه.. وبعدين قلت الصبر طيب.. مشيت وراه ‏لقيته بيطلع كيس من جيبه وبيحط فيه الاكل.. كان لابس ماسك وترينينج، حط الكيس في جيبه ولقيته طالع العمارة عندنا.. طلعت وراه ولقيته داخل شقة أخينا البخيل... وعرفت طبعا أن ده هو نفس الشخص.. تاني يوم حصلت نفس القصة.. بحكم الجيرة سنين طويلة، لأننا ساكنين في إيجار قديم..‏أخته عندي على الفيسبوك، هي متزوجة وعايشة في مكان تاني.. بعتلها رسالة أسأل عليها وسألتها عنه وعن أحواله وقلتلها اني مش بقابله بحكم المشاغل.. المهم قالتلي أنهم مشوه من شغله من حوالي سنتين ومن ساعتها بيدور على شغل! وأنه صرف اللي وراه واللي قدامه على علاج مراته.. كانسر!
‏بعد ما عرفت الكلام ده.. قعدت شوية على الكورسي وجمعت كل المشاهد اللي كلنا كنا فاهمينها غلط.. وبكيت بشدة لما افتكرت شكله وهو بيحط اكل القطط في الكيس وطالع بيته زي الحرامي، بيبص وراه عشان خايف لا حد يشوفه.. بكيت على حاله.. وفهمت انه غالبا بيأكل مراته من اكل القطط .
‏أخته قالتلي انه مش قايل لمراته انه ساب الشغل، وبينزل كل يوم بالبدلة يدور على شغل، وصرف كل مدخراته وباع العربية.. فكرت كتير وقررت اتكلم مع واحد من السكان، خاصة اني عارف حساسية الموضوع، كل السكان كانوا مش طايقينه ومتحفزين ضده.. شرحتله الموضوع وهو كمان بكى زي الطفل قدامي .. ‏فكرنا سوا ونادى على مراته وقالت إنها ممكن تلاقيله شغل في شركة واحد معرفة.. عملنا إعلان عن وظيفة مطلوب فيها محاسب خبرة، وحاطيناه على باب العمارة.. تاني يوم كان بيتصل على الرقم اللي في الإعلان وبدأ يشتغل بعدها بكام يوم... الجميل بقى انه في الشهر الأول قبل ما يقبض الراتب .. ‏لقيت كل الشقق في الدور بتاعه قدامها أطباق مليانة اكل للقطط... زوجة جاري العزيز قامت بالواجب وكانت بتطبخ وتوزع الأكل قدام كام شقة.. الموقف ده بكل ما فيه، أثر فيا جدا... مفيش حد يقدر يعرف ظروف الناس عاملة ازاي .. كتير من الأشخاص العدوانيين، تلاقي عندهم هموم مستترة .. ‏ناس عايشين كويس وفي مستوى معقول، ولما الدنيا بتقلب عليهم بتصعب عليهم نفسهم.. مش بيقدروا يطلبوا مساعدة من حد.. وفي نفس الوقت الشخص ده ماكانش قادر يواجه مراته بالظروف بسبب مرضها.. نرجع ونقول.... الناس لبعضها!
وطول ماانت متعرفشي ظروف اللي قدامك متحكمش عليه بالسوء
ربنا اعلم بعباده😞😞
اذكروا الله✋🏻✋🏻