Elogra

Good morning Elogra fans, don't forget to check elogra.com before leaving home :)

الأجرة | حكاوي المشاوير Elogra.com Connects Taxi Drivers and Passengers in Egypt, know taki fares in Cairo, tell taxi stories, rent a taxi

Be careful and use ElOgra...
coming soon to your mobile
http://www.youtube.com/watch?feature=player_embedded&v=z_WqrtIFnHk

نكشف كيفية سرقة الركاب من خلال عداد «التاكسى الأبيض» تابعونا على الصفحات الرسميه #مواقع التواصل الاجتماعي Official page: https://www.facebook.com/VideoYoum7 Official Twitter: https://twitter.com/videoy...

جربت تركب تاكسي في الحظر؟ قولنا كده ايه اللي حصلك عرفت توصل ولا اضطريت تبات في الشارع أو تاخدها مشي؟

حد تاني حصل معاه الكلام ده؟

True Story :O


☠☢ ☢☠ ©ElOgra

Elogra

☠☢ ☢☠ ©ElOgra
لو حصل فيك كدا وانتا سايق هتعمل اية


Elogra

─────██──────────────────────────── ────████─────────────────────────── ───██████────────────────────────── ────████─────────────────────────── ────████─────────────────────────── ───██████──────── █▀█ █ █ █▀█ █▄█───── ────█──█───────── █▀█ █ █ █▀█ █▀█───── ───██████───────── Ramadan Mubarak ──── ───██████──────────── 2013 ────────── ────████─────────────-------------─────── ────████──────────────...───────────── ────████─────────────█───────────── ────████─────────────█───────────── ────████────────────███──────────── ────████─────────█████████───────── ───██████──────██████████████────── ───██████────██████████████████──── ───██████──█████████████████████─── ───██████─███████████████████████── ───██████─███████████████████████── ───██████──█████████████████████─── ───██████──█████████████████████─── ───████████████████████████████████ ████████████████████████████████

☠☢ ☢☠ ©ElOgra
اماكن انتظار الباص في لندن .. معموله على شكل مرجيحه عشان الناس تتسلى و هما مستنيين :)
عقبال عندنا :D

Elogra

رمضان كريم :)))

☠☢ ☢☠ ©ElOgra

على جنب يا أسطى .. عن التاكسى وسنينه
مشاركة من : ميرا


التاكسى أو السيارة الأجرة .. رغم وجوده فى جميع البلاد، الا انه له وضع خاص فى مصر، وألوان وأشكال بل وحكايات أيضا.

ولكن هل تعلم عزيزى الراكب من أين جاءت كلمة تاكسى أو Taxi بالإنجليزية؟

ومعناها "الرسوم أو الضرائب" ،Taxa يرجع أصل التسمية إلى الكلمة اللاتينية


وقد استخدمت تعبيرا عن الأجرة التى يتم تحصيلها عند استخدامه، الا إن المصرى أبى إلا أن "يحط التاتش بتاعه" و "يقص الكلا .. الكلام يعنى"، فأصبح التاكسى فى مصر "تاكس"، وجمعها .. لأ مش "تاكسيات"، الجمع ان شاء الله "تُكوسة" !!

كذلك اختلفت التسمية ما بين اللهجات العربية المختلفة، فمثلا فى ليبيا يسمى "ركوبة عامة"، وفى السعودية يسمى "أجرة"، بينما يسمى "طاكسى" فى الجزائر.

أما عن لونه، فالتاكسى أصفر أو أصفر فى أسود فى أغلب دول العالم، إلا فى مصر، حيث نختلف عن الآخرين، فتجد أن ألوان التاكسى تتنوع تنوع قوس قزح فى السماء على النحو التالى:



كذلك فى السعودية، حيث أن اللون السائد للتاكسى بها هو اللون الأبيض.

وما لا يعرفه الكثيرون، أن تلك اللافتة الصفراء المكتوب عليها "للأجرة" أو "Taxi" والتى تعتلى التاكسى دائما، من المفترض أنها مصممة لتضىء "فقط" عندما يكون التاكسى فارغا من الركاب ومتاحا للإيجار، وتنطفىء عندما يقل التاكسى أحد الركاب.




وقد تعددت تصنيفات التاكسى فى مصر، فهناك التاكسى التقليدى "أبو بونديرة"، والذى ظل مكتسحا الشوارع المصرية حتى بدايات الألفية الثانية، حين ظهر تاكسى العاصمة أو السيتى كاب



ذلك التاكسى الأصفر المكيف ذو الخدمة الجيدة، والذى كان يتم طلبه بطريقة الـ Phone Taxi وذلك عن طريق الاتصال برقم محدد لتحديد المكان والزمان وخط السير، الا انه بدأ فى الاختفاء تدريجيا وتمت تصفية المشروع وتحويله إلى سيارات ملاكى بعد ظهور التاكسى الأبيض وهو النوع الثالث من التاكسيات المصرية، والذى كان على نفس مستوى الخدمة فحقق انتشارا خاصة مع ارتفاع تعريفة تاكسى العاصمة.



وفى عام 2010، ظهر تاكسى لندن الأسود الشهير لأول مرة فى شوارع القاهرة، وخصيصا أمام صالات السفر والوصول بمطار القاهرة الدولى والفنادق الكبرى والمناطق الأثرية بالإتفاق مع وزارة السياحة وشركة ميناء القاهرة الجوى فى إطار مشروع يهدف لخدمة قطاع السياحة.



ويوفر التاكسى الخصوصية للركاب من خلال فاصل زجاجى يمنع وصول الصوت إلى السائق حيث يمكن للراكب التحدث مع السائق من خلال انتركوم، كما يخدم التاكسى ذوى الاحتياجات الخاصة حيث يسهل دخول وخروج الكرسى المتحرك بسهولة.

هناك أيضا الليموزين وهى سيارات أجرة فاخرة تعمل بنظام الـ Phone Taxi، ولا تلتزم بلون محدد وتعمل بتعريفة أجرة أعلي من المتبعة في التاكسي العادي، وغالباً ما تعمل بالتعاقد مع الفنادق الكبري لنقل نزلاء الفندق، ويتم ترخيص الليموزين بلوح معندية من فئة "سياحية" وليس فئة "أجرة" كالتاكسي التقليدى.

وقد لعب التاكسى وسائقه دورا كبيرا فى السينما المصرية تحديدا، حيث كان المحور الرئيسى فى الكثير من الأفلام المصرية مثل "ليلة ساخنة"، "الدنيا على جناح يمامة"، و"عسل أسود".



وكما تطور شكل التاكسى ولونه بمرور الوقت، تطورت أيضا الكثير من التفاصيل المرتبطة به، فمثلا تنحى "عداد الأجرة" عن العمل فى ظروف غامضة، ذلك الصندوق الصغير الكائن بجوار عجلة القيادة لحساب الأجرة والذى أصبح فى الفترة الأخيرة من باب "الديكور" فقط، وأصبح غيابه مصدرا للسباب والمشاحنات ما بين السائق والراكب نظرة لمغالاة الأول فى الأجرة ومعاناة الأخير فى دفعها.

أيضا من المفترض أن التاكسى مصمما ليسألك السائق "على فين يا باشمهندس" وينطلق إلى المكان المطلوب دون نقاش، أما الآن، فأنت المطالب بأن تسأل التاكسى قبل أن تركبه "على فين يا أسطى" !!

ناهيك عن فضول السائق ورغيه الممتد إلى اللانهائية وما بعدها النابع من العشرة التى تنشأ بينه وبين الراكب بحكم الطريق، لدرجة قد تجعله يحكى لك أو يطلب منك كل ما قد يخطر ببالك .. أو لا يخطر، وعلى الرغم من ذلك لا يستطيع أحد أن ينكر خفة ظل تلك المواقف إلى حد اعتبارها من النوارد التى تخصص لها مقالات فى الجرائد ويتم سردها فى كتب وروايات.

ومن أقوال الساخر الراحل جلال عامر عن "التاكسى" أتذكر :

"الدنيا مثل التاكسى لا تقف لأحد مهما ناداها وإذا وقفت لا تذهب به إلى حيث يريد"

"استمراراً لظاهرة التدين الشكلى التى تنتشر هذه الأيام، أصبح معظم سائقى التاكسى يشغّلون «القرآن» ومع ذلك لا يُشغّلون «العداد»"

"يُجرى سائق التاكسى كشف هيئة سريعاً للمواطن قبل أن يقبله"

"من لا يعجبه مصر ينزل يأخذ تاكسى"

أما أنا فأقول:

"خذوا الحكمة من على زجاج التاكسيات" ..

من كتاب تاكسي لـ خالد الخميسي: سبحان الله شاورت للتاكسى و ركبت
ببص للسواق اتفاجئت من كبر سنه و من وشة الى مافيهوش مكان سليم من كتر التجاعيد الى مغطية على شكله و متبت فى الطارة و ايديه فيها رعشه خفيفة
مش عارف لية اول لما ركبت جنبه حسيت ان هما دول الناس اللى بتقول الدنيا لسه بخير

انا : حضرتك بتسوق بقالك كتير ؟
السائق : انا بسوق التاكسى من سنة 1948
(يعنى بيسوق من قبل ما جدى يتجوز اصلا )
انا : و ياترى اية خلاصة خبرتك فى السواقة الى ممكن تقولها لواحد زيى عشان اتعلم منها
السائق : نملة سودة على صخرة سودة فى ليلة حالكة الظلمة يرزقها الله
انا : قصدك اية ؟!!
السائق : هحكيلك حكاية حلصت معايا الشهر ده علشان تفهم قصدى
انا : ياريت

السائق : انا فضلت عيان 10 ايام و مبشتغلش و مكونتش قادر اتحرك من السرير و انا طبعا على باب الله و اليوم بيومه ..و بعد اسبوع ماكنش فيه فى البيت ولا مليم .. انا عارف و مراتى مخبيه عليا .. اقولها هنعمل اية يا سيتى تقولى الخير كتير يا حاج .. و هى عمالة تشحت اكل من الجيران و انا طبعا ولادى الى فيهم مكفيهم و كل واحد فى وادى و عنده مشاكله .. بعد 10 ايام قولت للحاجة هنزل الشغل حلفت مانا نازل الشغل عشان حموت منها .. فكدبت عليها و قولتها هروح القهوة ساعة و ارجع عشان اتخنقت و عاوز اشم هوا

و دورت العربية و قلت ياربنا يا رزاق
فضلت ماشى لحد ملاقيت عربية 504 عطلانة و السواق بتاعها بيقولى معايا واحد عربى طالع المطار تاخده عشان عربيتى عطلت ؟ واخد بالك من حكمة ربنا ؟ معاه 504 حالتها بريمو و عطلت , قلت له اوصله
ركب معايا الزبون طلع من عمان سألنى هتاخد كام قولتله الى تجيبه و أكد عليا قولتله الى تجيبه هاخده

عرفت انه رايح قرية البضايع عشان هيخلص حاجة هناك .. فقولتله انا حفيدى بيشتغل هناك و ممكن يساعدك .. و بالفعل لاقيت حفيدى هناك فى الوردية .. طبعا كان ممكن ملاقهوش .. خلصنا الحاجة الى عاوزها و رجعنا الدقى
سألنى عاوز كام يا حاج ؟ قولته احنا اتفقنا الى تجيبه فراح مدينى 50 جنية خدهم و همشى .. قالى راضى قولته اه راضى الحمد لله
قالى بص يا حاج الجمرك كان المفروض 1400 جنية و حفيدك خلانى ادفع 600 جنية يعنى فيه فرق 800 جنية دول طالعين من ذمتى ليك يعنى حلالك و دول 200 جنية اجرة المشوار يبقى الف جنيه و ال 50 جنية الى معاك هدية منى ليك
شفت يا استاذ يعنى مشوار واحد جابلى الف جنيه ممكن اشتغل شهر و ماجبهومش .. شوفت ربنا نزلنى من بيتى وعطل التاكسى 504 و اوجد لى كل المسببات علشان يرزقنى الرزق ده .. اصل كل ده بتاع ربنا .. دى الحاجة الوحيدة الى اتعلمتها فى حياتى

و نزلت من التاكسى بعد موصلت و كان نفسى اقعد اسمع منه اكتر بس انا كمان كان عندى موعد مع الجرى المستمر وراء الرزق