Keepers

😢😢😢

# طاقه ایجابیه
الأمهات الجدد أول ما يبدأوا يشتكوا من المسئولية والحمل ، أول ردود بتترد عليهم:
- لما ابنك يتم 3 شهور هترتاحي وكل حاجة هتبقى تمام
- يوووه هو انتي لسة شوفتي حاجة؟ ده لسة لما يزحف ويشد ويكسر و....

بتوع هو انتي لسة شوفتي حاجة مانسمعلهومش ونطلع من الودن التانية .. نركز مع بتوع لما يتم 3 شهور.. اللي غالبا لما ابنك يتم 3 شهور فعلا هيقولولك 6 شهور .. سنة .. سنتين.. خمسة .. وبعدين يقولولك الحياة كبد والأمومة مش سهلة لكن مستاهلة 😃
يكون فاتك عمرك وفاتتك تفاصيل جمييييييلة ماركزتيش فيها .. وفضلتي تركزي عن امتى التعب هيروح وبس ..

إحساس الأمومة فعلا إحساس جميل .. وتعبه بنسميه "التعب الجميل" اللي بيهون بضحكة من عيون عيالنا ولا بكلمة حلوة منهم ولا حضن صغنن على قدهم بس يساعنا ويساع الدنيا :)
مهم توازني بين انك اه تعبانة ومحتاجة خصوصية وراحة .. وبين انك هتبقي نفسك تعيشي تفاصيل أطفالك الصغيرة دي تاني ولو يوم ..

تأملي ❤
أيديهم الصغيرة 💙
تفاصيل الصوابع 💚
تفاصيل حركات وتعبيرات الوش 💜
الصوت اللي كنتي بتحلمي تسمعيه وانتي حامل 💛
حركات الرجلين ولعبهم في الهوا واللي كانت بتخبط بطنك زمان وتطير عقلك مع كل خبطة❤
الشفايف وهي بترضع 💙
هدوء تفاصيل العينين وهما نايمين وبيحلموا 💜
ضحكة بريئة مخطوفة "غير مقصودة" (في السن الصغير قبل 3 شهور) بس تدوب قلبك وتديكي أكبر أمل انه حاسس بيكي 👼

تأملي ❤
انك الوحيدة اللي بتفهميه
الوحيدة اللي متعلق بيكي
الوحيدة اللي تقدري تستحملي تعبه وعياه وزنه وتقله على كتافك واسهاله 😁
الوحيدة اللي بتنيمه في حضنك كل يوم وكل ما يحتاج ينام
الوحيدة اللي صوتك بيريحه وبيديه الأمان

أخيرا بقى ليكي لازمة بجد وحياة غيرك بقت فعلا مقرونة بحياتك .. انتي الماية والهوا :)
تأملي كل ده وماتشغليش بالك ابني هيكبر امتى ابني هينام امتى ابني هيبطل زن امتى..

عند مرحلة معينة هيكبر.. محدش بيفضل نايم على كتف أمه طول العمر .. سيبيه يشبع منك دلوقتي وماتستعجليهوش..
وهنتكلم كتييير عن تفاصيل تريحك لما تفهمي طفلك فيها هتقدري تنظمي الدنيا شوية ...
متفهمين جدا لغبطة أول شهور ❤

🚩 خلي بالك أول شهور من عمر البيبي بيأثروا جدااااا على شخصيته .. وعلى علاقته بيكي وثقته فيكي ..
أوعي تهملي ❤ تأملي واستمتعي و احمدي ربنا واشكري نعمته وشهيق وزفير أي طاقة سلبية 😄
تأملي التفاصيل والأحجام الصغيرة بكرة يكبروا ويخنشروا والتفاصيل دي هتوحشك 😃..

⚠ شاركي المنشور ده مع الأمهات اللي تعرفيهم خلونا نوصل لأكبر قدر ممكن من الأمهات وساعدونا نبني ونربي اطفال بصحه جیده.
منقول

Avec Miles Of Smiles Learning & Activity Center
Venez joindre notre club d'hiver, découvrez notre Monde des Sourires (Un Monde Souriant)
Avec Nos Activités et Services qui servent les gents et notre Planète
Notre Programme Contient:
1- Recycling
2- Bricolage & Etiquette
3- Esxcursions
4- Origami
5- Guide & Camping
6- Zumba
7- Art& Craft
8- Tae Kwon Do Trainning
9- Club des Sciences
10- Développement de Charactère
Registrez maintenant pour rejoindre notre équipe
Addresse: 5/h Abd El Aziz Bader st., Taqseem Laselky
Tel: 0109 882 5980 , 022 7544 654
Facebook:

لو لاقيتي ابنك ماسك فرشة الشعر وبيعمل برنامج إذاعي مع الكتاب ... أوعي تتخضي ماتتجننش ولا حاجة 😂
.بس غالباً ابنك نوع ذكاؤه سمعي أو لغوي 👂...فلااازم يذاكر بصوت مسموع👌 ...وأرجوكِ ما تزعقيلوش بالعكس اقعدي قدامه وخليه يستضيفك في البرنامج بتاعه كمان😁

طب ايه حكاية نوع ذكاؤه دي؟!
باختصار .. فيه عالم اسمه ( هاوارد جاردنر ) 😃توصل إن الإنسان جوا عقله 8 أنواع ذكاءات بنسب متفاوتة .. كل واحد فينا عنده نوع ذكاء أو 2 وأحيانا 3 بيبقوا نسبتهم أعلى من باقي الأنواع ...
ا ل 8 أنواع دول هم:
الذكاء السمعي👂 - البصري👀 –الرياضي المنطقى ➗✖– الحركي 🏃- الطبيعي🌳 –اللغوي 📝– الاجتماعي 👪–الشخصي👤

وكل نوع من دول لازم يستقبل المعلومة بشكل معين عشان يقدر يفهمها ويحفظها ,,
فمثلا:

صاحب الذكاء البصري👀 ...
• لازم يذاكر بصور ورسومات 🏞🌃 معبرة عن المعلومة اللي بيقرأها.
• يرسم حاجة معبرة على جانب صفحة الكتاب🎨.
• يرسم🎨 حاجة معبرة عن كل فكرة أو كلمة جديدة بيدرسها في كارت أو ورقة منفصلة.
• يرسم جداول ومخططات ورسوم بيانية او اى وسيلة بصرية تانية تساعده فى فهم المعلومات.
• يشوف فيديوهات تساعده على الفهم.

وصاحب الذكاء الرياضى المنطقى ➗✖...
• الأفضل يستخدم فى مذاكرته الجداول والمقارنات والرسوم التوضيحية والبيانية.
• يجمع النقاط الرئيسية لكل درس.
• يصنف المعلومات اللى بيدرسها ويقسمها.

صاحب الذكاء السمعى 👂:
• الافضل يذاكر بصوت مسموع ..
• يفضّل انه يعمل للمعلومة لحن أو كأغنية عشان يفتكرها كويس.
• مفيد جدا لو ردد المعلومة بصوت عالى 📢وهو مغمض عينه .
• يربط الكلمات اللغوية فى ذهنه بصوت مشابه لمعناها .

وصاحب الذكاء اللغوى 📝...
• يفضل يقرأ الدروس اللى اخدها ويعيدها اذا احتاج ويعمل ملاحظات ليه برأيه او تلخيصه.
• يعيد كتابة التعريفات والنقاط الرئيسية .
• يلخص اللى درسه ويحكيه لشخص لمامته او اخواته مثلا.

أما صاحب الذكاء الحركي🏃 ...
• الافضل له انه يتحرك وهو بيذاكر و مافيش مانع لو قام اتمشى بالكتاب وهو بيقرأه او وهو بيسمّع لك ..
• وانتى بتشرحيله حاجة يفضّل تحركي ايدك وتشاورى وتعبري بيها.
• خليه يرسم او يكتب الكلمات اللى بيقولها فى الهواء وهو بيتكلم .
• هيفيده اوى تمثيل اللى بيحاول يذاكره كمسرحية او مشهد تمثيلي.

صاحب الذكاء الإجتماعي👪 ...
• الأفضل إنه يذاكر فى مجموعة ..ويتفاعل معاهم ..يمثل دروس التاريخ والقصص كمسرحيات وهكذا.
• قبل الامتحان اختبريه يفضل حد تانى يجرب يسأله.
• يتجنب يجلس لوحده وهو بيذاكر.
• ممكن يشوف فيديوهات او يقرأ لناس تانية بتتكلم عن نفس المعلومة اللى بيذاكرها.

وصاحب الذكاء الشخصي👤 ...
• الافضل يذاكر مع نفسه ويكتب ملاحظاته بنفسه..
• يتكلم مع نفسه وكأنه بيشرح لها.
• * يبعد عن اى ازعاج
• يبعد عن المذاكرة فى مجموعة .
والشخص دا بيبقى عنده القدرة على تحفيز ذاته بنفسه وتطويرها.

صاحب الذكاء الطبيعي🌳...
• الافضل يكون جنب منظر طبيعى وهو بيذاكر او حتى يبقى جنبه زرعة او ورود هو زارعها ..الجو دا هيساعده جدا عشان هو بيحب الطبيعة والنباتات والحيوانات والظواهر الطبيعية ..
• ويفضل يربط الكلمات الجديدة بحاجات فى الطبيعة يعنى مثلا ..لو اخد معنى كلمة ,ندخلها فى جملة الفاعل فيها حيوان او نبات اووو .

لازم تتعرفى على نوع ذكاء ابنك 👌وتساعديه يذاكر بالطريقة المناسبة ليه💡 عشان يحقق اعلى مستوى
من الفهم واعلى نتايج ان شاء الله.
تحدث الدكتور عبدالله سعيد أخصائي الصحة النفسية وتنمية المهارات، في برنامج “بنشجع أمهات مصر” مع سارة النجار على “نجوم إف إم” اليوم الأحد، عن الذكاء المتعدد عند الأطفال وكيفية تنميته.

وأشار عبدالله، إلى أن هناك 8 أنواع من الذكاء تم اكتشافهم مؤخرًا هم: التخيلي، والمنطقي، والاجتماعي، والبيئي، والذاتي، والحركي، والرياضي، والموسيقي”.

وأوضح أن الذكاء الموسيقي، عبارة عن انتماء الطفل إلى الأصوات منذ الصغر، حيث ينجذب للأصوات المحيطة به.

وتابع: “الطفل الذي يتمتع بهذا النوع من الذكاء قادر على متابعة الموسيقى منذ سن صغيرة، كما أن أي شيء مرتبط بالأصوات سينجذب له بشكل كبير”.

وأوضح أن الذكاء الحركي، هو أكثر نوع مظلوم لأنه يمتلك فرط في الحركة وعدة مشاكل في التركيز، قائلا: “يمتلك ذكاء عبارة عن طاقة يجب تنميتها بطريقة جيدة”.

وأكد عبدالله، أن الطفل الذكر حركيًا يتحرك بكثرة ويدخل مناطق جديدة في المدرسة، ويمتلك حالة جيدة من التوازن غير الطبيعي.

وأضاف أخصائي الصحة النفسية، أن الذكاء الرياضي يتمثل في التركيز على العمليات الحسابية ثم استنتاج أشياء بشكل منطقة، ثم يظهر تفوقه الرياضي الكبير في المدرسة وخلال الامتحانات.

وأكمل: “هذا الطفل قادر على استنتاج أشياء جديدة، ولا بد من الاهتمام بتلك الموهبة منذ الصغر حتى تستغل جيدًا عن طريق تنمية الذكاء الخاص به، ثم إعطائه حلولا لمشكلة ما ومنحه الفرصة للتفكير في حلول”.

اقرأ أيضا‎

أخصائية نفسية أطفال: لكي نربي طفلا سويا “هناك شعرة بين الشدة والدلع”

كما تحدث عبدالله السعيد عن “ذكاء اللغة”، موضحًا أن الطفل المتمتع بهذا النوع يسبق نظرائه في الحديث، بالإضافة إلى استعمال مصطلحات أكبر من سنه الطبيعي، بجانب عشقه للقصص والتأليف.

وعن الذكاء التصوري، أشار إلى أن صاحبه يعاني من حالة كبيرة من “السرحان” خاصة خلال وجوده في المحاضرات الدراسية.

وتابع: “يتمتع بحالة كبيرة من الأفق الواسعة، حيث يرغب في الرسم على الحائط أو وضع أشياء في أماكن منظمة وتخيل رسومات معينة يحاول تطبيقها على أرض الواقع”.

وتطرق الدكتور عبدالله السعيد، إلى الذكاء الاجتماعي، مشيرًا إلى أنه المتمتع به من الشخصيات المحبوبة للجميع سواء داخل العائلة أو وسط أصدقائه أو في المدرسة، كما أنه ليس خجولا وله اليد العليا في كل شيء.

وأكمل: “مشكلة هذا الشخص أنه يتجاهل نفسه تمامًا كما أنه ناجح في عمله ويتعامل مع المحيطين به في حب وود”.

واستطرد: “على النقيض تمامًا هو الطفل الذي يتمتع بذكاء ذاتي، وهو منطوي وغير اجتماعي لكنه يمتلك إدراك قويًا بذاته وعلى معرفة كبيرة بإمكانياته.

وحول الذكاء الطبيعي، فإن هذا الطفل مرتبط بالبيئة والطبيعة، حيث إنه يعشق متابعة الحيوانات والتعامل معهم دون خوف، كما أنه يعشق الأماكن المفتوحه

بنشجع أمهات مصرسارة النجارصحة الطفل
دكتور عبدالله السعيد

الدرس الاول في قواعد الاتيكيت
-اتيكيت الطعام

Welcome The first participants in the winter camp

*تدريب خلع الحفاض 😉👇😉😍👍
الحفاضات بقت فى مستوى المواطن المليونير فمقدامناش بديل
***بداية كده امتى تعرفى ان ابنك مستعد للبوتى ؟؟
1-غالبا هيكون فى حدود سن السنتين ..وبما ان الاطفال مختلفه عن بعضها فممكن يكون بعد سنتين وده على حسب طفلك لكن مش قبل سنتين ليه؟؟؟
الطفل عضلاته القابضة اللي بتتحكم فالتبول اراديا بيكتمل نموها بعد سنتين ,ومش بيوصل للعضلة دى اشارات من المخ قبل سنتين فمنضيعش وقت
الطفل مش حيستوعب الاوامر اللى حنديهاله والخطوات اللي حنمشيه عليها قبل سنتين .
-التبول والتبرز اللارادى قبل سن سنتين عند الطفل بيسببله متعة لو حرمناه منها بيعمله مشاكل نفسبة
2-لازم يكون بيفهمك وبينفز الاوامر اللى بتطلب منه ويكون بيقدر يعبر عن اللى عاوزه مش شرط بالكلام ممكن بالاشاره او بتعبيرات وشه
3-انه بقى بيعرف انه بيعمل حمام على نفسه ولما يحس بضيق بيشاولك على مكان البامبرز عشان تغيريله
4-او يكون بيحس باحراج وخصوصا لما يعمل ستوول وياخد مكان بعيد زى القطط كده 😀
5-انك تلاحظى انه بيعرف يتحكم فى نفسه وخصوصا الستوول لما يكون بره البيت
6-انك تلاحظى انه بدا يبقى على فترات متباعده البامبرز بتاعه جاف
***طيب فعلا لاحظتى كل ده وعاوزه تبداى طيب ايه الاستعدادات الاول :
1- يفضل فى فصل الصيف عشان ميتعبش لانه اغلب الوقت هيقعد فتره طويله عل البوتى بدون ملابس
2-خديه معاكى واشترى البوتى(النونية) ومش هوصيكى الوانات وحركات بقى.. وانت بتشترى البوتى اشتريله الاندرز بتاعته برده شكلها ملفت عشان يبقى حابب التجربه دى
3- خلى البوتى فى الصاله (ديكور يعنى ) اول كام يوم وافضلى كلميه وحببيه فيه ...مثلا يعنى : الله شوفت البوتى جمييل ازاى ..عايز تعمل فيه ..عشان نسقفلك ..وعاوز تلبس الاندر الجمييل ده .واااو ..واى كلام اهبل من ده تشجييع يعنى
***طيب هتبداى ازاى ؟
1-حطى فى اعتبارك انه ممكن جدا يتعلم بوتى فى اسبوع وممكن فى شهور فمتقارنيهوش بحد
2-حطى البوتى فى الحمام وكل نص ساعه يقلع البامبرز ويقعد طبعا بتفهميه بطريقتك انه يعمل
3-بما ان القعده هتطول ..خدى معاكى اى لعبه ليه يكون بيحبها ..وشوفيلك كرسى واقعدى يا حبيبتى
4-طبعا فى الاول مش هيعمل فيه الا لو صدفه وساعتها لازم تعملى فرح العمده ..وممكن تاخدو سيلفى كمان .المهم يحس انه عمل انجاز ..احكى لباباه وللجيران ..متسبيش حد ههههه..ده غير المكافاه بأه (اى خاجه بسيطه كتشجيع)
5-اول كم يوم بيفضل لابس البامبرز .مجرد بس ان كل نص ساعه يقعد شويه ويقوم يلبسه تانى ...ده اسهلك انتى
6-مع الوقت هيبدا يتعود انه بيقعد كل شويه وهتصادف انه يعمل فى البوتى ..وطبعا اى مره البامبرز فيها بيتبل لازم تفهميه براحه ليه عمل كده ..وكده مش حلو وشجعيه تانى ومتيأسيش
7- بعدين قلعى البامبرز خالص بقى ..وكل نص ساعه برضه يقعد .وبالتدريج هتخليها كل ساعه وهكذا ...
8-لازم تلاحظيه اول مايشاورلك او تحسيه واخد جنب كده ..جررررى عل الحمام ..واساليه وفكريه كل شويه
9-طبعا وانتو خارجين ..لازم النونية برضه ..ممكن ساعتها تحطى فى شنتطته البوتى اللى هو cover للتويليت ده ..زى الصوره كده ..هينفعك لو روحتى اى مكان بره البيت
****التدريب الليلى ؟؟
1-مش قبل 9 شهور من بداية تدريب النهار يعنى لازم يكون بقى جاف بالنهار ساعتها ممكن تفكرى تبداى وبرضه يكون مش قبل 3سنين ونص (يعنى قبل مايتم 4 سنين بكم شهر كده )
2-خليكى فاكره انه اغلب الاطفال لحد سن 4 سنوات بيكونو جافين بالليل ..بس مفيش مشكله لو كل فتره يكون فيها مره او اتنين عدم جفاف بالليل حتى 5 سنوات
3-قلعيه البامبرز عشان يحس بالبلل وهو نايم وحصنى السرير طبعا بطريقتك ...يشرب طول النهار مياه كافيه لحد اخر لحظه قبل النوم ولازم بعديها يدخل الحمام
4-لو شرب مياه اثناء النوم لازم يدخل بعديها الحمام ...وبرضه حتى لو مشربش لازم فى الاول يصحى مره اثناء النوم يدخل الحمام
5-لو بل نفسه وهو نايم صحيه وغيريله وغيرى السرير وايدى النور ..كل القلق اللى بيحصل ده هيشجعه يتحكم فى نفسه بعد كده
6 -متنسيش برضه التشجيع والمكافأه بعد كل ليله جافه
****شوية ملحوظات ****
1-بداتى بدرى وجربتى لفتره طويله وفشلتى اصبرى شهرين تلاته وجربى تانى مفيش مشكله
2-الطفل بنسبه كبيره بيكون جاف بالنهار عند 3 سنين وجاف بالليل عند 4 سنين ....لكن مفيش مشكله انه يفضل لحد 4 سنين لحد مايبقى جاف بالنهار تماما ..و لحد 5 سنين لحد مايبقى جاف بالليل تماما
(طالما بتصادف اكتر من يوم انه يكون جاف )
3-لو بعد 3 سنين ولا مره قادر يكون جاف بالنهار بيفضل تطمنى عليه الاول عن طريق كشف مسالك وعمل بعض تخاليل البول والاطمءنان على عضله وصمام المثانه .غير كده استبعاد الامساك او السكر او الديدان او التهابات مجرى البول ..ونفس النظام لو بعد 4 سنين ولا مره جاف بالليل وهنا هيكون معاها نفس المشكله بالنهار
4-ممكن جدا يكون مفيش سبب عضوى لكن فيه سبب نفسى وهنا غالبا الشكوى هتكون(( الطفل كان ماشى كويس وبدا يبل نفسه)) ..طبعا اسباب كتير بس اولها الكشف وتحليل بول زى ماقولنا غير كده سوء المعامله .سواء فى البيت او بره البيت...فيه فرق معامله بينه وبين طفل تانى ....حاسس بعدم اهتمام ... سوء المعامله ممكن جدا يعمل اضطراب سلوكى عنده فى صوره العناد مثلا وانه يقصد يبل نفسه قدامك.

١٠ افكار صباحية لتربية العيال المنسية:

حضرت بالصدفة حوار لمدة دقيقة بين ولد (عمره حوالي ٧ سنين) و ابوه.. الولد بيكلم أبوه في حاجة و الأب بيرد عليه بطريقة توجع القلب! كأنه منافس ليه في السوق أو محتل بلده او شنكله قبل كده و هو بيجري عالاسفلت :/ !! .. نظرات الأب ناحيته نظرات سريعة و تايهه، من غير اهتمام بل و مصحوبة بتكشيم و كلضمه كأنه قرفان يبص ناحية الولد.
طبعاً حكمي الشخصي على الموقف ده غير محايد لأني ماعرفش ظروف الأب في اليوم ده ايه و كده ؛) .. بس في كل الأحوال انا حاقول فكرتي برضه و take it or leave it 😊 .. السبب في البوست ده اني حتى لو مش عارف ظروف الأب فأنا عارف كويس الأثر اللي بيسيبه نوع التعامل ده على الابن!
جدير بالذكر ان انا أب طبيعي عايش في العصر ده و مطحون زي باقي الناس و باقع ساعات في كل انواع الاخطاء! بس بحاول اصلح و باعترف هنا اني عندي اختيار ابقى اب أحسن.

بعد ما كبرنا و فهمنا عرفنا اننا محتاجين نربي اولادنا على حاجات اهم لحياتهم بكتير من اللي بيتعلموه بالصدفة، و محتاجين نعمل ده بطريقة عملية عشان التنظير و النصح المجرد اثبت فشله على مر العصور .. صح؟ طب نعمل ايه؟ ..
دي بعض الافكار اللي ممكن تبدأ تعملها من النهاردة:

١- علمهم الاحترام: أما حد من اولادك يكلمك اتبع الخطوات التالية:
- بص ناحيته
- ركز معاه و اسمعه من غير مقاطعة
- وبعدين رد عليه بتفهم و تقدير لمشاعرة. عشان يتعلم الاحترام في الحديث و يعرف من جواه انه كائن محترم فيتعامل على الاساس ده.. على فكرة مهما كان كلامه مش مهم اوي بالنسبالك اعرف انه مهم اوي بالنسباله.. الإنسان اللي حاسس انه مالهوش قيمة إنسان خطر عالناس حواليه! و انت اول واحد حتحاسب عالمشاريب.

٢- علمهم الحب: لما حد من اولادك يقولك تعالى نلعب جرب ترمي اي حاجة في ايدك ٥ دقايق و تقوله ياللا نلعب و تقوم معاه (المشاركة من أهم أدلة الحب عند الأطفال)..جرب كمان تقوله انك بتحبه و تحضنه و تبوسه من غير سبب معين..
مافيش حاجة تستاهل الصيانة و الاهتمام قد قوة علاقتك باولادك! في يوم من الايام الصعبة اللي حينفعك و ينفعهم هي العلاقة دي بس!

٣- علمهم الثقة و اتخاذ القرار: خليهم يختاروا و ياخدوا قرارات في حياتهم اليومية، يتحكموا في مصروفهم و لبسهم و وقتهم و مذاكرتهم و حاجتهم .. اما تعوزهم يعملوا حاجة اديهم اختيارات، و خلي التقييم على النتايج و اديهم حرية على قد ما تقدر في الطريقة اللي بيوصلوا بيها للنتايج..
حتى لو ده حيطلع في الأول نتايج اقل جودة او أبطأ .. استحمل شوية معلش الدنيا ش حتطير .. نمو شخصيتهم على المدى الطويل أهم من نتايج اعمالهم على المدي القصير و من أهم عناصر نمو الشخصية انهم ميخافوش يغلطوا عشان ميخافوش يتعلموا

٤- علمهم البساطة و التواضع و الكرم: اشركهم معاك في التطوع و التبرع و مساعدة الناس و اعمال الخير و علمهم يعملوا ده بتواضع خليهم يروحوا للناس و يتكلموا معاهم .. لما تكون حتدي حد حاجة ما تندهوش، نزل ابنك او بنتك يديها بإيده و علمه يقعد عند مستواه ما يديهاش من فوق!
ملحوظة: (معظمنا بيعلم الاولاد التواضع على انه فضل منه عالناس، فبيطلع التواضع من بره مشحون بالغرور من جوه .. علمهم ان التواضع حق و عدل مش فضل و انهم في الحقيقة مش افضل من حد الا بنعم ربنا عليهم
(الانسان المتكبر جاهل ومسكين)

٥- علمهم الصبر و الايجابية و سعة الحيلة: لما يكون في عندهم مشكلة خليهم هم يحاولوا يحلوها بس في نفس الوقت حسسهم انك معاهم و فاهم احساسهم .. وفر لهم مساحة آمنه و حنينة عشان يحسوا و يحبطوا و يعيطوا و يتعلموا يلاقوا حلول.. اسألهم في الوقت ده عن احلامهم و اهدافهم و نفسهم في ايه و ايه نقط القوة اللي في حياتهم اللي ممكن يستعملوها..

٦- علمهم انهم مسئولين عن حياتهم و تجربتهم: لما ينجحوا في حاجة او يوصلوا لحاجة امدح مجهودهم و اصرارهم و تخطيطهم و طريقتهم في ادارة الامور اكتر ما بتمدح ذكائهم و جمالهم و طعامتهم :-) عشان يعرفوا قيمة المسئولية الكاملة و بذل الجهد بدل ما يعتمدوا على اللي لقوه عندهم من غير مجهود..
العقلية اللي مستعدة دايما تتعلم و تكبر هي العقلية اللي بتنجح و ترتقي بالحياة

٧- علمهم القراءة: عشان اللي ما بيقراش و ما بيتعلمش دماغه بتشتغله و بتمرجحه

٨- علمهم الجدعنه و الشهامة: خليهم يساعدوا الجيران و يعملوا خير في السر من غير ماحد يعرف (ينضفوا حاجة لحد، يشيلوا حاجة من حد، يعدوا حد الطريق .. ) ده اسهل طريق انهم يلاقوا لحياتهم معنى

٩- علمهم ياخدو الامور ببساطة: اعمل جرعة يومية من التهريج و الضحك مهما كانت الظروف و لما حد من ولادك يقع جرب تسيبه يقوم يقف بعد الوقعه لوحده ما تقومش تشيله و اما يجيلك احضن و بوس و طبطب (بس ما تضربش الأرض و الكرسي وما تشتمش الحيطة) .. بلاش هطل و ظلم لمخلوقات ملهاش ذنب :))

١٠- علمهم الإيمان:
- الصلاة في وقتها اهم من كل حاجة
- الحمدلله اول كلمة باقولها لما بتجيلي نعمة
- اول نعمة في يومي اني صحيت الصبح فنبدأ يومنا بالحمد..
- الدعاء و التوكل من أهم اسباب التوفيق لو عايز احقق حاجة..
- حسن معاملة الناس بتسهل الحياة..
الثقة بالنفس و التحكم و القوة الشخصية و قوة العقل و اللياقة .... كلها حيطان مايلة لو من غير إيمان لو سندتك شوية مش حتسندك دايماً.. اللي معندوش إيمان بيبقى فاضي من جواه، ممكن أي حد ممكن يرمي فيه أي حاجة و يقبلها.

اخيراً و اهم من كل ده .. أكلهم من حلال و ماتبطلش تدعيلهم!

خلي البوست ده بقى مكان سهل تشوفه..ابدأ بفكرة واحدة عالاقل النهاردة (و انا كمان حابدأ معاك).. و شير مع الناس المهتمين يتطمنوا على ولادهم.

>> طاقتنا كلها ضايعة في محاولة تظبيط الحياة للعيال.. تعالوا نغير شوية و نجرب نظبط العيال للحياة!

😊 نهاركم سعيد
Ashraf Helal

كيف تتعاملي مع الطفل (الفتان)
أغلب الأطفال يصلوا لمرحلة «الفتنة» تلك عند ثلاث سنوات، أي في الوقت نفسه الذي يبدأون فيه الكلام، وتظل تلك المرحلة من سنتان إلى ثلاثة سنوات وغالبا تنتهي، وعند بعض الأطفال غير المحظوظين تظل تلك الخصلة فيهم وهم أطفال صغار حتى يصلوا لسن المراهقة، وإلي أن يصبحوا كبار وبالغين، فكلنا نتذكر ذلك الصديق الذي يخبر الكل عندما نخطئ، أو زميلنا في العمل الذي يخبر المدير بكل شيء يحدث.
«الفتنه» عادة سيئة وتكون عند الأطفال الصغار، خاصة في سن ذهابهم للحضانة ما قبل المدرسة والسنوات الأولي لهم بالمدرسة، لكن الأمر يصبح مشكلة كبيرة إذا استمرت تلك العادة إلى بعد تلك المرحلة.
واليكى بعض النصائح للتعامل مع حكاوى "الفتنة
1_لا ترفضي الاستماع: يقول الدكتور فارن والفيش – طبيب الأطفال والبالغين النفسي- أن الأطفال في بعض الأحيان يلجأون للفتنة كوسيلة للتعبير عن قلقهم ومشاكلهم، وكل ما يريدونه منا أن نستمع إليهم ونعرف مشاكلهم وما يقلقهم ولا نفعل شيئاً.

2_الأطفال الصغار لا يفتنون رغبة في أذى الآخرين، أو أن يوقعوا الأخرين في مشاكل، لكنهم يفعلوا ذلك لأن إحساسهم بالصواب والخطأ لازال يتطور، فهم مثلاً يتساءلون إذا كان الصعود على الزحليقة في الاتجاه المعاكس - أي للأعلى - أمر خاطئ.. فلماذا يقوم به الأطفال الآخرون؟ ففتنتهم في تلك الحالة ما هي إلا تأكيد على أن القواعد التي تعلموها صحيحة، ويشعرون بالارتياح حيال أن من فعل عكس القواعد سيكون مسئولا عن فعلته.
3_عندما يأتي إليكِ طفلك شاكياً صديقه أحمد أنه لا يشاركه اللعب، فهو لا يطلب منكِ التدخل، لكنه يريد منكِ أن تعلميه كيف يتعامل مع تلك المواقف، وذلك أمراً من المهم أن يتعلمه لحياته فيما بعد، فالأفضل من تدخلك لحل المشكلة.. أن اسأليه «ماذا عليه أن يفعل في هذه الحالة؟».. استمعي له وحاولي أن تجدي معه حلولاً للمشكلة..
4_إذا كانت فتنة طفلتك عن أمور لا تؤثر عليها، مثل أن زميلتها ليلى تضرب الأطفال الآخرين، أو أن فريدة لا تأكل خضرواتها، إذن فطفلتك تريد فقط أن تخبرك بأنها لا تقوم بضرب أحد وأنها تأكل خضرواتها، كل ما يحتاجه الطفل في هذه الحالة هو أن تمدحيه لأنه اتبع التعليمات، فقومي بذلك.
5_علمي طفلك الفرق بين «الإخبار» و«الفتنة»، فالإخبار هو أن يقول لكِ أمراً يسبب أو سيسبب أذى لطفل أو شخص ما، علميه أنه في تلك الحالة يجب أن يقول مثل تلك الأشياء وذلك لا يكون «فتنة»، علميه أن الفتنة هي أن تحكي شيئا لن يسبب أذى.

Christmas Party at Mills of Smiles Nursery
Happy new year