Radwa Reda

الكلام بين الفضفضه والعلاج
اوعى تكون فاهم انك بتروح للمختص النفسى عشان تفضفض معاه بكلمتين وخلاص.. لا يافندم حضرتك بتنفذ برنامج علاجى بفنيات علاجيه من مدرسة علاجيه ما بعد التشخيص والملاحظة المبدئية وجمع المعلومات الاساسية من خلال علاقة مهنية طيبه بيحكمها الميثاق الاخلاقى المهنه
الاخصائى النفسى
رضوه رضا

✨ شهر يونيو هو الشهر العالمى للتوعيه عن اضطراب كرب ما بعد الصدمه .........
⬅️ ايه هو اضطراب كرب ما بعد الصدمه ؟
هو اضطراب نفسى يحدث نتيجه للتعرض لموقف صادم (حالات من التهديد القصوى سواء للذات أو الحياه) .
⬅️ ايه هى اعراض PTSD ؟
- معايشه كامله للأحداث بشكل يومى بكل تفاصيله .
- تجنب كل ما يذكر بالصدمة.
- الشعور بالتهديد بِشكلٍ مُستمر.
- أفكار اقتحامية واحلام مستمرة بخصوص الحدث .
* بتظهر اعراض PTSD خلال ٦ شهور من الحدث الصادم وتستمر حتى الحصول على مساعده.
* مش بالضرورة وجود كل الأعراض أو حدوثها بين المصابين بنفس الشده ولكن لما تستمر المشاكل لاكتر من شهر عادة يتم التشخيص PTSD .
* كل الناس بتمر بمواقف صادمه لكن مش كل الناس بتعانى من اضطراب كرب ما بعد الصدمه وده نتيجه لعوامل بيولوجيه ونفسيه .
⬅️ طيب لو انا لاقيت كل الأعراض منطبقه عليا اعمل ايه ؟
✔️✔️ اقبل فكرة انى مريت بحدث صادم ومحتاج للمساعده وافهم كويس اوى أن اللى بيحصل معايا من أعراض أمر طبيعى جدا نتيجه للتعرض للموقف الصادم وعدم قدرة العقل على هضمه أو التكيف معاه .
✍️ الصدمه ممكن تشوفها بتحصل لحد تانى أو تسمع خبر حدوثها لشخص تهتم لأمر .
✍️اضطراب ما بعد الصدمه مش فشل شخصى لكن عطل قابل للعلاج فى بعض الآليات البيولوجية التى تجعلنا نتعايش مع التجارب الصادمة.

الاخصائى النفسى
رضوه رضا

كتير بنواجه مشاكل في حياتنا في منه اللى بنقدر نحله لوحدنا وفى منه اللى بنحتاج لحد نتكلم معاه فيها ساعات بيكون الاختيار التانى صعب لأننا بنخاف من نظرة الآخر لينا ..ياترا هايحكم علينا ازاي ؟ ممكن يطلع أسرارنا برا؟
كلنا بنقف قدام اتخاذ بعض القرارات الصعبه في حياتنا والاختيار بين البدائل بنحتاج حد يسمعنا حد نطلع معاه الحاجات المستخبيه جوه عشان توضحلنا من برا ونقدر نحكم ع الامور نتكلم معاه عن ادق التفاصيل في حياتنا أو حتي نشتكى من حد قريب مننا من غير مانخاف من عواقب الكلام ساعات كتير مابنشوفش ان المشكلة جايز تكون فينا أو في طريقة تواصلنا مع الاخر وساعات بتكون مشكلتنا بس اننا عايشين حياة روتينية آمنه خايفين نغامر ..خايفين من العظمه اللي ممكن تكون جوانا مش عارفين حقيقتنا وإمكانياتنا ايه اللى احنا فعلا قادرين نقدمه وايه اللي فعلا لازم نتخلص منه في حياتنا
تفتكروا الحل هايكون ايه ؟ ايه اللي احنا محتاجينه عشان نقدر نعيش فعلا بقدراتنا وإمكانياتنا بظررفنا الحلوه والوحشه
محتاجين الدعم النفسى ..محتاجين نحسه ..يعني ايه ؟ ومحتاجين كمان نقدمه لنفسنا وللآخر
(السعاده القصوى تتمثل فى مساعدة الغير ) افلاطون 😊😊