Perfect Gym - Heliopolis

ليه اوزانك في الديد ليفت أو الاسكوات ثابتة ؟
ممكن المشكلة مش في رجلك... ممكن تكون في عضلات الكور.

الكور هو اللي بيثبت العمود الفقري وينقل القوة بين الجزء العلوي والسفلي من الجسم.

لو الكور ضعيف:
• هتحس إن ضهرك بيتعب قبل رجلك.
• هتلاقي صعوبة في تثبيت الجسم تحت الوزن.
• التكنيك هيبدأ يبوظ مع الأوزان الثقيلة. • هتخاف تزود الوزن لأن الثبات مش كفاية.

لو عايز أرقام أكبر في الديد ليفت والاسكوات... ابدأ ببناء كور أقوى.💪💪


More fitness More happiness

في Perfect Gym إحنا فخورين بأسرتنا ❤️
أسرة بتدعم بعض، وبتكبر مع بعض يوم بعد يوم
جو مريح
ناس بتشجعك
وطاقة بتخليك مستني التمرين 🔥

ده رأي واحد من أبطالنا في
Perfect Gym
بعد فترة التزام 👊
واحساسه مع المكان مش بس التمرين 💪
لأن الفرق الحقيقي في التفاصيل الصغيرة

لوعايز مكان يخليك تحب التمرين…
جرب بنفسك 😉💪

More fitness More happiness

الأداء السليم لجهاز الـ Leg Press
✅ اقعد وضهرك لازق في المسند طول التمرين.
✅ حط رجليك بعرض الكتفين تقريبًا.
✅ انزل براحة لحد ما الركب توصل لمدى مريح من غير ما ضهرك أو الحوض يترفعوا.
✅ اطلع بدفع الكعب مع التحكم في الحركة.
✅ سيب سنة بسيطة في الركبة ومتقفلهاش على الآخر.

❌ ما تنزلش زيادة لدرجة إن ضهرك يتقوس أو يطلع من المسند.
❌ ما تطلعش الوزن بعنف أو بسرعة.

الأداء الصح بيشغل العضلات بشكل أفضل
وبيقلل الضغط على الركب وأسفل الضهر.


More fitness More happiness

إصابات أسفل الضهر مش دايمًا بسبب التمرين، أوقات كتير بيكون السبب أسلوب الحياة اليومي:
✅ الجلوس لفترات طويلة
✅ قلة الحركة والنشاط اليومي
✅ زيادة الوزن وتراكم الدهون
✅ النوم بطريقة أو على مرتبة غير مناسبة
✅ التوتر والضغط النفسي المستمر
✅ ضعف عضلات البطن وأسفل الضهر
✅ ضعف المرونة في عضلات الحوض والفخذ الخلفي
✅ رفع الأشياء بطريقة غلط في الحياة اليومية
✅ زيادة الأوزان في التمرين مع أداء غير سليم
✅ عدم الإحماء أو عدم الحصول على راحة كافية


More fitness More happiness

كتير من الناس أول ما تبدأ دايت تمنع أي أكل فيه دهون، وده غلط.
الدهون الصحية ليها دور مهم في إنتاج الهرمونات، وامتصاص بعض الفيتامينات، والشعور بالشبع. المشكلة مش في الدهون نفسها، المشكلة في زيادة السعرات بشكل عام.
ممكن تخس وتحقق نتائج ممتازة وأنت بتاكل دهون صحية باعتدال زي: 🥑 الأفوكادو 🥜 المكسرات 🐟 الأسماك الدهنية 🫒 زيت الزيتون
الهدف مش إنك تمنع الدهون، الهدف إنك توازن أكلك وتحقق عجز في السعرات يناسب هدفك.
افتكر: الدهون مش عدوك... الزيادة في السعرات هي المشكلة.

More fitness More happiness

بتدوخ أثناء التمرين؟
ممكن يكون السبب:
✅ أكل قليل قبل التمرين
✅ شرب مياه قليل
✅ سهر وإرهاق
✅ هبوط سكر أو ضغط
✅ حبس النفس أثناء التمرين
✅ نقص حديد أو بعض الفيتامينات
✅ التمرين في مكان تهويته ضعيفة أو حرارته عالية
لو الدوخة بتتكرر كتير، الأفضل تعرف السبب الحقيقي وتطمن على صحتك.

More fitness More happiness

مش كل الناس بتيجي الجيم عشان تغير شكلها…
فيه ناس بتيجي عشان تغير مودها و صحتها و يومها كله 👊

في Perfect Gym إحنا فخورين بأسرتنا ❤️
أسرة بتدعم بعض، وبتكبر مع بعض يوم بعد يوم
جو مريح
ناس بتشجعك
وطاقة بتخليك مستني التمرين 🔥

ده رأي واحد من أبطالنا في
Perfect Gym
بعد فترة التزام 👊
واحساسه مع المكان مش بس التمرين 💪
لأن الفرق الحقيقي في التفاصيل الصغيرة

لوعايز مكان يخليك تحب التمرين…
جرب بنفسك 😉💪

More fitness More happiness

من أكتر المعلومات المنتشرة غلط…
إن الجسم ما يقدرش يستفيد بأكتر من ٣٠ جرام بروتين في الوجبة،
و إن أي كمية زيادة “بتروح هدر”.
الحقيقة إن الجسم بيهضم و يمتص أغلب البروتين اللي بتاكله عادي جداً،
لكن الناس بتخلط بين “امتصاص البروتين” و “استخدامه في بناء العضلات”.
بناء العضلات له حد معين في الوجبة الواحدة يختلف من شخص للتاني،
حسب: • الوزن
• الكتلة العضلية
• شدة التمرين
• السن
• إجمالي البروتين اليومي
• توقيت الأكل خلال اليوم
يعني لاعب وزنه كبير و بيتمرن بعنف
احتياجه في الوجبة ممكن يكون أعلى بكتير من شخص عادي.
كمان البروتين مش دوره بناء العضلات بس،
ده الجسم بيستخدمه في: • التعافي
• الهرمونات
• الإنزيمات
• المناعة
• الحفاظ على الكتلة العضلية وقت الدايت
ففكرة إن أي كمية فوق ٣٠ جرام “مالهاش لازمة” فكرة غير صحيحة.
الأهم: • إجمالي البروتين اليومي
• جودة مصادر البروتين
• توزيع الوجبات بشكل مناسب
• الالتزام على المدى الطويل
مش رقم ثابت ينطبق على كل الناس.

More fitness More happiness