ViA

فاضل يوم علي العاصفة التي سوف تهز كيان الصناعة 😂😂😂😂
يالا يابطل جهز نفسك لاقوي واخطر معسكر ف العالم
معانا هتتعلم تكون نصاب محترف يلا ياوحش جهز ناسك 😂
يالا يامغفل اجري اشتري شنطة واشتري بنطلون وتيشرت ابيض زي قلبك الابيض الجميل دة وماننساش #البنادول اهم حاجة ف المعسكر البنادول
واحد حبوب كدة يسألني ليه بنادول
اقولك ياسيدي اصلك مش هاتشوف طعم النوم بعينك هاتفضل صاحي ليل نهار يدوبك تروح تنام علي الساعة 4ونص الفجر وتصحي جري علشان تلحق الفطار من النجمة البنادول ينسيك الصداع والإرهاق ياقلبي فهمت يانور عيني يامضحوك عليك 😂
بالتوفيق يابطل
آه صحيح يبقي قوم بدري بقي علشان تلحق الاتوبيس الي لو اتاخرت علية هايسيبك وسعتها هايفوتك اهم معسكر ف التاريخ 😉
وجهز معاك فلوس الاتوبيس اصلك هاتدفع تمن الكرسي ياهبل مافيش حاجة ببلاش 😂
ربنا يعينك ويقويك علي مابلاك يابطل الابطال 😂✌️

عروض رمضان والعيد من via ادفع 4000 جنية وهتاخد 500 جنية فوري علي فودا فون كاش من الكوتش
يالهوي علي النصب والعبط
فوق يامغفل
فوقي ياهبله ياعبيطة
ا

كل فترة فيا لازم يكون ليها شكل جديد وطريقة نصب جديدة يقدروا يوقعوا ضحايا في كل وقت وبأي طريقة
الفكرة ياصحبي ف الوهم
الوهم الي بيعيشهولك ويخليك تحلم بية
بيقدر يستغل فقرك واحتياجك للقرش بكل الأشكال وبكل الطرق
بيفهمك ان الفلوس بتيجي من الهوا بس خليك جرئ وشجاع وماتخفش
ادفع 🤑
ادفع🤑
ايوة لازم تدفع مبلغ صغير اوي كدة
طيب ياكوتش المبلغ دة كام💸💰
والله الاكونت ياضحيتي كان 8 بس💸 علشان خاطر عنيك ب6😂
ودة اقل مبلغ والله👊
ياعني ياكوتش المبلغ دة لازم ادفع دنا محوشة من دمي وعرقي🥺
ياراجل عرق ايه وهبل ايه انا هاخليكي تاكل الشهد بس ركز معايا 😈
والمسكين يركز ويسمع للشيطان قصدي الكوتش 😂
ويقتنع ويدفع الفلوس الي عمرة ماهيشفها تاني ف حياتة
تاني يوم ماهتدفع الفلوس هاتجري علي الكوتش وتسألة اعمل ايه بقي علشان اشتغل 📔
هايقولك لسة بدري يامغفل انا لسة سارقك لازم اسويك علي نار هادئة 🔥
واوصلك ان فلوسك مش هاترجع غير لما تشغل مخك معايا 😈
كل الي قولته لك قبل الفلوس حاجة ودلوقت حاجة تانية
هاتسمع كلامي فلوسك هاترجع هاتعمل شريف مافيش غير الجذمة👟
ياعيني الضحية بيلاقي نفسة دخل دوامة كبيرة ومطالب ينصب علي أقرب الناس ليه ويدخل صحابة معاه ف منظومة النصب العالمية 😣
انصب واسرق طول عمرك
بس اكيد مافيش دولارات والا عربية والا قبض وكلة نصب ف نصب وبتكتشف ف الاخر انك مجبر تكمل معاهم وبتكتشف انك بتدفع فلوس من جيبك علشان تقدر تكمل ف المنظومة الوسخة الي اسمها. Via 🤬
النصب من المنظومة دي عدي الحدود وفجر بدرجة مرعبة

واقع هتعيشه لما يتنصب عليك وتدخل قصه واقعيه
في يوم واحده صحبتي كلمتني بدون ذكر اسماء صاحبتي من ايام الاعدادي بس مكناش بنتكلم خالص استغريت لمكالمتناا لقيتهاا بتقولي. جايبالك شغل كويس اوي قولتلهاا بس انا طالبة شغل اي قالتلي ده أون لاين ومش هيطلب منك وقت خالص ولا مجهود ومربحه جدا دي صاحبتناا كذا** عملت من الشغل ده في خمستاشر يوم 10000ج

بدأت اركز في الكلام وسألتهاا عن الشغل ردت بأختصار وقالتلي انهاا شركه اسمها (Via) وعندهاا منتجات عنايه بالبشره والشعر والعظام واحناا كل شغلناا اننا هنسوقلهاا بس من خلال اكونتاتناا وجربي ومش هتخسري حاجه ودي كانت البداية.

فضلت كل يوم تكلمني تأكد عليا الموضوع قولتلهاا تمام
فضلت تقولي متضيعيش وقت روحت قابلتهاا طول الطريق عماله تحكيلي قد ايه الشغل ده غير حياتهم والمكان نضيف والناس نضيفه جداً وطبقه راقيه ومجتمع مختلف... الخ

والمضحك ان الانترفيو اصلا بتتعمل ف كافيهات ومكان الشركة دي أصلا م الكافية دا للكافية دا ال هو لول بجد.
روحت قاعدين قالتلي كوتش عبدالرحمن هيجي دلوقتي يعملك الانترفيو...
#وقعدت تشرحلي البيزنس او النصب اللي مسمينه بيزنس وفي نص الكلام شويه تحفيز ومش خسرانين حاجه وكلناا هناا اصحاب الشركه ودي شركتك انتي ومكانك والشركه أصلهاا في القاهرة والزقازيق وكذا وكلام كله وهم وفي الاخر السؤال الشهير.. في حد بيبدأ بيزنس الا اما رأس مال.؟ قولتلهاا لأ طبعاً... قالتلي عشان تبقي عضوة معانا في الشركه لازم تدفعي مبلغ رمزي جدا وهو (٢٢٠٠٠) ايوة متستغربوش دا المبلغ الرمزي جدا وطبعا المبالغ ف الشركة دي بتبدأ من المبلغ دا وطالع قولتلهاا ولو مش معايا قالتلي انتي لو عايزه تتصرفي في المبلغ هتجبيه وهنكتب ربعه ف عقد والباقي هندخله ف حاجه اسمها تداول ولو فاهمتي أهلك البيزنس ده هيوافقوا يسلفوكي وبعدهاا جه عبدالرحمن عملي كلوسينج محترم وهو عباره عن إن دي شركه كبيرة واني انضملهم ده مكسب كبير ليا وهرجع أضعاف المبلغ ده في اقل من شهرين... الخ

#كلام يقنع اي حد مع الطريقة المحترفة وتنسيق الكلام
فضلوا متابعين معايا كل يوم يسألوني هعمل ايه
واكلم صحابي عشان اسألهم اذا كانوا فعلا حققوا مبالغ من البيزنس ده ويقلولي اهاا دناا جبت ايفون في شهر والتانيه تقولي انا إتحولي فلوس بس لساا مقبضهتااش لحد ما طمنوني خاالص وده بعد ما بابا راح قعد مع الكدا*ب ال مسمينه الكوتش وقاله هجيب عربيه م البزنس و.. و...

#بعدهاا دفعت المبلغ تاني يوم بظبط وبعدهاا بيومين بدأت اسأل عن الشغل وطبيعته فعرفت ان الشغل عبارة عن اني اجيب نااس ولازم اعمل تيم واجمع عدد عشان يكون ليا جروب اعرف ابدأ بيه فقولتلهم تمام وبدأت فعلاً اكلم صحابي عن الشغل ع أساس انهم معايا في الباقه بتاعتي اللي دافعه تمنهاا وبعد مع صحابي فعلاً بدأوا يروحوا ومع اول تلاته اكتشفت انهم بيطلبوا منهم مبلغ مالي بردو واكبر من المبلغ اللي طلبوه مني بدأت أشك في الموضوع لحد ما اتعمل ميتينج وقالولي ان الناس اللي بجيبهم هيدفعوا بردو طبعاً واني ليا نسبه من الفلوس اللي هيدفعوهاا وبكده اقدر ارجع فلوسي
وقفت شويه وبدأت اركز في كل حاجه بتتقال المنتج موجود بس الشركه مش موفراه في الاسواق اصلا المنتج طلع مش جاي من برا زي مبيقولوا ولا مستورد ولا نيلة وده اتأكدت منه عن طريق شخص اعرفه كان في المجال ده من زماان وبدأ يفهمني اللعبه كلها وبكده خرجت من الشركه وانا خسرانه المبلغ اللي ادفع ومعرفتش ارجع حقي..

انا بحظركم من اي تعامل مع الشركة دي(Via) وكل الشركات ال مشابههة لها لانك مش هتطلع الا خسران فلوسك ودايرة معارفك وبس.

ربنا ينتقم منهم شوية كلاب

#معلومات مهمه جدآ أي شخص يقدر يكتشف أن بوستات الشغل اللي بتنزل علي جروبات الشغل تسويق شبكي وهدفها النصب والاحتيال _لو البوست بيتكلم عن النجاح والحريه الماليه _لو الشغل من الموبايل ومن البيت والكافيه _لو صاحب البوست قال مش نصب أعرف أن هو نصب _لو مكتوب بجانب دراستك وشغلك وأنت اللي بتحدد الوقت وأنت مدير نفسك أعرف أنه نصب _لو أطلب منك مبلغ تدفعه ذي شراء باقه عشان تبدأ التدريب علي الشغل أعرف أنه نصب _لو صاحب البوست فضل يحلف أن الشغل دا غير حياته وحققله أحلامه أعرف أنه نصب _لو الشغل من ٤ ل ٥ ساعات أو من ٣ل ٤ ساعات أعرف أنه نصب _ لو صاحب البوست قالك التدريب مجاني أعرف أنه نصب _لو أطلب منك تنزل برنامج الزوم عشان يتشرحلك عليه فكرة الشغل وأنه مش عايز يقولك الشغل عباره عن أي عشان يدخلك الزوم وأن الشرح هياخد وقت طويل عشان يتعملك غسيل مخ أعرف أنه نصب ١_ لو أتقال أنك تقدر تعمل ٥٠٠٠ج أوأكتر في الأسبوع وأنك تحب تشوف الشيكات بتاعتهم عشان تصدق لازم يكون عندك قناعه بالنقطه دي أن الشيكات بتبقي مضروبه وبتتعمل علي برنامج ممكن تحط فيه الرقم اللي هما عايزه عشان يقنعك ويوقعك في الفخ أعرف أنه نصب ١٢_ لو أطلب منك تدخل علي صفاحتهم عشان تقتنع أنهم فعلآ ناجحين متعملش كدا لأنه بيضحك عليك أدخل علي جوجل وأكتب هل شركة ڤيجور مثلآ أو أي شركه أنت عايز تسأل عنها نصابه ولا لاء أو حقيقة شركة ڤيجور أو نصب شركة ڤيجور ولازم تدخل علي اليوتيوب وتشوف مراجعة أي شركه أنت عايز تعرف حقيقتها وتشوف تجارب الناس اللي قبلك في مثل بيقولك أسأل مجرب بس أوعي تسأل اللي في الشغل نفسه لأنه لو نصاب طبيعي جدآ أنه مش هيقولك أنه نصاب لأن مكسبه الوحيد دخولك في الفريق معاه .. ١٣_لو أطلب منك تجرب وأنك مش هتخسر حاجه أعرف أنه نصب ١٤_لو لقيت وسائل ضغط عليك في الأقناع وبدأ الشخص يبعتلك في فيديوهات أعرف أنه بيستدرج عشان يوقعك في الفخ .. ١٥_ لو لقيت البوست بيتكلم عن البيزنس الأونلاين وأن العالم كله أتجاهله وأن الناس متقدرش تستغني عنه في أي شئ في حياتها أعرف أنها وسيلة أقناع لأستدارج وأعرف أنه نصب ١٦_ لو قالك أن أيام كورونا البيزنس دا هو الوحيد اللي كان شغال رغم أن الأقتصاد كان واقع أعرف أنه أيام كورونا أتنصب علي ناس أكتر من عدد شعر راسنا جميعآ في الوقت دا ومن أهم الدول دي كانت الجزائر وطبعآ مصر وبقيت الدول في مليارات .. ١٧_لو لقيت الصفحات بتاعتهم مكتوب فيها بيزنس مان وعدد الأصدقاء 5000 أو 10000أو أكتر وأن ليه بوست مثبت سواء بوست أو فيديو من مؤتمر أعرف أنه نصب ١٨_لو لقيت صور مجموعه مع بعضها متصورين ولو عايز تنضم لفريقي أعرف أنه نصب ١٩_لو لقيت الصفحات كلها بتتكلم عن النجاح أعرف أنه نصب ٢٠_لو لقيت الكومنتات كلها بالشكل دا 😎🤑💪✌🤳👏💥👑🚀🔥🎯💰💸⚔ أعرف أن دا نفاق وتطبيل عشان تصدقهم وتطلب تنضم ليهم دي كلها أساليب أستدراج ليك عشان تقع في الفخ ويتنصب عليك ٢١_الكومنتات اللي هي بيقولوا فيها #الكيان_الناجح #أفضل_بيزنس_أونلاين_في_العالم عظمه اللي جاي كله دغدغه هنكتسح العالم عاااش يا كوتش waiting #بابا_المجال الكوين 👑 التفاصيل برايفت كله دا نصب عشان تقع في الفخ ٢٢_لما حد منهم يقولك شركة أورانج وڤودافون ناجحين وبيتحاربوا عشان الناس اللي أتنصب عليهم مفعول النصيحه للي مش فاهم هما يوقعوه في الفخ .. ٢٣_ من أهم النقط اللي لازم الكل ياخد باله منها كويس جدآ أن الصور بتاعتهم علي البروفايلات من التدريبات والمؤتمرات هما بيتصورها عشان يعرفوا يشدوك ليهم أن بص أد أي ناس موجوده معاهم وأنهم ناجحين ودي وسيله عشان يجذبوا المزيد من الضحايا اللي مش فاهمين حاجه عن التسويق الشبكي عشان يعرفوا ينصبوا عليهم ٢٤_لما يكون البوست مكتوب فيه أنا بكون فريق ولو حابب تنضم لينا أعرف أنه تسويق شبكي ونصب ٢٥_لما يكون البوست مكتوب فيه أنا محتاج 2 من كل محافظه عشان يشتغلوا أعرف أنه تسويق شبكي ونصب ٢٦_ لما تلاقي البوست بيتكلم أخيرآ يا جماعه بعد النصب وبعد دفع الرسوم جايبلكم شغل مش نصب أعرف أنه نصب ٢٧_جميع لينكات التلجرام ومواقع الفلوس وعملات بيتكوين والتطبيقات الخاصه بيها والبوتات كله دا نصب ٢٨_ لما يطلب منك تدفع رسوم عشان تدرب وتشتغل ذي شركة TRL دي برضو تسويق شبكي بتدفع رسوم 100ج وتنفذ نفس اللي دخلك وهكذا نصب في نصب 👇👇👇👇 دي مجموعه من الصور تبع شركات تسويق شبكي نصابه وأي صفحة شغل لو فيها نفس الكلام دا أعرف أنها نصابه وعايزه تنصب عليك وأنها تسويق شبكي #أتمني من الجميع مشاركةالبوست دا حتي اللي ملوش علاقه بالموضوع عشان ينقذ غيره وميكونش ضحيه للمجرمين دول أكسب ثواب وشارك عشان التوعيه توصل لكل اللي مش فاهم ومتخدش الموضوع أنه حاجه مش مستاهله وأنك عارف أن الكلام دا نصب ف في كتير غيرك لسه ميعرفوش أتمني الأستجابه من الجميع وشكرآ 😍😍 #V_S_T #VIA_Academy #VIA_insurance #VIA_Tourism #VIA_Cosmetics #VIA_WORLD #DO_ORG #V_S_T #FUN_DAY_DAHAB #warriors_team #creative_team #monesters_team #do_org #via

حضر عقلك ياعم بقي ده لسه تاني يوم ف المعسكر الفاجر الخارق للطبيعة 😂
اول يوم الحمد لله عدي ايوة اتهزقنا شوية قصدي شويتين كدة علي الماشي طبعا الي حضر معسكر فهمني كويس 🤭 😉
بس يلا كلة يهون علشان عيون الكوتش العسل الي نسي قاعدتنا وهزرنا سوا علي الكافية وعمال يهين فيا قدام الناس 😂
لازم تستحمل يابطل شوية اهانة مانت اكيد استوعبت انك اتنصب عليك ياعيني ماينفعش تمشي وتسيب المعسكر ياحرام
الكوتش خوفك وقالك ( هأوتك) هاكرشك ياعني ومالكش فلوس عندنا 😂😂
بس ماتخفش الكوتش بيرجع لطبيعة تاني ف اليوم التاني بتلاقية بقي حد لزوز خالص 😉

وانت بقي ياغلبان بتقول جواك لازم استحمل علشان ارجع فلوسي الي دفعتها زي المغفل لازم إبان قدام صحابي الي اتريقو عليا وضحكو عليا اني بقيت رجل أعمال وبرنس
أتصور كام صورة حلوة كدة ونزلها ع الفيس والوتس وفهمهم انك اغتنيت خليهم يندموا انهم مش سمعو كلامك وبقو معاك
وماتنسوش فجر اليوم التاني مهم اوي
واليوم التالت والمفاجأت والتكات والحركات
هاحكيلك ماتستعجلش علي رزقك ياطيب ياغلبان يابن الحلال

#نصب












😉

اللي ٩٠ % منهم سابو الشغل بعد ما اتنصب عليهم والتزموا الصمت😶 في مشهد مخزي يجمع بين الخذلان والجبن🤫
ولكن via مازالت تستخدم الصوره كغطاء لاستدراج ضحايا🤬 اخرين بيدور ازاي يخلي العجله تفضل شغاله فلازم وقت العرض تبين للضحيه أننا جامدين وتفرجه علي كام فديو من بتوع زمان عشان يحس أننا كتير ......وكل الناس دي معنا فيبدأ عقلك يقولك 🤔ازاي نصب لكن لما تدخل جوه هتفهم مع الوقت ازاي استغلوك وتغفلت فيقولك زي ما عملت معاك وغفلتك وخليتك تعمل مستثمرين اعمل نفس الشي مع اللي هتجييهم يدخلو معاك.........
اعلم انهم بارعين في التحفيز
#فالصوره قد تبهرك كما ابهرتني .. انتبه فن صناعه الوهم والسيط والفشخره الكدابه
#انتبه فانت في حضره ڤيا للنصب الالكتروني

* *
** مش هيفهمه غير الي وصل لخلف الكواليس 🤔
ما يعرف بال ..
يتبادر إلى أذهان الجميع ممن دخل مجال ( النصبايه) كثير من الأسئله الا وهي :
الكوتش الحاصل على ال واللي بقاله اكتر من كذا سنه ف مجال النصبايه تحت قياده حيتان النصب موصلش ليه ؟!
فين شركته الخاصه؟! فين المليون اللي جابها ف سنه واحده من شغله !؟
فين أهله اللي دخلو المجال معاه ونجحوا؟ فين مراته؟ فين أخته ؟ فين أبوه
؟ مبقوش معاه ليه ؟!
تساؤلات كتير لا حصر لها ونهم لمعرفه أسرار المطبخ ليس لها اجابه ؟.
اجابتك عندي 😂🤭
ال ماهو الا (ربط) من حيتان النصابايه للعبيد اللي تحتهم ( توريطه) الكوتشز .. مش معقول هيربطوك انته ياداون لاين وهيسيبوا الكوتشيز من غير ربط 😂يعني يشربوهم الصنعه ويخلوهم يخلعوا وينافسوهم فالسوق زي ما هما عملوا كده مع يوني وي التاريخ السابق ل عيب عليك .
اي حد بيوقع عليه بيتربط بشرط جزائي قول كده نص مليون ؟
لا بس ده مبلغ قليل اوي اكيد الكوتش هيعرف يجيبه ويدفعه ويخلع ؟
طب لسه محدش خلع ليه ده في ناس بقالها 4 سنين او اكتر مشفناش حد موقع عقد وخلع لانه مبقدرش يخلع خلاص ربطوه فهو مضطر يدور فالسقيا وينصب عليك مش بمزاجه عشان كده في استماته على النصب
هو بيغرق 🤔
مهما حكولك قصص نجاح كاذبه مهما استدرجوك متورطش نفسك متورطش اهلك متورطش صحابك متخسرش نفسك 👍 أفضل الناس أنفهم لناس اوعى تخليها تقف عندك سدقني ربك هيكرمك

نحن نمارس النصب تحت ستار ولكن الحقيقه ليست بيع المنتج وانما #بيع الأشخاص السستم الذي نتعلمه جو الشركه هو الصينب اللي مهمتك انك تجيبه وتشتغل عليه تعصره تنزل منه صينيات مع شويت مستثمرين من أهل بيته عشان تضمن أنه يكمل معاك و عشان توهمه انك كدا هتوصله للقمه.
#المؤتمر في يوم زي دا هتسمع كل تنميه بشريه انك تقدر وانك تستطيع وعشان هيكون فيه أشخاص مهمه وقيادات مسؤوله ما بيشرح الشغل بطريقه عرض العمل علي الضحيه اول قعده ما بيقول للحضور انك عشان توصل لازم تدخل للشركه ٦اشخاص عشان تصرف اول شيك ١٥٠٠ج بتقون قصدهم مدخل لخزينه الشركه ٢٥الف جنيه عشان تاخد عموله زي معلقه الكشري كدا وتجمع نقاط عشان توصل للشيك الاول كل الكلام اللي هيتقال أننا شركه عظيمه في البيع الكتروني ومنتشرين علي مستوي المحافظات
#هتسمع كلام يحمسك بيه بمعني اصح كنا بنبيع كلام للناس ونرسم قصه جو عقلهم عشان يدفع فلوس ويدخل ونحقق الترجت اللي الشركه وهمتنا أننا كدا هنحقق كل احلامنا
#مهمه الشركه هنا أنها تطلعك بصوره حسنه لضيوفك اللي دعتهم ييجو يسمعو الفكره في يوم زي دا مع شويت كلام حلو منك عن الشركه وانك خربها وبتلعب بلفلوس لعب وقتها هيطمنو ليك وهتكسب ثقتهم ويدخلو معاك وانك هتساعدهم من هنا تبداء الحدوته #الضحيه فجاه تلاقي نفسك مطلوب منك مثتسمرين من أهل بيتك وأقرب حد ليك علي اساس انهم اكتر ناس هتكسب من بعدك ويقولك انا عملت كدا وبدل ما هتصرف شيك هتصرف اتنين كان اايامي في عملاقه في المجال ودلوقتي بخ اختفوا ودا لو كان بيكسبو كويس ماكنوش بطلو عارف ليه لان الشغل عندهم معتمد علي أشخاص تصينب وتدخل فريقك عشان تكسب لو معملتش كدا يبا انتا كدا فاشل وغير ناضج وعديم المسؤولية
ربنا يتولانا ويعفو عني
اللهم بلغت