PureHouse

بعد اوردرات العيد ناس كتير طلبت يكون فيه مخبوزات اكتر بس تكون صحية
وطبعاً اول حاجة معظم الناس بتقرر تشتريها لما بتبدأ نظام صحى (بسكويت دايجستيف) لكن لو خدنا بالنا من مكوناته هنكتشف ان نسبة دقيق القمح الكامل فيه لاتتعدى ١٦٪‏ والباقى دقيق ابيض عادى بالاضافة لمكون غير صحى تماماً و هو زيت النخيل وحسب المنتج ممكن يكون مهدرج او غير مهدرج اما بالنسبة لسعراته فهى تعتبر غير قليلة حيث تحتوى القطعة الواحدة على ٧٠ كالورى .
بالنسبة لمنتجنا مقدرش اقول انه نفس الطعم بس هو طعمه حلو جداً ويحتوى على دقيق قمح كامل بنسبة ١٠٠٪‏
الدهون المستخدمة : نسبة قليلة من زيت دوار الشمس
وطبعاً طبيعى جداً بدون اى اضافات او مواد حافظة
بالنسبة للسعرات قطعة صغيرة تحتوى على ٣٢ كالورى
واخيراً السعر علبة (٤٠٠ جرام) ⏪٢٥ جنيه

‏⁦‪المارجرين او الدهون النباتيه او السمن النباتي بطعم وريحة الفلاحي اللي الشركات المنتجه ليها بتحاول تقنعك انها اصح ليك من السمن البلدي دي تعتبر .

تاني اخطر اختراع في الكرة الارضيه على صحة الانسان وخصوصا الذكور بعد الفرجة على الخليل كوميدي ...
هي في الاساس صنعت لتسمين الديوك الرومي ولما بدأ الديوك الرومي في الموت من اكلها وكثرة استهلاكها ، وظهور اختلال في نوعية النسل ، بدأ المربيين في المزارع باعطائها الديوك لمده شهر لو اتنين بحد اقصى لتسمينهم لكن بدون الوصل لحد الموت !

مسببه للجلطات ذبحات سكتات دماغيه امراض السمنة و التحور والخلل الهرموني في الجسم.
تخيل ان السمنة النباتي اصلا لونها مش اصفر هي لونها رمادي وبيتحط اضافات لتحويلها للون الاصفر ده لخداع المستهلك والايحاء انها زي السمنة البلدي..

انا عندي تاكل بسمنة بلدي كل يوم وتتخن ولا تاكلش ابدا بالسم اللي اسمه سمن نباتي اي كان نوعة ..

البدايل الامنه
زيت الزتون بارد او سخن بالمناسبه مفيهوش مشكله حتى لو اتعرض لحراره عاليه المهم مايدخنش
ممكن معلقه سمنه طبيعي صغيره لكل طبيخ البيت
ممكن زيوت نباتيه دره عباد شمس غير مهدرجة بكميات قليله جدا

بتوصل للصفحة طلبات بتطلب توفير منتجات خالية من الجلوتين .. طبعاً فيه بعض الناس وخصوصاً اطفال عندهم حساسية لمادة الجلوتين بس كمان ظهرت فى الفترةًالاخيرة دراسات عن اضرار مادة الجلوتين عموماً على الجسم
وتأثيره السلبى فى مرض السمنة
علشان كدة هنحاول يكون متوفر عندنا منتجات خالية من الجلوتين وان شاء الله تعجبكم
فى الصورة منتج خالى تماماً من الجلوتين وكمان مكوناته صحية
(شوكليت براونى كوكيز)
قريباً هيكون متوفر

ناس كتير نظام اكلها اتلخبط فى رمضان والعيد واكيد نفسها ترجع لنظامها تانى وعلشان نساعدكم عملنا عيش صحى جداًو مشبع من الشوفان فقط بدون اى دقيق ابيض او اسمر ويحتوى على زيت الزيتون وجنين القمح والبيض بالاضافة لطعمه المميز
ممكن يتاكل كسندوتش او نغمس بيه او ناكله لوحده كسناك مثلاً
السعرات الحرارية فى الرغيف الواحد ⏪ ١٨٢كالورى

اخر موعد لتسليم الاوردرات يوم السبت وبعدها احنا اجازة🎉🎊
نشوفكم بعد العيد وبلاش ناكل كحك كتير 🙂
كل سنة وانتم بخير

صورة من ارض الواقع 📸

سابليه مربى/نوتيلا
يخبز طازة ومصنوع من الزبدة الطبيعى ١٠٠%
( غير مناسب للدايت)

للتوضيح الكحك والبسكويت مش دايت بس حاولنا نقلل كمية السمن فى الكحك والزبدة فى البسكويت بدون مايأثر على الطعم ال بنحبه
ومش بنستخدم اى دهون مهدرجة سواء سمن نباتى او سمن مخلط كله طبيعى ١٠٠٪‏
وال بيتعامل معانا عارف ان الجودة والحفاظ على صحتكم اهم من المكسب
كل عام وانتم بخير❤️

عرض الاسبوع ده خلص ...
قدمنا لكم ٣ عروض على مدار ٣ اسابيع من رمضان يارب اى حد طلب من عندنا يكون عجبه الاكل والاسبوع الجاى هنتفرغ للكحك والبسكويت علشان نلحق نخلصه قبل العيد كل سنة وانتم طيبيين
والله لسة بدرى ياشهر الصيام 😊

اوردر لزبونتى الجميلة عجبنى فيها دايماً بتطلب تحذف جزء النشويات وتكتر من الخضار ماشاء الله عليها وباألف هنا وشفا
انا محظوظة بالناس المحترمة ال بتعامل معاهم بشكرهم كلهم على ثقتهم

منيو متكامل لفطار صحى فى رمضان

١-سلطة خضراء
٢-شوربة ملوخية ( تكون اخف وبدل التقلية نحط شوية توست اسمر محمص)
٣-صينية صدور فراخ بالخضار
٤-ارز معمر ( بدل القشطة بنخلط علبة زبادى خالى الدسم مع ٣ ملاعق كبار لبن بودرة خالى الدسم)
٥-مهلبية قمر الدين ( نصف الطبق يكون مهلبية عادية بلبن خالى والنص التانى مهلبية بقمر الدين)
عصير برتقال فريش