ZeroCalorie

صباح الخير
عادي على فكرة انك ملحقتش تظبط وزنك اخر اسبوعين فى السنة اللي فاتت.
عادي برضو انك محطتش هدف واضح ليلة رأس السنة.
عادي ان امبارح "عكيت" شوية أو كتير.
عادي انك دلوقتى خلاص فطرت فطار مش ريجيمي خالص...

الواحد لما بيقرر يغير حياته بجد مش محتاج توقيت معترف بيه عالمياً. محتاج بس يكون صادق مع نفسه المرة دي. ومحتاج قبل ما يتعلم يمشي على نظام مدى الحياة، يتعلم انه لما يمشي على نظام لمدة نص يوم ويخرج عنه، ساعتها يكمل ازاي.. لانه بنكمل بعدها عادي،، مش بنبطل ونستنى ليلة رأس السنة الميلادية الجديدة نبتدي "صح" بقى!
كل سنة وانتم طيبين

صباح الخير :)

لو بتقرأ الكلام ده دلوقتى، الف مبروك you survived اول اسبوع دراسة...
عقبال ما باقى الترم يعدي على خير!

https://l.facebook.com/l.php?u=https%3A%2F%2Fwww.youm7.com%2Fstory%2F2018%2F9%2F15%2F%25D8%25A7%25D8%25A8%25D9%2586%25D9%2583-%25D9%2585%25D8%25B4-%25D8%25A8%25D9%258A%25D8%25AA%25D8%25BA%25D8%25B0%25D9%2589-%25D9%2583%25D9%2588%25D9%258A%25D8%25B3-%25D9%2588%25D8%25A8%25D9%258A%25D8%25A7%25D9%2583%25D9%2584-%25D8%25A3%25D9%2589-%25D8%25AD%25D8%25A7%25D8%25AC%25D8%25A9-%25D8%25A7%25D8%25B3%25D8%25AA%25D8%25B4%25D8%25A7%25D8%25B1%25D9%2589-%25D8%25AA%25D8%25BA%25D8%25B0%25D9%258A%25D8%25A9-%25D9%2587%25D8%25AA%25D9%2582%25D9%2588%25D9%2584%25D9%2583%2F3948085&h=AT2ZbHAQubhynX4zmTJu4obcOTcPWTBQwMEwgRlDirJm3e0CEeq6BSKEjramLngknBUqz-HSS__18lqld-ICLzGNEF8LdOATs2aEaegwXJZoQJ7JhyD_OCJHZp6rZXLKSKtq

ابنك مش بيتغذى كويس وبياكل أى حاجة.. استشارى تغذية هتقولك الحل - اليوم السابع فى هذا التقرير تتحدث الدكتورة علا محمد سامى استشارية التغذية العلاجية عن أسباب سوء التغذية عند الأطفال.

http://www.elnabaa.net/724795

«حسب لونها».. تعرف على فائدة تناول الفواكه لصحة الجسم «حسب لونها».. تعرف على فائدة تناول الفواكه لصحة الجسم

أكتر شكوى عدت عليا على الإطلاق: إبنى/بنتي مش بياكل/بتاكل صح خالص يا دكتورة!
أول نقطة مهمة: تقريبًا كل الأطفال حاليًا مصابة بمرض سوء التغذية.
سوء التغذية المقصود به زيادة أو نقص بعض أو كل العناصر الغذائية الأساسية وأولهم الماء..
ثانيًا: العادات الغذائية عند أي طفل هي نتيجة مباشرة لكل اللى بيشوفه من كل "الكبار" اللي حواليه.
- يعني مينفعش إنت طول الوقت تجيبي أكل من برة البيت وتشتكي إن ولادك عايشين على الإندومي.
- مينفعش تعملي تانج مع كل وجبة وتعترضي إن العشاء بتاعهم حلويات.
- مينفعش تكبري دماغك كل مرة هيصروا على بطاطس محمرة وفراخ بانية وتقولي مبيرضوش يجربوا أي أكل من اللي أنا بطبخه.
- مينفعش إنت تحددي مواعيد الأكل بتاعتهم حسب رغبتك وبردو إنت اللى تحددي هما فعلًا حاسين بالجوع ولا لأ.
- مينفعش تقارني ولادك ببعض فى أكلهم (أو أي حاجة أساسًا) وتقلقي إنهم بياكلوا كميات غير مناسبة ليهم على الإطلاق.
الأمثلة دي فيه منها كتير قوي.. وكل طفل بيبقى مختلف. كل طفل محتاج تصحيح مناسب له، بس كقاعدة عامة، لازم تحاول تلحق طفلك من بدري، قبل ما يبقى العالم الخارجي هو كل اللي بيجذبه، وده مش هيحصل إلا لو إنت كنت بتاكل صح.

كل سنة وانتم طيبين :)
ياريت بس نفتكر إن سعرات الكعك مش هتتحرق وإحنا فى البيت بنتفرج على كل الجري اللي فى الماتشات! خلينا نقضى العيد 3 أيام كدة بالمعقول وبلاش نفتح العيد الصغير على العيد الكبير...😀

ثانيًا: الريجيم فى الصيام
سواء بتبتدي أو بتكمل ريجيمك مع أول يوم رمضان، إنت محتاج:
1- تهدى ومتكبرش الموضوع، مش هتموت فعليًا من الجوع.
2- متقللش نشاطك خالص، ماشي غير معاده،، لكن عمرك ما هتقدر تقلل أكلك قد ما هتقلل نشاطك.
3- ماتخدش قرارات بتاعت هعيش على تفاح ولا تحاول تعمل نظام متخلف،، كل اللى هيحصل إنك مش هتستمر وهتقلب 180 درجة.
4- لما تفطر على حاجة زي كوب لبن و 3 بلحات إعرف أن ده مناسب جدًا بس ده مش زيرو_كالوري! يعنى ماتاخدهمش على مرة واحدة ومتحسش بنفسك غير بعد ثالث كوباية.
5- متستهونش بأهمية تعويض ماء الجسم، علشان متزودش صداع الجفاف وإنخفاض الضغط مع صداع نقص سكر الدم على صداع انسحاب الكافيين وكلهم فوق صداع الإمساك.
6- لو هتقلل النشويات من أكلك، شيل من الأرز والعيش والمكرونة براحتك،، بس مش الخضروات والفاكهة والحبوب.
7- أهم حاجة فى الحلو،، ميبقاش بعد الفطار على طول وميبقاش فى السحور.حاول يكون فاكهة أو عصائر تقريبًا بدون سكر ودائمًا خلى معاه بروتين زي اللبن أو الزبادي ومحصلش حاجة لو أخدت قطعة صغيرة من أي حاجة إنت عايزها،، مش كل يوم بس ماشي!
8- تخطط كويس لليوم اللى هتفطر فيه برة. إختار مطعم فيه مشويات وسلطات، خد معاك بلحك،، و معلش متاخدش بثمن القعدة حلو وعصير. كمل اكلك فاكهة لما تروح البيت. لو العزومة عند خالتك، ابعتلها إنت هتاكل إيه تعملهولك.
9- لو بتعمل ريجيم فى البيت لوحدك، إدعي لأهلك ربنا يهديهم وبعدين إتفق معاهم الحلويات تتجاب بالقطعة، بالكوباية، بالبرطمان،، كله يكون individualized.... بلاش صواني🙏🙏🙏
10- اليوم الفري بتاعك هو عبارة عن الحاجات الصغيرة اللي هتفلت منك كل يوم فى شكل بلح زيادة، واحدة او إثنين قطايف،، كام ملعقة أرز بالخلطة زيادة أو قطعة معجنات متعرفش جت إزاي فى طبقك.. صدقني ساعتها إنت مش محتاج "فري" يزود الحرق ولا يمنع الثبات ولا أي هري من ده.
كل سنة وإنتم طيبين، وربنا يعين كل واحد على ريجيمه 💪💪

أولًا: صيام الأطفال -لأول مرة- فى رمضان
إن طفلك يبتدي يصوم شهر رمضان بالكامل المفروض ده قرار مهم. طبعًا البداية بتكون على مراحل زي إنه يصوم عن الأكل بس والماء لأ، أو إنه يصوم نصف اليوم، أو حتى يوم كامل لكن مش أيام الشهر كله.
لو عدى من كل ده تمام، وأخدت القرار إنه هيصوم الشهر كامل يبقى:
1- فى الحر ده، أهم حاجة السوائل،، طول وقت الفطار تشربيه ماء، عصائر ولبن بدون سكر، وتأكليه حاجات زى الخس والخيار.
2- كدة كدة إنت طول السنة شايفه إن أكله مش كفاية،، مش هتيجي تزودى كمية أكله فى ربع عدد ساعات المتاحة للأكل. إهتمي بالأنواع مش الكميات.
3- خلى الفطار على بلح ولبن، الخشاف مالوش لزمة. وأكيد متسيبيش له إزازة الماء الساقع.
4- إعملى دائمًا شوربة خفيفة زي لسان عصفور أو شوربة خضروات علشان لوغلبتي يبقى تحطيله فيها قطع صغيرة من البروتين وخلاص.
5- متستسهليش المعجنات لإنك غالبًا مش هتعرفي تدي معاها الكفاية من البروتين والخضروات.
6- حاولى إنه ياخد من السلطة بس لو معرفتيش على الفطار يبقى مينفعش تشيليها من السحور خالص.
7- الحلى فاكهة مش حلويات. زي ماهو مهم أنه يغطى إحتياجاته من السعرات، مينفعش تسيبيه يغطيها من الحلويات الشرقية والسكريات الفارغة.
8- حاولى تعملى إنت حاجات زى أرز بالبن، كريم كراميل ومهلبية،، إعمليهم بسكر خفيف جدًا،، وخليهم دول بعد التراويح مثلًا. هيساعدوك فى إنك تديله كفايته من الألبان.
9- طبعًا السحور مهم، بس ميبقاش خناقة وطفلك غلبه النوم، وتصحيه بالخناق ويقعد متنح على السفرة وإنت تحاولى تحشري أي حاجة قبل الفجر،، هيكره الصيام وهيكره نفسه وهيكرهكم كلكم. خليه يتعشى قبل ما ينام وخلاص،، كدة كدة هيجوع.. كدة كدة هيعطش وزي ماتقولى كدة ده من أساسيات الصيام.
10- خلى القاعدة الأساسية إنك تسيبي طفلك يقرر هو قادر يكمل ولا لأ،، متخليهوش يكابر، متعمليهاش مسابقة، ماتقارنيش حتى ولوبينه وبين إخواته، بس متسيبيهوش يستهبل بردو وتطلعي إنت اللى قلبك خفيف!

رمضان بكرة وكل سنة وإنتم طيبين وكدة!
موسم كل اللى عايز أي resolutions من أي نوع،، وأكيد طبعًا فى الأكل: فبغض النظر عن أهدافك العظيمة، دول 10 حاجات هتبقى بتهزر لو عملتها فى رمضان:
1- تفطر على لتر ماء
2- تفطر على لتر خشاف
3- تفطر على نص صينية المكرونة
4- تقوم من الفطار ده على صينية الكنافة
5- ترجع من الصلاة على باقى صينية الكنافة
6- أو ترجع من الصلاة على باقى صينية المكرونة
7- تقضيها طول اليوم قطايف طيب
8- متتسحرش
9- تتسحر بطيخ
10- تتسحر مكرونة بالكنافة بالقطايف بالبطيخ.

I know it's been ages,
think of it as extended حصة احتطياتي...
علشان بحد "الميس" مفرومة
بس meanwhile, لو عندك سؤال، إسأل!

المكسرات دي حقيقي ثروة،، بس هتحتاج منك حاجتين:
1- ثروة بردو.
2- قدرة رهيبة على ضبط النفس.
لو متوفرين عندك، يبقى تمام،، نختار بقى هتجيب إيه وليه..

مميزات المكسرات عامة: مصادر كويسة للبروتين النباتي، الدهون الصحية، الكالسيوم (خاصة اللوز)، فيتامين ﻫ المضاد الأساسي للأكسدة، مضادات الإتهابات، الألياف وكذلك مواد أخرى مفيدة جداُ لصحة القلب والمخ ومنع الأثار الجانبية للتقدم فى العمر. المكسرات غنية بالحديد والزنك والمغنيسيوم فبالتالى مفيدة جدا للذاكرة. السودانى والبندق: فيهم نسبة كبيرة من حمض الفوليك، المهم جداً خاصة فى بداية الحمل وكذلك الحماية من أمراض كتير ومنها الأنيميا. حاجة زي البيكان مثلا فيها عنصر السيلينيوم اللى مقترح حالياً كمضاد لأمراض مثل السرطان، الألزهايمر، ومرض السكر.

حاجة مهمة: المكسرات بتحتوي على الدهون الغير مشبعة.. المشكلة إن النوع ده بيتأثر بالتصنيع ويتحول لأشكال مضرة... طيب الحل المثالى،، خد المكسرات النية.. بس مهم جداُ جداُ تكون محفوظه صح ومش معرضه لأي كائنات معدية زى الفطريات أو البكتريا المعدية علشان ساعتها بتبقى مشكلة كبيرة جداً.. البديل لو مش نية: محمصه بدون إضافة دهون.

يعني لو عايز وجبة بينية سريعة وتكون بديل سهل وفى نفس الوقت مفيد عن أى أكل الجاهز بتشتريه، أو بتحاول تقلل وزنك وعايز حاجة مفيدة وطعمها حلو، وبتشبع شوية، وتصبرك على الريجيم ككل،، يبقى كل يوم ممكن تاخد "حفنة" مكسرات وتاكلهم واحدة واحدة بس لحد ما تخلص فنجان القهوة وتبقى كدة تمام.

محدش محتاج يعمل دعاية لللبن. إنت لو بتشربه يبقى بس إتأكد إنك بتاخد كفايتك.. لو مبتشربهوش وبتاخد منتجاته زي الزبادي والجبن الأبيض يبقى تمام.. لو مبتاخدش أي حاجة من دول سواء بتعانى من درجة ولو بسيطة من حساسية اللبن أواللاكتوز أو فيجيتيريان ولا حاجة أو مجرد مزاج،، فى النهاية بتحاول تدور على بدائل.. اللبن فيه إيه أصلا:

الماء: عادي إشرب بداله.
بروتين اللبن: ممكن أي بروتين حيوانى كبديل ولو بجد فيجيتيرين يبقى تتعلم تختار بروتين نباتي صح.
الدهون: ده لو إنت مفتقدها يعنى، يفضل تاخدها من زيت الزيتون والمكسرات والبذور والأسماك.
الكربوهيدرات: أكيد إنت بتغطي إحتياجاتك منها من الفاكهة والخضار والنشويات أصلا.
الفيتامينات والمعادن: اللبن من أحسن مصادر الكالسيوم وفيتامين ب 12،، وشوية فيتامين ب2 والبوتاسيوم والماغنيسيوم بس اللبن ميعتبرش مصدر جيد لفيتامين د أصلاً (من غير ما يكون مضاف له فى التصنيع). بدائل المغذيات دي موجودين فى الفاكهة والخضروات والبذور والحبوب الكاملة.

فليه بقى كل الأمهات بتموت عيالها لو مشربتش اللبن؟؟!

علشان اللبن فيه كل الفوائد دي من غير مايكون فيه أي مواد مضرة ولا سعرات على الفاضي وده مش منطبق على كل الأغذية الأخرى. فهو حل مثالى لو بتحاول تحافظ أو تنقص وزنك.. بردو اللبن مفيد لو بتحاول تزود وزنك لإنه الحقيقة بيتقبل إضافه كمية متنوعة من السعرات اللانهائية...

كمان لو هندخل فى تفاصيل، بروتين اللبن تركيبه مختلف عن أي بروتين تانى وليه فوائد تتعدى بكتير دوره "كبروتين". واللبن بيبقى فيه مواد تانية وظيفتها حماية الجسم ومساعدة الجهاز المناعى لإنك لو فكرت فيها هو أصلاُ غذاء للطفل اللى لسة محتاج حماية مامته.

حاجة كمان،، أه صحيح المواد دي ليها بدائل بس معظم الفوائد بتاعتها بتكون راجعه لوجودهم "مع بعض" وبالنسب المعينه اللى فى اللبن...فإسمع كلام ماما وإشرب اللبن وكالعادة حاول تخليه