Tazkartak.com

تروح فين؟! 😉
• مسرح الفلكى:

• جوه الجامعة الأميركية وفي قلب ميدان التحرير، مسرح الفلكي وجهة مميزة لأنه دايما بيستضيف عروض مسرحية وموسيقية متنوعة.

• ولو أنت من الناس الي هتنظم حفل أو عرض قريب وبتدور على مكان فممكن تحجز مسرح الفلكي لعرضك ومفيش أحسن من كده! ☺️


#تذكرتك

تروح فين؟! 🤔
• مكان (المركز المصري للفنون والثقافة):

• متميز بالجو التراثي والشعبي في برامجه الموسيقية، ودايما فيه تجديد بالموسيقى التقليدية.

•ولو أنت من الناس الي بتستمتع بالعروض الشعبية فهتحب "مكان" جدًا خصوصًا إن فيه حفلات وعروض أسبوعية لفرق شعبية مختلفة. 😉


#تذكرتك

تروح فين؟! 😉
• دار الأوبرا المصرية :

•الأوبرا فعلا تعتبر مكان أساسى لكل للعروض الموسيقة المميزة وكمان عروض الباليه والمسرحيات والسيمفونيات وأكيد طبعًا الأوبرا!

•خلال الشهر ده هيكون فيه حفلات وعروض مميزة كتير؛ عندك مثلا يوم الخميس 18 يناير، حفل "يلا نغني" لفرقة مونت كايرو والي هيقدموا فيه مجموعة من الأغاني العربية القديمة مع التجديد بالألحان والتوزيع.

•وفيه حفل اوركسترا كمان لسيمفونيات بيتهوفن يومي السبت 20 و27 يناير.

•ولو بتحب تستمتع بجو العروض المسرحية فهيكون فيه عرض "أحمس" لفرقة الرقص المسرحي الحديث وهتشارك فيه الفنانة فردوس عبدالحميد وهيكون العرض في الفترة من الأربعاء 24 يناير لحد الجمعة 26 يناير.

•ممكن تدخلوا على صفحة دار الأوبرا المصرية وتشوفوا كل الايفينتات والحفلات الجاية بالمواعيد والاسعار! 💪😉


#تذكرتك

تروح فين؟! 🤔
• مسرح الجنينة:

•هو عبارة عن واحد من المناطق الثقافية المميزة بقلب القاهرة خصوصًا انه بيستضيف حفلات متنوعة كتير.

•سنة 2017 كانت حافلة بحفلات كتير من الفرق الموسيقية المميزة زي كود مصر ودكان وفرقة بهية وفرقة هوس وفريق ملاذ وغيرهم كتير وكل ده كانت بقلب مسرح الجنينة.
•الحفلات بمسرح الجنينة هتبدأ تاني ابتداءً من شهر إبريل الجاي.😉

تروح فين؟! 😉💪
• ساقية عبد المنعم الصاوى:

• دايمًا معروفة باستضافتها لكتير من الايفينتات والحفلات وكمان معارض وعروض مسرحية، وده الي خلالها وجهة أساسية لكتير من الشباب بمصر.

• ساقية الصاوي بتتميز إن دايما فيها حفلات وايفينتات بشكل أسبوعي، ساقية الصاوي عادة بتكون الايفينتات بيها بأسعار معقولة جدًا.

• خلال الشهر ده هيكون في أكتر من ايفينت بالساقية زي حفل كايروكي الخميس 18 ينايرو، حفل رترو الشعري الغنائي والي هيكون بنفس اليوم، وكمان حفل الفنان علي الهلباوي يوم الاحد 21 يناير، ده غير حفلة لفريق " ايجبشن بروجكت" يوم الجمعة 26 يناير.

• ممكن تدخلوا عالموقع الخاص بساقية الصاوي وتشوفوا كل الايفينتات بالمواعيد وممكن كمان تحجزوا من خلالها. ☺️💪
www.culturewheel.com

الواحد دايما بيحتار ممكن يروح فين لما يحب يقضي وقت مفيد وممتع! 🤔

عشان كده في البوست ده جمعنا ليكم خمسة من أفضل الاماكن بمصر للحفلات والايفينتات عموماً.. 💪

واديناكم بردو شوية تفاصيل عن أي ايفنتات قريبة هيعملوها! 😉



#تذكرتك