Smart Solutions technologies

في أقل من ٢٤ ساعة… مدينة بحجم القاهرة اتحولت لغرفة تحكم واحدة!

طفلة رضيعة تُختطف… خاطفة بتحاول تمسح أثرها بذكاء:
٦ مواصلات… ٧ شوارع رئيسية… أكتر من ٦٠ كم حركة… تخفي كامل للهوية بالنقاب…

لكن في المقابل؟
منظومة مراقبة + تحليل + ربط بيانات اشتغلت بصمت… لحد ما رجّعت الطفلة لأهلها.

السؤال الحقيقي هنا مش “إزاي اتمسكت؟”
السؤال: إزاي الكاميرات قدرت تتبع شخص ملامحه مخفية بالكامل؟

خلّيني أقولك الإجابة بشكل تقني 👇

---

🔴 أولاً: الكاميرات مش مجرد “تصوير”… دي Data Sensors
كاميرات المراقبة الحديثة (IP Cameras) مش بتسجل فيديو بس، دي بتطلع Metadata زي:

- اتجاه الحركة
- سرعة الشخص
- لون الملابس
- نوع الجسم (Body Profile)
- توقيت دقيق (Timestamp)

---

🔴 ثانياً: تتبع بدون وجه (Non-Facial Tracking)
حتى مع إخفاء الوجه، الأنظمة الحديثة بتستخدم:

- Behavior Analysis → نمط المشي والحركة (Gait Recognition)
- Clothing Signature → لون وشكل اللبس
- Object Tracking → شنطة / بطانية / حاجة شايلها

يعني الشخص بيتحول لـ “بصمة حركة” مش مجرد وجه.

---

🔴 ثالثاً: الربط بين الكاميرات (Camera Handover)
هنا السحر الحقيقي 🔥
كل كاميرا بتسلم التراك للي بعدها بناءً على:

- اتجاه الخروج
- التوقيت
- سرعة الحركة

وده بيعمل Continuous Tracking حتى لو غيرت وسيلة المواصلات.

---

🔴 رابعاً: تحليل خطوط السير (Path Reconstruction)
من خلال تفريغ ١٢٢ كاميرا، بيتم:

- رسم مسار زمني كامل
- تحديد نقاط التحويل (مواصلات – نزول – صعود)
- توقع الوجهة النهائية باستخدام Pattern Prediction

---

🔴 خامساً: دور العنصر البشري (Human Intelligence)
التكنولوجيا لوحدها مش كفاية 👇
٢٢ ظابط قدروا:

- يربطوا بين لقطات متفرقة
- يلاحظوا تفاصيل صغيرة جدًا
- يسرّعوا اتخاذ القرار

📌 المعادلة الحقيقية:
AI + Cameras + Human Brain = Result

---

🔴 سادساً: ليه العملية دي صعبة جداً؟

- إخفاء الوجه بالكامل
- تغيير وسائل النقل
- الحركة عبر مناطق مختلفة
- ضغط الوقت (طفلة حديثة الولادة)

ومع ذلك… تم حلها خلال ٢٢ ساعة فقط!

---

💡 الخلاصة الفنية:
أنظمة المراقبة الحديثة مش بس بتسجل الجريمة…
دي بتمنعها، تقلل زمنها، وتحوّل الهروب لمعادلة شبه مستحيلة.

📡 المستقبل؟

- Smart Cities
- AI Surveillance
- Real-time Tracking

وده معناه إن أي نقطة في البلد ممكن تتحول لنقطة مراقبة ذكية.

---

وفي النهاية…
اللي حصل مش مجرد واقعة…
ده درس تقني كامل في قوة التكامل بين التكنولوجيا والعنصر البشري.

---




Smart Solutions technologies


















#هندسة
#تقنية
#شبكات

When you control it easily and quickly, it is the ultimate luxury
For more information contact us
+201115717354

Control your things Smartly and easily

20 نصيحة تانى لازم لازم تاخد بالك منها ف تأسيس كهرباء اى شقة 😉👌

﴿ 1 ﴾ اهم حاجه تكون عارف هتفرش الشقة ازاى

﴿ 2 ﴾ لازم الكهربائي يأخذ شيرب للشقه بميزان خرطوم الشيرب او ميزان الليزر عشان يوحد ارتفاع كل علب ومخارج الكهربة ف الشقة

﴿ 3 ﴾ اعمل حساب خط تكييف فى كل area حتى لو مش هتركب التكييفات ويفضل تكون المفاتيح بتاعتها نايمه مش واقفه هتكون اشيك ع ارتفاع 120cm بسلك 4مم سويدى تمام اوى عليها

﴿ 4 ﴾ اعمل حساب كشافات الطوارئ فى كل الشقة احسن ما تعمل بواط لتجميع اسلاك التيار الخفيف بسلك 1.5مم ع ارتفاع 30cm تحت الجبس او 45cm م السقف ولو ارتفاع الشقة اكتر م 3م يبقى ع ارتفاع 2.5م م التشطيب

﴿ 5 ﴾ اعمل حساب كاميرا مراقبه امام باب الشقه على الاقل

﴿ 6 ﴾ اطلب من الكهربائي سلك الدش يكون فى خرطوم لوحده والسلك واصل لحد الطبق بدون لحام لكل غرف لوحدها علشان الاشاره تكون100%

﴿ 7 ﴾ اعمل جرس من المطبخ للانتريه لو حابب علشان محدش ينادى عليك وانت مع ضيوفك وعلبة مفتاح الجرس قدام الشقة لازم يكون فيه خط ارضى بسلك 1.5مم او 2مم

﴿ 8 ﴾ اعمل حساب ديفاتير ومفتاح اربعة طرف فى غرف النوم للطرقه لو فيه او حساس حركة ف الطرقة ويكون ف علبة الحساس خط ارضى

﴿ 9 ﴾ اعمل حساب الليد بين واحدات المطبخ والدرسنج ودواليب الغرف

﴿ 10 ﴾ اعمل لكل area خط للاناره بسلك 2مم وخط للبرايز بسلك 3مم وخط للتكييف بسلك 4مم وخط للغسالة وخط للسخان وخط لل ميكرويف بسلك 4مم وباقي المطبخ من خطين الي ثلاث خطوط بسلك 3مم و راجع الانارة سلك 1.5مم ومناولة البرايز لكل area 2mm فما عدا المطبخ

﴿ 11 ﴾ بلاش تركيب بواط لتجميع اسلاك الدش والتليفون وسلك النت الافضل لوحه الخدمات من فينوس ولو الإمكانية متسمحش ممكن لوحه ١٢خط عاديه

﴿ 12 ﴾ متنساش تأسس ل dvr الكاميرات و Sound system وتجميعهم ف نفس لوحة الخدمات

﴿ 13 ﴾ متنساش يبقى فيه علبة جنب حوض الحمام ع ارتفاع 120cm يكون فيها بريزة ومفتاح انارة المراية او ابليج فوق الحوض وتشغيل الشفاط

﴿ 14 ﴾ متناسش تعمل علبة لمفتاح السخان جنب علبة مفاتيح الانارة او تحتها غير علبة بريزة السخان او مخرج تغذية السخان

﴿ 15 ﴾ متنساش تعمل علبة ف كل area جايبة خط م لوحة الخدمات حتى لو مش هتستخدمها دلوقتى وتطلع بيها فوق الجبس عشان ربط ال sound system والداتا والتلفون تكون مفصولة تماما عن علب وخطوط الكهربة

﴿ 16 ﴾ الافضل تعمل علبتين للشاشة مش علبة واحد جنب بعض مش فوق بعض عشان ماتدخلش سلك الدش او الداتا ع علبة الكهربة تبعد عن سنتر الشاشة 20cm

﴿ 17 ﴾ اعمل حساب السقف المعلق حتى لو مش هتعمله دلوقتى ولو هتعمل رسمة بالجبس ف نص ال area لازم تحدد الشكل بأبعاده عشان يتعمل حسابة ف تغذية الانارة

﴿ 18 ﴾ ماتنساش تعمل حساب ماتور المياه بمفتاح نايم مش واقف ف المطبخ ع ارتفاح 120cm واعمل حسابة ع مفتاح اوتوماتك لوحده ف اللوحة بسلك 2مم

﴿ 19 ﴾ بعد انتهاء تأسيس الكهرباء للمرحلة الأولي صور الشغل كله قبل المحارة وهو لسه خراطيم عالحيطه علشان بعد كده لما تعلق براويز اوهتخرم فالحيطه لأي سبب ماتخرمش فى اي خراطيم او اسلاك في الحائط

﴿ 20 ﴾ اطلب من الكهربائي بعد ما يركب الخراطيم والسلك ينور الشقه كلها علشان الصنايعيه تعرف تشتغل ويركب بريزة أو اثنين علشان اي صنيعى هيحتاجها في أي معدة

ملاحظات مهمة ⚠️

◀️ إرتفاع مفاتيح الإنارة من 115cm الي 120cm
◀️ إرتفاع البرايز من 30cm الي 40cm
◀️ إرتفاع برايز الكومود 55cm الي 70cm
◀️ إرتفاع برايز المطبخ 120cm
◀️ إرتفاع برايز كل من غسالة الملابس والبوتاجاز وفلتر المياه من 50cm الى 70cm
◀️ إرتفاع الشفاط الهرمى 170cm
◀️ ابليج حوض الحمام او المراية الليد وعلبة الشفاط وبريزه او مخرج السخان 180cm
◀️ الشفاط ال بيركب ف الشباك مفتاحة ف العلبة ال جنب الحوض ع إرتفاع 120cm

ملحوظة مهمة جدا كل الارتفاعات دي بعد السيراميك

نقوم بأعمال التأسيس والتشطيب لجميع الأنظمة الكهربائية داخل المبنى👷🏻‍♂️

1- اضاءه 💡
2- كاميرات المراقبة 📹
3- الإنتركم المرئي والصوتي
4-اذاعه داخليه(sound system) 🔊
5- نقاط data 💻
6- نظام إنذار السرقة
7- نظام إنذار الحريق 🔥
8- الدش المركزي
9- تأسيس التكييف
10- المنزل الذكي(smart home)🏠

يمكنك التعاقد على جميع الأنظمة السابقة داخل منزلك، أو التعاقد على عدة أنظمة فقط، أو حتى التعاقد على نظام واحد سواء للتأسيس والتشطيب أو للتشطيب فقط.

يتم تحديد موعد للمعاينة وعمل المقاييس الفنية والمالية والاتفاق على موعد البدء.

للتواصل 📩 أو الاتصال علي
01066071368
01115717354

كل عام وانتم بخير
Smart Solutions technologies

نصيحه قبل ما تشطب شقتك.

1. حاول تخطط لكل تفصيله قبل التنفيذ عشان ترتاح.

2. ارسم فرش افتراضي للشقة عشان تقدر تحدد أماكن مخارج الكهربا و السباكة صح.

3. المطبخ من أهم الفراغات في الشقة بلاش تضيق مساحته عشان توسع الريسبشن.

4. حاول توسع المطبخ على قد ماتقدر.

5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة.

6. اهتم بالليفينج أكتر من الريسيبشن.

7. مش لازم تجيب بوفيه و نيش.. الجزامة أهم.

8. الدييب فريزر و المايكروويف أساسيات أكتر من الصيني اللي ماحدش بيستخدمه.

9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.

10. البورسلين قطع الليزر في مصر أثبت فشله.. هات سيراميك نوع كويس أفضل.

11. سيراميك الجوهرة أفضل من كليوباترا بمراحل.

12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.

13. لو ما اخترتش البورسلين صح و ركبته صح هيفك من الأرض بعد سنتين (ده لو كمل )

14. لو حابب تدلع شقتك ركب hdf في الغرف.. هتنبسط.

15. لو مش حابب تدلع شقتك على الأقل ركب hdf في غرفة النوم.. صدقني هتنبسط.

16. لو شقتك مجروحة من الجيران ماتنساش الستاير البلاك أوت.

17. البراقع و البلتكنات اللي حماتك هتختارها دي بطلت من 15 سنة.

18. الدهانات السبونج مش أحلى حاجة في الدنيا.

19. ورق الحائط الـ 3d هايل بس ماتكترش منه.

20. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.

21. الشبابيك الألومينيوم عملية أكتر من الشبابيك الخشب.

22. لو هتركب شبابيك ألومينيوم إختار أي قطاع غير قطاع السعد.

23. الألومينيوم بيتدهن ألوان كتير غير البيج و الأوف وايت على فكرة.

24. لو معاك فلوس ركب شاتر على الشبابيك الألومينيوم.

25. غرفة النوم الرئيسية ركب للشباك بتاعها زجاج دبل.

26. عدي النقطة اللي فاتت و مش لازم تعرف السبب.

27. حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.

28. الشبابيك الجرار بتساعد على سهولة الفرش و لكن بتقلل الإضاءة و التهوية.

29. الشبابيك المفصلية بتزود الإضاءة و التهوية بس هتصعب عليك الفرش.

30. لو شقتك واسعة اعمل شبابيك مفصلي و لو ضيقة اعمل الشبابيك جرار.

31. الشبابيك الـ pvc جميلة و بتعيش.

32. لو شقتك في منطقة مقطوعة ركب كاميرات خارجية مابتتكلفش كتير على فكرة.

33. ماتجيبش نيش.

34. معابر الأبواب مهمة عشان بتمنع الصوت و الضوء و الحشرات.

35. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.

36. خلي النجار يركبلك جوانات كاوتش لكل الأبواب عشان بتمنع التراب و الصوت.

37. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.

38. الجيبسوم بورد بيتعمل بيه حاجات كتير غير الأسقف على فكرة.

39. الجيبسوم بورد حاجة أساسية بس تستخدمه صح لما تحتاجه.

40. أكتر حاجة هتخلي شقتك شيك هي توزيع الإضاءة صح.. خلي حد متخصص يوزعلك الإضاءة.

41. اهتم إنك تشتري شفاط محترم للمطبخ.

42. الشفاط اللي بيركب فوق البوتاجاز شكله حلو و شيك و بس.

43. ماتركبش في الأرضيات السيراميك المستطيل اللي شبه الباركية عشان بيقوس و بيجير.

44. لو عاجبك السيراميك اللي شبه الباركية ركب hdf هتتبسط صدقني.

45. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.

46. اعمل حسابك لتأسيس التكييف حتى لو مش هتشتري تكيييف.

47. بلاش دهانات مط و بلاش دهانات لامع.. النص لمعة أو الربع لمعة أشيك بكتير.

48. آخر صيحة في الديكورات حالياً هي الأسقف السترتش اللامعة.

49. لو عاوز تدلع مكان معين في شقتك ممكن تعمل ديكورات بـ CNC .

50. اختار كل حاجة قبل ماتبدأ تنفيذ أي حاجة.. دي قاعدة أساسية.

51. أسس اسكيب و شطب جوتن.. ده في الدهانات.

52. مافيش أشيك ولا أرقى من الدهانات السادة بس تختار الألوان صح.

53. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.

54. أي حاجة مط بيبان عليها التراب.. لازم تبقى عارف ده كويس.

55. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.

56. القاعدة الذهبية في إختيار أكر و كوالين الأبواب " الغالي رخيص"

57. القاعدة اللي فاتت دي برضه تنطبق على الخلاطات و الإكسسوار و النواكل.

58. الزجاج العاكس للشبابيك بيحجب 50% من الإضاءة.

59. الزجاج العاكس للشبابيك بيعكس الصبح بس مابيعكسش بالليل.

60. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.

61. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.

62. لو هتجيب سخان كهرباء هات سعته كبيرة.

63. السخان الفوري مناسب بس في المطبخ لأنه بيستهلك كهرباء كتير.

64. في تأسيس الكهرباء ماتشتغلش غير بسلك السويدي الأصلي.

65. في تأسيس السباكة مواسير التغذية أكواثيرم أو باننجر أو BR و مواسير الصرف الشريف وسمارت.

66. رخامة المطبخ هاتها جرانيت مش رخام.

67. الأحواض و القاعدة المعلقة بيدوا وسع للحمام و أسهل في النضافة.

68. إشتري الخلاطات و الصيني و النواكل للحمام و المطبخ قبل ما السباك يأسس.

69. لو بياض المحارة وحش و فيه مطبات أو شرخ حاول تعالجه قبل الدهانات.

70. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.

71. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.

72. لو مش هتركب باب مصفح لباب الشقة يبقى يفضل تعمل باب حديد حماية.

73. ماتنساش تركب سلك لكل الشبابيك عشان الحشرات.

74. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.

75. لو عندك غرفة أطفال.. ادهنها لون يمشي أولادي أو بناتي.

76. قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.

77. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.

78. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.

79. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.

80. البيبة في المطبخ حلوة عشان التنضيف و وحشة عشان الحشرات و الروائح و السدد.

81. الكرانيش الجاهزة (فيوتك)

82. بلاش أباجورة جنب السرير.. ركب 2 أبليك على الحيطة أجمل و أشيك.

83. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.

84. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.

85. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.

86. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.

87. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.

88. ركب فلتر في المطبخ عشان مية الشرب في مصر غير صالحة للشرب.

89. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.

90. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.

91. إعزل الحمام و المطبخ عزل أسمنتي أسهل و أفضل و أرخص.

92. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.

93. ماتنساش تركب منشر في مكان بيوصله شمس عشان مهم.

94. لو شقتك راكب فيها أبواب وحشة و مش معاك فلوس تغيرها ركبلها وشوش MDF .

95. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.

96. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.

97. اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير..
Smart Solutions technologies

ﻣﻔﺘﺎﺡ ﺍﻻﺭﺙ ﻟﻴﻜﺞ Earth leakage
ﻧﺒﺬ ﻣﺨﺘﺼﺮﺓ ﻋﻦ ﻣﻔﺘﺎﺡ ﺍﻟﺘﺎﺭﻳﺾ
ﻫﻮ ﻋﺒﺎﺭﺓ ﻋﻦ ﻣﻔﺘﺎﺡ ﺣﺴﺎﺱ ﺟﺪ ﺍ ﻋﻨﺪﻣﺎ ﻳﺤﺲ ﺑﺎﻯ ﺗﺴﺮﻳﺐ ﻓﻰ ﺍﻟﺘﻴﺎﺭ
ﻳﻔﺼﻞ ﻭﻫﻮ ﺣﻤﺎﻳﺔ ﻟﻼﻧﺴﺎﻥ ﻣﻦ ﺍﻟﺘﻌﺮﺽ ﻟﻠﺼﺪﻣﺎﺕ ﺍﻟﻜﻬﺮﺑﻴﺔ
ﻭﻳﻮﺟﺪ ﻣﻨﻪ ﻧﻮﻋﺎﻥ ﻧﻮﻉ 30maﻭﻫﺬﺍ ﺍﻟﻨﻮﻉ ﺍﻭ ﺍﻟﻤﻔﺘﺎﺡ ﻳﺤﻤﻰ ﺍﻻﻧﺴﺎﻥ
ﻭﺍﻻﺧﺮ ﻫﻮ 300maﻭﻫﺬﺍ ﻟﺤﻤﺎﻳﺔ ﺍﻻﻻﺕ ﻭﺍﻟﻤﻌﺪﺍﺕ
ﺍﻳﻀﺎ ﻳﻈﻬﺮ ﺍﻻﺧﻄﺎﺀ ﻓﻰ ﺍﻟﺘﻮﺻﻴﻼﺕ ﺍﻟﻜﻬﺮﺑﺎﻳﺌﺔ ﻓﺎﻥ ﻓﻰ
ﺻﻨﺎﻋﺔ ﺷﺮﻭﻁ ﺍﻻﻣﺎﻥ ﻋﻠﻴﻪ ﺟﺪﺍ
ﺍﻟﻤﻨﺎﺯﻝ ﻓﻰ ﺗﻮﺻﻴﻞ ﺍﻟﺴﺨﺎﻥ ﻭﺍﻟﻐﺴﺎﻻﺕ ﻭﺑﻌﺾ ﺍﻻﻻﺕ ﺍﻟﺘﻰ ﺗﻌﻤﻞ ﺑﻬﺎ ﻣﻴﺎﻩ
ﻭ ﻋﻨﺪﻣﺎ ﻳﻮﺻﻞ ﺑﺎﻟﻜﻬﺮﺑﺎﺀ ﻳﻮﺻﻞ ﺍﻳﻀﺎ ﻣﻌﻪ ﺍﻟﻨﻴﻮﺗﺮﺍﻝ ﺍﻭ ﺧﻂ
ﺍﻟﺘﻌﺎﺩﻝ ﻭﻓﻰ 3 ﻓﺎﺯ ﻳﻮﺻﻞ ﺍﻳﻀﺎ ﺧﻂ ﺍﻟﺘﻌﺎﺩﻝ
وهوبيركب مع لوحه التحكم ولايمكن رفع مفتاح السكينه الا إذا كان التوصيل سليم