Dalilak

عيد أضحى مبارك و ينعاد علينا وعليكم بسعادة و صحه و نجاح يارب..
كل عام و أنتم بخير يا خضر

افتتح الرئيس عبد الفتاح السيسي القطار الكهربي الخفيف واللي هايمر ب١٢ محطة
من أول عدلي منصور لحد العاصمة الإدارية
والمحطات هي (محطة عدلى منصور – محطة العبور- المستقبل – الشروق – هليوبوليس الجديدة- بدر – الروبيكى- حدائق العاصمة- مطار العاصمة- مدينة الفنون والثقافة)

ومن اول عدلي منصور لحد مدينة العاشر
والمحطات هي (محطة عدلى منصور – محطة العبور- المستقبل – الشروق – هيليوبوليس الجديدة- بدر – المنطقة الصناعية – مدينة المعرفة) بعدين هايكمل في المرحلة الرابعة داخل مدينة العاشر في (غرب العاشر – العاشر من رمضان – مركز المدينة)

وكل قطر فيه ٦ عربيات وفيه عربيات مخصصة للسيدات

بالنسبة للاسعار
سعر ٣ محطات ١٥ جنيه
سعر التذكرة حتى ٥ محطات ٢٠جنيه
سعر التذكرة حتى ٧ محطات ٢٥ جنيه
سعر التذكرة حتى ٩ محطات ٣٥ جنيه

على فين يوم ١٣\٨ احنا نقولك!

"معركة حلوان باتمان الحقيقي" ايه الموضوع دا!؟
مجموعه وطاويط كل واحد مصدق انه باتمان الحقيقي فقرروا يحسموا الموضوع وينزلوا يوم ١٣\ ٨ في حلوان يعملوا معركة واخر باتمان هايتبقي هايكون باتمان حقيقي
المرعب انهم عملوا ايفنت علي الفيس بوك اسمه "معركة حلوان باتمان الحقيقي" وفي خلال كام يوم بقي فيه اكتر من ٥٠ الف شخص تفاعلوا مع الايفنت.

IHOP

دلوقتي تقدر تجرب الفطار الامريكي الكلاسيك الشهير من IHOP عشان اخيرا هايفتح فرع في مصر يوم ٢٧ يونيو
سلسله المطاعم دي موجودة من سنه ١٩٥٨ وليها اكتر من ١٨٠٠ فرع علي مستوي العالم والوطن العربي ومشهور جدا بال Pancakes ووجبات الفطار.

فيلم الأسبوع
كيرة والجن.. الفيلم المنتظر، اجدد فيلم اكشن في مصر واللي هيبتدي عرضه يوم ٣٠\٦ واللي هايكون عليه اقبال كتير جدا من الجمهور
وبيحكي عن أحداث ثورة ١٩١٩ للكاتب أحمد مراد.

الفيلم فيه نجوم كبار كتير جدا زي كريم عبد العزيز، احمد عز، عبلة كامل، هند صبري، امينة خليل، احمد مالك وإياد ناصر ونجوم تانيين.
والمتوقع أن الفيلم هيكون حلو جدا لاننا شفنا كريم عبد العزيز وأحمد مراد في الفيل الأزرق حقق نجاح كبير جدا وفيه توقعات عالية ان تجربتهم في كيرة والجن هتكون على نفس المستوى .

تقدر تحجز تذكرتك دلوقتي من اللينك دا
https://tinyurl.com/mwmp66s

و منشنو حد عايزين تتفرجو على الفيلم معاه.

National Museum of Egyptian Civilization NMEC المتحف القومي للحضارة المصرية

على فين..احنا نقولك!

من غير طياره المكان دا هايخدك في رحلة تاريخيه على مر العصور والفترات اللي اثرت في الحضارة المصرية من العصر الفرعوني واليوناني والروماني مرورا بالعصر القبطي والاسلامي لحد العصر الحديث والمعاصر!

المتحف كمان فيه بحيرة جميلة جدا وموقعه متميز وفيه حوالي ٤٠٠ قطعه اثرية

مواعيد الزيارة من ٩ صباحا حتي ٥ مساء

سعر التذكرة ٦٠ جنية للمصري و٢٠٠ جنيه للأجنبي
والطلاب ٣٠ جنية للمصري و١٠٠ جنية للأجنبي

Zawya

على فين..احنا نقولك!

تعالو نقول لكم علي تجربة جديدة ومختلفة من نوعها، لكل محبين الأفلام الإيطالية ، دلوقتي من يوم ٢٢ يونيو حتى ٥ يوليو
سينما زاوية هاتعرض مجموعه الافلام الايطالية الحديثه وكمان هايعرضوا أعمال للفنان والشاعر والمخرج السينمائي الراديكالي بيير باولو بازوليني.

دا لينك الايفنت لو حابين تعرفو تفاصيل اكتر
https://tinyurl.com/bhsv32xx

العنوان: 15 ش عماد الدين، وسط البلد، القاهرة

ودا رقمهم: 01014331779

Family Park - New Cairo

على فين..احنا نقولك!

خروجه اخر الاسبوع تحت ال100 جنية!
حديقة الأسرة في الرحاب.

80 فدان من المساحات الخضرا والطبيعة من اجمل الاماكن ليك ولاولادك
دا غير الانشطه الثقافيه والترفيهية زي المسرح والالعاب وورش الاطفال والطفطف وسنيما 3D
وحاجات تانيه كتير، كمان فيها حديقة حيوان وبتضم متحف حربي

مواعيد الحديقة من الساعة 9 صباحًا إلى الساعة 10 مساءً
سعر التذكرة
من يوم الأحد إلى الخميس 60 جنيه
الجمعة والسبت 70 جنيه

اللوكيشن:
الكيلو 26 طريق القاهرة، السويس الصحراوي، المدخل الثاني لمدينة الرحاب
https://goo.gl/maps/Z3PXec3io2vtTNn9A

Qahwet Ouf

على فين..! احنا نقولك

خصم ٢٥٪ من Dalilak في قهوة عوف على المنيو كله!
من يوم ٨ يونيو لحد ١٨ يونيو ٢٠٢٢

عملنا زيارة تانيه نتغدي في قهوة عوف و اتفاجئنا انه بيعمل فطار فكان لازم نجربه
طلبنا Good morning breakfast واللي عبارة عن "أومليت، جبنة بيضا، عسل، مربى، تركي مدخن، زبدة، خضار فريش وتوست محمص".
واتفاجئنا جدا الصراحة من الكواليتي العالية، الفطار كان حلو جدا، التسوية مظبوطة، الطعم حلو اوي وشكله يفتح النفس ودا كله ب ٧٠ جنيه بس!.

طلبنا معاه عصاير وكانت كلها بيور وفريش وال Drinks سعرها بيبدأ من ٢٠ جنيه واغلى حاجه ب٤٥ جنيه.
والفطار من الساعة ٩ الصبح لحد الساعة ١ مساء.

والغدا بقي حبينا نجرب اصناف متنوعة "الباستا ، برجر، بيتزا ، سندويشات ، حواوشي و مقبلات"
المقبلات جربنا Fried Mozzarella وكانت كرسبي و مقرمشة و متبلة حلو جدا و بينزل معاها Sweet Chili sauce.

السندوتشات جربنا الكفتة والشيش، السندوتش حجمه كان ضخم، وطعمه لذيذ جدا وبيشبع وسعره ٤٥ جنيه و بيتقدم معاه طحينة وبطاطس.
الحواوشي كان مليان لحمة، ولو بتحب الاكل ال Spicy ممكن تطلبه مشطشط وبيعملوه مظبوط جدا و بينزل معاه طحينة وبطاطس وسعره ٤٠ جنيه.

الباستا جربنا الفريدو و بولونيز
الالفريدو كانت كريمي وغنيه وكميتها كبيرة جدا ، كمان قطع الفراخ كبيرة و متشوحة حلوة جدا من اكتر الحاجات اللي عجبتنا
وكمان البولونيز كان طعمها وتتبيلتها مميزة واغلي طبق ب٦٦ جنية

البرجر جربنا برجر عوف و بينزل معاه بطاطس ومخلل، اللحمة مستوية مظبوط و البطاطس مقرمشة و متبلة حلو اوي.

اخيرا بقي ودي من اكتر الحاجات اللي المميزة
بيتزا فايف تشيز
ودي ٥ انواع جبن "ريكفورد، شيدر، فيتا، موزاريلا ورومى" ودي لعشاق الجبن كانت تحفة فنية العجينة طرية ومضبوطة وطعمها كان رهيب.
كمان جربنا بيتزا باربكيو الفراخ كانت كتيرة وحجمها كبير ودخلنا المطبخ و اتفرجنا علي الشيف وهو بيشوح الفراخ، وهانزلكوا فيديو من جوا المطعم عشان تشوفوا بنفسكم.

الحلويات جربنا الايس كريم و سلطة الفواكهه وتشيز كيك و مولتن كيك وخليني اقولكوا ان الفاكهه كلها فريش والحلو حلو مفيهوش كلام.

المميز في المكان ان الاطعمة كانت مختلفة جدا تناسب أذواق كتير حلو وحادق، كمان كميات الاكل كانت كبيرة والمكان نضيف جدا والاسعار كلها تحت ال١٠٠ جنية.

المميز كمان فيه شاشه عرض ٢٠٠ بوصه يعني مكانك في الماتشات.

اللوكيشن: شارع الميرغني - مصر الجديدة امام ماكدونالذ.
https://tinyurl.com/ywpmp324

رقمهم: 01006777773

وعشان تلحق الخصم كل اللي عليك انك تسجل رقم الواتساب
https://tinyurl.com/ywpmp324
بأسم "Dalilak" وابعتلنا رسالة بأسمك عشان يوصلك رسالة الخصم.
كمان اعرف شروط المسابقة عشان تكسب فاوتشر من قهوة عوف قيمته ٢٥٠ جنية

احلي فطار في مصر الجديدة!

يا تري فين المكان دا؟