Roro

عجبتنى اوووى 🌹

مش كل حاجه توحشك ينفع ترجعي لها تاني، في حاجات ماكنتش تستاهل تدخل حياتك من الأول.

لما تيجي تحني لازم تفتكري كذب البدايات وان كل شئ فجأة أتغير وحياتك بقت عذاب افتكري القسوة والإهانات، الخذلان، والتجاوزات، الوعود اللي مكنتش حقيقية، وان اتكسر جواكي حاجة مش سهل تتعافي منها.

أصعب أنواع الفراق هو اللي بييجي وإنتي لسه بتحبي الشخص اللي وجعك وظلمك، عارفه يعني إيه قلبك لسه متعلق بيه، ولسه بيوحشك، ومع ذلك عقلك كل شوية يفكرك إنك اتظلمتي، إنك اتكسرتي، إنك اتجرحتي من نفس الإيد اللي كنتي ماسكها عشان تحسي بالأمان.

الحنين خبيث جدًا، بيخليكي تفتكري الحلو وتنسي الوحش، يخليكي تحني لصورة مش كاملة، لجزء من الحكاية وتنسى بقية الصفحات اللي كلها وجع ولما تستسلمي وتقولي "طب أجرب أرجع يمكن الأمور تتصلح"، تلاقي نفسك واقفه قدام نفس الوجع، بنفس التفاصيل، وبنفس النهاية المؤلمة

مشكلة الفراق، إن القلب مش بيبطل حب، ولا النسيان زرار بندوس عليه ونخلص.. بتلاقي نفسك واقفه بين الحنين وبين اللي حصلك.. بين انه وحشك وكرامتك بتقولك متقربيش كفاية لحد كده، لان اللي حصل ماكنش قليل دي حياة ونفسية وحاجات تانيه خربت بكل تفاصيلها.

# #منقوله

اوعى تنهي أي علاقة غير بعد ما تستنفذ كل الفُرَص ..
اوعى تمشي وانت فيه جواك إحساس بيقولك

"مش كُنا استنينا شوية كمان" ..

خُدها قاعدة في حياتك سواء في شغل أو علاقات،
ماتمشيش من مكان غير وانت متأكد إنك مش هترجع تبُص وراك عليه تاني مهما حصل ومهما استعطفك

فيه جملة بحبها أوي بتقول :
" اللي علاقتك بيه لازم تتقطع اديله انت #المقص"
عارف ايه هو المقص ؟
إنك تسيبه #يمسح مواقفه الحلوة معاك #بأستيكة #أفعاله.👌

# #بخير

الاستغناء ليس عنادًا ولا قسوة، بل هو قناعة داخلية بأنك تستحق الأفضل دائمًا.
عندما تدرك أن سعادتك وقيمتك لا تعتمد على الآخرين أو على الأشياء المادية، ستجد نفسك أقوى وأقدر على مواجهة الحياة.
الاستغناء لا يعني التخلي عن الأحلام أو الأشخاص المحبين، بل يعني التحرر من التعلّق بما يؤذيك أو يقيّدك.
استغنِي عن العلاقات السامة.
استغني عن التردد والخوف.
استغنِي عن أي شيء يجعلك أقل من نفسك الحقيقية.
تذكّر: أنت محور حياتك، وكل ما تحتاجه موجود بداخلك.وروحك الطيبة هي اغلى كنز تملك

"متزعليش ، فى ناس مكانش ليهم إنهم يبقوا فى حياتك من الأساس ، لكن دخلوهم كان بترتيب من ربنا لك ، عشان تتعلمي بسببهم حاجات يستحيل كنت تعرفيها إلا بيهم ، سواء من مواقف مخذله أو غير إنسانية المهم أن كل موقف عدى عليك ، وكل شخص دخل حياتك دي كلها أسباب بتزيدك نضج ومعرفة ، ومهما كان أثرها سلبي فهي فى النهاية اختبارات شخصية على قد ما هتاخد منك وقت ومجهود نفسي كبير ، على قد ما هتديلك اختصارات ومفاتيح كتير لأغلب الطرق اللى لسه هتمشيها بعد كده في أي موقف صعب أو حالة حزن هتمري بيها ، لو قدرتي تفتحي مخك وتتعلمي من أحداثها هتعديها ، وانت ع فكره كده الل كسبانه مش خسرانه." 👌

قرار الاستغناء!
من أقوى وأشجع القرارات اللي ممكن تاخدها في حياتك.

إنك تقول "أنا مش مُضطر"
مش مُضطر أكمّل مع حد بيأذيني،
ولا أعيش وسط ناس بيضغطوا على نفسيتي
ولا أقعد في مكان كل مرة أخرج منه وأنا تعبان
ولا أفتح نقاش أعرف آخره وجع قلب وهمّ مالوش لازمة.

الاستغناء مش ضعف،
دي قوة!
قوة إنك تحافظ على قلبك،
تحمي دماغك،
وتشتري سلامك النفسي مهما كان التمن.

مش لازم تشرح ولا تبرر،
يكفي إنك عارف إنت ليه بتعمل كده،
وعارف قيمتك،
وعارف إن راحتك أولى من أي حد وأي حاجة.

خد خطوة لورا، وارجع لنفسك،
واسألها: "أنا مستريح؟"
لو لأ… يبقى مفيش أغلى من قرار الاستغناء.

أنا عدى عليا في حياتي بني آدمين كتير أوووي، منهم اللي خرج بلا رجعة، ومنهم اللي علاقتنا بقت من بعيد لبعيد بعد ما كنا قريبين جدًا، و منهم اللي علاقتنا بقت عادية بلا أسباب، ومنهم اللي علاقتنا بقت أقوى بالسنين، بس من كل دا طلعت
بملحوظتين بقيت مؤمنة بيهم جداً وهما:-

"اوعى تصدق إن مفيش حد مَبيتغيرش".
"اوعى تصدق إن مفيش حد مَبيمشيش".

أعتقد أن أكثر ما يقتل الانسان هو أن يكون صامتًا في الوقت الذي يحتاج فيه إلى التحدث."

لو انا غالي عليك أوي وعايز تشتريلي حاجة قيمة " اشتري خاطري " آه والله زي ما بقولك كدا ، جرب بس تخاف عليا بشكل حقيقي وتبقى عامل حساب لزعلي و أنت هتعرف إن مفيش أغلى من كدا حاجة ممكن تقدمهالي ، قيمة البني آدم مش فإنك تقدم له أشياء غالية ، قيمته الحقيقية فإنك تقدرُه ك شخص ، تحترمُه وعلى قد ما تقدر تفهمُه صح وتكون له إضافة حلوة وغنيّة فى يومه أو على الأقل خالص "متزودش حمُوله" بسُوء ظنك أو تجريحك فيه بأي شكل
" إنك تشتري خاطر شخص بتحبُّه فهُو ده أغلى وألطف من مليون هدية قيمة♥️ ".