OMAR SAMER

اسبوع الخير🤎
متنساش تذكر غيرك حتي لو مش هتصوم🫶🍂

السلام علي حضرة الرسول 🤎
#إستفاده

ممكن تكون تبت من ذنب معين مرات كتير
وكل مرة بعد ما بتوب بترجع تاني
فالشعور بالفشل والإحباط ممكن يتسرب للقلب
ويقنعك إنك عمرك ما هتعرف تتوب من الذنب ده
وأنا بقى جاي أفكرك إنك فعلا تقدر والله رغم المحاولات الكتير
وافكرك إنك مش محتاج أكتر من محاولة واحدة ناجحة
فلو لسه ما حققتهاش خليك على الطريق بجدية وأكيد هتوصل
وماتخليش الشيطان يخسرك جهد المحاولات اللي فاتت
ودايما افتكر إنك مش محتاج غير محاولة ناجحة واحدة بس
وهتوصل بإذن الله
#إستفاده

السلام عليكم ورحمة الله وبركاته
صباح الخير يا شباب

رصيدك من أعمالك = وزنك عند الله عز وجل
أعمالك الصالحة هي وزنك الحقيقي عند الله مفيش حاجة تانية ممكن تميزك عند ربنا سبحانه وتعالى غير أعمالك
قال تعالى: {إِنَّ أَكْرَمَكُمْ عِندَ اللَّهِ أَتْقَاكُمْ }

ركز على مكانتك عند ربنا وثقل موازينك، واجعل كل عملك خالص لله وحده.
#إستفاده

من الغفلة ان يكون معنا كلام الله أُنزل علينا لأجل مصلحتنا نحن ثم نسهو عنه و نبحث عن حلول مشاكلنا في كل الأماكن إلا هو😔
فلا يليق بنا ان نبعد عن مصدر الهدي و النور
فعندما نقبل علي كتاب الله نبدء ان نسير في طريق اعادة التوازن والسكينة لروحنا المتعبة فلا تحرم نفسك من سكينتها و اقبل على كلام الله🤎🍁
#إستفاده

- انا كدا كدا داخل النار حدف 😂
- يلا يا اخويا احنا شلة فاسدة مع بعضشينا 😂
- لا يا باشا مش هسيبك تدخل النار لوحدك طبعا 😂
- طبعا انا وانت ملناش دعوة بجو المشايخ ده يلا نقعد ننم ع خلق الله
انا وانت طول ما احنا قاعدين مع بعض عداد السيئات شغال مش مبطل 😂

لحظة! ايه ده!!!

قال تعالى: "أَفَمِنْ هَذَا الْحَدِيثِ تَعْجَبُونَ وَتَضْحَكُونَ وَلَا تَبْكُونَ"

"وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ"

خذوا الجنة والنار على محمل الجد رجاء .. مبنقدرش نشرب كوباية الشاي مغلية ولازم نستني تبرد! هنقدر نشرب من الحميم!
فوقوا💔
#إستفاده

أَحدهُم قال:
واللهِ يا أخى نسينَّا كيف نعصى الله.

فـ اللهُمَّ حالهُم.
#إستفاده

هقولكوا على ثلاثة من أصعب العادات في الدين، بس لو عملتهم، هتبقى خارق.

صلاة الفجر في المسجد

هي من أصعب العادات في الدين، بس لو واظبت عليها، هتكتسب إرادة تخليك تواظب على أي حاجه انت عايز تعملها في حياتك. ده هيديك ثقة في إنك تقدر تستمر على عادة، مهما كانت صعبة، ومن غير مايكون ليها مقابل لحظي يخليك متحمس ليها.

غض البصر

ممكن يبقى أصعب حاجه في العالم، لكن لو عرفت تغض بصرك، هتكتسب تحكم في النفس وفي الشهوة غير طبيعي، هيخليك تبقى تقيل وبتعرف تسيطر على تفكيرك ومشاعرك بشكل عام. غير إنك لما تتجوز، هيبقى عندك تقدير كبير لمراتك وهتحبها أكتر، لإنها هتبقى المرجع بتاعك ومش هتقارنها بحد.

الغيبة والنميمة

من ألذ الحاجات لإنها بتحسسك إنك أحسن من الشخص اللي بتتكلم عليه، وعشان كده هي من أكبر المحرمات، والامتناع عنها أصعب ما يكون. لو قدرت تمسك لسانك عن الكلام على الناس، هيفرق معاك في بقية حياتك وهتبقى شخص مش بيقول أي كلام؛ مش هبتقى شخص بيتكلم عشان يتكلم، الكلمة اللي بتقولها هيبقى ليها وزن وغرض. وكل ده هيفرق بشكل مباشر في ثقتك في نفسك.

الحاجات دي تحقيقها صعب، بس لو حققتهم، هتبقى بتعرف تطير. الطيران مش سهل.

- حازم الصديق
#إستفاده

إذا فشلت في الإقلاع عن الذنب، فلا تقلع عن الإستغفار 🌻❤
#إستفاده

اللهم أنت ربنا؛ فارزقنا الاستقامة.
من دعاء الحسن البصري -رحمه الله-
#إستفاده

صلي على النبي وتبسم🤎🤎💦

قال هشام بن حسان عن الحسن:
"إذا نظر أهل الجنة إلى الله تعالى؛ نسوا نعيم الجنة"

روضة المحبين لابن قيم الجوزية.

اللهم ارزقنا لذة النظر إلى وجهك الكريم.
#إستفاده