DCCE

من 4 سنين، مكنش حد يتوقع إن الفكرة الصغيرة دي هتفضل موجودة لحد النهارده.

بدأنا DCCE كفكرة بسيطة بين مجموعة من الطلبة؛ نساعد بعض، نشارك اللي بنتعلمه، ونسيب ورانا حاجة ممكن تفيد غيرنا.

ومع الوقت، الفكرة كبرت وبقت مساحة شارك فيها طلبة من دفعات مختلفة، وكل شخص ساهم فيها سواء بفيديو، معلومة، فكرة، أو حتى بكلمة طيبه.

ومع بداية سنة دراسية جديدة، بنوصل لنهاية رحلتنا كدفعة بدأت الرحله دي، لكن مش بالضرورة تكون نهاية الحكاية.

شكرًا لكل شخص كان جزء من DCCE، ولكل من ساهم فيها ، ولكل حد آمن إن المعرفة لما تتشارك، بتوصل أبعد من صاحبها.

يمكن أجمل حاجة ممكن نسيبها ورانا أثر يفضل موجود، وناس جديدة تكمل عليه وتخليه أفضل.

نتمنى إن اللي بدأناه يفضل مكمل، وإن دفعات جديدة تمسك الشعلة، تضيف لها، تطورها وتحافظ عليها؛ عشان كل جيل يسيب للجيل اللي بعده حاجة يبدأ منها، ويكمل عليها.

4 سنين عدّو … والبداية الجاية مش بتاعتنا، دي بتاعتكم.

و خليكم دايما فاكرين ان "خيرُ الناسِ أنفعُهم للناس." بالتوفيق ليكم جميعا في حياتكم 🫶