Properties Developer - private page

احسن الاماكن بالتجمع…

الجولف
الشويفات
شرق الاكاديميه
النرجس
البنفسج
جنوب الاكاديميه
الياسمين

دي مناطق حسب ترتيب الرقي والهدوء والخدمات (في نظري).

طبعا كل منطقه اكيد فيها شوارع ومناطق مميزه جدا وشوارع مش اد كده .

لذلك نصيحتي لازم التفرغ كام يوم فقط للتمشيه بالعربيه في منطقه منطقه من دوول ، وفي كل منطقه لازم تعملوا تقييم بشوارع او مناطق معينه عجبتكم ، وبعدها يتم تصفيه اللي عجبكم من الاسماء اعلاه .

بعدها يتم البحث او تكليف احد المختصين بالبحث عن شقه في الشارع او المنطقه التي ارتحتم لها (يرجح طبعا في فيلا ، علشان الفيلات سكن فاخر والعمارات فوق المتوسط وايضا الكثافه السكانيه تفرق كتير جدا جدا ).

والاختيار المفروض ولازم يكون لعقار مميزه مضمون ، العقار المميز المضمون حيفضل مميزه ومضمون سواء للسكن او اعاده البيع او حتى الايجار (يعني ثمنه فيه ، وحافظ للقيمه فعليا مش تدبيسه) ، ومفيش عقار مميز مضمون رخيص (قاعده هامه).

لازم تختاروا مكان يكون هادي بشكل كبير ، قريب من الخدمات بمسافه معقوله وليس قريب جدا (اوعى) ، وطبعا المنطقه تكون راقيه من حيث مستوى وشكل وتشطيب الفيلات ، وايضا وطبعا البحث ومعرفه من جيرانكم (قدر المستطاع).

وبعد ذلك لازم تكون الفيلا نفسها والشقه نفسها تشطبها مميز وراقي (والرقي مش بالجبسوم بورد الكتير …الخ) الرقي بالتكلفة الواضحه في التشطيب وحتى انواع الصحي والخلاطات ايه … الخ.

واهم واكبر نصيحه سوف تشكروني مستقبلا عليها ، حاول جاهدا ان تشتري من اهالي مش شركات . شغل الشركات بنسبه ٩٥٪؜ قائم علي التوفير الي اقصي اقصي اقصي الحدود وهذا المجال لم ولن تعرف اين التوفير ازاي وفي ايه.

واخيرا لازم تشتري عقار جاهز تسليم فورى امام عينك لازم.

هام جدا جدا : لازم تتاكد من وجود نظام صيانه مستقر جدا للفيلا ، سواء من صاحب الفيلا او من ينوب عنه او اتحاد ملاك ، لان ده احد اسباب القيمه الحقيقيه للفيلا وبالتالي للشقه.
وطبعا لازم تتاكد من وجود نظام خزانات بمواصفات عاليه وكافيه للفيلا.

لا انصح ابدا بهدر اموال لاجل الشكل في كمبوند ابدا ابدا ، سواء في سعر المتر المرتفع او مصاريف الصيانه الاستغلاليه رسمي ، ومقابل كلام فارغ في اغلب الكمبوندات (خدمات متدنيه ، لا امن وامان ، ومجرد دفع فلوس وخلاص ، والاغلب مستوى اجتماعي نوڤو ريش).
الا فقط في كمبوندات مثل مفيدا او كايرو فيستيفال او لافيستا ، دوول اسماء عندهم ادارات محترمه وروعه تهتم بخدمه وراحه الملاك قبل المكسب ولا يوجد عندهم ديكتاتوريه مثل مثلا الرحاب ومدينته ، تشطيبات متدنيه ، ولا امن ولا امان واستغلال بشع للسكان ويكفي انها تكيه مفتوحه علي البحري وانت اللي بتدفع ثمن صيانه استخدام كل اهل مصر لهذه التكيه ، وغيرها من المساوىء الحقيقه لا تعد ولا تحصي ، مفيش فيها غير الضحك علي الناس بشويه حدائق يغروا العين ولكن ما خفي كان اعظم ، اسال في جروبات ملاك وسكان اي كمبوند قبل قرار الشراء فيها ، ده لو كان اختيارك تسكن في كمبوند ومفيش بعد مفيدا كمبوند واداره محترمه بكل المقاييس بصراحه.

لا تثق او تصدق احد بسهوله ابدا.

وربنا يوفق الجميع يارب..

مشاعر

https://www.facebook.com/share/1BGcLRfiuS/?mibextid=wwXIfr

Soulmate توأم الروح True, sincere love happens suddenly and unexpectedly.

فعلا خلي بالكم

ده حرفيا اللي بيحصل
واغلب الوقت متاكد ان بيتم قراءه افكارنا واحاسيسنا مش اللي بنكتبه حتى بس

هو فيه ايه؟ ده لا يمكن ده يبقى خواريزمات .. ده شغل عفاريت حرفيا!
امبارح حصلى موقف خلاني افتكر موقفين مشابهين حصلوا معايا بنفس الطريقة!

اول مره، كانت فى سوبر ماركت وبتفرج على شوية منتجات كده بلا هدف، ولقيت علبة صفرة كده شدتنى، مسكتها، لقيتها وصلة سلك كهربا، المهم سيبتها ومشيت وروحت البيت نمت، وبعد ما صحيت، فتحت اللاب توب، اول اعلان قدامى على الشاشة، العلبة الصفرا بتاعة سلك الكهربا!

تانى مرة، نزلت اركب العربية، لقيت كاوتش مريح شوية، فتلقائى فتحت الشنطة وطلعت الكومبريسر بتاع الولاعة ده، وطلع روحي ساعتها عشان الفيوز بتاعه كان ضارب، المهم وصلته بسلك كده مؤقتا ونفخت الكاوتش ومشيت من غير ما انطق بكلمة!
خلصت مشوارى ورجعت البيت.
طبعا انت اكيد دلوقت مستنى اقولك انى لقيت اعلان عن الكاوتش قدامى فى الاعلانات؟

لا يا صديقى، لقيت اعلانات عن الكومبريسور بنفس النوع اللى فى عربيتي وعليه خصم كمان!!

كل ده بقى كوم، واللى حصل امبارح ده كوم تاني خالص

دخلت الحمام اتوضأ "من غير الموبايل" وانا خارج شبه "اتزحلقت" من شوية مية فى الارض، فقلت بعفوية "لا اله الا الله" ومسكت نفسى بسرعة والحمد لله عدت على خير
المهم صليت وخلصت، ورجعت اشوف الفيس بوك.
الاقيلك اول اعلان يظهرلي سجاجيد حمام لتفادى التزحلق!!

قولى بقى بذمتك.. ده اسمه ايه!!؟

رساله اجتماعيه للشباب من القلب لعلها تكون سبب في الخير لهم وتغيير البعض وبث روح الامل والتفائل لهم

كنت في شغل كده وبسلم مهندسه شابه القيام بالإشراف علي اعمال تشطيبات وحده سكنيه معينه في التجمع ، الملاك واثقين فيا جدا مع انهم لا يعرفوني ولكن عرفوني من بوستاتي ونصائحي في موقع معين معروف لسكان التجمع (تدابير ربنا) ، وقررت أستعين بالمهندسه الشابه دي للقيام بأعمال رفع المقاسات وأعمال الرسومات ال 2D والتنفيذية … إلخ … وإذا بظروف معينه اقرر اني لن أكمل كي اهتمّ بظروفي وشؤوني التي طرقت علي غفله ، ولكنها تدابير ربنا ان اعرض علي المهندسه الشابه ان تقوم ايضا بالإشراف علي التنفيذ ، وإذا بها تفاجئني انها لها خبره بأكثر من ١٥٠ عمل ولها سيره ذاتيه ليست لدي ممكن ناس كبيره وضعفها سنا وخبره ، بل واظهرت لي كاتلوج أعمالها المبهر لي قبل اي حد وتواضعها ومدي قبولها وحضورها في شخصيتها رغم سنها ال ٢٥ فقط … وقابلتها بالملاك وإذا بزوجه المالك تبوح بصراحه انها كان أمنيتها ان تجد مهندسه هي من تقوم بالأعمال والإشراف عليها ، ولا تتخيلوا فرحتي لفرحتهم وكم اطمأنيت عليهم بعد ان وثقوا في وإحساسي انها مسؤليتي وارتحت لكرم ربنا وتدبيره التي يتعجب له. واضيف المهندسه دي تعمل في المجال من قبل ما تدرس الهندسه وتتخرج والان ما شاء الله والله يحفظها تحضر ايضا الماجيستير بجانب انها تعمل وتجتهد وتتميز يوميا ، ربنا يحفظها ويحفظ اولادنا يارب وينولوا كل امانيهم يارب.

احكي هذا كي أوصل للشباب رساله ، أوعوا تفقدوا الامل ، اعملوا اعملوا واجتهدوا فلكل مجتهد نصيب (ده وعد ربنا) ، واشتغل في اي شيء وكل شيء والاهم اشتغل علي نفسك ولا تكتفي بالشهاده الجامعيه ، الشهاده الجامعيه جعلت منك متعلم عادي ولكن مش مميز ، لازم تتميز بكورسات علميه متخصصه تفيد مجالك او حتى مش مجالك المهم تضيف الي نفسك خبرات بالتعلم او خبرات عمليه حياتيه ، لا تضيع يوم واحد إلا وتتعلم فيه شيء ولو شيء بسيط ولكن لازم خزنتك تملأها يوميا بما سوف ينفعك مستقبلا ، وخليك واثق ان عملك وجهدك لا يضيع وحيجي اليوم لا محاله اللي تحصد فيه نتاج اعمالك ومجهودك وصبرك ، طالما دخلك حلال وتتقي الله لم ولن يخزلك ربنا أبدا أبدا مهما طال الوقت ، مش بتاعتك أبدا متى دي ولا تحمل همها لانها جايه جايه ولكن بميعاد ليس لنا به دخل مهما عملنا لان كله مكتوب وبيد الله وحده وليس اي بشر .

أنا والله نيتي في هذا الرساله اشد من همم الشباب اولادنا واعطيهم نموذج مبهر لي في الاجتهاد ، وبشر الصابرين تذكر.

تحياتي

الزعل

الزعل يا جماعه من اخطر الأشياء في حياه البشر.
انت عارف ان مره مدرسه زعلت احد التلاميذ مما تسبب في إصابته بمرض السكر من الدرجه الاولي ، انت عارف ان الزعل أقوى مدمر لجهاز المناعه ولاي من خلايا البشر واجهزته الحيويه بل اكثر من اي وباء مثلا.
أنا سمعت الكلمات دي في لقاء ما ، وحسيت اني نفسي الكلام ده يوصل لأكثر وبل لكل الناس ، اهو محاوله لفعل اي خير ولو بالكلمه ويارب يكون سبب يارب .

عارف كويس جدا جدا ان من أصعب الطلبات في أيامنا وعصرنا هذا ، لكن حاولو يا جماعه لا تزعلوا احد قدر المستطاع ، بل حاولوا تكونوا سبب في فك كرب او سد حاجه او جبر خاطر او إسعاد اي حد وخاصا من حولك ، وتذكر ان مجرد الابتسامه في وجهك هي عمل خير وعطاء بل وصدقه ، انت نفسك حاول لا تزعل حاول ان تأخذ الأمور ببساطه اكثر وتذكر ان زعلك لن ينفع بل سيضر ممكن لا قدر الله ، اللحق نفسك لان مفيش أبدا أبدا في كل الدنيا دي لا مال ولا جاه ولا عربيات ولا حتى قصور سوف تنفعك في المرض وقسوه احساس المرض ، أنا بنصح النصيحه دي لكم ولنفسي قبلكم ايضا لانها صعبه ومتأكد ، يارب هون علينا جميعا ويارب اجعلنا سبب لإسعاد الآخرين ويارب اشفي كل مريض يارب .

وطبعا أوعوا تنسوا تستعينوا بربنا

دمتم سعداء يارب