Check Engine

For a while.. rough idle sound during a cold start in 2015-2016 Mitsubishi Lancer Engine Variable Valve Timing (VVT) Gear ⚙️ With Mechanical Failure.. Due to low oil pressure.

إقبالكم وثقتكم بيشجعونا نكمل دايماً في خدمتكم 😍

إسألنا على عرض الـ ٥٠٠٠ كم والـ ٣٠٠٠ كم كمان..
ولو بتستخدم زيت ومياه تبريد مستوردة زي Amsoil, Motul هنوفرها قريب جداً وبأسعار فوق الممتازة.

متنساش تسأل على هديتك.. 🎁 😉

سلام عليكم..
الزيوت..
زيوت المحركات على وجه الخصوص موضوع مهم جداً وفارق للسيارات أو المحركات الشابة - الزيرو يعني أو الجديدة - وبدون الخوض في تفاصيل كتيرة لأن الموضوع فعلاً كبير وليه مقاييس ومعايير وتصنيفات عالمية أكتر وأكتر - خاصة بمصنعي الزيوت ومعاهد بحوث البترول - حول العالم.

ببساطة..
أغلب العملاء بيعتقدوا إن الفروقات بين الزيوت وبعضها ما هي إلا فروق في العمر التشغيلي للزيت داخل موتور عربيتك يعني ده ينزل بعد ١٠ آلاف والتاني زيه بالضبط بس ينزل بعد ٥ آلاف وهكذا وهنا ومن خلال الرؤية المنقوصة لأن محدش وعاه ووضحله الفرق بيبتدي يطلق لميزانيته المادية العنان للتحكم بمقاليد الأمور..

يعني في فلوس يحط ١٠ آلاف مفيش فلوس يحط ٥ آلاف أو ٣ آلاف الأحادي الدرجة كمان في بعض الأحيان لو الدنيا متكحولة معاه وناشفة زي المستشفى على رأي إلي قال 😂😂

طيب خلينا نعرف متطلبات موتور عربيتنا الجديدة المسكينة إلي ربنا رزقنا بيها بعد شوقة وغيبة وطول إنتظار 🤲.

موتور جديد.. يعني في أفضل حالات الإحكام للخلوصات الميكانيكية الداخلية بأعلى ضغط لطلمبة الزيت وأقل تسريب للإنضغاط عشان كدة يلزمه زيت خفيف قليل اللزوجة عشان إحتكاك أقل للأجزاء الميكانيكية يديني إستهلاك مثالي للوقود ويريح طلمبة الزيت فبالتالي يريح الموتور جملةً وتفصيلاً.
طيب الزيت بالمواصفة الجميلة يبقى إيه 🤔؟؟!

مُصَنِّعِي الزيوت قالولك لأ ده لازم يبقى ليه طبخة مخصوص ودخلوا المعمل وقفلوا على روحهم.. لقوا إن أقل لزوجة مُتَحَصَّل عليها من الزيت إلي خارج من البترول الخام برده عالية ولن تفي بالغرض فبصوا لبعضهم كدة وقالوا يعني إيه !! أمال الميكروسكوبات والسحاحات والعينات إلي إحنا قاعدين وسطها ليل نهار دي كلها أونطة يعني ولا إيه؟! 😂

فواحد منهم وهو قاعد في ساعة صفا كدة جاب شوية زيت وقام معدل فيهم ومسَتِفْهُم الجزيئات الصغيرة جنب بعضها والكبيرة جنب بعضها والتاني قام جايب شوية بوليمرات وحاططهم عليهم على شوية إضافات حلوة كدة وطلعولنا الزيت التخليقي بلزوجاته المختلفة إلي متحضر في المعمل وجربوه لقوا الدنيا تمام 💯💯 وعجب مصنعي السيارات فإعتمدوه 👌 عشان كدة دايماً الوكيل بيوصي 👍👍 للعربيات الجديدة النوع ده من الزيوت.

بعد عمر طويل مديد إن شاء الله لما تبتدي خلوصات المحرك تزيد نتيجة للإهلاك الطبيعي للمحرك أبتدي أنتقل للزوجات الأعلى المتوفرة في الزيوت المعدنية.
الخلاصة.. الزيت المعدني جريمة في حق موتورك الجديد وإلي هتوفره في الزيت هتصرف أضعافه صيانة بعدين وللأسف كمان بلا جدوى

دمتم وسياراتكم ومحركات سيارتكم الجديدة في أمان الله
سلام عليكم

سلام عليكم..
مهمة صفحتنا وإعلاننا مش مقتصرة على الترويج والدعاية عشان نزود إنتاجية ودخل ورشتنا بس..
لكن للتوعية بمجال خدمة وصيانة السيارات وتصحيح المفاهيم المغلوطة بفنيات الصيانة ومواعيدها وطريقة التعامل مع أعطال عربيتك لضمان أفضل آداء بأقل تكلفة وخصوصاً إننا داخلين على الصيف من غير ما نوصل لمشاكل إحنا في غنى عنها.. يومكم سعيد