Mahmoud Atef

لكل المهتمين بمجال الـ Self-Development، يسعدني جداً إني أشارككم صدور كتابي:
📖 The Self-Development Blueprint 📖

​الكتاب دلوقتي موجود على تطبيق أبجد،
Abjjad | أبجد
تقدروا تضيفوه لمكتبتكم وتبدأوا رحلة التغيير من النهاردة. الكتاب بيقدم خطوات مرتبة ومنهجية لأي شخص عايز يحسن من جودة حياته وأدائه.
​رابط الكتاب على أبجد:
https://www.abjjad.com/book/1034081402889/
​قراءة ممتعة للجميع! ☕️

أفضل رفيق لتطوير الذات - أساليب وخطوات عملية لتطوير الذات والنمو الشخصي (كتاب إلكتروني) - د.محمود عاطف | أبجد كتاب أفضل رفيق لتطوير الذات - أساليب وخطوات عملية لتطوير الذات والنمو الشخصي تأليف د.محمود عاطف متوفرة للقراءة ككتاب إلكتروني على أبجد. استمتع بتحميل و قراءة…

A trick that never fails!
من القواعد الأساسية لأي تغيير إيجابي عايز تعمله في حياتك في أي مجال
إنك تعيد هندسة أو بناء بيئتك الخاصة
هديك مثال واقعي ..
انا فترة كدا حاليا كنت بكسل جدا آكل خضار وبكسل اعمل سلطة وممكن بنسي آكل فاكهة مع اني عارف أهميتهم الشديدة لصحتي ولل Microbiome
وأهمية الألياف
ويمكن دا عشان عايش لوحدي وبطبخ وبكسل

عملت تغيير بسيط تأثيره زي السحر
اني غسلت طبق كبير مليان فاكهة وخضار وحطيته جنبي في مكان عيني بتروح وتيجي عليه علطول وبقيت طول اليوم لو جعان او عايز آخد snack او بستريح من المذاكرة
باكل خضار وفاكهة كتير

كذلك لو حد بيعمل دايت
هل من الطبيعي يكون عندك شيبسي ، شوكولاتة ، حلويات كتير قدامك وفي متناول بصرك ؟
لو سمحت اتخلص منهم واستبدلهم بفاكهة
لو عايز انك متتضعفش فعلا ..

المبدأ الصغير في كل حاجة من المذاكرة والشغل
تقفل جميع المشتات
تكون واكل كويس ، مش جعان ولا شبعان اوفر فمتقدرش تذاكر من التخمة
شارب قهوتك
مفيش ازعاج علي قدر الامكان
جايب معاك كل أدواتك للمذاكرة او الشغل

بحيث متتحجش أثناء جلسة المذاكرة انك عايز تروح تجيب القلم الفلاني 😅

مجهز جنبك قلم و ورقة تكتب فيها اي أفكار او خواطر تجيلك لحاجات ناسيها او عايز تعملها
تعملها بعد ما تخلص جلستك ..
اعمل Do not disturb mode
بيلغي جميع النوتوفيكشنز انها تجيلك والمكالمات وجميل جدا للتركيز ..
شغل Binural beats للتركيز
او white noise زي صوت مطر
حاول تعمل جلسة Meditation للتركيز وصفاء الذهن والطاقة وتقليل التوتر
هتلاقي سيشنز كتيرة علي اليوتيوب 10 دقائق او اكتر

ذاكر دايما واشتغل وانت في حالة ذهنية رائعة ..
دا مفيد جدا لتذكر أفضل

عيش وانغمس في المادة اللي بتذاكرها او الشغل اللي بتشتغله ..

متروحش تذاكر لو سمحت وانت متضايق وقلقان ومتوتر وخايف من الامتحان
انسي كل دا
عدد نوايا صالحة الأول انت ليه بتدرس وبتذاكر او بتشتغل
عشان تؤجر حتي علي مذاكرتك وشغلك وتعبك دا
وادعي ربنا إنه يرزقك الفهم ويعينك

وادخل وانت تفكيرك : انك عايز تستوعب الكلام المكتوب دا والمادة العلمية دي
عايز تفهم وانغمس في التعلم والفهم

هتخلص مذاكرة او شغل وانت شبعان جدا وراضي وهتتكافئ بإفراز دفعة دوبامين حلوة تحسسك بالإنجاز والرضا وانك عملت اللي عليك انهاردة

أظن كفاية لحد كدا انك تشتغل او تذاكر وانت مخنوق ومتضايق ومتوتر ..

الانغماس والتركيز وحالة ال
Flow state
اللي بتدخلها مشبعة جدا ..

ازاي تستفيد أقصي استفادة من الكتب ؟

أولًا :زي ما قولنا قبل كدا ، انك بتختار كتاب انت مهتم بيه وبموضوعه .. بيحل مشكلة عندك بتواجهك حاليا ، بتكتسب منه معلومات ومهارات ومعرفة معينة ، مهتم بيه
ودا عشان انك تقدر تكمله فعلا للآخر ويكون مفيد ليك انت ..

تمام اخترت كتاب ؟
تاني خطوة ، حاول تخلي ميعاد ثابت للقراءة يوميًا بحيث تثبت العادة دي وتتعمل تلقائي بعد كدا
وحدد trigger
معين يبدأ العادة دي بوقت معين
يعني مثلا في الروتين الصباحي بتاعك بعد ما تشرب قهوتك

تالت خطوة انك تمنع التشتت وتقفل النوتيفيكشنز بذات لو بتقرأ من علي الموبايل
شغل Do not disturb mode

لازم يكون معاك ورقة وقلم أثناء جلسة القراءة دي
وبفضل انك تعمل كشكول كامل لقراءة الكتب
تستعملها أثناء القراءة

هتعمل بيها ايه ؟
هتقرأ ، وتحدد ايه الافكار الجديدة اللي استفدتها ، حاجة غيرت تفكيرك ، معلومات او حاجات عايز تطبقها فورًا
Quotes
ملهمة
دا أثناء ما بتقرأ
وبعد ما تخلص جلسة القراءة دي بتشوف ايه الحاجات اللي محتاج دلوقتي تطبقها وهتطبقها ازاي بالظبط زي ما قال الكتاب ولا هتستخدم استراتيجية مختلفة او هتعدل في حاجة ..

خلي كمان معاك ورقة خارجية وقلم عشان هيجيلك أفكار كتير تشتتك عن حاجات عايز تعملها ، حاجة نسيتها ، حد عايز تكلمه
واكتب دا في الورقة او اي افكار ابداعية تجيلك وبعد ما تخلص جلسة القراءة ابدأ نفذها
ودا لعدم التشتيت ..

تكرار قراءة الكتب مهمة جدا كمان علي فكرة
فيه quote بيقول
ان أقرأ بضعة كتب كويسين ومفيدين أكتر من مرة أفضل بكتير من أقرأ 100 كتاب ..

كل مرة بتقرأ الكتاب تاني هتلاقي حاجات انت مخدتش بالك منها في أول مرة وشخصيتك وطريقة تفكيرك اتغيرت بعد فترة ، لما تقرأه تاني هتستعيد المعلومات المهمة وتاخد بالك من تفاصيل أكتر
ويثبت بعض المعلومات عندك أكتر ويفكرك بالمبادئ المهمة ..

حاجة كمان ، بلاش تقرأ كتب بليل قبل النوم محتاجة تركيز
لو كتب خفيفة ماشي او رواية بسيطة او حاجة مش محتاجة مجهود ذهني عالي
أفضل وقت الصبح وانت لسه في أول يومك عندك نشاط وحيوية

المهم يا شباب اني بكتب الكلام دا وانا قبل كدا من 6 سنين مكنتش بعرف اقرأ ولا اكمل كتاب واحد حتي
بس أصريت اني ابني عادة قراءة الكتب دي ولما شوفت ثمرتها في حياتي وتفكيري
مبقتش استغني عنها
وبقيت عايز اقرأ اكتر واكتر
فربنا يزيدنا علمًا وإيمانًا يا رب

قانون و أسلوب من أساليب الانتاجية يمكن مش معروف اوي

هو قانون باركنسون (Parkinson's law)
ينفع لأي حد في الكلية وعنده مذاكرة وامتحانات ، عندك شغل ، بتعمل مشاريع وعايز تسلمها وعندك Deadline محدد المفروض متتعدهوش ..

فكرته : لو عندك امتحان او مشروع بتشتغل عليه وعندك deadline محدد وليكن شهر

ف انت بتحدد لنفسك مدة اقل عشان تخلص فيها المشروع دا كله وليكن اسبوعين بس بدل الشهر وتشتغل علي الاساس دا فقط .

طب ليه يا صديقي وايه الهدف ؟

الهدف انك تتغلب علي التسويف والخوف من انك تشتغل علي المشروع دا وتحفز وتشجع نفسك وتنتج اكتر بكفاءة وتركيز اكبر .. فتخلصه في وقت اقل بكتير وتقعد تراجع او تظبط حاجات بسيطة ..

بس اهم حاجة متخليش دا يضغطك ضغط شديد لدرجة ال Overwhelming او انه يشل حركتك من القلق ... لأ ..
هوّن علي نفسك .. ركز واستمتع اكتر وحط الهدف دا واكتبه

طب فرضا مخلصتش المشروع كله في الفترة دي ..
عادي هتكون كسبان بردو لأنك انجزت جزء كبير منه في فترة قليلة ..

طب ازاي تطبقه ؟

حاجة يكون ليها deadline محدد زي معاد امتحان او مشروع هتسلمه او مشروع خاص بيك انت لل business بتاعك .. تاسك في شغلك ليه deadline

مدته الحقيقية دي تقسمها علي اتنين يعني لو شهر تحط هدف تخلصه في اسبوعين وخليك مرن في النقطة دي شوية علي حسب رؤيتك للمشروع بس حاول دايما يكون وقت اقل بكتير من الوقت الحقيقي ..

قبل ما تبدأ حدد هدفك اصلا والمدة وخطط ازاي تخلص دا في المدة دي ..هتعمل ايه كل يوم ..ايه الادوات اللي محتاجها وهكذا ..
وركز واستمتع وبس .. جلسة تركيز وانغماس عميقة ..
ما يسمي بال flow وال Deep work ..

هتحس بتشجيع وتحدي غير عادي ومتعة ..

كنت بستخدمه أثناء الكلية ومازلت بستخدمه لغاية دلوقتي..

آخر حاجة عايز اقولها : قوانين واساليب الانتاجية والتركيز بيتم الدمج بينها وتطبيقها للحصول علي اعلي فايدة والذكي اللي يكون عنده الوعي بيهم ويعرف يطبق دا باللي مناسب ليه ولحالته هو شخصيا حسب هدفه .

سلام عشان رايح اطبقه 🏃🏻

الجرعة الزيادة من “التحفيز” ممكن تقتلك! 💊

بحكم شغلي كصيدلي، عارف كويس إن الدواء اللي بيعالجك، لو أخدته بجرعة غلط، أو من غير ما تضبط أكلك ونومك، ممكن يتحول من علاج… لـ سم.
وده بالظبط اللي بتعمله فينا أغلب كتب التنمية البشرية التقليدية.

تاخدك موجة حماس:
“إنت تقدر” – “اصحى الفجر” – “كسر الدنيا”
وفجأة تلاقي عندك طاقة عالية جدًا، بس من غير خريطة.
النتيجة؟ توتر، جلد ذات، وإحساس بالذنب لأنك مش قادر تطبق.

📘 The Self-Development Blueprint
مش “مكمل غذائي” ولا “منشّط مؤقت”.
الكتاب ده بروتوكول علاجي كامل، متصمم عشان يظبط كيمياء يومك:

1️⃣ ضبط الجرعة
تعرف إمتى تزود الإنتاجية، وإمتى تهدي اللعب بالتأمل والتدوين… من غير ما تتحرق.

2️⃣ فهم التداخلات
لأن ترتيب الأولويات والصحة النفسية مش ضد بعض… دول بيكملوا بعض.

3️⃣ طريقة الاستعمال
Tools
وتطبيقات عملية تخليك “تبلع” التغيير الصعب، وتستمر عليه.

لو زهقت من المسكنات،
وعايز حل جذري للتشتت، التسويف، وفقدان التركيز…
الروشتة جاهزة.

📍 مكان الكتاب:
جناح كتبنا
الجناح A43 – صالة 1

مستنيك، والبروتوكول محتاج اللي يطبقه مش بس اللي يقرأه.

لما بتبدأ تحب نفسك وتتقبلها بجد وتدرك قيمتك وتترك جلد الذات ، العالم كله بيتغير من حواليك ..
انا عارف قيمتي ، ومش محتاج اتأكد منها من برا
ورأيك فيا ميهمنيش ..

دي قوة جبَّارة.

ليه كتابي مش بس عن "الإنتاجية"؟ (سر المعادلة الصعبة)

لو دخلت أي مكتبة، هتلاقي رف كتب "إدارة الوقت"، ورف تاني خالص لـ "الصحة النفسية"، ورف تالت لـ "التكنولوجيا والأدوات".

المشكلة فين؟ المشكلة إننا كبشر مش متقسمين رفوف!

إنت ماينفعش تكون منتج وإنت مكتئب.. وماينفعش تكون مرتاح نفسياً وإنت وراك تسليمات متأخرة ومسوفها.. وماينفعش تعمل الاتنين من غير أدوات (Tools) تساعدك.

في كتاب The Self-Development Blueprint، قررت أكسر القاعدة دي.

الكتاب ده هو "الخلاط" اللي حطيت فيه كل المكونات دي مع بعض عشان تطلع بخلطة نجاح قابلة للتطبيق:

١- الإنتاجية النفسية: مش هقولك "اشتغل وانت تعبان"، لكن هعلمك في فصول الكتاب إزاي تستخدم "التدوين" (Journaling) عشان تفضي دماغك من دوشة الأفكار فتقدر تركز، وإزاي "التأمل" هو الشاحن اللي بيخليك تكمل شغل من غير ما تتحرق (Burnout).

٢- التسويف الذكي: بنشرح في الكتاب إن التسويف مش "كسل"، ده "خوف" أو "ملل".

وهنديك استراتيجيات عملية تتغلب بيها عليه، مش مجرد نصايح تحفيزية بتطير مفعولها بعد ساعة.

٣- الأدوات (The How): الكتاب مش بيسيبك في نص الطريق. كل استراتيجية معاها الـ Tool أو الـ App اللي يخليك تطبقها.

الكتاب ده مختلف لأنه بيعامل حياتك كوحدة واحدة، مش جزر منعزلة. لو عايز تبطل تجري في دايرة مفرغة، الكتاب ده هو الخريطة اللي هتخرجك منها.

متاح في معرض الكتاب بجناح كتبنا -A43 -صالة 1

اعتراف شخصي: الإنتاجية لوحدها "فخ".. ودة الحل

زمان، كنت فاكر إن الشخص "الناجح" هو الشخص اللي بيشتغل 16 ساعة، وبينام 4 ساعات، ومبيوقفش شغل.. لحد ما اكتشفت إن ده مش نجاح، ده "انتحار بطيء".

اكتشفت إننا بنتعامل مع "تطوير الذات" غلط. بنركز على المكنة (الشغل) وبننسى الصيانة (النفسية). عشان كدة، كتاب The Self-Development Blueprint مختلف عن أي كتاب إنتاجية ممكن تشوفه في المعرض.

لأنه الكتاب الوحيد اللي بيعترف بـ "الجانب الإنساني" في المعادلة. بجانب فصول التخطيط والأولويات والتسويف، هتلاقي فصول كاملة عن:
• التدوين (Journaling): إزاي تخرج الكركبة اللي في دماغك على الورق.
• التأمل (Meditation): إزاي تفصل فيشة دماغك عشان تقدر تكمل.
• الصحة النفسية: إزاي تنجح من غير ما تخسر نفسك.

أنا صيدلي، وعارف إن الدواء القوي محتاج توازن دقيق علشان يشتغل بفاعلية من غير آثار جانبية.
والكتاب هو التوازن ده.

هو الدليل اللي هيقولك إمتى تدوس بنزين، وإمتى تدوس فرامل، وإمتى تركن ترتاح.. عشان الرحلة تكمل بسلام.

الكتاب ده كتبته بكل صدق، لكل واحد حاسس إنه بيجري في ساقية ومش بيوصل. موجود دلوقتي في المعرض.. "الروشتة" جاهزة، ناقص بس إنك تبدأ العلاج.

الكتاب موجود حاليا في معرض الكتاب الدولي في القاهرة في
📍جناح كتبنا -A43 -صالة 1

عمرك سألت نفسك ليه بنسرح في "الميمز" والصور ساعات، بس بنمل من قراءة الكتب الطويلة؟
عقلنا بيعشق الصور.. بيترجمها أسرع بكتير من الكلمات.

لما قررت أكتب The Self-Development Blueprint، كان عندي تحدي:

إزاي أكسر ملل كتب تطوير الذات التقليدية؟

إزاي أخاطب الفص اليمين من مخك (المسؤول عن الإبداع والخيال) زي ما بخاطب الفص الشمال (المسؤول عن المنطق)؟

عشان كدة خصصت فصل كامل في الكتاب اسمه "صورة بألف كلمة". الفصل ده مش ديكور.. دي صور ملهمة، سينمائية، ومصممة بعناية عشان تشرح مفاهيم معقدة جداً في لقطة واحدة.

هتلاقي صورة بتشرحلك يعني إيه "تشتت" وتخليك تحس بيه وتكرهه، وصورة تانية بتوريك شكل "النجاح التراكمي" وتديك أمل.

الكتاب ده "تجربة بصرية وفكرية" متكاملة. مش بس كده..

أنا عارف إننا في عصر السرعة، عشان كدة الكتاب مليان:

✅ ترشيحات لتطبيقات (Apps) هتغير طريقة شغلك.
✅ ترشيحات كتب تانية تفتحلك آفاق جديدة.
✅ مقالات قصيرة مركزة (كبسولات) عشان لو وقتك ضيق.

أنا مش ببيعلك "كلام".. أنا ببيعلك "نظام حياة" (System) متلون، مبهج، وعملي.

لو رايح المعرض، دور على الكتاب وتصفح فصل الصور.. وأوعدك إن نظرتك للمشاكل هتتغير تماماً. مستنيكم تصوروا الكتاب وتبعتهولي.. عشان أحس إني معاكم هناك.

الكتاب متاح في جناح كتبنا – ِA43 صالة 1
كمان فيه منه نسخة الكترونية بتتبعت Pdf

ولو حابب تسأل عن تفاصيل الكتاب أكتر ابعتلي رسالة 🥰

من مكاني هنا في ألمانيا، ومع برودة الجو والمسافات اللي بتفصلني عن زحمة ودفء معرض الكتاب في مصر، قعدت أفكر.. هو إيه اللي ممكن يخلي حد يشتري كتابي
"The Self-Development Blueprint"

وسط آلاف الكتب الموجودة في المعرض؟

الإجابة رجعتني لأصل شغلي الأساسي: "الصيدلة". في الصيدلية، بيجي ناس كتير عارفين هما بيشتكوا من إيه، وممكن كمان يكونوا عارفين اسم الدواء.. بس مشكلتهم الحقيقية مش في "الدواء"، مشكلتهم في "الخطة العلاجية". بياخد الدواء غلط، أو بياخده بجرعة زيادة، أو بياخده من غير ما يضبط أكله ونومه، فـ النتيجة بتكون صفر.

ده بالظبط اللي بيحصل في "تطوير الذات". كلنا قرينا كتب عن تنظيم الوقت، وكلنا سمعنا عن العادات الذرية، وكلنا عارفين إن التسويف وحش.. طب ليه لسه حياتنا ملخبطة؟ لأننا بناخد "معلومات" متفرقة، ومحدش ادانا "الخطة" اللي تربط كل ده ببعضه.

عشان كدة كتبت The Self-Development Blueprint. الكتاب ده مش مجرد تجميعة معلومات.. ده "Blueprint" مخطط هندسي أو "روشتة متكاملة" بتجاوبك على الأسئلة اللي الكتب التانية سابتها متعلقة:
١- إزاي أطبق تقنيات الإنتاجية من غير ما يجيلي احتراق نفسي؟ (عشان كدة دمجت فصول الصحة النفسية والتدوين والتأمل مع فصول الشغل).
٢- إيه الأدوات اللي تساعدني؟ (مش بس بقولك نظم وقتك، أنا حاططلك الـ Tools والتطبيقات اللي تحملها وتشتغل بيها فوراً).

٣- إزاي أعمل روتين يخصني أنا؟ (مش روتين الـ 5 صباحاً اللي مبيناسبش كل الناس).

أنا غايب عن المعرض بجسمي، بس روحي وتجربتي ومجهود سنين موجودين بين دفتي الكتاب ده.

الكتاب ده هو الخلاصة اللي أنا بستخدمها دلوقتي وأنا في الغربة عشان أقدر أوازن بين شغلي، ومذاكرتي، وحياتي.

الكتاب متاح في معرض القاهرة الدولي للكتاب في جناح كتبنا -A43 صالة 1
دا مش مجرد كتاب.. دي القطعة اللي كانت ناقصاك عشان الصورة تكمل.

الكتاب متاح في معرض الكتاب بجودة عالية ملون ومتاح كمان نسخة الكترونية بتتبعت pdf ❤️

لو عايز تعرف معلومات اكتر عن الكتاب ، ابعتلي رسالة

يبدأ التعافي عند تمام وكمال التسليم ..

تمام التسليم لربنا واعترافك بضعفك وإنه هو الوحيد القادر إنه يشفيك ويهديك ويغير حالك ويعينك علي الطريق للوصول ..

التسليم وإدراكك بمدي ضعفك وإنهزامك ..

مش تسليم بس لأ .. تسليم وقبول ..

السؤال هنا : هل انت شايف انك كل مرة لما بتقسو علي نفسك وتحتقرها وتعاقبها وتحس بالذنب والندم وتجلدها اكتر واكتر .. هل انت شايف إن دا جايب نتيجة ؟!! 😅

هل شايف انك لما بتجلد نفسك ومش بتدي لنفسك اي قسط من الراحة ولا حاولت ترتاح او تفصل بأي نشاط فبتجلد نفسك حتي وانت بترتاح وشايف انك ضيعت الوقت !

هل انت شايف إن دا صح وجايب نتيجة ؟

طب ليه الواحد بيراكم ضغوطات ومشاكل ويكتم في مشاعره بدون أي طريقة للتنفيس عن دا ؟

ليه بتستغرب إن دا بيظهر علي هيئة نوبات غضب شديدة أو Burnout او بت collapse تماما !!

Your Mental health is a top priority.

معرفة ازاي تتعامل مع التوتر والقلق والضغوط وإدارة المشاعر والتنفيس عن الضغوط دي بصور صحية مختلفة هي مش رفاهية !!

هي Basic life skills to surive
To keep going..
To enjoy and live a fulfilling life ..

محتاجة مجهود وتطبيق والتزام ومتابعة واستمرار ..
تجربة .. معرفة أفضل الطرق المناسبة ..
هتقع عادي ..هتكسل اوقات ..
بس هتدرك إن المجهود والتعب والصبر والالتزام دا يستحق 🥹❤️