Deyar

كتير من الأهالي مُلاك الأراضي السكنية بيغفلوا مرحلة من أهم مراحل الإنشاء
خصوصاً لو شغالين بجهود ذاتية من غير مهندس متابع و مسئول
و خطورة المرحلة دي انها مترتب عليها كل اللي بعدها و لو فيها خلل يبقى كل المجهود المبذول رايح على الفاضي
المرحلة دي هي مرحلة إختبارات التربة و مايترتب عليها من أعمال
ممكن يكون المالك مهتم جداً بالمبنى من ناحية ال safety كمُنشأ
لكن مش واخد باله هو بيأسس على إيه
ماعملش جسات و ماعرفش نوع التربة على عمق كافي و التدرج بتاعها
ماعرفش التربة بتاعته تستحمل المنشأ بتاعه ولا محتاجه إحلال
طب الإحلال ايه متطلباته و طريقة تنفيذة عشان دي مرحلة خطيرة جداً الغلطة فيها بفورة
طب الإحلال مجدى و لا الحالة دي محتاجة شغل أعمق و محتاجة deep foundation
كل دي نقاط هامة و تخصصية لا بد من وجود متخصص لضمان الإلمام بجميع عوامل الأمان و بطريقة تنفيذ سليمة و إقتصادية في نفس الوقت