GCM AUTO

رجع عربيتك فبريكة

GCM AUTO

معلومة علي الماشي 👌👌
دي صورة توضيحية بتقولك امتي بستم طلمبه البنزين الاماميه يتغير و امتي تقدر تصبر عليه شوية، و امتي الضرر بيكون تعدا مرحلة البستم و دخل في مرحلة تغيير الطلمبة بالكامل و كذلك عمود الكامة 😳😳

Stage 1 SAFE
ودي المرحلة الي بيكون فيها وضع البستم أمن و تقدر تمشي بيه مع مراعاة الكشف عليه مع كل غيار زيت

Stage 2 CHANGE
مع اختفاء الطبقة العازلة الي موجودة علي البستم من فوق (الطبقة السوده) كده بيكون انسب وقت لتغيير البستم و الانتظار اكتر من كده مش صحي أبداً

Stage 3 CAM FAILURE
المرحلة ٣ هي اول مرحلة في الخطر او بمعني اصح بيكون حصل ضرر في عمود الكامة ولابد من تغيير البستم في الحال و الكشف علي وضع عمود الكامة

Stage 4 PUMP & CAM FAILURE
دي مرحلة الضرر الكلي الي يستوجب فيها تغيير الطلمبة الامامية و البستم و كذلك عمود الكامة او بمعني اصح تغيير Header علوي للموتور بطلمبة البزين بتاعته و البستم

GCM AUTO
خدمتنا
📌اعمال تكييف
📌اعمال كهرباء
📌اعمال سمكره
📌اعمال دهانات
📌اعمال عفشه
📌كشف بجهاز اعطال وتكويد
📌عمرة فتيس
📣يوجد ضمان علي قطع الغيار
📞01091431432

المركز الألماني

إتطمن على عربيتك

ده ريفيو سريع عن فولكس فاجن باسات B6

ده الجيل السادس من باسات انا بحبها بشكل شخصى نزلت فى ٢٠٠٦ لحد اول ٢٠١١ و العربية نجحت بشكل كبير وقتها عشان شكلها و سعرها و التكنولوجيا اللى فيها و عائلية و فخمه و يعتبر من انجح الموديلات لحد دلوقتى و ماسك سعر

- نزلت بمواتير مختلفة

من ٢٠٠٦ لحد اول ٢٠٠٩
بموتور ١٦٠٠ سي سي FSI / ٤ سلندر / ١١٥ حصان
فتيس ٦ سرعات عادى مش كلاتش

من ٢٠٠٩ لحد ٢٠١١
موتور ١٤٠٠ سي سي TSI تيربو / ٤ سلندر / ١٢٢ حصان
فتيس DSG7 ٧ سرعات ديوال كلاتش

نزلت ب ٤ فئات و فى منها مانيوال ٢٠٠٦ بس قليلة

( Baseline , Midline , Highline , Comfort-line )

#مميزاتها : عربية شكلها شيك و فخمه ، عائلية ، اعتمادية لو محافظ على الصيانات بانتظام ، الخامات و التقفيل كويسة جداا ، صالونها واسع و شنطتها كبيره و ارتفاع السقف كويس ، اوبشنز كويسة جداا بس مش قبل الهاى لاين فيها ( فتحة سقف ، فوانيس زينون - فرامل يد كهرباء ، كراسى كهرباء ، سخانات و مساج ، ١٠ ايرباج ، مالتى فانكشن ، مثبت سرعة ، بلوتوث ، تكييف تاتش Dualzone ، سينسور بارك ، ابانوس ، حساس ضغط الكاوتش ، ستاير جانبية و خلفية ، رشاشات فوانيس ، جنوط ١٧ ) ، من بعد ٢٠٠٩ تزيد عن الموديلات اللى قبل كده ( عدادات و طاره مختلفة ، اوتوبارك ، كاسيت تاتش ، دخول بدون مفتاح ، بلوتوث ، حساسات ٣٦٠ درجة) ، صاجها ممتاز ، وسائل الامان ممتازه ، انظمه فرامل كويسة جداا ، ثباته على الطريق سرعات العالية و الملفات ، عفشتها مريحة مش ناشفة ، تكييف كويس ، استهلاكها ممتاز للبنزين ، قطع غيارها متوفره و اسعارها متوسطة و الصيانات بره التوكيل معقولة جدا ، العزل كويس ، اعاده بيعها كويسة لو حاله

#عيوبها : موتور ضعيف على حجمها المفروض بالتالى تجميعها بطىء فالاول و بتفتح بعد كده ، ال١٤٠٠ مع فتيس الDSG7 افضل كتير هى عربية مش جراية خالص اداءها كويس ، فتيس الDSG7 له طقم دبرياج بيتغير كل فتره طويلة بس مكلف ، الميكاترونيك ممكن تبوظ فى اى وقت ، دوره التبريد محتاجة متابعة و اهتمام على طول و بالزيوت و يفضل بنزين ٩٥ عشان طرمبه البنزين و التيربو ، الحساسات كتير طبيعى كل ما الرفاهية بتزيد

#اسعارها : من ٢٠٠٦ لحد ٢٠٠٨ من ١٦٥ الف لحد ٢٢٥ الف و من ٢٠٠٩ لحد ٢٠١١ من ١٨٠ الف ٢٤٠ الف حسب الموديل و الحاله و فى ناس بتطلب ٢٦٠ و ٢٨٠ و ٣٠٠ الف بس هما احرار بس مش واقعى

استفاد من خبرتنا ؟
ده ريفيو سريع عن سكودا اوكتافيا A5

الA5 نزلت من ٢٠٠٥ لحد اول ٢٠٠٩ و من اخر ٢٠٠٩ فانتازيا لحد ٢٠١٣ عربية ناجحة جداا و حققت انتشار كبير و ماسكة سعر عن الA7 لحد دلوقتى

- نزلت بكذا موتور بس الاغلبية MPI و ال TSI قليل اوى و فئه واحده بس P1 اول فئه فى ٢٠٠٩ و ٢٠١٣
و فى منها مانيوال فئه واحده

- ١٦٠٠ سي سي MPI / ٤ سلندر / ١٠٢ حصان
- فتيس ٦ نقلات استبترونيك
- ١٤٠٠ سي سي TSI تيربو / ٤ سلندر / ١٢٢ حصان
فتيس DSG7 ٧ نقلات
نزلت ب٤ فئات و فى خليجى ( بيزلاين ، تانى فئه ، هاى لاين ، اليجانس )

#مميزاتها : عربية اعتمادية لو محافظ على الصيانات بانتظام مفيهاش مشاكل جوهرية يعنى الموتور و الفتيس مفيهومش مشاكل ، عائلية جدا ، الخامات و التقفيل كويسة جداا ، صالونها واسع و شنطتها كبيره و ارتفاع السقف كويس ، اوبشنز كويسة جداا بس يفضل مش قبل الهاى لاين فيها ( فتحة سقف ، فوانيس زينون ، سخانات كراسى ، فرش جلد على قماش ، شاشة اعطال ، ١٠ - ١١ ايرباج ، مالتى فانكشن ، مثبت سرعة ، بلوتوث ، كاسيت تاتش ، تكييف تاتش Dualzone ، سينسور بارك ، حساس ضغط الكاوتش ، رشاشات فوانيس ، جنوط ١٧ ) ، صاجها ممتاز ، وسائل الامان ممتازه ، انظمه فرامل كويسة جداا ، ثباته على الطريق سرعات العالية و الملفات ، عفشتها معقولة مش ناشفة ، تكييف كويس ، استهلاكها معقول جداا للبنزين ، قطع غيارها متوفره و اسعارها كويسة جداا ، العزل كويس ، اعاده بيعها سهلة

#عيوبها : تكاد تكون مفيش حاجة قوية هى عربية مش جراية اوى بس اداءها معقول ده ال١٦٠٠ مش ال١٤٠٠ ، الفتيس لازم الاهتمام بتغيير الزيت عشان فى ناس بتقول مش بيتغير خالص و مش اى حد بيغيروا ، دوره التبريد عموما محتاجة متابعة على طول ، كمبرسور التكييف ساعات بيبوظ ، فيها حساسات كتير طبيعى عشان الاوبشنز و وسائل الامان و انظمه الفرامل

#اسعارها : تتراوح ال٢٠٠٥ لحد ٢٠٠٩ من ١٤٠ لحد ١٩٠ الف. الفانتازيا من موديل اخر ٢٠٠٩ ل ٢٠١٣ من ١٦٥ الف لحد ٢٦٥ الف حسب الموديل و الفئه و الحاله و مانيوال ولا اتوماتيك

اتمنى اكون افدكم و مطولتش عليكم 🙏

ده ريفيو سريع عن اودى A4 الجيل الخامس B9

الجيل ده الخامس من اودى A4 نزلت من ٢٠١٦ لحد دلوقتى و العربية منتشرتش بشكل كبير كالعاده عشان الوكيل سمعته صعب اوى و اسعارها بتكون عالية و مش اى حد بيركبها " بغض النظر عن حمو بيكا طبعا " بس هى فئه معينه اللى بتشتريها. هى بتنافس BMW 3 Series و Mercedes benz C-Class

- نزلت بموتور واحد فى مصر هو ١٤٠٠ سي سي تيربو TFSI / ٤ سلندر / ١٥٠ حصان
فتيس S-Tronic اللى هو DSG7 ٧ سرعات بس تبريد زيت Wet مش Dry يعنى مفيهوش مشاكل

كانت نزلت ب٣ فئات اول سنتين ٢٠١٦ ، ٢٠١٧ و لاكشرى و سبورت و الS-line كانت تقريبا ب٩٥٠ الف جنيه تيجى تبيعها دلوقتى ب٥٥٠ و ٥٤٠ الف و اقل كمان
دلوقتى فئتين بس لاكشرى و سبورت الاعلى فئه

#مميزاتها : عربية شكلها شيك و فخمه و فى نفس الوقت رياضية ، تبلوه شيك جدا و خامات عموما ممتازه فيها ، موتور الTFSI الجديد مشاكله قليلة عكس الجيل اللى قبليها كان بيبخر زيت و بيكسر بساتم ، هتكون اعتمادية لو محافظ على الصيانات بانتظام ، صالونها واسع و شنطتها كبيره و ارتفاع السقف كويس ، اوبشنز ممتازه جداا فيها كل حاجة ( فتحة سقف ، فوانيس ليد و زينون ، شاشة Infotainment ٧ بوصه ، كراسى كهرباء ، سخانات و مساج ، ٦ ايرباج ، مالتى فانكشن ، مثبت سرعة ، بلوتوث ، تكييف تاتش Dualzone ، سينسور بارك امامى و خلفى 360 درجة ، اوتوبارك ، اضاءه داخلية بالوان مختلفة Ambient Lights ، خاصية Start & Stop ، كاميرات ، حساس ضغط الكاوتش ، جنوط ١٧ ) ، صاجها ممتاز ، وسائل الامان ممتازه ، انظمه فرامل كويسة جداا ، ثباته على الطريق سرعات العالية و الملفات ، عفشتها مريحة مش ناشفة ، تكييف كويس ، استهلاكها ممتاز للبنزين ، العزل ممتاز
من الاخر هى كعربية حلوه جداا

#عيوبها : تكاد تكون مفيش عيوب جوهرية ظهرت لحد دلوقتى ، سعرها غالى و بتخسر فى اعاده البيع جامد اوى ، بيعها تقيل جداا ، اسعار و توافر قطع الغيار بتبقى صعب جداا و غالية جداا

#اسعارها : مستعمل من اخر ٢٠١٦ لحد ٢٠١٧ من ٤٤٠ الف لحد
٥٥٠ الف و من ٢٠١٨ لحد ٢٠٢٠ من ٥٨٠ الف ٦٦٠ الف